fssai license kaise le , fssai in hindi mein jaane

FSSAI license/ Registration lena unn logo ke liye jaruri hota hai jo food sector se jude hue hai. Food operators jaise manufacturer, storage, transporter, retailer, marketer, distributor ko license lena padta hai state ya central authority se. Hum batayenge FSSAI license kaise le (FSSAI in Hindi) sath hi hum iss articel mein FSSAI license / registration se jude sare baatein batayenge.

Hum iss article mein janenge:

FSSAI kya hai

FSSAI License Ke Liye Eligibility check

Registration/License ke liye jaruri documents

Registration/License fill karne ke liye account kaise banayein

Registration/License ke liye online kaise apply karein

Registration kaise karein

State license ke liye online kaise apply karein

Central license ke liye online kaise apply karein

License/Certificate ko renew kaise karein


Fssai kya hai

FSSAI license ko ‘food license’ ke naam se bhi jana jata hai (FSSAI in Hindi). Yah license kisi bhi food related business ko india mein chalne ke liye mandatory hai kyonki ye license assure karta hai ki aapka food product jo aap banate hai ya sell karte hai wo unn food standards ko satisfy karta hai jo Bharat Sarkar dwara nirdharit kiye gye hai.

FSSAI full form ‘Food Safety And Standards Authority Of India’ hota hai. ‘Ministry of Health and Family Welfare’ FSSAI ki admistrative ministry hai. Ismein 14 digit ka unique registration number milta hai manufacture ya trader ko jo ki food package par print hona mandatory hai.

Fssai License Ke Liye Eligibility check

Jaruri nahi ki aap ko food license hi lena pade kewal food registration karane se bhi kaam chal sakta hai. Iske liye aap apni eligibility check karein aur jane FSSAI license kaise le.

Aapko FSSAI license ya registration lena pad sakta hai:

  • Registration: Agar aap ke business ka annual turnover Rs.12 lakh tak hai to app ko FSSAI registration karna hota hai.
  • State license: Agar aap ke business ka annual turnover Rs.12 lakh se exceed ho kar Rs.20 crore tak rahta hai to aap ko FSSAI state license lena padta hai.
  • Central license: Agar aap ke business ka annual turnover Rs.20 crore se jyada hai to aap ko FSSAI central license lena hota hai.

Iske liye aap apni eligibility check karein. Jiske steps niche bataye gaye hai:

Step 1: Sabse phele aap FSSAI ki official website par jayein. Website par click karne phir kuch iss tarah ka page khulega jo ki FSSAI ka home page hai:
Website ke liye yahan click karein.

FSSAI license kaise le

Step 2: Ab jo Page khula hai usse niche scroll karein aur ‘check Eligibility’ par click karein.

Step 3: ‘Check eligibility’ par click karne ke baad ek naya tab khulega. Agar aapka business ek hi jagah par hai to ‘No’ par click karein otherwise ‘Yes’ par click karein.

Step 4: Agar aap ‘No’ par click karte hai to ek naya section khulega jismein aap apne business ke according hone wali production category par click karein.

Step5: Apne production ke according option par click karne ke baad niche scroll karein aur ‘proceed’ par click karein.

Step 6: Phir se ek naya tab khulega jismein right hand side mein ‘License category’ mein aap ke business ke according food Registration/State License/Center License likh kar aa jayega.

Aap ek se jyada business ki details add karke eligibility check kar sakte hai.

Registration/License ke liye jaruri documents

Humein FSSAI license/registration lene ke liye different documents ki jarurt padti hai. Registration aur license ke liye kuch common documents chahiye hote hai. Chaliye kuch comman documents ki list jante hai jo dono registration aur license mein kaam aate hai:

  • Pan card
  • Passport size photo
  • Food business ke owner ka photo identity proof
  • Premises ke possession ka proof
  • Agar applicable ho to Association / Incorporation ka Certificate / Partnership Deed ka article
  • FBO ko handle aur deal karne ke liye food items ki ek vyaapak list
  • Food Security System Management Plan ( food registration ke liye jaruri nahi hai)

FSSAI state license ke jaruri kuch dusare documents:

  • proposed location ka layout
  • Equipment or machinery jo ki jagah par install hai unki list
  • Manufacturers se NOC aur license ki copy
  • Jimedar insaan ke naam aur address ke details ke sath authorization Letter

FSSAI central license ke jaruri kuch dusare documents:

  • Government Health Laboratory se water report ka analysis
  • IEC (Import Export Code) jo ki Directorate General of Foreign Trade ke dwara jaaree kiya gya ho
  • Mineral ya Carbonated Water ke construction mein included units ke liye Water Pesticide Residue Report
  • Milk provider ka naam ya milk ka source
  • Meat ke Providers ya Meat Processing ki Unit

Agar applicable ho to :

  • Ministry of Tourism ke dwara alot kiya hua certificate
  • Vehicle Turnover Proof
  • Agar jaruri ho to) Annual business ka proof

Registration/License fill karne ke liye online account kaise banayein

Step 1: FSSAI license / Registration fill karne ke liye aapko FSSAI ki website par account banana padta hai. Agar aap phele se user hai to ‘Existing users’ login mein par karke apna username aur password fill karein sath hi Captcha enter karein aur sign in karein.

Agar aap phele se user nahi hai to sign up par click karein.

Step 2: Sign up par click karne ke baad ek ‘FBO sign up’ form khulega. Usmein apni details enter karein aur ‘Register’ par click karein.

Step 3: Register par click karne ke baad ek naya tab khulega jismein ‘Account successfully created’ dhikhyega. Aagr aap account create karne ke 30 din baad tak FSSAI Registration/License ke liye apply nahi karte to aap ki User ID disable ho jati hai. Ab aap ‘Click here’ par click karein.

Registration/License ke liye online kaise apply karein

Step 1: Ab aap phir se FSSAI ke home page par aa jate hai. Ab aap existing users mein ja kar apne create ki hue User ID, password aur Captcha enter karne ke baad phir se ek naya page khul jayega.

Step 2: Ab iss naye open tab mein food License/Registration par click karien aur ‘Apply for License/Registration’ ka option aayega uss par click karein.

Step 3: ‘Apply for fssai License/Registration’ par click karne par ek undertaking ka option aayega. Jismein accept par click karein.

Step 4: Ab ‘select state’ par jakar apna state select karein. Uske baad ek option aayega jismein agar aap apka business ek se jyada state mein operate karte hai to ‘yes’ par click karein otherwise ‘no’ par click karein. Hum ‘No’ par click karenge.

Uske baad apne business mein production ke according option choose karein.

‘No’ par click karte hi business production category dikhane lagega agar aapki category first page par nahi hai to aap ‘other business’ par ja kar aur business category ko dekh sakte hai aur apne according option select kar sakte hai .

Registration kaise karein

Step 1: Apni business category choose karne ke baad ek naya page khulega. Jismein ek table aayega jismein sabse last column mein ‘click to apply’ ka option aayega uss par click karein.

Step 2: Ab ‘Form A’ khulega jo ki food Registration ke liye hota hai. Usmein apne details fill karein. Aap food registration 1 se 5 saal ke liye le sakte hai to uss anusaar duration select karein. Apne identity proof aur recent photo upload karein. Declaration form mein aap NOC by municipal ya NOC by health ya other document ka option choose kar sakte hai.

Sari details fill karne ke baad niche ‘Save and Next’ par click karein.

Step 3: ‘Save and Next’ par click karne ke baad ek page khulega. Jismein Print ‘Form A’ ka option aayega uss par click karein aur form par sign karke usse upload karein aur submit par click karein. Aap apna application ref. no note kar le jarurt padegi.

Step 4: Ab ek naya page khulega jismein payment mode select karke Rs.100 pay karein aur submit par click karein.

FSSAI registration fee ek saal ke liye Rs.100 hoti hai.

Step 5: Ab phir se FSSAI ke home page par aa jayenge jaha par aapko apna application Ref. no, password aur Captcha enter karne par filled application ki receipt aa jayegi.


State license ke liye online kaise apply karein

Agar aap apna business kisi ek state mein opreate karte hai to aapko state license lena padta hai ya agar aapka annual turnover 12 lakh se jyada hai aur 20 crore se kam hai to fssai state license lena padta hai. Chaliye jante hai ki FSSAI license kaise le:

Step 1: ‘Apply for license/ registration’ par click karne ke baad jab aap apni business category option select kar lenge to ek table show hogi jismein apki license category ke sath sath usmein apply karne ke liye link bhi aayegi. ‘Click to apply’ par click karein.

Step 2: Iss link par click karne ke baad ‘Form B’ khulega jo ki state license/ central license ke liye hota hai. Iss part mein aap company name, address, state, district zone, postal pin code enter karein aur ‘save & next’ karein.

Step 3: ‘Form B’ ke inn parts mein apni details food category, capacity, person in charge of opreation ki details, contact details etc fill karein aur ‘save & next’ karein.

‘Form B’ ki document list mein jo documents Applicale ho usse aap phiscally submit kar sakte hai ya electronicaly option choose karne par upload kar sakte hai. Aur agar applicable nahi hai to Not applicable par click karein aur ‘save & next’ karein.

Aap state license/ central license 1 se 5 saal tak ke liye le sakte hai.

Step 4: Ab payment karne ke liye ‘payment mode’ select karein.

Step 5: Payment mode select karne ke baad ek naya page khulega jismein payment amount aayega jo ki state license ki fees Rs 2000 hai. Ab ‘ proceed for payment’ par click karein.

Payment mode ek state se dusare state mein differ karte hai.

Step 6: Ab ek naya page khulega jismein aapka application reference no aur upload ‘form B’ ka option aayega. Application Ref. no note kar le aage jarurt padegi sath apna ‘form B’ print karke usmein apna signature aur date daal kar form upload karein aur submit par click karein.

Step 7: Form sucessfully fill hone ke baad receipt aa jayegi jisse aap print kar sakte hai future reference ke liye. Jiske liye ‘ view/ print your license application’ par click karein.

FSSAI state license ki fee ek saal ke liye Rs.2000 hoti hai.

Central license ke liye online kaise apply karein

Agar aapka business ek se jyada state mein opreate karta hai to aapko central license lena padta hai ya agar aapka annual turnover 20 crore se jyada hai to fssai central license lena padta hai. Chaliye jante hai ki FSSAI license kaise le:

Step 1: Apne business production category select karne ke baad ek table show hogi jismein license category ke sath usmein action ‘click to apply’ ka option aayega uss per click karein.

Step 2: Ab ek undertaking aayegi usse accept karein.

Step 3: Ab naya page khulega jisper ‘Form B’ aayega jo ki fssai state license/ central license ke liye hota hai. Iss part mein aap company name, address, state, district zone, postal pin code enter karein aur ‘save & next’ karein.

Step 4: Ab ‘save & next’ par click karne ke baad dusara page khulega usmein product details fill karein aur ‘save & next’ par click karein.

Iske baad aap iss page par redirect honge usmein details enter karein aur ‘save & next’ karein.

Step 5: ‘Form B’ ki document list mein jo documents Applicale ho usse aap phiscally submit kar sakte hai ya electronicaly option choose karne par upload kar sakte hai. Aur agar applicable nahi hai to Not applicable par click karein aur ‘save & next’ karein.

Aap central license 1 se 5 saal tak ke liye le sakte hai. Duration form submit hone ke baad change nahi ho sakte aur duration ke according hi fees bhi lagegi.

Step 6: Ab payment karne ke liye ‘payment mode’ select karein.

Step 7: Ab final submission ka page khulega jismein preview application ka option jisse aap apna form preview kar sakte hai payment ke phele. Application preview kar ke baad ‘proceed for payment’ par click karein. Central license ki fees Rs 7500 hoti hai .

Step 8: Payment successful hone ke baad ek naya page khulega jismein aapka application reference no aur ‘upload form B’ ka option aayega. Application Ref. no note kar le aage jarurt padegi sath apna form B print karke usmein apna signature aur date daal kar form upload karein aur submit par click karein.

Step 9: Form sucessfully fill hone ke baad receipt aa jayegi jisse aap print kar sakte hai future reference ke liye. Jiske liye ‘ view/ print your license application’ par click karein.

FSSAI central license ki fee ek saal ke liye Rs7500 hoti hai.

License/Certificate ko renew kaise karein

Step 1: License/certificate expire hone ke 60 days phele se aap license renew kara sakte hai. Certificate/License renew karane ke liye ‘Renewal’ par click karein phir ‘ Apply for renewal of license’ par click karein.

Step 2: Ab ‘ list of license for renewal’ aayegi. License/ Certificate ke renewal ki table ke aage usmein aage cloumn ke ‘proceed’ par click karein.

License/ Certificate ke renewal ki table ke aage proceed karne par warning box aayega usse ‘ok’ karein.

Iske baad renewal form fill karke submit karein.

Humein umeed hai iss article se aapko samajh agaya hoga ke kaise aap FSSAI kya hai(FSSAI in Hindi) aur FSSAI license kaise le. Agar aapke mann mein iske alawa aur bhi koi sawal hai toh comment karke humse jarur pucchein

LEAVE A REPLY

Please enter your comment!
Please enter your name here