agarbatti_business

Agarbatti ka use india mein har ghar mein hota hai aur festival ke time par inki bikari aur badh jati hai. Agarbatti business kam lagat mein jyada se jyada profit dene wale business mein se ek hai. Agarbatti business ko chalane ke liye koi khaas training ki jarurt nahi hoti. Aap agarbatti business ghar baithe bina kisi staff ko rakhein bhi chala sakte hai. Hum iss article mein agarbatti business se jude sari baatein batyenge.

Iss article mein hum aapko batayenge:

Agarbatti / Incense stick kya hoti hai

Agarbatti business plan chalane ke liye yogyata

Agarbatti business plan ke liye jagah

Agarbatti business plan ke liye investment ya lagat

Agarbatti making process(Agarbatti banane ki prakriya)

Agarbatti business ke liye kanuni Prakriya

Agarbatti business plan mein munafa

Agarbatti business plan mein marketing

Agarbatti business plan ko badhane ke tareeke

Agarbatti business plan chalane ke liye tips

Agarbatti / Incense stick kya hoti hai

Agarbatti ek stick jaise hoti hai jise jalane se sugandhit khusboo aati hai aur ismein keetnashak qualities bhi hoti hai. Agarbatti business mein jokhim bahut hi kam hai aur iski prakriya bahut hi saral hai. Agarbatti business aap ek city se dusere state tak bhi kar sakte ho.

Agarbatti bana kar aap usko export bhi kar sakte hai dusare desh mein jaise US, Malaysia, Bhutan ko jaha iski demand hai. Agarbatti kayi tarah ki hoti hai jaise black agarbatti, white agarbatti aur cented agarbatti.

Agarbatti

Agarbatti business chalane ke liye yogyata

Agarbatti business bahut hi asani se chalya ja sakne wala business hai. Yeh ek kam lagat wala business plan hai jise koi bhi chala sakta hai. Bas aap mein kuch karne ki lagan honi chahiye. Koi bhi insaan agarbatti business ka kaam jyada se jyada ek week mein seekh sakte hai.

Agarbatti business ke liye jagah

Agarbatti business chalane ke liye aap ko koi khaas location/jagah ki jarurt nahi hoti. Aap ise apne ghar mein bhi khol sakte hai. Aagr aap machine ke through apna business karne wale hai to aap ko aise jagah lene chahiye jisme wo machine aa jaye. Ek machine ke liye approx. 50 square feet ki jarurt hoti hai aur 4 machine 200 square feet mein. Ek machine ke sath business chalne ke liye approx. 100 square feet ki jagah ki jarurt hoti hai.

Agarbatti business ke liye investment ya lagat

Ek agarbatti business mein lagat mainly machine, raw material, location, packaging, electricity bill, water bill aur staff par depend karte hai. Agarbatti business ghar baithe bhi khola ja sakta hai bina kisi machine ke minimum lagat mein, jise aap gharwalo ki madad se bhi chala sakte hai bina kisi staff ko rakhe.

Agarbatti business machine ka use karke chalne se, agarbatti achi quality ki banengi aur ek din mein manual ke comparison mein production bhi jyada hoga. Jisse aap ke per day ka profit bhi badh jayega.

Jaruri machine: Agarbatti business chalane ke liye aap ko sabse jyada agarbatti making machine ki jarurt hoti hai. Aap manually bhi agarbatti bana sakte hai par usse production kam aur time jyada lagega. Utne hi time mein aap machine se jyada aur achi quality ki agarbatti ka production kar sakte hai.

Agarbatti making machine:

Jaise ek din mein aap machine se per day 12 ghante mein aap 80 kg se 110 kg tak ki agarbatti ka production kar sakte hai. Wahi manually aap 70kg se 80 kg ka hi production kar sakte hai 12 ghante mein, jo ki aadmi ke liye 12 ghante lagatar kaam karna bhi mushkil hai.

Iske alwa aap mixer aur dryer machine ka bhi use kar sakte hai. Dryer machine hone se barish ke time par phyda hota hai. Aap inn dono machine ko na bhi le to koi khaas dikkat Ki baat nahi hai.

Agarbatti making machine 3 type ki hoti hai. Wo hai manual, automatic, high speed machine. Chaliye unke bare mein jante hai:

1)Manual agarbatti making Machine: Iss tarah ki machine se achi quality ki agarbatti ka production kiya ja sakta hai. Yah machine single peddle ya double peddle ki hoti hai aur iski price baki type ki machine se kam hoti hai. Iss tarah ki machine se 60 second mein 80-100 agarbatti ka production kiya ja sakta hai.

2)Automatic agarbatti making Machine: Automatic machine ki jarurt tab padti hai jab aap bade level par agarbatti ka production karna chahte hai. Iss machine se aap 60 second mein 140-160 agarbatti ka production kar sakte hai.

3)High speed agarbatti making machine: High speed agarbatti banane wali machine se agarbatti achi quality ke sath sath jyada banti hai. 60 second mein ek automatic machine se lagbhag 350 -420 agarbatti ban sakte hai. Iss machine ko chalane ke liye jyada staff ki jarurt bhi nahi padti. Iss type ki machine se bane hue agarbatti ki length 7 inch se 13 inch tak hoti hai.

Agarbatti dryer Machine: Jab aap bade level par agarbatti banate hai to aap ko dryer ki jarurt padti hai. Small scale par agarbatti ko aap air dry bhi kar sakte hai par sun dry nahi karna hota hai. Iss machine se aap 8 ghante mein 155 kg agarbatti dry(shukha) kar sakte hai. Jiski price Rs. 25,000 se 40,000 tak ho sakti hai.

Agarbatti premix mixer: Iss machine ko small level ke agarbatti business plan mein avoid kar sakte hai aur hathon se premix ko mila sakte hai. Par bade level par aap mixer le sakte ise aap ka kaam jaldi aur ache se ho jayega. Iss machine ki cost Rs. 30,000 se 45,000 tak ho sakti hai.

Chaliye agarbatti machine price list jante hai:

Machine

Price(Approx)

Jaruri / Optional

Agarbatti making machine

Rs.20,000-50,000

Jaruri

Mixer

Rs.20,000-35,000

Optional

Dryer Machine

Rs.15,000-25,000

Optional

Total

Rs.55,000-110,000

 

Aap ussi jagah se ye machine le jaha servicing ki suvidha ho aur jo machine lagane aaye usse aap machine ke bare mein sari jankari ache se le le. Ye kuch website hai jaha se aap machine ki price dekh aur kharid sakte hai:

Business ke liye loan kaise le ki puri jaankari ke liye padhein humara blog Business Ke Liye Loan In Hindi.

Agarbatti Raw Material: Agarbatti mein aap premix bana hua dukaan se bhi le sakte hai ya usse bana bhi sakte hai. Small level business mein aap khud se hi banye jiske liye aap ko kuch basic saman ki jarurt padegi jo ki aap ko agarbatti banane mein kaam aayenge. Agarbatti mein uska premix sabse jyada jaruri hota hai isliye ye achi quality ka hona chahiye.

Chaliye kuch basic raw material ke naam aur price jante hai:

Saman

Quantity

Price(approx.)

Charcoal powder

1 kilo gram

Rs.10

Gum powder

1 kilo gram

Rs.80

Jikit powder

1 kilo gram

Rs.65

Bomboo stick

1 kilo gram

Rs.120

Agarbatti perfume

1 piece

Rs.400

DEP

1 liter

Rs.125

Total

Rs.800

Aap niche bataye hue website se inn samno ki price check kar sakte hai aur kharid bhi sakte hai:

Packaging: Agarbatti ki achi packaging bahut jaruri hai. Isse aap ki selling aur quality par asar padta hai. Achi packaging dekh kar customer attract hote hai. Packaging 2 tarah se ho sakte hai manually aur machine se. Manually mein aapko hath se count karke packet mein daalna hota hai aur machine se aap ko counted agarbatti milte hai par packet mein aap hi ko daalna hota hai.

Packaging aap packet ya box mein kar sakte hai aur usme apni company ka naam bhi print kara sakte hai. Aap ko packet Rs.2 se 10 tak pad jayega aur box Rs.5 se 15 tak ka pad jayega.

Ek chote level par agarbatti business chalane ke liye machine, raw material, packaging, electricity bill, water bill etc ka mila kar Rs. 50,000 se 70,000 tak ki lagat mein aap apna business khol sakte.

Staff: Bade level par agarbatti business plan ke liye aapko staff ki jarurt padegi jo usse sahi tareke se chala sake. Chaliye jante hai kuch aise staff jiski jarurt aapko agarbatti business ko chalane mein lagegi:

Staff

Number

Salary( Approx)

Production manager

1

Rs.12,000-20,000

Labour

1

Rs.5000-8,000

Delivery person( sales)

1

Rs.8,000-12,000

 

Total

Rs.25,000-40,000

Ek bade level par agarbatti business kholne ke liye machine, raw material, packaging, staff, electricity bill, water bill ka mila kar Rs.80,000 se 120,000 ki lagat lag jayegi.

Kayi prakar ki agarbatti

Agarbatti business plan mein munafa

Masala agarbatti mein aapko Rs.10 se 15 per kilogram profit hota hai. Cented agarbatti mein aapko masala agarbatti se jyada profit hota hai jo ki Rs. 15 se 45 per kilogram tak hota hai. Iss hisab se aap masala agarbatti ke 2000-2500 kilgram production se mahine mein Rs 20,000 se 30,000 tak earn kar sakte hai aur itne hi cented agarbatti ke production se aap mahine mein Rs.30,000 se 50,000 tak kama sakte hai.

Agarbatti business ke liye kanuni prakriya

Ek chote Agarbatti business plan ke liye aap ko kuch sarkar ke dwara diye jane wale documents ki jarurt padegi. Jaruri documents ki list:

  • Apni company ko ROC(Register of Companies) me register karein. Jyada jaankari ke liye yahan click karein.
  • Trade license ke liye local authority mein apply karein. Jyada jaankari ke liye yahan click karein.
  • Business pan card ke liye apply karein. Jyada jaankari ke liye yahan click karein.
  • Current bank account ke liye apply karein.
  • Apna business SSI Unit mein register karein. Jyada jaankari ke liye yahan click karein.
  • VAT Registration ke liye apply karein. Jyada jaankari ke liye yahan click karein.

Large scale par agarbatti business plan k liye 2 aur document ki jarurt padegi:

  • Factory license
  • Pollution control board se NOC chahiye hogi.

Agarbatti making process(Agarbatti banane ki prakriya)

Mainly agarbatti 2 tarah ki hoti masala agarbatti aur cented agarbatti. Jinko banane ke liye aapko premix ready karna hota hai jiske liye:

1)Aap charcoal powder, gum powder, jigit powder ke 1 kg mixture mein 600 ml ya 650 ml pani daale aur ache se hath se milaye. Aap premix milane ke liye mixer machine ka bhi use kar sakte hai.

Waise aap ko premix bana banaya bhi Rs.15 se 45 tak ka milta hai jo ki aap kisi bhi local dukaan se le sakte hai.

2)Ab iss guthae hue premix ko bomboo sticks mein paste karein. Iss kaam ke liye aap agarbatti making machine ka bhi use kar sakte hai. Agarbatti ko air dry karein. Aapki masala agarbatti tayar hai.

3)Cented agarbatti banane ke liye masala agarbatti ko sukhane ke baad 4:1 ke ratio mein DEP aur perfume ko milaye matlab 4 liter DEP mein 1 liter perfume milaye aur iss mixture mein dry agarbatti ko dip karke agarbatti dry kar le. Cented agarbatti tayar hai.

Agarbatti business mein marketing

Agarbatti business mein marketing kafi importance rakte hai isliye iss par khaas dhyan de. Aap agarbatti ki marketing 2 tarah se kar sakte hai:

1)Offline marketing: Aap apne aas pass ki general store, mandir ke pass wale store par contact karein. Aap agarbatti ke whole sale marketer se bhi contact kar sakte hai.

Aap agarbatti dusare desho mein export bhi kar sakte hai. Aaj ke time mein india lagbhag 160 desho ko agarbatti export karta hai isse pata chalta hai ki agarbatti ki demand kewal india mein hi nahi balki videsh mein bhi hai.

2)Online marketing: Aap mart.com, trade.com aur justdial mein apne business ko register karein. Agarbatti business ke liye advertisement bhi bana sakte hai jo ki Tv aur social media par run kar sakte hai sath hi aap website bhi bana sakte hai jisse aap ka promotion bhi hoga aur aap usse order bhi le sakte hai.

Agarbatti business ko badhane ke tareeke

Aap apna agarbatti business plan local area se shuru karein jaise apne aas pass ki general store, mandir ke pass ki dukaan jab yaha se acha response milne lage to aap ek city se dusare city mein bhi business kar sakte hai. Agarbatti ki demand kewal desh mein hi nahi balki videsh mein bhi hai to aap apne agarbatti business ko videsh mein bhi apne agarbatti ko export kar ke chala sakte hai.

Agarbatti business plan chalane ke liye tips:

  • Agarbatti ko sun dry na karein hamesha air dry karein.
  • Agarbatti business ko phele chote level se start karein kam machine ke sath profit milne par apna business expand karein.
  • Masala agarbatti ke sath sath cented agarbatti bhi sell karein kyonki cented agarbatti mein profit jyada hota hai.
  • Try karein ki agarbatti business ke starting mein kam staff rakhein.

Humein umeed hai iss business plan se aapko samajh agaya hoga ke kaise aap ek agarbatti business shuru kar sakte hain. Agar aapke mann mein iske alawa aur bhi koi sawal hai toh comment karke humse jarur pucchein.

LEAVE A REPLY

Please enter your comment!
Please enter your name here