Work From Home ki puri jaankari

Current time mein Jobs aur naukri ki maramari mein log yahi chaahte hai ki kam se kam unhe ghar baithe (Work From Home) karne yogya koi chhota mota kaam mil jaaye jisse kuch kamai ki ja sake. Saath hi aise bhi bahut saare log dekhne ko milte hai. Saath hi aise bhi bahut saare log dekhne ko milte hai kahin full time job karke saath mein part time freelance job karte hai. Toh aaj ke iss article mein aapko hum isi ke baare men batayenge ki aap kaun-kaun se kaam ghar baithe kar sakte hai.

Aap niche diye gaye Topics par jaakar aasani se padh sakte hai:

Achar Ka Business
Online Business
Agarbatti Making Business
Freelance Writing
Make Up/Hair Stylist
YouTuber
Tuition
Photo/Video Editing
Craft Item
Web Developing
Translator
Blog Writing
Data Entry
Silai karke
Packing ka kaam
Photo Selling
Painter

Achar Ka Business

Yeh ek aisa business hai jisme kam laagat hai aur munafa bhi asani se kamaya jaa sakta hai. Aur iss business ki khaas baat ye hai ki aap ye business ghar baithe baithe bhi shuru kar sakte hain.Iss business ke liye sabse zaruri hota hai achar banane ki vidhi ya recipe. Ek achhi recipe aapke business ko nayi unchaiyon par lekar jaa sakti  hai. Achhi recipe hi grahak ko aapka achar khareedne keliye lubha sakti hai. Grahak aapka achar tabhi khareedenge jab unko aapke achar mein ek alag aur acha swaad aaye jo market mein kahi aur available nahi hai. Agar aap ve achar bechte hain jiski market mein demand hoti hai tab bhi aapka business achhe se chalega.
Achar ka business kaise khole ki jaankari ke liye click kare

Online business

Aaj ki generation internet ke bina adhuri hai. Har choti se badi khabar hume internet se mil jaati hai. Chahe woh shopping ho, koi payment ho ya koi sarkari kaam ho, saare kaam internet ke zariye ho jaate hain. Toh agar aap kisi naye business ki shuruwat karna chahte hain jisme kam investment aur achha munafa ho toh humari salah hai ki aap apna online business shuru kare.
Online business kaise kare ki jaankari ke liye click kare

Agarbatti Making Business

Agarbatti ka use india mein har ghar mein hota hai aur festival ke time par inki bikari aur badh jati hai. Agarbatti business kam lagat mein jyada se jyada profit dene wale business mein se ek hai. Agarbatti business ko chalane ke liye koi khaas training ki jarurt nahi hoti. Aap agarbatti business ghar baithe bina kisi staff ko rakhein bhi chala sakte hai.

Agarbatti making buisness ki jaankari ke liye click kare

 Freelance Writing

Aaj ke daur mein freelance writing ka khumar har kisi ke chehre par dekhne ko mil raha hai kyonki internet ka yug hone ke karan har koi apna khud ka chota-mota business shuru kar rahe hai is kaaran yeh log aise logo ko hire karte hai jo ghar baithe kaam (Work From Home) kar sake. Halanki kai aisi badi-badi websites bhi hai jo freelancer rakhti hai. Saath hi aap kisi newspaper ke liye bhi article likhkar paise kama sakte hai. Aaj jitne bhi article hum internet par dekhte hai ya padhte hai wo sabhi content writer hi likhte hai.

Freelance writing aur content writing ek hi baat hai. Ismen aap ghar baithe aur kisi company mein jaakar bhi kiya jaa sakta hai. Aise job mein websites waale aapko kisi bhi topic par likhne ko bol sakte hai, to aapko bhi unke kahe anusar likhna hota hai. Website waale aapko words ke anusar paise dete hai jitni unki rate hoti hai. Aaj jitna kuch humein pata chala hai wo agar hum aapko batayen toh kisi 300 se 350 words ke article ke liye 50 से 70-80 rupees dete hai. Kul milakar isse aap mahine ke aaram se kaam karte hue 5 se 6 hajar tak kama sakte hai aur agar isi ko apna career banana hai toh aap jyada mehnat karke 15000 tak ki kamai ghar baithe aasani se kar sakte hai. Halanki ismen aapke paas likhne ki achhi kala honi chahiye matlab padhai likhai achhi honi jaruri hai.

Wahi agar aap kisi newspaper ke liye likhte hai toh ismen bahut achhi khaasi rakam ek article par hi mil sakti hai. Ji haan, kai bade aur chhote newspaper wali companies freelance article leti hai aur unhe 1000 se 5000 tak paise deti hai. Saath hi agar kisi special person ka interview lene ka mauka milta hai toh unhe jyada paise bhi diye jaate hai.Kul milakar ghar baithe freelance writing achha madhyam hai paisa kamane ka.

Freelance ki Job milegi kaise

Yeh bhi ek bahut bada sawal hai ki aakhir freelance writer ki job milegi kaise ? Toh aapko bata de ki aaj job search karna itna kathin nahin hai kyonki kai job portal par iske liye advertise nikalte rahte hai jismen apply karke ye jobs kar sakte hai. Saath hi companies ki website ya social media par bhi aap unse job ke baare mein pooch sakte hai aur saath hi woh khud bhi post karte rahte hai.

Job kaise search karte hai uske liye yaha click kare

 Makeup artist/hair stylist bankar khud ka khole store

Makeuo artist ki aaj film industry mein bahut maang rahti hai lekin ghar se yeh kaam nahin hota lekin aap isse ghar baithe (Work From Home) bhi kar sakte hai. Iske alawa hair stylist ki bhi bahut demand rahti hai. Lekin agar aap ghar baithe hi makeup aur hair stylist karke paise kamana chaahte hai ya apne passion ko banaye rakhna hai toh khud ka store ghar par hi kholkar shuru kar sakte hai. Ismen agar aap shahar mein rahte hai toh jyada kaam aayega kyonki gaavo mein makeup ka chalan itna jyada nahin hai. Halanki hair stylist toh aap kahin bhi ban sakte hai.

Ismen aap mahine mein 10 se 15 hajar tak kama sakte hai aur isse jyada bhi kamai kar sakte hai. Saath hi aapka naam jab badhta toh uske baad kisi badi jagah se request milne shuru ho sakte hai. Iske baad toh aap achhi khaasi kamai kar sakte hai.

Adhik Jaankari Ke Liye Yahan Click Karein

YouTuber banein

YouTube aaj sabse bada aisa madhyam ban gaya hai jismen koi bhi creative person achhi khaasi kamai ke saath apna naam kama sakta hai. YouTuber banne ke liye aapko kahin bahar jaane ki bhi jarurat nahin hai agar aapke paas internet aur laptop hai toh achhi baat hai aur aap yeh kaam mobile se bhi kar sakte hai.

Aaj duniya bhar mein anginat sankhya mein log youtube par video banakar mahine mein laakho rupye kama rahe hai. Saath hi kai badi companies toh isi ke madhyam se chal rahi hai. Toh aap bhi ek youtuber ban sakte hai aur achhi khaasi income full time job ke saath yaa isko hi full time work bana sakte hai.

Youtube ke platform par aaj lagbhag sabhi prakar ke video dekhe jaate hai aur aap bhi apni ruchi ke anusar video banana shuru kar sakte hai. Halanki ismen aapko kuch samay jarur lag sakta hai kamai karne mein kyonki aaj shuru kiya aur kal se paise aane shuru ho jaaye aisa nahin hota, toh shuruaat mein mehnat ki jarurat padti hai.

Ek baat yeh bhi hai ki ismen aapke paas bolne ki achhi kala ya kshamta honi chahiye. Saath hi kuch padhai bhi ki hui honi chahiye taaki aap achhe se video bana sakte. Halanki ismen padhai ki aisi koi khaas jarurat nahin hoti hai.

Online aur Offline Tuition class start karein

Yadi aapko padhne ke saath mein padhane ka bhi shauk hai, toh aap online ya offline tuition class shuru karke auro ko padhakar bhi achha khasa paisa kama sakte hai. Kai start-up is kshetra mein nivesh kar rahe hai. Aaj agar hum online ki baat kare toh MyPrivateTutor.com, BharatTutors.com, tutorindia.net jaisi badi-badi websites hai jismen aap judkar ghar baithe achhi khaasi kamai kar sakte hai. Ismen aapko apni kaabiliyat ke hisab se paisa milta hai aur ek study ke anusar har ghante ke 200 se 1000 rupye milte hai.

Isi tarah agar offline ki baat kare toh aap apne ghar par hi chhoti si class shuru kar sakte hai jismen padhne waale ladke aur ladkiyan aa sake. Phir agar achhe khaase student aane lage toh ismen aur jyada dhyaan dete hue class mein aur facilities badha sakte hai taaki jyada se jyada students aa sake.

Offline tuition class mein bhi aap bahut achha paisa kama sakte hai lekin ismen aapke paas bahut achha paisa kama sakte hai lekin ismen aapke paas kam se kam graduate ki degree toh honi hi chahiye. Yeh kaam aap apne job ke saath hi late time mein bhi kar sakte hai agar students aaye toh.

Ab baat aati hai ki tuition class kholne par aap kitna paisa kama sakte hai, toh bata de ki iska koi satik javab nahin hai ki tuition mein kitna paisa milega. Lekin haan, ek andaaj jarur laga sakte hai ki yadi 15 students rojana aate hai aur unki monthly fees 1 thousand bhi ho toh mahine ke 15 hajar toh pakke hai hi lekin aaj sabkuch bahut mahanga hai toh ek hajar se toh jyada hi fees lete hai.

Photo and Video editing

Photo editing and video bhi aaj ke daur mein ghar baithe karne ka achha option hai. Aaj iski bhi bahut maang rahti hai har jagah chaahe wo website ke liye ya kisi chhoti moti dukan mein. Lekin kya aapko pata hai ki ise aap ghar baithe bhi kar sakte hai. Ji haan, aap photo editing aur video editing ka yeh kaam ghar baithe bhi kar sakte hai aur achhi khaasi kamai bhi kar sakte hai.

Toh agar aap ise ghar baithe hi karna chahate hai toh aasani se kar sakte hai kyonki aaj kai chhoti-moti companies freelancer photo aur video hire karti hai jinhe har photo aur video ke hisab se paisa deti hai. Aap ise kai job portal par bhi dhoondh sakte hai aur saath hi company ke social media page par bhi jaankari juta sakte hai.

Editing kya hoti hai ?

Video ya photo editing ek aisa process hai jismen video ya photo ko edit karke aur usmen se galtiya hatakar achha banana hota hai. Editing kaa kaam computer aur mobile par kiya jaa skta hai jismen internet ki bhi jarurat pad sakti hai. Editing ka kaam film, TV shows, web video (jaise youtube) mein kiya ja sakta hai. Vaise ismen jyada padhai mein jyada koi lekin kam se kam itni padhai toh ki hui honi chahiye ki likha hua padh sake aur internet par kuch dhoondh sake. Ismen aap ghar baithe aaram se 10 hajar tak kama sakte hai aur isse jyada bhi.

 Craft item

Kai log aise hote hai jo aaj saaj sajja ke samanon (craft items selling) ko behtar tarike se logo ke saamne present karte hai aise logo ko makeup orbiter mission ki product ki cheejon mein jitne jyada maahir hote hai unhe utne jyada salary milti hai aur wo ghar baithe ismen achhi khasi income kar sakte hai.

Ek baat bata de ki ismen aisi koi padhai-likhai ki bhi jarurat nahin hoti hai. Lekin agar aap padhe-likhe hai bhi toh achhi baat hai. Ismen aap naye-naye aur achhe-achhe craft banakar achhi khaasi income kar sakte hai.

Craft item ka business option bahut hi achha hai phir apni creative ko bahar laane mein aapko sochna hai aur sambhavna se bhara snasar is kaam ke liye aapka intjaar kar rahi hai. Iss field se jude log kaafi creativity dimag waale hote hai aise logon ko bade-bade celebrity ka makeyp karne ke liye bhi offer milta hai agar is kaam mein aap kuchal hote hai toh aapko bollywood ki field mein bahut option mil sakte hai aur achhi salary bhi milti hai.

Web developing

Web developer wah hota hai jo websites ya apps banate hai. Yeh jo aap websites khole baithe hai yeh kisi developer ne hi banai hai tab jakar aap ghar baithe yeh jaankari padh paa rahe hai. Yeh kaam aap bhi kar sakte hai aur wo bhi ghar baithe. Ji haan, yadi aapne coding aur programming language sikhi hui hai toh aap yeh kaam kar sakte hai. Ek aur baat yeh bhi ki agar aap iske baare mein nahin jaante hai toh online free course kar sakte hai.

Aaj present time mein jyadatar badi companies toh full developer apne paas rakhti hai lekin kai badi aur chhoti companies aisi hoti hai jo freelance rakhti hai taaki kaam bhi ho jaaye aur jyada kharcha bhi na karna pade. Aaj developer bahut paise kamate hai kyonki yeh kaam hi kuch aisa hai. Ismen coding karni hoti hai jo bina course walo ke liye thodi kathin hai.

Aisa mana jata hai ki web developing mein company wale project dete hai jismen aap apne anusar paise maang sakte hai jo sahi ho. Saath hi kabhi-kabhi chhoti moti problem websites mein aa jaati hai unke liye bhi log developer ko yaad karte hai.

Kul milakar ek anuman ke anuman se web developer 25 hajar se 1 lakh per month kama sakta hai. Ismen developing ki study aur course kiya hua hona chaahaiye.

Translator

Translator wah hota hai jo kisi bhasha ko doosri bhasha mein badalkar ya anuvad (translate) karke deta hai. Aaj bahut se log iss feild mein bhi apna career bana rahe hai. Saath hi ismen achhi khaasi rakam bhi milti hai. Bata de translator ko jyadatar freelance ke roop mein hi hire kiya ja raha hai aur online job portal par aaj iske baare option milte rahte hai.

Aaj bahut saari aisi websites hai jahan par translator ki jarurat rahti hai aur wo log freelance ke roop hire bhi karte hai. Isme aaj angrezi ko bharat ki kai regional language mein translate ke liye alag-alag logo ko rakhte hai aur words ya article ya page ke anusar paise dete hai. Ghar baithe translator ki agar job karna chahte hai toh aapko Upwork and Fiverr par account jarur banana chahiye kyonki waha humesha hi aise logo ki jarurat hai.

Agar hum paiso ki baat kare toh aaj translator achhi khasi kamai karte hai. Agar unhe koi badi company ka achha projects mil jaaye toh wo rojana 1 se 5 hajar tak aasani se kama sakte hai. Wahi agar kisi chhoti company waale koi koi paragraph ya article ka anuvad karwate hai toh usme bhi achhi rakam dete hai.

Blog writing

Blog ke baare mein toh shayad aapko bhi achhe se pata hoga ki kya hota hai lekin agar nahin bhi pata hai toh aapko bata de ki yeh ek tarah se khud ki website hi hoti hai jismen hum apne man se kisi bhi topic par blog likh sakte hai. Blog ke liye aapko kuch paisa bhi kharch nahin karna padta hai aur iske fayde bhi bahut hai.

Ji haan, agar aap blogger ban jaate hai toh future mein kai bade avsar bhi mil sakte hai aur isse aapka naam bhi badhega aur saath hi aap isse bahut achhe paise bhi kama sakte hai. Yeh kaam aap ghar baithe aaram se kar sakte hai.

Blog writing mein aap kabhi bhi apna career yaa kahen toh apna hunar dikhana shuru kar sakte hai. Ismen yeh jaruri hai ki aapko likhne ka shauk hona chahiye aur saath hi likhne ki kala bhi kuch had tak achhi hogi tabhi jakar log aapke blog ko padhenge. Jab jyada log padhenge toh paise bhi achhe aane lagenge. Halanki isme ek baat ka dhyan yeh bhi rakhna hai ki aap kisi aur ka content copy na kare balki khud hi likhna achha rahega.

 Data Entry operator

Ghar baithkar mein data entry bhi ek achha option hai. Jankari ke liye bata de ki jo log computer mein data input karne ka kaam karte hai unhe hi data entry kaha jata hai. Iske liye wah kisi bhi prakar ki input device ka use kiya ja sakta hai jismen Key board, scanner, barcode reader, OMR scanner etc iske alava kuch data ko dekhkarbhi type karna hota hai ya translate bhi karna pad sakta hai.

Agar aap bhi ghar baithe data entry ki job karke achha khasa paisa kamana chahte hai toh ismen aapki typing speed achhi honi chahiye kyonki ismen typing ka hi poora khel rahta hai aur fatafat likhna padta hai.

Data entry ko ghar baithkar agar aap kaam karte hai toh lagbhag 10 se 15 hajar har mahine aasani se kama sakte hai. Halanki isse jyada bhi kamai ki jaa sakti hai agar aapke paas computer ka achha knowledge ho toh.

Ghar Baithe Silai Ka Kaam

Kahin bhi jao mahilayen aaj kisi se kam nahin hai. Yeh baat toh sahi hai mahilayen aaj har field mein purushon ke barabar aage badh rahi hai. Khair ab baat karte hai silai ki, toh agar aapko bhi achhe se silai karni aati hai toh aap ismen achhi khasi kamai kar sakte hai.

Aaj jitne bhi hum kapde pahante hai use kisi n kisi ne toh sila hai. Aap ghar par baithkar silai kar sakte hai aur achhe khaase paise kama sakte hai. Wahin agar aapko achha response milna shuru ho jaaye toh khud ka bada shop bhi khol sakte hai aur logo ko hire karke rojgar bhi de sakte hai.

Silai karne mein aisi kuch padhai ki bhi jarurat nahin hai kyonki ismen aapko kapdo ko hi silna hota hai aur kuch nahin. Halanki thodi bahut jaruru padhai ki hui honi chahiye taaki dress ka maap sahi se le paaye.

Agar aap bhi silai ka business shuru karna chahte hain toh aap tailoring business se judi puri jankari pa sakte hain.

Tailoring business se judi puri jankari ke liye yahan click karein

Packing ka Kaam

Shaadi, birthday, shagun, anniversary, naye ghar mein pravesh ya other paariwarik aayojan ismen har koi uphar (Gift) toh lata hi hai kyonki in gift se waha jana thoda achha lagta hai. Yeh gifts bhale hi chhote ho yaa bade lekin iski packing jarur achhi honi chahiye. Agar gift ki packing achhi hai, toh uski taraf dhyan har kisi ka jata hai. Pahle log packaging par jyada dhyan nahin dete the, magar ab logon kki soch badal chuki hai. Kuch log toh alag se packing bhi karwane lage hai. Chhote shahro mein bhi log shadiyon aur other chhote-chhote aayojan ke liye saaman ki packaging karwane lage hai.

Saath hi isse aaj rojgar bhi kaafi logon ko mil raha hai jo ki bahut achha option hai. Ji haan, mahilayen aur ladkiyan mukhya roop se ghar baithe isi kaam ko karna bahut pasand karti hai kyonki yeh itna kathin kaam nahin hai aur aasani se ghar baithkar kiya ja sakta hai.

Ismen hota kya hai ki koi bhi customer aapke paas kisi cheez ko achhe se packing karwane aate hai toh aap yeh kaam karke achhe khaase paise kama sakte hai. Yeh aap apne full time job ke saath bhi kar sakte hai.

Photo selling

Photo selling ke baare mein aapne bhi kai baar suna hoga aur dekha bhi hoga. Jab kabhi internet par photo download karte hai toh wo download ki bajay paisa maangte hai aur agar koi direct bechte hai use hi photo selling kahte hai. Photo selling arthat khud ke khinche gaye photo ko bechna.

Agar aapke paas bhi achha camera ya mobile hai toh yeh kaam kar sakte hai aur kuch achhe khaase paise kama sakte hai. Saath hi aaj internet par bhi kai saari websites hai jahan upload karke achhi khasi kamai ki jaa sakti hai.

Internet par shayad aapne bhi kabhi GettyImage, Shutterstock jaisi badi websites ka naam suna hoga aur saath hi kai aur bhi sites hai koi photo download karne par paise dene padte hai. Iska matlab aap bhi yahan photo upload karke paise kama sakte hai aur khud ki site bhi khol sakte hai.

Painter bankar dikhayein apni kala

Yeh kala har kisi mein nahin hoti hai lekin jo yeh kaam karte hai wo bahut achhi kamai ghar baithe hi kar sakte hai. Painting ki kimat bahut achhi hoti hai aur yeh baat aapne bhi kahi suni hogi kyonki yeh poori haath se banai jaati hai.

Aaj ke jamane mein painter itne jyada nahin hai iss karan apa mein bhi yeh khoobi hai toh ghar baithkar yeh kaam aasani se kar sakte hai. Painting ki boli aaj laakhon mein lagti hai.

Iss field mein agar aap kuch paise kamana chahte hai toh social media par bhi achha khasa active hona jaruri hai toh log aapke kaam ko dekh sake. Iske baad aapke paas order aane shuru ho jaayenge. Toh kul milakar jo painting karna jaante hai aur ghar baithe kaam karna chahate hai yeh option bahut achha hai.

Hum yahi aasha karte hai ki ab aap bhi ghar baithe inme se koi na koi kaam jarur kar sakte hai ya karna chaahenge aur mukhya roop se apni full time job ke saath. Agar kuch aur jaanna chaahte hai toh humein comment kare aur niche diye gaye button par jaakar Facebook Page ko like karein.

जन्म से ही क्रिकेट का दीवाना हूँ लेकिन क्रिकेटर बन नहीं सका और अब विकिपीडियन बनकर खिलाड़ियों पर लिखना शौक बना दिया है।

36 COMMENTS

  1. Mai cooking line me kuch krna chahti hu Ghar se hi.Mai chote se qasbe se belong krti hu,plzz bataiye mai Kya kr skti hu.

LEAVE A REPLY

Please enter your comment!
Please enter your name here