Job kaise search kare

0
619

Job kaise search kare

Agar aapne graduation complete karli hai aur aap job search kar rahe hai par aapko yeh nahi pata ki job kaise search kare aur kaha search kare toh is article ko padhe.

Naukri dhundhe ke tarike

Online job portal Nauakri.com par profile kaise banaye

Online job portal Naukari.com par vacancy kaise dekhe aur apply kaise kare

Online job portal Indeed.com par profile kaise banaye aur naukri kaise apply kare

Naukri dhundhe ke kuch tarike

  1. Online Job portals
  2. Official websites/social media handles
  3. Employemnt newspapers

1.Online Job Portals

Jabse internet ka reach badha hai tab se internet ke madhyam se search karna bahut asan hogaya hai. Ab naukri bhi ghar baithe internet se dhundhi jaa sakti hai.

Internet par naukri dhundhne ka sabse asan tarika hai ‘Online Job portals’.

Job portals kya hote hai

Job portal ek ais platform hai jaha par naukri dhundhe wale aur naukri dene walo ko connect karta hai. Job portals agent ki tarah hote hai jaha par har company job openings post karti hai. Ye ek bahut asan tarika par ghar baithe naukri search karne ka. In job poratls par lakho job openings hoti hai har shehar ki jise asani hai apply kiya ja sakta hai.

Top online job portals in India

In job portals ke through zaydatar private jobs ke liye apply kiya jaata hai. Job portals job apply karne ke liye sabse pehle aapko CV banana hota hai  joh aap online upload karte hai taki recruiters aapka CV dekh sake.

Ek accha CV kaise banaye uske liye upar diye gaye section me jajye aur apna CV banaye.

CV banane ke baad agla step hota hai ki online job portals par apna job profile banana. Ye profile aapki pehnchan hot hai. Recruiters aapki profile dekh ke hi aapko naukari ke interview ke liye shortlist karte hai. Toh aapka job portal ka profile bahut important hota hai aur isko bahut acche se banana hota hai.

Naukri.com par apna job profile kaise banaye?

Aap web browser khole aur type kare “google” aur enter key press kare

  • Google me type kare ‘naukari.com’
  • Website (www.nauakri.com) ke link par jaye aur website ko khole
  • Register Now par click kare

I am Fresher/Professional par click karne ke baad Personal details fill kare

  • Full Name – eg: Neha Rawat
  • Email id: – eg: [email protected] Ek important baat dhyan rakhe – Kabhi bhi unprofessional email id na banaye jaise ki [email protected] ya [email protected] Email id bahut hi professional rakhe – apna naam aur numbers ka use kare)
  • Password – 6 characters ka daale
  • Phone number (9874561234) – Phone number vahi de joh aap currently use kar rahe ho.
  • Current location – Jis city me currently aap reh rahe ho.
  • UPLOAD RESUME par click kare aur CV ya Resume ko Word ya PDF format me     upload kare

Register par click kare

Profile ka successful registration hone ke baad next tab me apni education details fill kare.

Highest Qualification: Joh aapne latest padhai ki hai. Iske andar

  • Course: Course ka naam eg: B.A.
  • Specialization- Course ki specialization eg. B.A. in Arts & Humanities
  • University Name: eg: Delhi University, Bihar University
  • Course type – Full time/Part time/Correspondence( Open)   
  • Passing year: Kis saal me complete kia vo year daale
  • Skills: Aapko kya kya aata hai jaise computer, Excel, Organizing, Sales etc… (Skills kuch bhi ho sakti hai)

Continue par click kare

Continue click karne ke baad aapka basic profile save hojata hai

Ab next aapko kuch aur details fill karni hogi jaise ki:

Educational details(isme aapko College, 12th aur 10th ke baare me saari details fill karni hogi)

  • Grading system: Iska matlab hota hai ki marks kis tarah diye jate hai- percentage (%) ya CGPA
  • Total marks (3 saal ke total marks)
  • College ka naam aur city ka naam

Iske baad Senior Secondary aur Higher Secondary ki details fill karni hoti hai:

  • 12th: Board ka naam, Marks, Passing Year aur Medium of School
  • 10th: Board ka naam, Marks, Passing Year aur Medium of School

Iske baad aapko Personal details fill kare

  • Current Location: Jaha aap currently reh rahe ho us shehar ka naam fill kare
  • Gender: Male ya Female me se ek par click kare
  • Hometown: Apne hometown ka naam likhe
  • Date of Birth: Day/Month/Year format (eg: 25/12/1998)

Iske baad aap Work Preference fill kare

  • Aap kaisi job chahte hai(Specify your preference) – Full time/ Part time/ Internship (In teeno option me se ek select kare)
  • Aap kab kaam karna shuru Kar sakte hai(When you can start working): Immediately ya kuch time baad. Agar kuch time baad toh Month aur Year fill kare joining ka
  • Preference location: Aap kis locations me kaam karna chahte hai aap vo location choose kar sakte hai. Aap 10 locations tak choose kar sakte hai.

Iske baad aap Internship details fill kare

Agar aapne internship kar rakhi hai to is column ko fill kare (*agar nahi kar rakhi toh ise blank chodh de)

  • Company ka naam jaha aapne internship kari hai
  • Duration: Kitne time ke liye kari hai
  • Details: 1000 words me explain kare ki aapne internship me kya kaam kiya aur kya seekha.

Ye sab details correctly fill karne ke baad

Submit and continue with naukari registration par click kare

Upar batayi gayi saari information ko sahi se fill karne ke baad naukari.com par aapka registartion hojata hai.

Iske baad Profile picture upload kar sakte hai. Dhyan rahe ye profile professional use ke liye hota hai toh picture bhi passport size photo honi chahye. Photo upload karne ke baad

  • Describe your professional background in one line: Ye one line aapko describe karti hai joh automatically naukari.com aapko suggest karta hai aapki di gayi details ke basis par. Ye aap change bhi kar sakte hai par agar aapko nahi pata ki kya likhe toh aap website drwara suggested line use kar sakte hai.
  • Industry: Aap choose kar sakte ki aapko kis industry me kaam karna hai
  • Functional Area: Aap kis department me kaam karna chahte hai ye bhi aap choose kar sakte hai
  • Role: Aap apna job role bhi select kar sakte hai. Agar aapke pass koi past work experience nahi hai toh Fresher/Trainee select kare.
  • Preferred work location: Aap top 3 preferred location kaam karne ki choose kar sakte hai
  • Desired job type : Pakki naukari dhundh rahe hai to permanent par click kare. Agar contractural naukari dhundhe rahe hai to Temporary/Contractural par click kare job aur agar dono hi dhundh rahe hai toh Both apr click kare
  • Desired Employment Type: Full time/Part time/Both me se ek par click kare  

  • IT skills: Agar aapki koi computer skills hai to unko add kare.

Eg: Agar Excel aata hai to Skills me Excel add kare, kis version par excel par kaam            kiya hai vo likhe aur kitne saal ka experience hai us skill me vo likhe.

  • Date of birth (Date/Month/Year)
  • Gender: Male ya Female
  • Marital status: Aap apne status ke hisab se choose kare
  • Mailing Address: Aapna current address likhe City aur Pincode ke saath

Select where you are authorized to work

*Ye section sirf un logo ke liye hai joh videsh me naukari karna chahte hai.

Agar aapko videsh me naukari karne ka permit hai to aap 3 locations tak add kar sakte hai.

Ye saari details sahi se fill karne ke baad Submit par click kare.

 

Submit karne ke baad aapka naukari.com par profile ban jayga. Apna naukari profile dekhne ke lie My naukari par jaaye. Iske baad Edit Profile par click kare.

Isme aap aur details bhi edit kar sakte hai taaki aapka profile aur acha ho sake jisase naukari dhundhne me asani hogi.

  • Apna phone number aur email id zarur verify kare taaki recruiters aapko call aur mail kar sake job openings ke liye.
  • Edit profile me aap bahut saari details add kar sakte hai jaise ki Expected salary (aap kya salary expect kar rahe hai)

 

Naukri.com par job search kaise kare aur apply kaise kare ?

Naukri.com par profile banane ke baad ab hum dekhenge ki online job search kaise kare aur uske baad un jobs ke liye apply kaise kare.

Sabse pehle apne naukari.com ke profile par login kare apna email id aur password daalke.

Uske baad Jobs par click kare

  1. Job ly Location (Jis bhi city me job karna chahate hai vo city select kare)
  2. Job by Skill (IT/ Non-IT Skills me se skill select kare)
  3. Job by Designation (Job role ke hisab se select kare)
  4. Job by Company (Specific company me job ke liye company select kare)
  5. Job by Category (Industry/Functional area specific select kare)
  6. All Jobs (sab jobs dekhne ke liye All jobs select kare)

Upar diye gaye list me se aap apne hisab se asani se naukari search kar sakte hai.

Left side me kuch Filters bhi jinhe use kiya jaa sakte hai jaise ki job search ko aur specific banane ke liye. Filters apply karne ke baad filters me choose kiye gaye field se hi job openings display hoti hai.

  • Top Companies (Tata/Reliance/Wipro/HCL)
  • Location (Delhi/Delhi&NCR/Mumbai/Pune)
  • Education (B.A./B.Tech/Any graduate/Any Postgraduate)
  • Industry (Advertising/IT/Banking/Insurance)
  • Employer type (Company Jobs/ Consultant Jobs)
  • Salary (0-3 lakhs, 3-6 lakhs, 6-9 lakhs)

Sab filters lagane ke baad displayed list me se aap jobs dekh sakte hai aur apne experience aur interest ke hisab se jobs apply kar sakte hai.

Kisi bhi job ko apply karne se pehle uska Job description (JD), eligibility aur company profile ache se padh le aur uske baad hi Apply par click kare. Agar aapko lagta hai job apki skills aur interest se match karti hai toh us job ke liye tab hi apply kare. Aap kitni bhi jobs ke liye apply kar sakte hai free me.

Application Status:Agar aap apni applied jobs ka status janana chahate hai toh My naukari me jaakar Application status par click kare. Application status me aapne jitni bhi jobs naukari.com par apply kari hai unki details aa jati hai ki recruiter ne application dekhi ke nahi.

Iske alava naukari.com bhi khud se jobs suggest karta hai jisko aap Job recommendations me dekh sakte hai.

2. Official websites aur social media handles par job search kaise kare

  • Companies ki official websites check kare. Companies job openings ke baare me apni website par posting karti hai. Aap directly company ki official website par jaakar search kar sakte hai. Generally, job openings – careers, join us, job jaise tabs me hoti hai.
  • Companies apne social media accounts jaise ki Linkedin, Twitter, Facebook, Instagram par bhi job openings post karti hai. Iske liye aapko regularly social media accounts check karne hoge taaki aapko job posting ke baare me pata chal sake.

3. Employment Newspapers and websites par job search kaise kare

  • Ascent (Newspaper by Times of India)
  • Shine Jobs (Newspaper and website by Hindustan Times)
  • Employment News  (Newspaper and website by the Government) :Government website hai jaha sarkari jobs openings ki notification aati hai. Iske alava weekly newspaper bhi ata hai Employment news ke naam se jaha yahi saari job notifications hoti hai.

 

 

LEAVE A REPLY

Please enter your comment!
Please enter your name here