video editor career ki jaankari video editor kaise bane

Aajkal ke zamane mein jab har ek aadmi ke paas ek smartphone hai toh isliye ab sabko apne phones pe videos access karne ki chooth hai par kya aapne kabhi socha hai ki inn videos ki itna akarshak kaun banata hai? Yeh sab ek video editor karta hai , yeh ussi ka kaam hai jisse ek 3 mahine tak chalne waali shooting aapke saamne ek 3 ghante ki movie banke aati hai aur aaj iss article mein hum yahi jaanenge ki video editor kaise bane,aur iski poori jankari hum aapko Hindi mein denge.

Iss Article Mein Hum Janenge Ki –

Video Editing hota kya hai

Video Editor Kaise Bane Ke Liye Colleges

Courses

Kahan se karein online courses

Video Editing Softwares

Job Opportunities

Kuch Expert Tips

Video editing hota kya hai

Video Editing ek aisi prakriya hai jismein aap dher saari videos ko jodkar ek sensible kahani ya information ka roop dete ho.Video Editing karne waale log video editor kehlaate hain. Video editor who saare kaam karta hai jiski wajah se aap jo videos dekhte hain who aapko pasand aati hain. TV pe aane waale Ad se leke aap jab koi movie dekhte hain,kisi news clip se leke YouTube pe aapki manpasand videos tak,yeh sab aapko dikhayi jaane se pehle edit hoti hai aur yeh kaam video editor hi karta hai. Issi wajah se yeh ek bohot hi bada question hai ki video editor kaise bane aur aaj hum aapko issi ka jawab denge.

Video Editor Kaise Bane Ke Liye Colleges

Video Editor Kaise Bane ke liye colleges ki list neeche di gayi hai.

1) SRFTI (Satyajit Ray Film & Television Institute) 

SRFTI ek popular editing institute hai jo ki 1995 mein establish hua tha, aur yeh Government Of India ke under ek autonomous society ki tarah registered hai. Yeh ek bohot hi well famed film editor Satyajit Ray ke naam pe shuru kiya gaya hai  jiske baad iss institute ne bohot excel kiya hai ek center of fame ke taur pe jo ki different post-graduate courses offer karta hai in Cinematic studies aur yeh CILECT se affiliated hai.

2) FTII

FTII Pune India ke one of the best video editing institutes mein se ek hai.Yeh Institute Pune mein located hai jo ki film aur television ke liye training donon provide karta hai. FTII ek autonomous body hai jo ki Government of India ke Ministry of Information and Broadcasting ke under aata hai. FTII CILECT ka ek member hai jo ki iss field mein ek recognized international association hai.

3. MDFA (Mumbai Digital Films Academy)

Iss institute ko Mr Sanjib Kumar Mohpatta ne shuru kiya tha aur yeh Mumbai ke sabse best aur biggest film academy mein se ek hai. Yeh cinematography (jismein motion picture graphics involved hain) ke liye ek great institute hai. Aur iske saath hi yeh Final Pro X7, Adobe Premiere Pro CC, Adobe after effects aur avid composer ke saath nonlinear editing seekhne ke liye ek bohot hi accha institue hai.

4. Video Editing Institute

Video editing institute (VEI) ek bohot hi well renowned institute hai Delhi-NCR  mein jo ki audio aur video editing film making courses mein professional training provide karta hai. Video Editing Institute (VEI) ek dedicated education portal hai ADMEC Multimedia Institute ke liye.

5. DAFS (Digital Academy The Film School)

Yeh ek aisa academy hai jo ki Mumbai mein situated hai aur yeh unique sound aur video editing curriculum jo ki media industry ke award winning experts  se design kiya gaya hai woh provide karta hai. Yeh ek aisi academy hai jo ki logon ke video banane ke sapno ko sach karne mein help karti hai.

Toh agar aap kisi industry based standard course ko pursure karne ka soch rahe hain jaise ki FCP, Adobe Premiere, Photoshop  top aapko ek aisa video editing institute choose karna chaiye jo ki aapki saari expectation ko meet karta hai. 

Courses

Video Editor Kaise Bane ka ek bohto bada part hai ki aap kaunsa course karein aur ismein aap bohot se courses mein se choose kar sakte hain jaise ki – 

  • Certificate Course in Video Editing
  • Diploma in film editing,Multimedia and animations
  • Mass communication 
  • Diploma in Video Editing and Sound Recording
  • Diploma in Post Production Video Editing, Film and TV production
  • Diploma in post production.

Aap yeh saare courses toh kar sakte hain par agar aapne koi course nahi kiya hai aur aapko ismein interest hai,toh aap bina kisi course ke bhi isse seekh ke 30,000 tak kama sakte hain,aur aaj ek aise hi aadmi humaare saath baithe hain jinhone bina kisi course ke apne liye video editjng mein ek accha  career bana liya hai.

Kahan se karein online courses

Video Editing ek aisi cheez hai jo ki agar aap chahein toh online courses ke through bhi learn kar sakte hain aur agar aapka iss field mein interest hai toh aise bahut saare websites hain jo yeh course kawate hain,jaise ki

Udacity

Coursera

edX

Udemy

Skillshare

Aap inmein se kisi bhi website pe apna course kar sakte hain, aur sabse achhi baat yeh hai ki inn courses ki fees bohot kam hoti hai,aur kuch websites toh yeh courses free mein bhi offer karti hain.

Aap video editing seekhne ke liye kisi mentor ke saath kaam bhi kar sakte hain aur uske saath kaam karte hue editing seekh bhi sakte hain.

Video Editing Softwares

Video Editing softwares ek video editor ke liye bohot important hoyta hai kyunki yeh ek aisa tool hai jo ki chhote videos ko milaake ek poori film ya video banane mein help karta hai. Iss time aapko online bohot saare video editing softwares milenge jaise ki – 

  • Adobe Premiere Pro CC.
  • Final Cut Pro X. 
  • Adobe Premiere Elements
  • KineMaster
  • Corel VideoStudio Ultimate
  • CyberLink PowerDirector 17 Ultra
  • Pinnacle Studio 22.

Job Opportunities

Iss field mein bhi bohot saare jb options hain ek video editor ke liye jaise ki – 

  • Ek video editor med3ia houses kaam kar sakta hai unke videos ko properly structure aur refine karne ke liye.
  • Large film studios bhi ek video editor ke liye apt hai apna career banane ke liye kyunki yahan unko ek bohot hi bada experince milega apne kaam ko logon ke saamne laane ka.
  • Video Editing ka course karke aap electronic news channel groups mein bhi kaam kar sakte hain aur unke har news video clip ko edit karne mein help kar sakte hain.
  • Aajakal Free-Lancing apne aap mein hi ek bohot bada industry ban chuka hai aur iska matlab yeh hai ki aap sirf apne liye kaam karenge, aur independently clients ke saath deal karenge. 

Ek video editor ki average salary 10,000 tak hoti hai agar woh kisi chhote studio ka part hai aur kisi bade media house mein kaam karne pe ek accha video editor 25000-75000 tak kama sakta hai.

Kuch Expert Tips

Video Editor Kaise Bane ki jaankari ke saath uske liye kuch expert tips – 

  • Resarch – Institute ke baare mein research karna bohot zaroori hai kyunki aapko admission lene se pehle yeh idea hona chaiye ki kaunsa college aapne needs aur requirements ko poora karta hai, kya uski fees aap afford kar sakte hain aur saath hi yeh bhi ki uss institue ke job placements kaise hain.
  • Updated Rehna Zaroori Hai – Aap jis industry mein kaam karna chahte hain woh ek aisi industry jismein daily koi na koi innovation hote rehta hai aur isliye iss industry mein tikne ke liye aapko ha esha updated rehna padega.
  • Sirf technology pasand aane se aap editor nahi ban sakte,isme aapka interest bhi utna hi zyaada zaruri hai jisse ki kaam karne ka passion aapke andar hamesha rahe.

Humein umeed hai ki aapko yeh article padhne ke baad pata chal gaya hoga ki Video Editor kaise bane aur iss topic se jude humne aapke saare sawalon ka jawab de diya hoga, aap apne baaki sawal comments mein pooch sakte hain.

I'm a political enthusiast who loves to watch TV shows in order to imbibe something from the characters in it and i believe that the first step to success is ambition as you can't achieve something until you dream about it. I'm a part of the Commerce Society and Enactus Hansraj where I'm serving as the Event Management and Promotions Head and Project Director for Project Armaan,respectively.

LEAVE A REPLY

Please enter your comment!
Please enter your name here