English Vocabulary Kaise Improve Kare in 30 days

Vocabulary Improve

English ek aise language hai jo puri duniya mein use ki jati hai. Yeh world ki 2nd sabse zyda use ki jane wali language hai, isliye aapko spoken English aani zaruri hai. English sikhne ka ek important step hai words. Ji haan. Agar aap fluent English bolna chahte hai toh aapi vocabulary strong honi chaiye. Par bahot se log vocabulary badhane mai struggle karte hai. Toh vocabulary improve kaise kare? Agar aap bhi un logo mai se ek hai jo vocabulary mai struggle kar rahe hai toh aaiye jante hai kuch tips aur steps jo aapko English vocabulary improve karne mein help karenge.

Iss article mein hum janenge:

1. What do you mean by English vocabulary?

2. Vocabulary improve karna kyu jaruri hai?

3. Steps and tips English Vocabulary improve karne ke liye

Words are important- English Vocabulary Improve Kare

English Vocabulary hoti kya hai?

Aapne har jagah suna hoga ki english vocabulary improve karo taki dhang se English bol paoge. Magar aap sabke dimag mein yeh zarur aata hoga ki aakhir vocabulary hoti kya hai? Iss sawal k jawab ke sath sath aaj iss article hum aapko English vocabulary ko improve karne ki tips bhi denge.

Vocabulary ka simple language mein matlab hota hai words ya words aur phrases ka collection, jo ek saath use karke sentence form karta hai kuch explain karne ke liye. Hindi bhasha mein hum vocabulary ko shabd bhandar ya shabdkosh bhi kehte hai. Aur asan language mein samjho toh vocabulary, words ko hi bola jata hai. 

Jab log aapko bole ki apni English Vocabulary improve karo toh uss baat se unka matlab hota hai ki English bhasha ke new words learn karo. Jaise hindi mein ya kisi aur language mein ek cheez ko explain karne ke liye ek se zayada words ka use kiya jata hai, waise hi english mein bhi alag alag words hote hai jo vocabulary ke under aate hai.

Aap kaise apni Vocabulary improve kare usse pehle aai jante hai ki kyu English vocabulary ko improve karna zaruri hai ya important hai.

Josh Skills App par Sikhe Fluent English Bolna

Vocabulary improve karna kyu jaruri hai?

Vocabulary hoti kya hai yeh toh jaan liya humne. But kyu isse improve karna zaruri hai ab hum yeh janenge. Niche likhe 5 reasons hai jo aapko bataenge ki kyu English vocabulary ka improve karna important hai:

  1. Language development ke liye

Yaha language development yani English development chahe wo written ho ya spoken. Dono forms ko develop karne ke liye vocabulary improvement zaruri hai. Agar aap words yaad rakh payenge toh aapko sentence construction mai dikkat nhi aayegi.

  1. Reading aur writing skills ko improve karne ke liye

Hum sab jante hai aaj ke time mein reading aur writing skills par work karna kitna zaruri hai. Agar aap apni baat bol kar ya likh kar samne wale ko samjha nahi paenge toh uss baat ka kya faeda. Isliye english reading aur writing skills improvement ke liye english vocabulary ko improve bhi zaruri hai.

  1. Logo se communicate karne ke liye

Communication main motive hai kisi bhi language ka. Hum apni language se alag jab koi language sekhte hai toh uske main motive hota hai dusro ek communicate karna. Toh agar communicate karna hai toh vocabulary improvement bhi toh zaruri hai.

  1. Achi job pane ke liye ya fir job mein successful hone ke liye

Famous researcher Johnson O’Connor ka manana hai ki achi vocabulary hi kaafi hai aadmi ko job dilane aur baad mein success dilwane ke liye. Aur yeh toh ab sabko pata hai har job interview ab english mein hi liya jata hai. Toh career opportunities build karne ke liye bhi aapko vocabulary improve karni chahiye.

  1. Confidence increase karta hai

Communication skills insaan ke main skills hote hai jo usse life mein succeed karne mein help karte hai chahe wo personal life you ya professional. Aur jab aapko wo skills aache se use karne aate hai toh automatically apke andar confidence build hota hai. Khali yehi nahi jab aap apne ideas logo ko samjha paenge, ya ek meeting mein aache se communicate kar paenge , tab bhi aapka confidence build hoga. Magar yeh sab tab hoga jab aap apni english vocabulary time ke saath improve karte rahenge.

English Vocabulary Improve kaise kare

Muje ummed hai yeh reasons aapko vishwas dilaenge ki kyu english vocabulary improve karna zaruri hai. Ab jante tips ya steps jo aapko vocabulary improve karne mein help karenge. 

Vocabulary Kaise Improve kare? Steps and tips English Vocabulary improve karne ke liye

Jab aap koi new language learn kar rahe hote hai tab aapka focus hona chahiye ki kaise aap apni vocabulary koi day by day improve kare. Fir chahe wo aap job ke liye kar rahe ho ya fir personal growth ke liye. Jab bhi dimag mein yeh sawaal aae ki hume yeh kyu karna chahiye, toh yaad rakhiye hume mainly 3 reasons ke liye yeh kar rahe hai: to communicate, to build confidence aur for self development yani apne aap ko improve aur develop karne ke liye. 

Jab bhi ye question aata hai ki vocabulary kaise improve kare toh 3 cheeze bahut important hoti hai:

  • New words kaise dhunde
  • Unn words ka meaning, usage, synonyms, antonyms, ya unki pronunciation kaise dhundhna hai
  • Unn words for use karna aur yaad rakhna 

Hum ek ek karke janenge ki kaise yeh sab aap kaise kar sakte hai.

Step 1 – Find New Words: English Vocabulary ko improve karne ke liye new words kaise dhunde?

Jab aap koi language sikhne mein nae hote hai toh aksar samjh nahi aata kaise aur kaha se cheeze shuru kar usse improve karne ke liye. Ussi help ke liye aap niche diye gae points ki help le sakte hai.

1. Jitna read karenge utne new words milenge

Apne suna toh hoga ‘Practice make a man Perfect’, jinhone nahi suna toh unhe bata do iska matlab hota hai aap ek cheez ki jitni practice karoge utna hi uss kaam mein better hote jaoge. Waise hi jab aap english newspaper, ya english articles aur books jitni zayada padoge utni hi better aapki vocabulary hoti jaegi. Isliye humesha yaad rakhiye jitni zayda english articles ya books padenge utni better vocabulary hoti jaegi. Niche kuch aase sources hai jinse aapko padhne mein help milegi.

Newspaper padhiye aur naye word nikale

Newspaper padhne se mera matlab ye nahi ki aap pura newspaper padh lijiye. Agar aap chahe toh padh sakte hai, but agar aap sirf apne interest ka page padenge toh zyda aache se focus karke new words mil jaenge. Jaise agar aapko sports ya politics mein interest hai toh wo padh li jiye, ya agar movies aur bollywood ki news mein interest ho toh aap wo bhi padh sakte hai. Ab toh e-newspaper ki madad se aap kahi bhi kabhi bhi newspaper padh sakte hai. Aap apne mobile mai App daal kar bhi Newspaper padh sakte hai. 

Time of India newspaper ka link

Man reading Newspaper: English Vocabulary Improve Kare
English books padhiye aur naye words sikhe

Jab bhi english vocabulary improve karne ki baat aati hai toh sabse pehle har koi aapko english books padhne ko bolega, kyuki yeh sabse aacha tarika hai apni vocabulary improve karne ka. Aap word power naam ki book bhi padh sakte hai. Yeh book aapko best aur effective ways batata hai vocabulary aur english improve karne ke liye. Ab agar aap sooch rahe hai ki konsi book se shuruwat kare toh ussi dhuvidha ka haal bhi hai mere pass. Aap yaha click kar jaan sakte hai ki shuruwat mein kon kon books aapko english improve karne mein help karengi

 2. Word games khelte waqt naye words sikhe

Insaan ka dimag padhne se better khelne mein zayada interest leta hai. Isliye aap word games jaise crossword, word jumble, scramble bhi khel kar apni vocabulary ko improve kar sakte hai. Zaroori nahi inn games ko specially kharede. Yeh sab games app version mein aapke phones mein bhi download ki ja sakti hai. Aasi games ke through aap new words sikhenge. 

Ya fir har newspaper mein puzzles di gai hoti hai chahe wo movies se related ho ya words se ya kisi bhi cheez se. Aapko english newspaper mein di gai puzzles solve karni hai. Aur agle din jab unke answers aate hai wo match karne hai. Aase aap jab khud koshish karenge tab yaad rahega konsa word galat tha aur konsa sahi. 

 3. English Television shows aur movies dekh ke bhi ho sakti hai English vocabulary improve

Aaj Netflix ke jamane mein yeh sab toh pata hi hoga aapko. Aap jitni zyada english movies ya web series dekhenge utne zyda new words sikhenge. Bas dhyan rakhega ki kahi movie dekhte dekhte new words jo observe karna na bhul jae. Aise shows dekhte time aapko observe karna hai yani dhyan dena hai wo konse konse words aase use kar rahe hai jo aapke liye new hai, aur unn words ko kaise bol rahe hai. Isse aapko ye jane mein bhi help milegi ki wo words kab aur kaha use hote hai.

Step 2 – Understand the meaning: Naye words dhundhne ke baad unhe aur ache se samjhiye

Ab jab aapko pata chal gaya hai ki new words kaise dhundh sakte hai. Toh ab baat karte hai ki unn ko aur deeply aap jaan sakte hai. Kisi word ka matlab dhundne ke liye aap 3 cheezo ka use kar skate hai: Google (hum sab ke baba), Pocket Dictionary aur thesaurus. 

1. Koi bhi naya word mile toh Google kare uska meaning

Aaj iss digital age mein agar hum internet ka sahi upyog na kare toh uss suvidha ka kya faeda. Hum sab aase time mein hai jaha sab ke pass smart phones aur internet hota hi hai. Toh aise mein hume usse apni english vocabulary ko improve karne ke liye sahi se use karna chahiye. Jaise hi aapko koi new word mile toh turant google kare. Google ki sabse khas baat hai ki aap uss word ke meaning ke saath saath uss word ki pronounciation yani wo word bola kaise jata hai aur uske synonyms bhi batata hai. Aur toh aur aap uss word ki roots bhi jaan sakte hai ki wo word kaha se aaya hai. 

Word Meaning on Google: English Vocabulary Kaise Improve Kare
vocabulary kaise improve kare

2. Pocket Dictionary ka use kare

Yeh thoda purana tarika hai magar ab bhi kaam utne hi aata hai. Kai baar aap aasi jagah hote hao jaha internet dhang se nahi chal pata. Aase mein pocket dictionary hi aapke kaam aati hai. 

3. Thesaurus ka use kare

Thesaurus dictionary aur encyclopedia ki tarah hota hai. Bas farak itna hota hai iss par words ke meaning ke saath saath uske synonyms aur antoymns bhi maujod hote hai, examples ke saath. Aur ek khas baat yeh hai iski yeh hardcopy yani kitab ke form mein aur online dono milti hai wo bhi free mein. Iski dusri khas baat yeh hai ki yeh alag alag language ke words ka bhi meaning aapko english mein bata degi. Yaha click karke aap direct thesaurus ki site par ja kar kuch bhi search kar sakte hai. 

Step 3 – Words aur unke meaning dhundhne ke baad vocabulary kaise improve kare?

1. New words ki Journal banaye

Journal yani koi diary bana le. Aapko yaad ho toh bachpan mein jab hum class mein chapter padh rahe hote the toh koi new word aane par teacher hume usse, uske matlab ke saath notebook mein likhne ko kehti thi taki hum usse yaad rakh pae. Waise hi aaj bhi aap jo bhi new word dhundh toh usse ek Journal mein likhlo taaki aap jab bhi algi baar wo journal kholo toh aapko pehle wale words bhi yaad rahe. Agar aap har roz 5-7 words likhenge toh ek mahine ke end tak aap 150-200 words jaan lenge, teen mahine tak 450-600 aur ek saal mai 1800- 2500 words jaan lenge. Bas aapko consistently koshish karte rehan aur aur words yaad karne ki aadat banana hai.

2. Koshish kare ki roz 5-7 new words sikhe

Ek din mein koi Mt Everest nahi chadd paya toh ek din mein English vocabulary bhi improve nahi ho sakti aur na hi ek din mein 1000 new words sikhna possible hai. Iss case mein agar aap rooz ke agar 5-7 new word sikhenge toh aap usse apne speaking skills mein better bol bhi paenge aur wo aapko yaad bhi rahega uske matlab ke saath. Agar 5-7 words na ho pae toh kam se kam din 3 words toh dhund kar yaad rakhe. Fir dheere dheere 3 se 5 rooz se words yaad karle. Aase aapko vocabulary improve karne mein help milegi. 

3. Sikha hua word jitna ho sake utna repeat kijiye:

Aapko yaad hai bachpan mein kavita yaad karte samay, wo kavita baar baar dohrai jati thi taki hume wo jaldi yaad ho jae. Ji nahi! Aapko yaha new words gaa kar nahi dohrane yani repeat karne. Balki unn words ko jitna ho sake apni rooz baat chit mein repeat karna hai h. Isse aapko wo word aur uska meaning yani matlab bahut jald yaad ho jaega.

4. Zyada se zyada logo se baat kare: Khud use kare aur dusro ko bhi sikhaye

Jab aap rooz zyada se zyada logo se english mein baat karenge tab aapko yeh pata chalega log kise baat karte hai kon kon se words kaise use karte hai. Fir unhi words ka use aap karne ki koshish kijiye. Aisa karke unn words ko apni daily life mein aur better tarike se use kar paenge. Agar samne wale ko naye words samaz na aa rahe ho toh unhe bhi words ka meaning bataye aur use karne ke liye encourage kare. Gyan baatne se hi badta hai!!

5. Har new word ko connect kare

New words ko yaad rakhna itna asan nahi hota specially jab wo language bhi aapke liye new ho. Aase mein best way hota hai unn words ko kisi aur word se ya kisi cheez se connect karke yaad rakhne ka. 

6. Khud word ka matlab sochiye line se connect karte hue

Kai baar puri line padte padte aap khud hi uss word ka matlab samjh jaenge. Toh koshish kiya kijiye ki aap new word ko mark toh zaroor kare magar dictionary ya google par search karne se pehle uss word ka matlab khud analyze karne ki koshish kare. Aisa karke sirf vocabulary improve nahi hogi uski ke saath aapne confidence aaega ki aap bhi new words seekh sakte hai.

7. Memory tricks ka use kare

Shayad aapne mnemonics naam ki memory trick suni hogi. Ye bahut simple si memory trick hai words ko kisi cheez se relate karte hoa yaad karne ki. Example: aapko samjhane ke liye sabse asan example hai “VIBGYOR” yeh word hum rainbow ke colours order mein yaad karne ke liye use karte hai. Jaise V se violet, I se Indigo, B se blue, G se green, Y se yellow, O se orange aur R se red. Bas aase hi kisi bhi mushkil word ya words ko yaad karne ke liye memory trick ka use kar lijiye. 

8. New words ka uske kare new sentence bane:

Jab aap new words ko sentences mein frame karke new sentences form karenge tab aap unn words ko easily yaad rakh paenge. Yaad rakhne ke saath saath aapko habit ho jaegi unn words ko roz baat karte waqt use karne ke. Koshish kariye ki aap unn sentences ko bhi journal mein note karne ka. 

Aap jaise hi inn easy steps ko karne ki habit dalenge aapko apne aap apni vocabulary mein changes dikhenge wo bhi 30 din ke andar. Itna mushkil bhi nahi hai apni vocabulary ko improve karna.

Agar kuch easy tips mein aapko English sikhni hai wo bhi in hindi to yaha click kare

Join Josh Skills Spoken English Course

Judiye 20,000+ logo ko jo Josh ke saath English bolna aur padhna seekh rahe hai. Iss Spoken English Course ko aise design kiya gaya hai, ki koi bhi basic learner iss course se apne theoretical and practical grammar ko improve kar sakta hai. Everyday situations mei english ko kaise most effectively use kiya jaa sakta hai – iss par bhi extra dhyaan diya jaata hai. Ye course Josh Skills mobile App par available hai.

Toh aaj hi shuru kare apni learning journey Josh Skill ke courses ke sath.

NO COMMENTS

LEAVE A REPLY

Please enter your comment!
Please enter your name here

Sikhe Nayi Skills aur Paye Apni Dream Job. Download Josh Skills App

X