delivery boy job kaise kare

Google aur Josh Talks ne kuch Delivery Partners ke saath mil kar aap tak delivery boy job ki hazaaron vacancies laane ka prayaas shuru kiya hai. Humaara maksad  hai – Kaam ki baat, bharose ke saath

Delivery boy ke job mein kya kaam karna hota hai, salary kitini  hogi  aur delivery job ke liye apply kaise karna hai, yeh jaanne ke liye aage padhe.

Delhi/NCR mein delivery boy (delivery rider) ki official hiring Google Pay app par Jobs spot dwara ho rahi hai. 

Aap agar delivery boy (delivery partner) job karna chahte hai to 3rd July, 2020 ko subah 11:30 baje humare saath online seminar bhi attend kare.

Iss mein aapko milega expert advice, employers se seedhe baat karne ka mauka aur Google pay ke Jobs platform mein apply karne ki sahayta. Seminar ka hissa banne ke liye aap niche diye gaye link ko follow kar ke register kar sakte hain.

ArrowDown

Agar aap Delhi/NCR area mein delivery boy job karna chahte hain, toh aap ab ‘Google Pay ke Jobs’ platform pe jaa kar, aisi naukri bina kisi dikkat ke dhoondh sakte hain. Apply kaise karna hai? Yeh neeche dikhaaya gaya hai. Iss app ko use kar ke aap Dunzo aur Zomato jaise Delivery Partners ke saath Delivery Agent ban sakte hain. Humaare Delivery Partners ke paas hazaaron jobs ki vacancies available hai.

Iss video mein aapko iss job ke baare mein puri jaankari mil jayegi.

Delivery partners:

Delivery Boy kya karta hai?

Delivery Boy (delivery partner) ka kaam hota hai ki kisi bhi samaan ko ek jagah se doosre jagah tak pahauchaana. Aap apne chune hue shift ke mutaabik, apne schedule pe, apne hisaab se kaam kar sakte hain. Lockdown ke time pe bhi yeh bohot important kaam maana jaata hai.

Delivery Boy kaise bane?

Delivery Boy ban ne ke liye aap ko in chaar cheezo ki zarurat hai:

  1. Smartphone aur mobile data
  2. Two-wheeler, jaise ki bike ya scooter 
  3. Driving licence
  4. ₹ 500-700 ki enrolment fees

Delivery Boy mahine mein kitne paise kama leta hai? 

Delivery boy (delivery partner) job ki salary iss cheez par nirbhar hai ki aapne kaam pe mahine mein kaam par kitne ghante lagaye hai. Lekin aam taur par ek Delivery Agent mahine mein ₹ 15,000 se ₹ 25,000 aasani se kama sakte hai.

Delivery Boy banne ke advantages kya hai?

1) Saptahik payment

Paisa account mein aane mein utna time nahi lagta! Har hafte, aap ke kamaye hue paise aap ke account mein apne aap hi daal diye jaayenge.

2) Performance incentive

Aap jitna zyaada kaam karenge aur jitna time delivery karte hue bitaayenge, utne aap ko bonuses aur iss prakaar ke aur incentives milte rahenge. Kitna time lagaana hai aur kitna paisa kamaana hai – yeh aap ke haath mein hai!

3) Flexible timings

Aap chaahe toh apna saara time iss mein laga kar, adhik se adhik paise kamaane ki koshish kar sakte hain, ya aap kam time de kar bhi side mein iss se paise kama sakte hain. Full-time job mein aap ko din ke 9-10 ghante lagaane honge aur part-time mein 5-7 ghante.

4) Insurance aur security ke saath

Delivery partner ke taraf se, aap ko accidents ke liye insurance provide kiya jaayega, mask provide kiya jaayega, aur aap customer ke ghar ke aage bhi saamaan chod ke jaa sakte ho.

5) Immediate joining

Ek baar aap ne apne documents company ke office mein jama kar diye, uske baad aap bohot jald ‘Delivery Executive/rider’ ke kaam pe lag sakte hain. Kayi baar toh log agle din se hi kaam start kar dete hain.

Apply kaise karna hai?

Agar aap Delhi/NCR mein delivery partner job karna chahate hai to neeche diye gaye link par click kare abhi apply kare:

Frequently asked questions (FAQ)

(Photo ko zoom karke dekhne ke liye photo par click kare)

delivery boy salary and other details

Agar Delivery boy (delivery rider) job ko lekar aapka koi sawaal hai, toh neeche comment kare. Hum aapko jawaab dene ki puri koshish karenge.

43 COMMENTS

  1. Mera questions yeah hai ki isme salry apke oder bases pr hoti hai jase me 5 hours hi kam krna chahta hu agar us ghante me mere pass jyada orders nhi aye toh mera time bhi kharab ho sakta h us din ka toh is Condition me company daily basis pr kuch decided order ke passe degi

    • Hello Mohit, company Minimum pay gurantee deti hai yaani aap agar shift timings pure karte hai aur aapko zayda orders nahi aate, to company aapko ko minimum amount pay karegi hi. So aapka din kharab nahi jayega. Iss job ke liye yaha apply kare: https://bit.ly/ApplicationGJT

  2. I’m interested Zomato job delivery partner
    Sector 43 Gurgaon Haryana joining fees kitne ki hain??? Please reply me???

LEAVE A REPLY

Please enter your comment!
Please enter your name here