Home Skill Develop Kare Personality Development

13 Effective Tips to Improve Public Speaking in Hindi

Improve Public Speaking

Iss blog ke zariye hum aapko Public Speaking improve karne ke kuch important tarike batane wale hai. Public speaking na kar pane ka sabse bada karan fear of public speaking yani public speaking ka dar hota hai. Chahe language English ho ya Hindi ya koi aur, logo ka sabse bada dar samne baithi hui audinece hota hai jisse nervourness matlab ghabrahat hone lagti hai. Jab bhi koi presentation hota toh hum bohut nervous ho jaate aur presentation ko jald se jald khatam kardene ka sochte hai. Kabhi kabhi dimag band ho jata hai aur word ya toh nikal nhi paate ya fir hum kuch aisa bolne lagte hai jiska koi sense nhi hota. Aisi aur kayi problems Par sirf is reason se hum public aana kaafi natural hai aur aap akele nhi hai. Par iss reason se hum public speaking ko avoid nahi kar sakte.

Public speaking ek art aur ek science hai, jisko seekhne se bahut faida hota hai. Public speaking skills ya presentation skills ek aisi skill hai jo aapki personality mai, aapke career mai, aapke professional ya student life mai bahut bada role play karti hai. 

Par ab public speaking ki importance janne ke baad mai ise ek opportunity ki tarah dekha jata hai. Logo ke age bina dare baat karne ke liye aapko public speaking skills ko seekhna, samjhna aur janna bahut zaroori hai. Jitna zyada aap in skills ko seekhenge utna zyada aap mai confidence aajayega.

Agar aapko sabke saamne baat karne se ya presentation dene se dar lagta hai toh ab is dar ko bhool jayiye, kyuki hum aapko public speaking ke baare mai poori information denge.

Is article ke zariye hum aapko batayenge ki

  • Public speaking kya hai?
  • Public speaking improve karne ke kya benefits hai?
  • Overcoming the fear of public speaking: Public speaking ka fear overcome kaise kare?
  • Effective tips to improve public speaking: Public speaking skills ko kaise improve kare?
  • Public speaking ke online courses ke bare mai jaaniye

Public speaking kya hai?

Public speaking business, education aur public arena ke liye important hai. Public speaking individual aur business dono ke liye beneficial hai. 

Ab aap soch rahe honge ke public speaking kya hai? Basically, public speaking ka matlab hai live audience ke saamne presentation dena. Isme presenter aur audience ke beech mein ek formal ya informal communication hota hai. Public speaking formal, face-to-face, individual ya group ke saath ho sakta hai. Aap apne thoughts aur feelings ko meaningful tareeke se dusro ke saamne present karte hai.

Public speaking ne saalo se education, government aur business mai ek bahut bada role nibhaya hai. Sahi techniques aur practices use karke aap ek confident aur effective public speaker ban sakte hai. Aapne apni life mai kabhi na kabhi toh presentation diya hi hoga, chahe who school mai ho, ya office mai, ya aapke family members ke saamne, ya aapke friends ke saamne. 

Jaise jaise aap life mai aage badhte hai aapko public speaking ki importance samajh aati hai. Life ke har stage pe aapko dusro se communicate karna padhta hai otherwise aap aage nahi badh paate. Aapke communication skills achi nahi ho toh aapko koi job nahi deta, aapke koi dost nahi bante na hi aapko apni society mai value mil paati hai. 

Public speaking 3 types hai. Ek hai informative speaking jisme aap apni audience ko information dete hai. Dusra hai persuasive speaking jismai aap apni audience ko influence ya persuade karte hai. Aur teesra hai Entertaining speaking jisme aap apni audience ko entertain karte hai. Ab mai aapko public speaking ke baare mai aur detail mai bataaungi. 

Public speaking improve karne ke kya benefits hai?

Itni competitive duniya mai yeh bahut zaroori hai ke humare andar convincing power ho. Iska matlab yeh hai ke hum apni baato se logo ko influence kar paaye, unhe persuade kar paaye, aur convince kar paaye. Agar humare andar bahut saare logo ko ek saath convince karne ki skill hai, toh hum is competitive duniya mai aage badh sakte hai aur apni life mai successful ban sakte hai.

Public speaking ne hazaro logo ke career development mai bahut madad ki hai. Aap life mai jo bhi karna chahte hai kahi na kahi public speaking ka usme bahut bada role hota hai. 

Bahut se successful businessmen, leaders, influencers apne public speaking skills ki wajah se successful ban paaye hai. Jaise ki Nelson Mandela apne speeches aur speaking skills se logo ko inspire aur encourage karte the aur subke liye ek role model ban gaye. 

Toh aayiye dekhte hai public speaking skills humare career aur professional life ke liye kyun zaroori hai.

  1. Public speaking se aap logo ko apni knowledge bataa paate hai

Aapke ache public speaking skills se hi aapke colleagues, friends ya mentors aapke talents aur knowledge ko jaan paayenge. Jab logo ko aapki knowledge ka pata chalega tab hi who aapki value karenge aur aap apne career mai successful honge. Public speaking se aap apni knowledge ko bhi increase kar sakte hai. Jab aap koi presentation prepare karte hai toh aapko us subject ki poori knowledge milti hai jiski wajah se aapko us subject ke baare mai poori jaankaari ho jaati hai aur aapki knowledge badh jaati hai.

  1. Aapka confidence badta hai

Presentation dene se aapka confidence badh jaata hai aur dusro ko aapke confident nature ka pata chalta hai jisse aapka ek acha impression ban jaata hai. Jisko public speaking ki art aati ho uske baat karne ke tareeqe mai ek confidence nazar aata hai jiski wajah se aapki personality develop ho jaati hai.

  1. Interviews mai success pane public speaking skills ko improve karna important hai

Jab bhi aap kahi interview dete hai, public speaking ek important role play karta hai. Aap experts ke saamne kitne confident hai aur interview kaise dete hai, isi par aapka selection hoga. Agar aapki speaking skills achi nahi hai toh aapko job milne mai aur career mai aage badhne mai problem ho sakti hai.

  1. Public speaking skills aapki personality development mai help karta hai

Log aapko aapke behaviour aur personality se like ya dislike karte hai. Agar aap ki personality strong hai, aap confident hai, honest hai, aur aapko situations ko handle karna aata hai toh aapki value badh jaati hai. Agar aap ek confident public speaker ban jaaye toh aapki personality development mai bhi faida hoga. Public speaking se aap live audience ke saamne baat karte hai aur apna view point rakhte hai jiski wajeh se aapke communication skills improve hote hai.

  1. Aapka business bhi jaldi grow karega

Ache public speaker ka confidence high hota hai jo business ke liye kaafi zaruri hai. Aapke business ke liye public speaking skill isliye zaruri hai kyuki aap apne customers tak apna message successfully pahucha sakte hai. Aap apne customers ko influence aur persuade kar paate hai aur apna sales badhaa sakte hai.

  1. Aapki alag pehchaan banaata hai

Agar aapki public speaking skills achi hai toh aapko zyada recognition milti hai. Aapko apni company, college ya school mai zyada chances milte hai bolne ke, aapki pehchan badh jaati hai aur aap logo ki achi nazroo mai aate ho, log aapko janne lagte hai aur aapko yaad rakhte hai. Audience ko face karna ek risk ka kaam hai jo har koi nahi kar paata. Agar aap public speaking ki skills aur techniques seekh jayenge toh aap life mai risk le paoge. Jo har koi nahi kar paata woh aap kar paaoge jisse aapki self-image aur self-respect aur strong ho jati hai.

  1. Aapko har field mai opportunities milti hai

Public speaking ek aisi skill hai jiska faida har field mai, har area mai aur har position pe hota hai. Isliye public speaking skill aapke career profile ko aur strong banaati hai aur aapki job opportunities ka scope aur badha deti hai.

  1. Achi Public speaking skills aapke career advancement mai help karta hai

Jab aap dusro se baat karne ka talent jaan jaate hai toh aapka dusro pe impression acha banta hai. Aap apne career mai aage badh paate hai au aap life mai jo field choose karna chahte hai usmai aage badh paate hai. Aapko achi jobs milti hai ya achi university mai admission milta hai.

  1. Sabhi field mai zaruri hai achhi public speaking skills

Public speaking skills ki aapko har field mai zaroorat padh sakti hai aur aapki dusri skills ko bhi improve karne mai madad karta hai. Jaise ke leadership skills, communication skills aur aapka confidence improve ho jaata hai.

Fear of public speaking ko kaise overcome kare?

Fear of public speaking ko Glossophobia kehte hai. Fear of public speaking matlab sabke samne bolne ka dar hona. According to studies, logo ke mann mai sabse public speaking ka dar death se bhi zyada hota hai. Aapko kabhi stage pe jaane se, ya class ke saamne baat karne se ya interview dene se dar laga hi hoga. Har kisi ko kabhi na kabhi public speaking ya presentation se dar lagta hi hai, mujhe bhi laga tha. Public speaking ka fear hona normal hai. 

Public speaking ko improve karne ke liye pehle step hai ki aapko iska fear dur karna hoga tab hi aap ek successful speaker ban paayenge. Agar aap life mai aage badhna chahte hai aur apne career goal ko paana chahte hai toh aapko apne is dar ko dur karna hoga. Public speaking start karne ka pehla step hai iska fear dur karna isliye public speaking skills ko improve karne ke baare mai bataane se pehle mai aapko iska fear overcome karne ke techniques bataungi. 

Technique 1: Acceptance kare apne public speaking ka dar

Aapko accept karna hoga ke public speaking ka jo dar hai who common aur natural hai. Koi bhi public speaker ya presenter ho stage pe jaane se pehle who nervous hota hi hai. Sub hi famous personalities ne kabhi na kabhi is dar ko face kiya hi hoga. Jaise ke award winning actress, Julia Roberts ko public speaking se dar lagta tha, par unhone apne is fear ko overcome kiya aur aaj itni successful ban gayi. Agar Julia Roberts is dar ko overcome kar sakti hai toh aap kyun nahi? Is baat ko agar aap accept karlenge toh aapka confidence automatically badh jayega.

Technique 2: Reason jane public speaking ka

Aapko pata hona chahiye ke aap logo ke saamne baat kyun kar rahe hai ya aap apni audience ko kya bataana chahte hai. Ye aapko apne dimaag mai clarity laane mai madad karega. Agar aapko reason pata hoga ke ap public speaking kyun kar rahe hai, toh aapka dar kum hojayega aur confidence level badh jayega. Jab bhi aapki audience aapse kuch savaal puchegi aap uska confidently javaab de sakoge.

Technique 3: Visualize the success

Jab aap apne mind mai success ko visualize kar lete hai toh aapka mind reality aur imagination mai differentiate nahi karta. Apna presentation dene se pehle aapko apne mind mai imagine karna chahiye ke aapke presentation ko audience enjoy kar rahi hai aur aapke presentation ko appreciate kar rahi hai. Jab aap yeh sub visualize karenge toh aapka confidence automatically increase hojayega.

Technique 4: Belief 

Har kisi ka apna ek belief hota hai, kisi bhi cheez se related. Jaise koi lucky pen ya colour ya dress. Aisi koi bhi cheez aap presentation ke liye use kar sakte hai. Jisse aapke mind mai ek success factor paida hojayega aur aapka dar kam ho jayega.

Technique 5: Confidence

Aap jo bhi bole usko confidence ke saath bolna chahiye. Isse aapki galtiyo ka pata nahi chalta. Aapke presentation mai agar koi mistake ho toh bhi aapki audience ko iska pata nahi chalega agar aap apni baat confidently kahe. Par iska purpose apni galtiyan chupana nhi balki apni nevervousness aur anxitey chupana hai.

Technique 6: Learning

Aapko dusro ki speeches aur presentation se inspiration lena chahiye. Unke baat karne ka tareeka aur confidence ko note karke aap apna confidence badha sakte hai aur seekh sakte hai. Internet pe Ted Talks ko watch kare aur unse inspiration le sakte hai.

Agar aap apne public speaking skills ko improve karna chahte hai aur apna confidence badhana chahte hai toh Josh talks ke English speaking course se aapko bahut madad milegi.

Public speaking skills ko kaise improve kare?

Ab jab aap public speaking ki importance aur benefits ko jaan chuke hai, aur public speaking ka fear overcome karne ke tareeke bhi samjh chuke hai toh aap in skills ko improve karne ke baare mai sonch rahe honge. Toh mai aapko bataungi ke aap in public speaking skills ko kaise improve kar sakte hai. Jab bhi aap apne public speaking skills ko develop karna chahte hai toh aapko humesha kuch baato ka dhyan rakhna hoga, tabhi aap ek successful public speaker ban paayenge. Mai apne personal experience se baata sakti hu ke public speaking skills ko seekhna aur improve karna aapki life ko badal deta hai. 

Jab bhi aap apna presentation dein ya public speaking kare toh kuch best practices ko add kar sakte hai so that aapka presentation aur successful hojaye. Mai aapko public speaking skills ko improve karne ke tips batati hoon-

  1. Planning aur preparation puri rakhe

Aap jo bhi topic pe baat karna chahte hai aapko us subject ki poori knowledge honi chahiye. Aapke presentation ke liye aapko achi tarah prepare hona chahiye. Koi bhi presentation ya speech dene se pehle aapko apni speech ke notes bana lena chahiye. Jo bhi aap bolna chahte hai aap uske notes ko organize karle aur ek achi speech taiyyar kar le. Iske liye aap PowerPoint, Excel ya Word ka bhi istemal kar sakte hai.

  1. Khub Sari Practice kare

Presentation dene se pehle aapko usko ache se practice karlena chahiye so that aapko ache se yaad ho ke aap kya kehna chahte hai aur aapko bolne mai asaani hojati hai. Practice aapko humesha area of improvement ke liye improve kar deta hai. Aapka inbuilt confidence badhaata hai. Aapke skills, talents, presence sub increase kar deta hai. Apna presentation dene se pehle aapko 2-3 times practice kar leni chahiye.

  1. Non-verbal communication

Non-verbal communication ka matlab hai aapki body language, body posture aur aapka body movement. In sub gestures ka hume khaas khayal rakhna hoga. Aapki body language se audience ko aapke attitude ka pata chalta hai. Aapka body posture humesha straight towards the audience hona chahiye aur hands open rakhne chahiye. Audience ke saath eye contact banana aapke presentation ko bahut improve karega. Jab aap audience ke saath eye contact karte hai, tab aap unko apne presentation ke liye invite karte hai. According to the research eye contact 3-4 seconds ka hona chahiye.

  1. Confidence

Jab bhi aap presentation denge, aapka confident hona bahut zaroori hai. Apko apne dar ko overcome karna hoga aur apna confidence level badhana hoga. Jab aap audience ke saamne present karen toh subse important skill requirement hai confidence. Aapko apna confidence build karna hoga aur public speaking ka dar nikaalna hoga. 

  1. Apne comfort zone se bahar nikaliye

Ek baar aapka confidence apne comfort zone mai strong ho jaye, uske baad aapko apne comfort zone se bahar nikalna hoga aur apne aapko push karke public ke saamne speeches dete rehna chahiye taaki aapko in situations ki aadat ho aur aapka confidence aapke comfort zone ke bahar bhi strong ho jaye.

  1. Aapne presentation ko story ki tarah prepare kare

Agar aap apni speeches mai kuch points bhool jaate hai ya aapko yaad rakhne mai problem hoti hai toh aap apne presentation ko ek story ki tarah prepare kar sakte hai. Isse aapko sub kuch yaad rahega aur aap presentation dete samay kuch nahi bhoolenge.

  1. Public speaking skill ki training le

Agar aapko logo ke saamne baat karne se dar lagta hai ya aapko pata nahi hai ki public speaking skills ko kaise use karna hai toh aap bina dare training ya online course ki help le sakte hai aur apne skills improve kar sakte hai. Maine bhi public speaking online course ki sahayata se apne speaking skills improve kiye hai. Agar aap bhi apni public speaking skills ko improve karna chahte hai toh Joshtalks ka online Public speaking course Josh skills app download karke abhi join kar sakte hai. 

  1. Power of dressing

Jab bhi aap koi formal presentation de rahe hai apne audience ke saamne tab aapko formals pehenne chahiye. Aapka dress neat, clean aur modest hona chahiye naa ki overpowering.

  1. Samay se pehle pahoche: Arrive early

Jab bhi aap presentation dete hai toh aapko atleast 15 minutes pehle room mai hona chahiye. Tab hi aap apna audience presence aur room presence feel kar sakte hai. 

  1. Be Unique

Jab aap apne public speaking mai kuch alag karte hai, tab hi log aapko yaad rakhte hai. Jaise aap koi story suna sakte hai ya koi affirmation bol sakte hai ya koi fact bol sakte hai jisse logo ki nazro mai aap unique ban jaaye aur audience aapko yaad rakhe.

  1. Eye contact rakhe

Eye contact yani apni audience se aankh milana. Ye audience ko aapka self-confidence dikhayega. Isliye aapko pura dhyan ispe rakhna hai ki aap apni audience se aankhe mila rahe hai bolte waqt. 

  1. Humor ka use kare aur dusro ki ninda karne se bache

Ache public speaker ka bahut bada hathiyar hota hai humor. Humor aapko ek tense mahol ko light karne mai madad karta hai. Par humor ka use karne se pehle hume ye dhyan rakhna hai ki hum kisi ka publicly mazak na uda rahe ho. Aur hume dusro ki ninda karne se bhi bachna chaiye. Ninda karne se mahol negative ho jata hai aur audience bhi uncomfortable feel karti hai. Isliiye koshish kijiye ki aap apni speech mai dusro ki prashansa kar rahe hai na ki ninda.

  1. Know the reason for learning Public speaking

Aapko pata hona chahiye ke aap public speaking kyun seekhna chahte hai. Jaise ki job interview dene ke liye, ya logo se baat karne ke liye, ya apna confidence badhane ke liye. Aapko apna goal pata hona chahiye, tabhi aap successful ho sakte hai.

Online public speaking course in Hindi 

Public speaking seekhne ke liye aapko help ki zaroorat padh sakti hai. Agar aapko presentation dene mai ya logo ke saamne English mai baat karne mai problem hoti hai toh aap online courses ki madad le sakte hai. Aaj kal har field mai online courses available hai jisse aap apne talent aur skills ko develop kar sakte hai. 

Josh talks ke Public Speaking course ki sahayata se aap bhi ek safal public speaker ban sakte hai. Is course mai aapko public speaking ke basic skills ke baare mai samjhaya jaayega. Dusro se baat karne ke tareeke, apna confidence boost karne ka tareeka, presentation dene ke skills sikhaaye jaate hai. bahut logo ne is course mai enroll karke apne public speaking skills ko develop kiya hai. Agar aap bhi Josh talks ka public speaking course join karna chahte hai toh neeche diye gaye link ko click karen aur Josh skills app download karen.

Download Josh Skills App and start your learning journey today.

Josh talks ka English Speaking course aapko fluent English language bolna sikhaata hai. Agar aapki English speaking skills achi hogi toh aap public speaking mai bhi confident ho sakte hai. Agar aap English seekhna chahte hai toh upar diye gaye link ko click kare aur Josh talks ke English Speaking Course mai enroll ho sakte.

Toh yeh thi public speaking skills ke baare mai kuch important information. Ab toh aap samajh hi gaye honge ke public speaking ka humare jeevan mai kya role hai aur yeh skills seekhna kyun itna zaroori hai. Agar aap in tips aur techniques ko apni life ka part bana lenge toh aapki life asaan hojayegi. Aapko kabhi bhi kisi ke saamne sharminda nahi hona padega aur aap life mai aane wali har opportunity ko grab kar paayenge.

NO COMMENTS

LEAVE A REPLY

Please enter your comment!
Please enter your name here

Sikhe Nayi Skills aur Paye Apni Dream Job. Download Josh Skills App

X