internship kaise dhundhe

Kya aap bhi internship karna chahte hain magar samajh nahi arha ke kaise aur kahan se shuruwat ki jaye? Internship search karna ab aasan nahi hai. Isi kaam ko aasan bana raha hai internshala. Toh aaj is article mein hum baat karenge ke internship ke liye best platform yani internshala kya hai aur internshala pe account kaise banate hain?

Internshala kya hai

Aapne kayi bar suna hoga ke kaafi students aur job karne wale bhi internship dhund rahe hote hain. Internship naukri pane ke liye ek step hai jismein aapko ek limited period ke liye kisi company ya kisi organization mein kaam karna hota hai taki aap us kaam ko sikh sakein. Internshala ek aisa platform hai jahan aap apne skills ke anusar kisi bhi tarah ki internship pa sakte hain aur jis tarika ka kaam sikhna chahte hain uske liye apply kar sakte hain.

Internship search kare: Internshala pe account banaye

Internshala par account banane ke liye sabse pehle aapko Google par jaker type karna hoga www.internshala.com.

Iske bad jo sabse pehla result ayega uspe click karen. Click karte hi esi screen khul kar ajayegi –

Internshala account login register

Is screen pe aapko do options dikhenge, ek Login aur ek Register ka. Kyunki aap internshala par ek naya account bana rahe hain toh aapko Register par click karna hoga. Register par click karte hi aapko do option milega, ek register as student aur ek register as employer.

Hum yahan student ke liye account banane ki baat kar rahe hain toh aap register as student par click karenge. Click karte hi ek esi screen khul kar ayegi jahan aapko registration detail bharni hogi.

Internshala account registration

Is screen pe aapko account banane ke liye do options hain – ya toh aap sidha Google se login kar sakte hain ya fir aapko apna detail bharna hoga. Detail mein aapko –

Note – Yahan dhyaan rakhein ke aapki email id humesha professional honi chahiye

  • Password (For example) – 123@abc (Ye kam se kam 6 characters ka hona chahiye)
  • First name aur Last name (For example) – Neha Rawat

Ab aap “sign-up” par click karein. Click karte hi aapke email id par ek verification link jayega jiske liye aapko apna email account kholna hoga.

internship search ke liye internshala verification link

Email par aye hue verification link ko click karte hi aapka internshala account verify ho jayega aur ek naya screen khul kar ayega jo kuch esa dikhega.

internshala account personal details

Yahan aapko apni personal details daalni hogi jaise –

  • Name
  • Phone number
  • Current city – Yahan aap jis city mein rehte hain uska naam likhein.
  • Second city – Ye option jaruri nahi hai, aap isey chhod sakte hain.

Iske bad aap “Next” par click karein.

Next pe click karte hi ek naya page khulega jispe aapko apni internship preferences dalni hogi. Internship preference yani aapko jis kisi bhi field mein interest hai, jaise coding, marketing, research ya aur bhi kuch, toh aapko wo options select karne honge.

internshala account preferences

Yahan aap multiple options select kar sakte hain jo preference ke anusar hogi. In options ke just niche aapko internship ka type select karna hoga, yani aap Work from home/Part time job karna chate hain, Full-time ya fir dono karna chhate hain.

  • Work from home ka matlab hai apne ghar se hi kaam karna. Ismein aapko har din office nahi jana hoga, aap ghar se hi us kaam ko kar sakte hain.
  • Part time ka matlab hota hai, din ke kuch ghante kisi kaam ko dena. Ismein aapko apna pura din kaam ke liye nahi lagana hoga.
  • Full-time ka matlab hai aapko company ya organization ke office me jaker kaam karna hoga.

Agar aap in tino mein se work from home ya part time choose karte hain, toh aapko fir se city ka preference dalna hoga jahan se aap kaam kar sakte hain.

Iske bad aap “Save” par click karein. Ab ek naya page khulega, jahan apko apke choice ke according internship options dikhenge. Yahan se aap apne choice ke according internship search kar sakte hain. Screen ke left side mein ek bar hoga jahan se aap internship ki date aur duration yani kab tak kaam karna hai ye choose kar sakte hain.

internshala account

Iske alawa jo bhi apne preference aapne choose kia tha usko bhi edit kar sakte hain.

Internshala account pe profile kaise update karein

Profile update karne ke liye aapko page ke right side mein top pe apne profile ke section pe jana hoga, wahan aapko “Edit resume” ka option milega.

internshala account resume update

Edit resume pe click karte hi ek naya page khulega jahan aapko apni professional details dalni hogi.

Education detail

Sabse pehla column hoga educational detail ka. Education detail mein apko apni graduation detail, class 10th aur 12th ki detail, Post Graduation, Diploma, PhD se jude details bharne ka option diya gaya hoga.

internshala account education detail

Graduation detail

Agar aapne graduation kia hai toh aap graduation, 10th aur 12th tak ki detail daalein. Aur isi tarah aapne jo bhi degree ki hai wahan tak ki detail daalein.

Maan lijiye aapne graduation kia hai, toh aap graduation pe click karein. Wahan aapko “Pursuing” aur “Completed” do options ayenge. Agar aap graduation kar rahe hain toh “Pursuing” pe click karein aur agar aapne complete kar lia hai toh “Completed” pe click karein.

internshala account graduation detail

Maan lete hain ke kisi ne graduation complete kar lia hai, toh ab ye kuch details daalni hogi –

  • college ka naam
  • college shuru aur khatam hone ka year
  • degree

Degree yani kon si bachelor degree ki hai uska naam. Ye tino detail ke bare mein batana mandatory hoga.  Iske alawa aap graduation ki stream ka detail, percentage of marks ki detail bhi dal sakte hain.

Class XII detail

Ab aapko class XII ka bhi detail dalna hoga jismein sabse pehle aap completed pe click kar dein. Ismein aap batayenge –

internshala account 12th-min

  • Year of completion – 12th complete karne ka saal
  • Board – Kis board se 12th pass kia tha yani CBSE/ICSE etc.

Ye dono data dalna mandatory hoga.

  • Performance scale – Yani percentage ya CGPA
  • Performance – Yani 12th ke total percentage or CGPA
  • Stream – Matlab aap ne kis stream se padhai kia hai, science, arts or commerce
  • School – Yahan aap apne school ka naam likhein

Class X detail

Yahan aapko class 10th ki detail dalni hogi. Ismein bhi aapko class12th wale hi details daalne honge siwaye “Stream” ke.

internshala account 10th-min

  • Year of completion – 10th complete karne ka saal
  • Board – Kis board se 10th pass kia tha yani CBSE/ICSE etc.

Ye dono data dalna mandatory hoga.

  • Performance scale – Yani percentage ya CGPA
  • Performance – Yani 12th ke total percentage or CGPA
  • School – Yahan aap apne school ka naam likhein

Inke alawa aapne agar koi aur degree bhi li hui hai jaise PG, PhD ya Diploma toh aap uska bhi detail daal sakte hain. Iske bad aap “Next” par click karein. Ab ek naya column ayega “Experience” ka.

Experience

Yahan aapko batana hai ke kya aapke pas koi pehle ka internship experience ya job experience hai. Agar aapke pas koi internship experience hai toh aap uspe click karein.

internshala account experience-min

Internship ke liye aapko ye details daalna hoga –

  • Profile – Yani kis position pe kaam kia hai
  • Organization – Kahan kaam kia hai uska naam
  • Location – Company/Organization ka location
  • Start aur End date – Internship shuru hone ki aur khatam hone ki dates daalein. Agar aap abhi bhi us company mein kaam kar rahe hain toh “Currently working here” pe click karein.

Iske alawa aap apne internship ki description bhi aap daal sakte hain jahan aap bata sakte hain ke aapne kya kya kaam kia hai.

Similarly, aap job experience ka bhi data daal sakte hain. Ismein bhi aapko same options pucche jayenge. Iske bad aap “Save” par click karein.

Ab aap “next” par click karein.

Other experience

Yahan aapko 3 options milenge, jaise –

  • Position of responsibility – Yahan agar aapne kabhi kisi event mein participate kia ho, kisi foundation mein volunteer kia ho, ya koi bhi responsibility li ho college ya school ya kaam mein toh wo likhein.
  • Training – Yani agar aapne college ke time ya college ke bad koi training kia ho toh wo likhein.
  • Project – Agar kabhi aapne kisi project pe kaam kia ho toh uske bare mein batayein.

In tino options mein bhi same chizen hi pucchi jayengi jo pehle pucchi gayi hain, toh aap ye details aaram se bhar sakte hain. Aapko detail bharte waqt us option mein example bhi milega ke aap kis tarah ki detail daal sakte hain.

Agar aapne esa kuch nahi kia hai, toh aap is column ko skip bhi kar sakte hain.

Skills

Agla option aata hai skills ka. Yahan aapko batana hai ke aapko professional level pe kya kya aata hai jaise photoshop, MS excel, MS office etc.

Aap jaise hi skill add karenge aapko puccha jayega ke apko kis level pe wo skill ata hai jaise –

  • Beginner – Yani thoda bhot
  • Intermediate – Yani thoda accha
  • Advanced – Yani bhot accha

Aap in tino mein se ek option chun lein. Iske bad aap aur skills bhi daal sakte hain ya “Next” pe click kar sakte hain.

Work samples

Agey aapse puccha jayega ke kya aapne koi kaam kia hai jo online internet pe available ho jiska link aap daal sakte hain.

Agar aapne koi blog likha ho, koi portfolio etc. banaya ho toh aap is column mein link daal sakte hain. Iske bad aap fir se “Next” par click kar dein.

Ab aapko “Additional details” ka column dikhega jahan agar aapne aur bhi kuch kiya hai ya kuch likhna chahte hain toh likh sakte hain ya “Skip”

Bas ab aapka profile taiyyar ho chuka hai. Profile bante hi ek bar puri profile ko acchi tarah dekh lein. Aap bad mein bhi sabhi columns mein kuch bhi add ya change kar sakte hain.

Ab aap jab bhi kisi job ke liye apply karenge, aapki profile recruiters dekh sakenge.

Niche diye gaye video se bhi aap dekh sakte hain ke internship ke liye account kaise banaye –

Internship search karne ke liye aap dusri platforms ko bhi explore kar sakte hain. Kayi saare naukri/job portals bhi internship ke liye applications accept karte hain aur job post karte hain jaise –

Iske alawa aap kisi bhi company ke careers ke section mein jaker bhi dekh sakte hain ke kya wahan koi internhsip ke liye opening hai. Agar hai, toh aap sidhe company mein bhi apply kar sakte hain.

Naukri.com pe profile kaise banaye janne ke liye yahan click karein.

Agar aap janna chahte hain ke LinkedIn kya hai aur sikhna chahte hain ke LinkedIn par account kaise banaye, toh yahan click karein.

Aur agar abhi bhi Internshala ya career se juda koi bhi sawal hai toh comment mein humse jarur pucchein. Hum aapki puri madad karenge.

LEAVE A REPLY

Please enter your comment!
Please enter your name here