Digital marketing interview mein kya pucha jata hai

Ab jabki aapne basic level pe saari jankari pa li hai, hume umeed hai ab aap confident honge kisi bhi digital marketing interview me baithne ke liye. Aur agar apne humare basic level ke digital marketing interview Q&A nahi padhe hain toh yahan click kare.

Digital marketing – Advance level ki importance

Advance level ki tyyari me hum apko batayenge ke ese kon se sawal hain jo ki apke digital marketing ke knowledge ko aur enhance karenge aur apke interview clear karne ke chances ko aur badhayenge.

Toh ayiye jane ke is article ko padhna kyun jaruri hai aur kyun karein advanced level pe digital marketing interview ki tyyari –

  • Ye article apko interview ke liye puri tarah tyyar karega.
  • Issey aap analysis-based questions ke bare me janenge.
  • Ap issey advanced level ke questions janenge aur apki knowledge aur behtar ho jayegi.
  • Is article mein technical questions pe jyada focus kia gaya hai.

English Improvement ke liye Click Karein

Ek Accha Content Writer kaise bane janne ke liye ye padhe

Job interview mein yeh kabhi mat karna!


Digital marketing interview questions – Advanced level

Toh ayiye jante hain digital marketing ke advanced level ke questions aur unke answers –

Q.1) Responsive web design kya hota hai?

A) Responsive web design ek naya approach hai for website design jo ki web pages ke performances ko behtar banata hai taki usey variety of devices jaise ki desktop, mobile, aur tablet pe acche user experience ke sath dikhaya ja sake. Is process me hum kosish karte hain ke mix of flexible layouts, grids, images aur CSS (Cascading Style Sheets) media queries ki help se experience ko behatar banaya ja sake.

Q.2) What do you know about AMP

A) AMP(Accelerated Mobile Pages) ek Google ki taraf se open-source library hai jo ki ek behtar tarika provide karta hai jissey compelling, smooth, aur easily load hone wale web pages banaye ja sakte hain. AMP, publishers aur marketers ke liye mobile-friendly web pages banane me kaafi helpful hota hai. Iske alawa, ye har tarike ke platforms aur browsers pe supportive hai.

Q.3) Webmaster Tool kya hai?

A) Webmaster Tool (Jisey Google Search Console bhi kehte hain) Google ke taraf se ek free service hai. Webmaster ko use karne ke ye kuch basic fayede hain –

  • Free data indexing – Data indexing se aap apne website aur ussey jude data ko Google me index karwa sakte hain, taki koi jab apke product se related query ke bare me search kare toh Google result me apki website ko show kare.
  • Crawl errors – Crawl error se aap ye jaan sakte hain ke wo kon se URLs hain jo ki Google identify nahi kar pa raha ya jinme kuch problem hai.
  • Search queries – webmaster ki help se aap ye bhi jaan sakte hai ke log kin keywords ko sabse jyada search kar rahe hain aur fir aap unhi keywords pe focus kar sakte hain.
  • Back-links information – backlinks apke website ke SEO ke liye ek bhot important factor hai. Webmaster se aap naye links ke bare pata kar sakte hain aur backlinks ko download bhi kar sakte hain.
  • Website malware errors – Webmaster apki website ki security ka bhi dhyaan rakhta hai. Agar kabhi bhi apki website pe kisi malware ka attack hota hai toh Webmaster apko notification deta hai taki aap us attack ko rectify kar sakein.
  • XML sitemap – Webmaster ke help se aap apne website ki sitemap Google ko submit kar sakte hain. Sitemap apke website ka ek roadmap hai jo Google ko apke website ke important pages and URLs ki information provide karta hai.

Q.4) Spider/Crawlers kya hai?

A) Mostly search engines apke website ko index karne ke liye spiders/crawlers ko use karti hai. Spiders hyperlinks ko follow karte hain aur textual and meta information ko search engine databases ke liye collect karte hain.

Q.5) Crawler/Spiders ek website se dusre website par kaise move karta hai?

A) Crawlers/Spiders links follow karte hain jo ki usey ek website se dusre website par le jata hai aur isis tarah wo apke relevant information ko dhundta hai.

Q.6) Robots.txt kya hai?

A) Robots.txt ek text file jisey search engine crawlers ko instructions provide karne ke liye use kia jata hai. Ye instruction indexing and web page caching, domain, directory ya website ki kisi file ke liye dia jata hai.

Analysis based question

Ayiye ab digital marketing interview ke kuch analysis based questions aur unke answers jane –

Q.7) “Bad links” kisey kaha jata hai?

A) Niche diye gaye sabhi type ke links ko bad links kaha jata hai,

      • Kisi blog se lia gaya spammy link
      • Kisi non-indexed website se aya hua link
      • Wo links jinhe kharida gaya ho
      • Wo links jo ki low Page Rank rakhne wali websites se aye ho ya jinke traffic low ho
      • Un websites se aye hue links jo ki apki website ke liye relevant na ho
      • link exchanges se aye hue links
      • Wo koi bhi link jisey manually online link directory se lia gaya ho.

Q.8) Kya aap best ways bata sakte hain jissey website ke liye natural backlink lia ja sake?

A) Agar apki website newly launched hai, us case me fast aur natural links aane ke chances almost impossible hain. But, natural backlink lane ka ek common way hai to write guest posts un websites pe jo ki reputable hai aur jahan apke product related categories ho.

Q.9 Kisi page ka Pagerank kaise badhaya ja sakta hai?

A) Kisi bhi page ka pagerank backlinks building se improve kia ja sakta hai. Iske alawa SEO bhi bhot important hai apke page ki ranking ke liye.

Q.10) Important kya hai: the engagement rate ya followers/likes?

A) High engagement rate ek excellent sign hai ke apke followers apke product mein interest rakhte hain.High engagement matlab users apke product ko samajhte hain aur apke sath jude rehna chahte hain. Jabki followers/likes tabhi kaam aata hai jab wo followers apke sath engagement banaye rakhein.

Q.11) Social media tool ka istemal customer service ke liye kaise kia ja sakta hai?

A) Social media ek great tool hai for customer service. Social media se aap apne client ke sath direct connect me reh sakte hain.Unke response ke liye aap analytics ka use kar sakte hain. Iske alawa aap influencers se bhi jud sakte hain for greater interaction.

Q.12) Apke anusar PPC me conversion rates ko optimize karne k liye best elements kya hai?

A) Ye kuch elemets hain jo ki importance rakhte hain PPC conversion rate optimization ke liye –

      • Apke advertisements and landing pages ke bich high degree of relevance hona chaiye
      • compelling content bhot hi important factor hai aur apki website pe relevant keywords ka hona bhi must hai.
      • landing page ki design ko review kare. Ek accha landing page sahi color combination, GUI (Graphical User Interface), and layout se milkar banta hai.
      • Apke web page registration process simple and easy hona chaiye. Aur iske alawa, ek newsletter sign-up ka section jarur lagaye.

Q.13) Bidding kya hai? Bid kispe depend karta hai?

A) Bid ka matlab hota hai ke apne apne keyword ke liye kitna price set kia hai. Bid do tarah ki hoti hai – Automatic aur Manual.

Automatic Bidding – Automatic bidding me jis tool ya service ko aap use kar rahe hain to run your ad, wo apke keyword/campaign pe aane wale click ke liye automatically bid decide karta hai aur ye apke quality score pe depend karta hai Automatic bidding apke ad ke liye maximum clicks provide karta hai depending on your budget.

Manual Bidding – Manual bidding me aap khud decide karte hain ke bidding amount kitna rakhna chahte hain. Apki bidding amount decide karti hai ke aapke ad ki reach aur impression kitni hogi.

Apke ad ki Bid in kuch chizon pe depend karti hai –

      • Quality score – Quality score Google ki ek strategy hai jo ki apke keyword or PPC ad ki quality or relevance ki rating karta hai. Apke PPC ad ki quality score decide karti hai ki apka CPC (Cost per Click) kitni hogi. Kaha jaye toh quality score or PPC inversely proportional hai, that means –

Jitni jyada Quality score hogi, utni hi kam apki CPC hogi.

      • CTR – Click Through Rate (CTR), ek ratio hai between your users jinhone apki ad dekhi aur wo users jinhone us ad per click kia.

CTR pata karne ka tarika haiClicks/Impressions = CTR

      • relevance of keyword – Iska matlab hai apka keyword apke content se kitni accuracy rakhta hai. Also, apke selected keyword ko content me kitni bar use kia hai gaya hai, us keyword ki relevancy batata hai.
      • landing page quality – landing page wo page hota hai jahan apke users land karte hain once they click on your ad. Apke landing page ka layout, navigation, content and user experience us landing page ki quality decide karta hai.

Q.14) Kisi website ke loading time ko kaise kam kia ja sakta hai?

A) Website ka loading time in kuch chizon pe depend karta hai

      • Page par number of images or videos kitni hain
      • Images optimized hain ya nahi, that means image file size optimized ho aur quality behatr ho.
      • HTTPs (Hypertext Transfer Protocol) ki multiple request ko reduce kia jana chaiye by using CSS sprites.
      • Cache (data/files stored in your RAM) apki website ki speed reduce kar deta hai. Cache clear rakhna apki website speed ke liye jaruri hai.

Q.15) In codes ka kya matlab hai – 200/301/307/404/403/503?

A) In codes ko HTTPs codes kaha jata hai. Ye codes browser dwara kiye gaye request ke status ke bare me batata hai.

200 (OK) – Is code ka matlab hai ki request ka status bilkul sahi hai and it’s working perfectly.

301 (Moved Permanently) – Iska matlab hai ke ki gayi request ko uski original location se permanently dusri location pe move kar dia gaya hai.

307 (Temporary Redirect) – This means, ke kisi request kiye gaye document ko temporarily kisi dusre URL pe move kar dia gaya hai.

404 (Not Found) – This means ki browser se ki gayi request, diye gaye URL pe available nai hai. Ye ek error code hai.

403 (Forbidden) – This means, browser se ki gayi request ke liye apko access nahi hai.

503 (Service Unavailable) – This means, ki server apki request ko fulfil nahi kar pa raha hai kyunki ya toh server busy hai ya server overload ki problem ho gayi hai.

Toh ye the kuch bhot hi important questions jo ki digital marketing ke interview me pucha jata hai. Humne best resources aur digital marketing experts ke advice ko use karke in questions aur answers ko banaya hai. Kyunki digital marketing ek bhot hi progressive field hai, isilye aane wale time me hum is article ko aur bhi improve aur update karte rahenge taki aap bhi updated rahein.

Iske alawa agar aap janna chahte hain ke kisi bhi interview ki taiyari kaise ki jaye, toh yahan click karein aur apne aap ko kisi bhi interview ko face karne ke liye prepare karein. Agar apke mann me koi bhi sawal hai ya koi suggestion hai toh hume comment karke jarur batayen.


Personality Development ke liye Click Karein


Agar abhi bhi aap digital marketing interview se juda koi sawal ya koi jaankari janna chahte hain toh humse comment box mein apna sawal pucchiye, hum apki poori madad karenge.

LEAVE A REPLY

Please enter your comment!
Please enter your name here