ca-kaise-bane

CA jiska full form Chartered Accountant hai. Yeh ek bahut badi job hai jismein salary bhi bahut achhi hoti hai. Toh aaj iss article mein hum CA Kaise Bane ke baare mein poori jaankari denge.

Iss article mein hum janenge…. 

CA Kya Hota Hai

CA Eligibility

CA Banne Ka Poora Process

CA Fees

CA Salary


CA kya hota hai

CA kaise bane usse pahle yeh bhi jaan lete hai ki CA kya hai. CA ka full chartered accountant hota hai. CA ka kaam hota hai financial lekhe jokhe ko manage karna. Saath hi CA financial advisor ki tarah logon ko khate, Tax aur finance se judi advice dene ka kaam karte hai.


CA Eligibility

CA Qualification ki baat kare toh koi bhi 10th ke baad apply kar sakta hai.

Ji haan 10th pass student agar CA banna chahta hai toh wo CA Foundation course ke liye registration kar sakte hai lekin exam 12th pass karne ke baad hi dena hota hai. Iss course ko pahle CPT ke naam se jana jata tha lekin ab CA Foundation Course naam kar diya hai.


CA Banne Ka Poora Process

CA kaise bane, toh CA banne ke liye aapko kuch phases ka saamna karna padta hai jiske baare mein humne niche vistar se jaankari di hai.

CA Foundation Course

CA banne ke liye sabse pahla phase hai CA Foundation course karna. CA online registration karne ke baad aap 3 saal mein kabhi bhi pass kar sakte hai. Isse pahle CPT kaha jata tha.

CA Foundation course ki fees 11300/- hai. Iss course ka duration sirf 4 month hai aur phir exam hota hai. Exam mein 4 alag-alag paper hote hai aur unke liye 3 hour ka samay milta hai. Iska exam har saal May aur November mahine mein hota hai.

Exam mein 100 marks hote hai aur pass hone ke liye minimum har paper mein 40% aur total 50% marks laane hote hai.

CA Intermediate Course

CA Foundation complete karne ke baad agla stage hai CA Intermediate course complete karna. Iske liye aap CA Foundation root dwara registration kar sakte hai.

CA Intermediate course mein aapko 8 paper dene hote hai. Har paper ke 100 marks hote hai. Iss Exam mein bhi pass hone ke liye minimum har paper mein 40% aur total 50% marks laane hote hai. Iska exam bhi har saal May aur November mahine mein hota hai.

CA Intermediate ki fees

Agar hum CA Intermediate ki fees ke baare mein jaane toh iski fees 27,200/- hai.

CA Final Course

CA Intermediate course ko clear karne ke baad CA Articleship course ke liye apply karna hota hai jiska duration 3 hota hai. Yeh ek practical training hi hoti hai. Iss training ko poora karne se 6 mahine pahle aap CA Final ke liye form bhar sakte hai.

CA ka yeh final exam sabse difficult hota hai aur isko pass karte hi aap Chartered Accountant ban jaate hai.

CA Final course ke liye apply aap saal mein kabhi bhi kar sakte hai. Iski fees 32,300/- hai. 

Iss course ke exam mein aapko 8 paper dene hote hai. Har paper ke 100 marks hote hai. Iss Har paper mein minimum 40% aur total 50% marks laane jaruri hote hai.

CA Final exam ko clear ke baad candidates ko ICAI mein registration karna hota hai. Yahan registration karne ke baad hi aap CA matlab Chartered Accountant bante hai. Iss tarah aapka CA Kaise bane ka sawal yahan khatm ho jaayega.


CA Banne Ke Liye Fees

Chartered Accountant banne ke liye fees ke baare mein jaane toh upar hum ne bataya toh hai lekin yahan bhi ek baar phir bata dete hai. 3 course ki fees alag-alag hoti hai.

CourseFees
CA Foundation11300/-
CA Intermediate27,200/-
CA Final32,300/-

CA Salary

Chartered Accountant banne se pahle sabhi yahi dekhte hai ki CA ki salary kitni hogi. Toh aapko bata de ki CA ki naukri ek bahut popular naukri hai aur ismein salary bhi bahut achhi hoti hai.

Lekin aapko bata de ki salary skill, capabilities, aur experience ke aadhar par hoti hai. Halanki kuch reference ke anusar India mein CA ki salary 6-7 lakh se 30 lakh tak hoti hai.


Toh hum ummid karte hai ki aapko CA Kaise Bane ke baare mein puri jaankari mil gayi hogi. Agar abhi bhi koi doubt hai toh aap niche comment mein pooch sakte hai jiska jald se jald javab dene ki koshish karenge.

जन्म से ही क्रिकेट का दीवाना हूँ लेकिन क्रिकेटर बन नहीं सका और अब विकिपीडियन बनकर खिलाड़ियों पर लिखना शौक बना दिया है।

LEAVE A REPLY

Please enter your comment!
Please enter your name here