Home Skill Develop Kare Spoken English

Strangers se baat kaise kare: 6 Important Tips

Strangers se baat kaise kare

Chahe hum dikhne me kitne hi confident ho aur talkative ho, lekin strangers se baat kaise kare, Strangers ko kaise impress kare yeh aana bahut zaroori hai. Humne hamesha se suna hi hai ki “Your first Impression is your last Impression”. Iska matlab hai ki jis hisab se aap kisi se pehli baar milte hai or unn par jo bhi impression daalte hai vahi aapka aakhri impression hota hai. 

Aap apna pehla impression change nahi kar sakte, isliye strangers se baat kaise karte hai aur Strangers ko kaise impress kare yeh aana chahiye. Kabhi kabhi change bhi ho sakta hai first impression lekin usme bahut time lag jaata hai. Isliye hume humesha yeh aana chahiye ki strangers se baat kaise kare.

Strangers se baat kaise kare – Yeh kyun zaroori hai ?

Stranger ek wo insaan hua jo apse pehli baar mil rahe hai aur aap bhi unse pehli baar mil rahe hai. Strangers hamesha hamare aas paas rehte hai aur apko unse kabhi bhi baat karni padh sakti hai. Isliye sabko pata hona chahiye ki strangers se baat kaise kare.

Stranger se baat karne ki situation kabhi bhi aa sakti hai, jaise aap bus stop par wait kar rahe hai aur apke pass koi essa insan hai jo apko lagta hai apke field ka hai, toh apko unse baat karke network develop karna chahiye. Iske alawa koi aur aakar bhi apse baat kar sakte hai.

Network build karne se apko bahut benefits hote hai. Isse apka confidence build up hota hai, apko kaafi exposure milta hai aur communicate karke professional field me bhi bahut help mil sakti hai. Jaise wo apko kisi company me refer kar sakte hai, apko kisi task me help kar sakte hai, apko unse bahut kuch seekhne ko bhi mil sakta hai, isliye sabko strangers se baat kaise kare aur Strangers ko kaise impress kare, aana chahiye.

Strangers se baat kaise kare aur unko kaise impress kare ?

Strangers se baat kaise kare aur Strangers ko kaise impress kare, iske kuch tips iss section me batayi gayi hai jisko follow karke aap kisiko bhi impress kar sakte hai. Inko daily basis par use karte jaaye aur apne aas pass ke logo se ache relations maintain kar sakte hai. 

1. Smile karte rahe

Ek achi smile ke bahut saare benefits hai. Ek toh aap khub acha feel karte hai, dusra samne walo ke liye aapse baat karna aur easy ho jaata hai. Agar aap smile karte hai toh vo apke friendly behaviour ko dikhata hai. Isse aap apna first impression improve kar sakte hai. 

Generally bhi log unse impress hote hai jo jolly nature ke hote hai aur jo easily comfortable karne me successful hote hai. Agar aap kisi stranger se baat karte time slightly smile karege toh aap unko bahut easily aur jaldi comfortable kardege aur vo apko bhi bahut jaldi pasand karne lagege.

2. Confident rahe aur acha soche

Agar aap confident hai aur acha soch rahe hai toh yeh apke facial expressions par clearly reflect hota hai. Isliye strangers se baat kaise kare, yeh sochne ki bajaye apko confidence boost karna chahiye khub ka aur dusro ka bhi. 

Acha sochne ka main reason yeh bhi hai ki aap agar acha sochte hai to fir aap khud hi confident feel karne lagte hai. Aur agar aap confident feel karte hai to fir aap samne wale ko comfortable karne ki koshish karege or aapki achi baat start hojaegi.

3. Baat karne ke liye koi common topic choose kare

Jab aap confidence se baat karte hai, toh aap self introduction dene ke baad kuch essa topic par conversation start kare jiske baare me aap dono ke pass baat karne ke liye kuch ho. Apko kuch extraordinary bhi kehne ki zaroorat nahi hai. 

Jab aap common topic par conversation start karte hai, toh ek simple se question ke sath start kar sakte hai, jaise:

Have you done this before? (Kya aap yeh pehle bhi kar chuke hai?)

Do you often come here? (Kya aap aksar yahan aate hai?)

Agar aap kisi event mein milte hai to aap puch sakte hai:

Where did you hear about this? (Apne iss event ke baare me kaha suna?)

How do you know the organiser? (Aap organiser ko kaise jante hai?)

Isse aap ek dusre ke baare me jaan payenge aur apko ek dusre ka thoda bahut background samjh aane lagega.

4. Baat ko aage badhaye

Strangers se baat kaise kare yeh seekhne ke liye sabse zaroori jo point hai, vo yahi hoga ki baat ko aage kaise badhaye. Aap agar kisise pehli baar baat kar rahe hai toh apke pass already limited resources hai baat karne ke liye. Aur chances hote hai ki agar aap interesting nahi lagte hai samne wale ko to apka first impression bigad sakta hai.

Baat ko aage badhane ke pehle apko yeh ensure karna chahiye ki aap unki baat dhyan se aur poore concentration ke sath sun rahe hai. Kisi bhi conversation kahi par bhi baat karte time apka poora concentration samne wale ki baat par hona chahiye. Yeh ek basic good habit hoti hai jo apke character ko bhi dikhati hai.

Aur agar aap unki baat dhyan se nahi sunte hai, aur uske baad kuch essa question karte hai, jiska jawab already unhone bata diya hai, toh yeh acha impression nahi daalta hai. Isliye kisise bhi baat karte time phone nahi chalana chahiye, idhar udhar nahi dekhna chahiye, eye contact maintain karke chalna chahiye aur slight si smile karte rehna chahiye. 

Baat ko kaise aage badhaye ?

Strangers se baat karte time, starting me easy topics se start kare jaise ki wo kya karte hai, unki professional life ke baare me kuch puche, ya kisi general topic ke baare me jaise koi movie, koi social issue. Ek baar baat start ho jaegi toh vo apke character ke baare me aur jaan jayege.

Yaad rakhe ki agar kisi particular topic par samne wala koi interest nahi le raha hai, ya unko iss chiz ka zyada knowledge nahi hai, to fir yeh apki responsibility banti hai ki aap koi essa topic laaye jisme dono ka properly interest show ho. 

Agar aap continously usi topic par baat karte hai jisme samne wala zyada interest nahi le raha hai, to fir aap responsible hoge ek false impression (galat impression) daalne ke liye. Yeh apke character ke baare me galat chize dikhata hai. Isliye samne wale ka interest ka proper dhyan rakhe.

Iske alawa aap unse apne skills ke baare me bhi baat kar sakte hai, isse pata chal jaega ki kahi apki skills match to nahi karti. Lekin sirf apne baare me hi baat na karte rahe, unke baare me bhi jaanne ki koshish kare. Unse questions puche, baat karte time eye contact maintain kare aur yeh indicate karte rahe ki aap unki baato ko dhyan se sun rahe hai aur apko unme interest hai.

5. Appreciate kare

Har ek insan chahta hai ki usko sab appreciate kare. Isliye jab aap kisi stranger se milte hai, to unki skills ko appreciate kare, unke appearances ko appreciate kare ya unki choices ko bhi appreciate kare. 

Bas appreciate karte time yeh dhayan rakhe ki samne wala uncomfortable na ho. Apko proper manner ke sath baat karte aana chahiye aur yeh baat bahut zaroor se yaad rakhe ki essi kuch bhi baat nahi bolni hai ko samne wale ko uncomfortable kare.

Apko bahut hi decent tarike se baat karte aana chahiye. Esse questions na puchne jo deep down unki personal ya professional life se related ho, kyuki koi bhi insan itni jaldi kisike sath itna comfortable nahi hota ki vo deep personal ya professional issues ke baare me discuss karle. Yeh ek bahut basic aspect hai strangers se baat kaise kare, seekhne ka.

Aur agar kisi bhi point par aapko lagta hai ki apki wajah se samne wala uncomfortable ho gaya hai, to immediately unse maafi mange aur unko yeh sajhaye ki yeh aapne intentionally nahi kiya hai. Apko koi intention nahi tha unko uncomfortable karne ka. Yeh apke character ke baare me achi chiz hi dikhata hai ki aap bahut gentle aur ache insaan hai.

Agar aap maafi nahi mangte hai aur vahi baat continue karte hai jisse samne wala uncomfortable hota jaa raha hai, toh yeh bahut zyada galat image banata hai aapki samne wale ke liye. Aur yeh bahut bura first impression daalege. Isliye dhyan rakhe essi baat na kare jisse samne wala uncomfortable ho.

6. Contact Information Exchange kare

Yeh ek bahut hi tricky part ho sakta hai kyuki strangers ke sath contact information share karna log prefer nahi karte aaj kal. Lekin strangers se baat kaise kare, yeh seekhne me contact information exchange karne ka bhi role hai.

Lekin yeh baat dhyan rakhe ki har baar zaroori nahi strangers se baat karne ke baad necessarliy apko unki contact information mil jaye. Agar apka impression galat padha hoga to apko vo mana bhi kar sakte hai. Isliye poori koshish kare ek bahut acha impression daalne ki.

Stranger se baat karte time agar apko lagta hai ki aap achi baat hui hai aur samne wala apse comfortable hai, toh aap unse contact information mang sakte hai. Dhyan rahe ki agar vo comfortable na ho yeh information share karne ke liye toh unse pressurize na kare. 

Contact information sirf tabhi exchange kare jab aap ek dusre se comfortable ho. Iske alawa bhi koi personal details na hi share kare aur na hi puche. Agar samne wala comfortable hoga to vo hi apko sab bata dege, lekin poore conversation me dhyan rahe ki aap samne wale ko uncomfortable na kare.

Yeh bahut tricky tarika hai stranger se baat kaise kare, seekhne ka, aur isme hi uncomfortable hone ke aur uncomfortable karne ke sabse zyada chances hai. Isliye bahut dhayan se baat kare aur iss last point par apna impression na bigadne de.

Try personality develop kaise kare – Hindi me.

Conclusion

Iss article mein bataye gaye points ka use karke aur inko follow karke aap seekh sakte hai ki Strangers se baay kaise kare. Isse apka network build hoga aur apka first impression bhi acha padega. Saare nahi toh kuch main or easy chizo ko follow kare or apko results dikhne lagege. Aapko khud me ek confidence feel or aap dusro ko bhi bata sakte hai ki english me strangers se kaise baat kare.

Iske alawa bahut saare skill development aur personality development se related article aapko Josh Kosh ki website par milege. Aur courses ke baare me zyada information ke liye ya Josh skills app ke baare me janne ke liye visit kare Josh Talks YouTube channel par.

NO COMMENTS

LEAVE A REPLY

Please enter your comment!
Please enter your name here

Sikhe Nayi Skills aur Paye Apni Dream Job. Download Josh Skills App

X