AirForce_Bharti_10th/12th

Bhartiya Vayu Sena jise hum Indian Air Force bhi kahte hai jo Bhartiya Sashtra Sena ka ek ang (part) hai jo vayu yudh aur vayu suraksha ka mukhya kaam karti hai. Iski sthapna 1932 mein hui thi. Aaj Indian Air Force mein bahut saare logo ko ek sapna hota hai ki wo bhi iska hissa bankar desh ki raksha karein aur apna career banayein. Toh ismein hum aaj baat karne waale hai Air Force Bharti ke baare mein jismen 10th aur 12th pass candidate apply karke job paa sakte hai.

Latest News: Indian Air Force mein Airmen Ki Vacancy Nikal Gayi hai

Note: Indian Air Force mein 10th aur 12th ke baad sirf Males ki hi bharti hoti hai. Female ke liye yahan click karein.

Aap Yeh Select Karke Apna Topic Padh Sakte hai

10th Pass Job In Air Force

Air Force Vacancy 12th Pass


Join Indian Air Force jo Bhartiya Sashtra Sena ka ek bahut bada part hai aur ismein har saal alag-alag post aur Qualification wise posts nikalti hai jismen 10th aur 12th ke liye bhi nikalti hai. Toh sirf unn post ke baare mein jismen 10th aur 12th Pass jaa sakte hai.

10th Pass Job in Air Force

Air Force Bharti mein Sabse pahle hum baat karne ja rahe hai 10th Pass Job in Air Force par. Ismein aapke paas jaane ke liye jyada posts nahin hoti hai. Kahne ka matlab yeh hai ki 10th pass waalo ke liye Indian Air Force mein jyada post nahin hoti hai. Ek aur baat yeh bhi hai ki yeh Civilian ki post hoti hai matlab ismein aapko hathiyar nahin milte hai. 10th pass waalo ke liye sirf ek hi post hoti hai aur wo hai Group C se join karna.

Indian Air Force Group C

Air Force Bharti mein Group C ke liye post state wise hi nikalti aur ismein Indian Army ki tarah bahut jyada nahin hoti hai. Toh ab iske baare mein Eligibility aur Qualification se judi poori jaankari jaante hai.

Iss post mein bahut saare trade hote hai usmen kuch bhartiya nikalti hai usmen interested candidates apply kar sakte hai jab notification aaye tab.

Yeh hote hai Indian Air Force Group C mein Trades

1. Draughtsman Grade-III
2. MTS
3. Mess Staff
4. Safaiwala
5. Cook
6. Painter

In sabhi trade ke liye Air Force bharti nikalti hai aur number of posts of bhi alag-alag hi hoti hai. Matlab example ke liye MTS ke liye 10 post toh Cook ke liye 5 aise.

Air Force Qualification for Group C

① Multi Tasking Staff/ Mess Staff/Safaiwala/ ke liye aapko Matriculation pass matlab 10th Pass hona jaruri hai.

② Painter/Cook ke liye Matriculation pass kisi recognized Board se certificate ke saath.

③ Draughtsman Grade – III- Matriculation pass kisi recognized Board se. Toh agar aapke paas yeh educational Qualification hai toh aap bhi upar batayai gayi posts ke liye apply karke Indian Air Force mein naukri paa sakte hai.

④ Inn sabhi posts ke liye aapki age 18 se 25 saal ke beech honi chahiye tabhi aap apply kar paayenge.

Indian Air Force Group C Selection Process

Ab agar hum IAF Group “C” ke selection process ki baat karein toh yeh Written test ke basis par hota hai. Iss exam mein jo jyada marks laate hai uske hisab se merit list se candidate ka selection kiya jata hai.


Air Force Vacancy 12th Pass

Ab hum baat karne wale hai Indian Air Force Job After 12th ki. Toh aapke liye khushkhabri toh yah hai ki Indian Air Force mein 12th ke baad kai post ke jariye entry kar sakte hai.

Indian Air Force ki inn Posts mein 10+2 (12th) kar sakte hai Apply

10+2/HSC NDA

Indian Air Force Group X

Indian Air Force Group Y


10+2/HSC NDA

Indian Air Force mein jin logon ne 10+2 matlab jinhone 12th pass kar diya hai unke liye join karne ke liye sabse bada mauka NDA hota hai. NDA ka matlab National Defence Academy, jismen male candidate apply karte hue apna career Vayu Sena mein bana sakte hai.

Chaliye ab baat karte hai NDA Eligibility aur NDA Qualification ke baare mein ki aapka sharir kaisa hona chahiye.

Kya Honi Chahiye NDA mein Educational Qualification aur Eligibility

Sabse pahle toh baat yahi aati hai ki educational qualification kya honi chahiye, halanki humne upar bataya toh hai lekin kuch aur bhi baate aapko pata honi chahiye.

Age 161/2 to 191/2
Marital Status Unmarried
Gender Male Only
Education 10+2 Physics aur Mathematics ke saath
Nationality Indian
Height Yahan Click Karein
Weight Yahan Click Karein
NDA mein Height aur Weight
Height (In cms.) Weight (In kgs.)
16-17 years 17-18 years 18-19 years
152 42.5 44.0 45.0
155 43.5 45.3 47.0
157 45.0 47.0 48.0
160 46.0 48.0 49.0
162 48.0 50.0 51.0
165 50.0 52.0 53.0
167 51.0 53.0 54.0
170 52.5 55.0 56.0
173 54.5 57.0 58.0
175 56.0 59.0 60.0
178 58.0 61.0 62.0
180 60.0 63.0 64.5
183 62.5 65.0 66.5

Jo candidate Gorkha ya pahadi kshetra se belong karte hai jaise North-Eastern area ke, Garhwal aur Kumaon, unhe 5 cms ka relaxation diya jata hai. Iske alava jo candidates Lakshadweep islands se belong karte hai unhe minimum height mein 2 cms ka relaxation diya jata hai.

NDA Selection Process

Ab hum baat karenge NDA Selection Process par aur jaanenge ki ismen aapka selection kaise hota hai aur kya-kya karna padta hai.

Toh agar selection procedure ki baat karein toh Indian Air Force ke liye NDA ka Do stage dwara selection hota hai. Ek Written exam aur doosra SSB Interview. Yeh dono test Air Force Selection Boards dwara conduct kiye jaate hai.

Sabhi Candidates ko Air Force Selection Boards par reporting ke pahle din ek written exam dene ke liye rakha jaata hai. Iss exam mein pass hone waale candidates ko stage two ke liye bheja jata hai jinhone stage 1 ko qualify kiya ho.

Phir doosre stage mein ummidvaron ka interview liya jata hai jiske do round hote hai, Psychological Aptitude Test and Intelligence Test.

Isme jo candidates qualify kar dete hai unko jaruri Original Certificates aur saath mein ek-ek photocopy submit karni hoti hai.

Inn documents ki original aur photocopy submit karni hoti hai, (i) Original Matriculation pass certificate aur (ii) Original 10+2 pass certificate.

NDA Selection ke liye jaruri documents

Jin candidates ko Interview ke liye select kar diya jata hai unhe kuch jaruri documents submit karne hote hai. Iske alava kisi reserved category mein aate hai unhe saawdhani se documents jama karne hote hai.

Yeh hai kuch jaruri Documents jo NDA selection mein chahiye hote hai.

– Original 10+2 ya Class 12th passing ka certificate.

– Certificate of Eligibility for certain category of students.

– Category or Caste certificate applicable to SC, ST, OBC etc.

– Identity and Address Proof


Indian Air Force Group X

NDA (National Defence Academy) ke baad Indian Air Force mein 12th pass waale candidate Group X mein jab notification nikalti hai tab jaa sakte hai. Yeh airmen ki post hoti hai aur ismen jaana laakho ka sapna hota hai.

Indian Air Force Group X ki post technical post hoti hai jismen aapki educational qualification bhi kuch achhi honi chahiye with kuch compulsory subjects ke saath.

Airmen Group X aur Y dono ki vacancy nikal gayi hai jiski adhik jaankari niche dekh sakte hai:

Important Dates

Online Apply Start date: 01-07-2019
Online Apply Closing Date: 15-07-2019
Online Exam ke liye date: 21-09-2019 to 24-09-2019
Admit Card: September 2019

Official Notification Ke Liye Yahan Click Karein

Indian Air Force Group X Qualification

Age Limit Qualification Physical Standards Selection Process
16 se 21 Saal

Unmarried

10+2 maths, physics aur english ke saath.

Minimum marks 50% hone chahiye.

Height – 152.5 cms

Chest – 5 cm phoolna chahiye.

Selection Process ke baare mein jaanne ke liye yahan click karein.

Toh aap dekh chuke hai ki iss post ke liye candidate eligible honge jinki age 16 se 21 saal hai aur unmarried hona jaruri hai. Iske alava candidate ko 10+2 pass kiya hua hona chahiye aur maths, physics aur english mein minimum marks 50% hone chahiye. Toh ab najar ghumaate hai Group X ke selection process par.


Indian Air Force Group Y

Jaisa ki aapne upar dekha ki Indian Air Force mein Group X ki post nikalti hai vaise hi Group Y ki bhi Air Force Bharti nikalti hai. Iske alava ek baat aapko bata de ki in dono post ke liye ek saath bhi bharti nikalti hai jismen laakho yuva bhaag lete hai apni kismat aajmane ke liye.

Indian Air Force Group X ki post technical post hoti hai jismen aapki educational qualification bhi kuch achhi honi chahiye with kuch compulsory subjects ke saath.

Indian Air Force Group Y Qualification

Age Limit Qualification Physical Standards Selection Process
16 se 21 Saal

Unmarried

10+2 pass.

Minimum marks 50% hone chahiye.

Height – 152.5 cms

Chest – 5 cm phoolna chahiye.

Selection Process ke baare mein jaanne ke liye yahan click karein.

Toh air force ki Group Y post ke liye bhi eligibility aur qualification Group X jaisa hi hota hai. Iss post mein kisi specific subject ki jarurat nahin hai jaise X post mein maths, physics aur english compulsory hai.

Indian Air Force Group X aur Y ka Selection Process

Sabse pehle aapko bata de ki Indian Air Force ke Group X ka selection 5 stage mein poora hota hai jiske baare mein humne niche vistaar se bataya hai.

1. Online Written Examination

Sabse pahle iss post ke liye form bharne ke baad online examination hoti hai jismen achhe marks laane padte hai.

2. Document Verification

Jo candidates Online Written test mein qualify kar dete hai unke documents ka verification hota hai aur phir agle stage ke liye bhej diya jaata hai.

3. Physical Fitness Test

Indian Air Force Group X mein baki bhartiyo ki tarah Physical fitness test bahut important hota hai aur isko pass karna jaruri hota hai. Ismen aapko 1.6 km race poori karni hoti hai 7 minute mein, iske alava 10 Push Up, 10 Sit Ups aur 20 Squats Up lagaane padte hai is physical test mein.

4. Adaptability Test

Physical test ko clear karne ke baad ek adaptability test liya jata hai. Ismen candidate ko ek camp jaise area mein rakha jata hai aur dekha jata hai ki aap Indian Air Force ke environment mein rah paayenge ya nahin.

5. Medical Examination

Indian Air Force Group X ke selection ka last step hota hai medical examination ka. Iss exam mein aapko pass hona jaruri hota hai aur agar aap clear kar dete hai toh aapka selection ho jata hai.


Yeh Kuch Latest Defence Jobs hai Jisme aap apna career bana sakte hai

Indian Army Rally Bharti

Indian Air Force Jobs For Graduates


Toh hum ummid karte hai ki aapko yeh saari posts ke baare mein achhe se samajh mein aa gayi hai aur agar kuch baate samajh nahin aa rahi hai toh comment karke pooch sakte hai, hum aapke sawalon ka javab jarur denge.

जन्म से ही क्रिकेट का दीवाना हूँ लेकिन क्रिकेटर बन नहीं सका और अब विकिपीडियन बनकर खिलाड़ियों पर लिखना शौक बना दिया है।

47 COMMENTS

    • Rushabh bhai aap Group Y ke liye apply kar sakte hai jismen 10+2 pass hona chahiye aur Minimum marks 50% hone chahiye.

    • Kuch kaha nahin ja sakta iske baare mein kyonki agar Physical test ke dauran ashthma ka pata chala toh aapko baahar kar diya jaayega.

LEAVE A REPLY

Please enter your comment!
Please enter your name here