ssc_chsl_recruitment

SSC yani Staff Selection Commission, Central Government dwara banayi gayi ek agency hai jo alag alag government posts par logo ko recruit karti hai. SSC har saal CHSL exam conduct karvati hai jismein lakho log apply karte hain. Toh chaliye ab hum baat karte hai SSC CHSL bharti ke baare mein vistar se.

SSC CHSL Ki Notification aa gayi hai, click karke abhi apply karein 

Iss article mein hum aapko batayenge

SSC CHSL kya hota hai

SSC CHSL salary aur vacancy 2020

SSC CHSL recruitment Important Dates

SSC CHSL ki qualification

Age limit aur eligibility criteria

SSC CHSL application

Selection process

SSC CHSL admit card

SSC CHSL exam pattern

SSC CHSL syllabus

SSC CHSL Kya hota hai?

SSC CHSL ka full form hota hai Staff Selection Commission Combined Higher Secondary Level Exam. Yeh exam 10+2 level par ayojit ki jati hai. Yeh ek aisa exam hai jiski demand humare desh mein bahut zyada hai kyonki yeh ek stable aur bahut hi respectful job hai.

Isme other posts ke liye 3 levels ke exam hote hain, objective multiple choice , descriptive paper aur skill test/computer proficiency test. SSC CHSL exam ki age limit 18-27 years hai.

SSC CHSL ki Official Notification ke liye yaha click kare

SSC CHSL salary aur vacancy 2020

Salary

Lower Division Clerk (LDC)/ Junior Secretariat Assistant (JSA): Pay Band -1 (Rs. 5200-20200), Grade Pay: Rs. 1900 (pre-revised).

Postal Assistant (PA)/ Sorting Assistant (SA): Pay Band -1 (Rs. 5200-20200), Grade Pay: Rs. 2400 (pre-revised).

Data Entry Operator (DEO): Pay Band-1 (Rs. 5200-20200), Grade Pay: Rs. 2400 (pre-revised)

Data Entry Operator, Grade „A‟: Pay Band-1 (Rs. 5200-20200), Grade Pay: Rs. 2400 (pre-revised).

Vacancies

Iss bharti mein niche batayi gayi posts ke liye candidates online apply kar sakte hai.

  • Lower Division Clerk
  • Junior Secretariat Assistant
  • Postal Assistant
  • Sorting Assistant
  • Data Entry Operators (DEOs)

CHSL ki Job Profiles

Lower Division Clerks (LDC) : LDC, clerical work ke liye jimmerdar hote hain, jaise documentation aur seniors ke saath coordination. LDC ki official responsibility hoti hai ki ve office ke operations ka sanchalan kare, aur iss baat ka dhyan rakhein ki saraa kaam soomthly aur efficiently ho raha hai.

Data Entry Operator (DEO) : DEO ki responsibility hoti hai ki ve saare documents ko create, maintain aur update, kare aur saari relevent information computer database mein enter kare. Iske saath DEO ki yeh bhi responsibility hoti hai ki ve employees aur in-house workers ke records maintain kare.

Postal Assistant/ Sorting Assistant (PA/SA) : PA aur SA Ki rank same hoti hai. Inka kaam hota hai customer ko support karna, unse communicate karna, aur unke problems ke solutions provide karna. Unhein inn sab kaam ka data bhi maintain karna hota hai. Iske alawa mail aur post se related saare kaam ki jimmedari inki hi hoti hai.

SSC CHSL recruitment Important Dates

SSC CHSL recruitment ki saari important dates neeche meintion ki gayi hain:

  • Online application shuru hogi: 03/12/2019
  • Apply karne ki Last Date: 10/01/2020
  • Online Payment ki Last Date: 10/01/2020
  • Online Exam Date Paper I: 16-27 March 2020
  • Paper-II Exam Date: 28/06/2020

Important Links

Qualification requirements

SSC Combined Higher Secondary Level Exam ke liye kuch educational qualification bhi honi jaruri hai. Iss exam ke liye jo candidate 12th pass hai kisi recognised board se wo apply kar sakte hain.

Note: agar aap Comptroller and Auditor General of India (C&AG) ke office mein Data Entry Operator (DEO) ki job ke liye apply kar rahe hain toh aapko kisi recognised board se, science stream ke saath 12th Standard pass hona hoga aur aapke paas Maths subject hona jaruri hai

Age limit aur eligibility criteria

SSC CHSL age limit

SSC CHSL recruitment ke liye age limit 18-27 years hoti hai. Yeh age 1 January 2020 ke anusar hai. Matlab 02-01-1993 se aur 01-01-2002 ke baad birth date waale iske liye eligible nahin honge.

Iske alawa SSC CHSL exam mein kayi saari categories mein age relaxation bhi hota hai, jo neeche diye gaye table mein mentioned hai:

Categories

Age-relaxation

·OBC

·Defence person with disability

·Ex-serviceman (ESM)

3 years

·SC/ST

·Candidate domiciled in Jammu & Kashmir

5 years

·Defence person with disability [ SC/ST]

8 years

·PWD – Unreserved

10 years

·PWD – OBC

13 years

·PWD – SC/ST

15 years

· Widows/ Divorced Women/ Women judicially separated

Upto 35 years of age

·Central Government Civilian Employees

·Widows/ Divorced Women/ Women judicially separated [SC/ST]

Upto 40 years of age

·Central Government Civilian Employees [SC/ST]

·Service clerks

Upto 45 years of age

·Service clerks[SC/ST]

Upto 50 years of age

Nationality criteria

Candidate ki nationality neeche di gayi categories mein se honi chahiye:

  • Indian citizen
  • a subject of Nepal
  • a subject of Bhutan, or
  • a Tibetan refugee jo India mein 1st January,1962 se pehle se permanently settled hai
  • ek indian citizen jo Pakistan, Burma, Sri Lanka, East African countries of Kenya, Uganda, the United Republic of Tanzania ,Zambia, Malawi, Zaire, Ethiopia and Vietnam se migrate ho kar India mein permanently settled ho chuke hain.

SSC CHSL apply online

How to apply for SSC CHSL

Aapko bata dein ki jab SSC CHSL notification nikalti hai toh uske liye registration online hi hota hai aur uska process aap niche dekh sakte hain.

Step 1: Sabse pahle aapko official website par click karna hoga.

Step 2: Iske baad jab page khulega toh register karne ka option dikhega aur uspar click karna hoga.

Step 3: Jab naya page khulega toh aapko New Registration par click karna hoga.

Step 4: Iske baad khali box dikhenge jismein candidates ko apni jaankari bharni hoti hai. Ismein basic details bharni hoti hai jaise name, parents’ name, date of birth, email id, mobile number etc.

Step 5: Phir jab sab bhar diya jaata hai toh Submit button par click karna hai. Submit karne se pahle aapko apni details ek baar dhyan se dekh le ki kahin kuch galat toh nahin bhar diya. Sabhi candidates ko Registration ID di jaayegi jinhone SSC CHSL exam ke liye form bhara hai.

Candidates di gayi registration ID, date of birth aur password se SSC CHSL 2020 ke liye site par login kar paayenge.

Step 6: Agle step mein, candidates ko apna photograph aur signature upload karna hoga jo official notification mein bataya hoga.

Photograph – Photograph ki white colour or light colour ki background honi aur uski size 4 kb se 12 kb honi chahiye. Jabki resolution 100×120 pixels in width and height mein honi chahiye.

Signature – Signature black yaa blue ink mein white sheet par hona chahiye. Aur signature ki scanned copy jpg format mein aur 1 kb se 12 kb ke andar honi chahiye. Resolution 40×60 pixels honi chahiye.

Step 7: Registered ID aur password ke saath login karne ke baad SSC CHSL 20019 ka Part-II bharna hota hai.

Step 8: Application form bharne ke baad, candidates ko ek baar dekh leni chahiye.

Step 9: Iss tarah SSC CHSL recruitment ke application form ko sahi se dekhne ke baad Final Submit button par click karna hai. Yahan application form ko print karne ka bhi option hota hai. 

Aakhir mein candidates ko application fee bharni hoti hai SSC CHSL 2020 ke liye. Fee online mode yaa offline mode mein bhar sakte hai aur iski fee Rs. 100/- hai.

Application fees

  • General category ke liye application fees Rs. 100
  • SC, ST, Females, Physically handicapped aur Ex-Serviceman candidates ke liye koi application fees nahin hai.
  • Aap chahe toh ye payment online ya offline mode se kar sakte hain.
  • Application fees aapko SBI se hi bharni hogi, chahe aap challan ke through karein ya phir Net Banking se.
  • Agar aap cash pay karte hain toh aapko apne online generated challan ka print out nikalna hoga aur yeh print out aapko kisi SBI branch mein deposit karna hoga taaki aap apne registration ka process continue kar sake.
  • Registration fees pay karne ke baad hi aap aage ka process kar payenge.

Note: Ek baar jab aap fees de dete hai toh dubara refund nahin kar sakte hai.

Selection process

SSC CHSL ki recruitment mein selection process se bhi gujrana padta hai. Ji Haan, ismein aapko exam dene padte hai aur phir jaakar joining hoti hai.

SSC CHSL exam ko clear karne ke liye aapko 3 alag-alag exams dene padhte hain.

Sabhi candidates jo registration ki last date se pehle apply kar dete hain aur jin candidates ki application sahi order mein hoti hai aur jo Commission dwara accept kar li jaati hai, unhein roll no. de diya jata hai aur tier 1 ke exam ke liye admit card de diya jata hai.

Teir 1 exam ek multiple choice based exam hoga jismein aapko 100 questions answer karne honge, jo candidates tier 1 clear kar lenge unhe tier 2 ka exam dena hoga. Iss baat ka dhyan rakhein ki tier 2 ka Admit card unhi candidates ko milega jinhone tier 1 ka exam clear kara hoga. Tier 2 ka exam ke written exam hota hai , yeh ek descriptive test hota hai.

Agar koi candidate in dono exams mein pass ho jate hai toh unhe tier 3 exam ka admit card diya jata hai. Tier 3 ka exam dene ke liye candidate ko pichhle dono exams qualify karne honge aur tier 2 mein minimum 33% lane honge.

Tier 3 qualify karne wale candidates ko document verification ke liye bulaya jata hai taaki online application mein di gayi details verify ki jaa sake. Neeche diye gaye documents ke verfication ke baad hi aap SSC CHSL recruitment ke liye qualify karte hain.

SSC CHSL Admit Card

Candidate jo SSC CHSL exam ke liye apply karte hain unhein exam se pehle roll numbers aur Admission Certificate yani Admit Card issue kare jaate hain. Kyonki SSC CHSL mein 3 exams hote hain, isliye har Tier exam ke liye alag admit card issue kiya jata hai.

Jo candidates tier 1 exam clear karte hain sirf unko hi tier 2 exam ka admit card diya jata hai, aise hi tier 3 ka sirf un candidates ko milta hai jo tier 2 ka exam clear karte hain. SSC CHSL recruitment exam ka admit card aap unki official website se download kar sakte hain.

Admit Card ke baare mein vistaar se janane ke liye neeche click kare.

SSC CHSL Admit Card

SSC CHSL Exam Pattern

SSC CHSL recruitment exam 3 tiers ke dwara kiya jata hai, jiske baare mein neeche di gayi table mein diya hua hai:

Tier

Type

Mode

Tier – I

Objective Multiple Choice

Computer Based (online)

Tier – II

Descriptive Paper in English/Hindi

Pen and Paper mode

Tier – III

Skill Test/Computer Proficiency Test

Wherever Applicable

 Tier 1 Exam Pattern

  • Tier 1 ek Multiple Choice Questions format ka exam hota hai jo online conduct karvaya jata

The question paper will comprise 4 sections:

  • Section 1- General Intelligence
  • Section 2 -English Language
  • Section 3- Quantitative Aptitude
  • Section 4- General Awareness/General Knowledge.
  • Tier 1 Exam mein total 100 questions hote hain aur har question ke 2 marks hote hai, matlab yeh exam 200 marks ka hota hai.
  • Iss exam ki duration pehle 75 mins hua karti thi lekin ab yeh paper 60 mins yani ki 1 hour ka kardiya gaya hai.
  • Iss exam mein aane wala question paper mein hindi aur English, dono languages mein question pooche jayenge, sirf English language ke section mein hindi language ka translation nahin diya jaayega.
  • Har galat answer ke liye 25% yani 0.5 marks kat kar diye jaayenge.

 Neeche diye gaye table mein har section ke allotted question diye gaye hain.

S No.

Section

No. of questions

Maximum marks

1

General Intelligence

25

50

2

English Language

25

50

3

Quantitative Aptitude

25

50

4

General Awareness

25

50

Tier 2 Exam Pattern

  • Tier 2 exam descriptive exam hota hai jo offline mode par conduct kiya jata hai. Yeh ek pen paper based test hota hai.
  • Candidates ko kisi particular topic par essay/ letters/ application likhna hota hai.
  • Yeh exam 100 marks ka hota hai jisse karne ke liye aapke paas 1 hour yani 60 minutes hote hain.
  • Candidates ke paas yeh choice hoti hai ki ve ye exam hindi mein karna chahte hain ya english mein.
  • Tier 2 ka exam qualify karne ke liye candidates ko minimum 33 percent score karna hota hai, yeh qualifying marks SSC ki conduct body ke dwara set hai.

Neeche diye gaye table mein aapko tier 2 mein diye gaye topics , allotment of marks, word count aur time ke baare mein bataya gaya hai.

Topics

Word count

Maximum Marks

Duration

Essay writing

200-250

100

60 minutes

Letter/Application Writing

150-200

Tier 3 Exam Pattern

  • Tier 3 ek Skill Test/Typing Test unn candidates ke lie jinhone tier 1 aur tier 2 exam qualify kar liya hai .
  • Typing Test sirf un candidates ke liye hota hai jinhone Data Entry Operator DEO) ke post ke liye apply kiya hai.
  • Typing Test: English language mein 35 words per minute ki typing speed hona jaruri hai. Hindi language ke liye 30 word per minute ki requirement hoti hai. Typing test, Postal Assistant/Sorting Assistant, LDC, aur Court Clerk posts ke liye conduct kiya jata hai.
  • Skill Test: Data entry ke liye 8,000 key depressions per hour ki speed ki requirement hoti hai. Yeh test Data Entry Operator ki post ke liye conduct karaya jata hai. Iss test ki duration 15 minutes ki hoti hai.
  • Iss baat ka dhyan rakhein ki candidates ka final admission unke Tier 1 aur Tier 2 mein score kiye gaye marks ke basis par hi kiya jata hai.
  • VH/OH (afflicted by Cerebral Palsy) aur OH with writing disability ke category ke candidates ke liye test ka samay 35 minutes ka hota hain jismein 20 minutes ka compensatory time diya jata hai. 

SSC CHSL exam syllabus in hindi

Tier 1 exam syllabus

Tier 2 exam syllabus

YeH ek descriptive exam hai jisse english / hindi mein candidates ke writing skills ko test karane ke liye conduct karvaya jata hai. Exam mein 200-250 word ka essay aur lagabhag 150-200 shabdon ke letter/application jaise question diye jaate hain.

Tier-2 mein minimum qualifying percentage 33% hota hai. Tier 2 ki taiyaari ke liye sabse achha tareeka hai bahut saare articles aur newspapers padhna, iske alawa, aapko letter aur application ke pattern aur formats ke baare mein achhe se pata hona chahiye.

Tier 3 Exam Syllabus

SSC CHSl Exam ke Tier 3 mein kuch particular skills ka test kiya jata hai jo certain government jobs ke liye jaruri hota hai.

Skill Test for Data Entry Operator (DEO):

• Iss test ke liye computer par 8,000 key depressions ki Data Entry Speed honi chahiye.

• Iss test ki duration sirf 15 minutes hoti hai, yani 2000 key depressions in 15 minutes.

Typing Test for Postal Assistant/Sorting Assistant LDCs and Court Clerks:

  • Typing Test, English ya hindi mein conduct kiya jata hai, language ki preference candidate ki hoti hai. Application form bharte samay candidate ko apni language preference batani hoti hai.
  • Yeh ek computer based test hai, aur yeh computer, commission ke dwara provide kiya jate hain.
  • English language mein 35 words per minute ki typing speed hona jaruri hai. Hindi language ke liye 30 word per minute ki requirement hoti hai. Typing test, Postal Assistant/Sorting Assistant, LDC, aur Court Clerk posts ke liye conduct kiya jata hai.

Note: Skill test ya typing test ke baad jo candidates qualify karenge, unko unke merit ke basis par hi appoint kiya jaayega.

SSC CHSL exam ki taiyari ke liye recommended books

General Intelligence

  • Verbal and non-verbal reasoning – RS Aggarwal
  • Analytic reasoning – M K Panday

English Language         

  • Objective English for Competitive Examinations – Tata McGraw Hill
  • Competitive General English – Kiran Prakashan
  • Objective General English – S P Bakshi
  • Quick learning Objective General English – RS Aggarwal & Vikas Aggarwal  

Quantitative Aptitude

  • Quantitative Aptitude – R.S. Agarwal
  • Quicker Mathematics- M. Tyra
  • Elementary and Advanced Mathematics – Kiran Prakashan

General Awareness

  • Manorama Yearbook 2019 (English and Hindi) – Malayalam Manorama
  • Lucent’s General Knowledge (English and Hindi) – Lucent’s

Saari Latest SSC Bharti Updates 2020 ke liye click karein


Humein umeed hai ki iss information SSC CHSL recruitment ki puri jaankari mil gayi hogi jaise, application, salary, exam pattern, etc. Humne puri koshish ki hai ke shuruwat se ant tak aapko har sawal ka jawab mil jaye. Agar abhi bhi aapko kisi jaankari ki jarurat ho toh comment mein jarur puchein. Hum aapki puri madad karenge.

She is a Bcom Hons. student of Shaheed Bhagat Singh College, University of Delhi. She is a senior member of Encode - the skill development society of SBSC, member of the Entrepreneur cell of SBSC and a member of Rotract Club Visioners League. She is a very positive person who always tries to contribute her bit towards the society She has also done a two month Digital Marketing internship with Josh Talks.

LEAVE A REPLY

Please enter your comment!
Please enter your name here