merchant navy me kaise jaye ki puri jaanakri jaise merchany navy detail in hindi

Agar aapko ko desh videsh ghumne ka shauk hai aur aap ek romanchak job karna chahte hai to merchant navy aap ke liye ek sambhavit career ho sakta hai. Merchant navy romanch aur sahaas se bhara profession hai. Merchant navy me salary kafi jyada hoti hai. Aap isme 8 lakh per month tak kama sakte hai aur merchant navy mein job karne par tax dene se bhi bach sakte hai. Merchant Navy detail in Hindi ki jaankari jaise Merchant Navy me kaise jaye ke liye ye article dhyan se padhe aur kare apna sapna sakaar.

Iss article mein hum aapko batayenge Merchant Navy detail in Hindi:

Merchant navy kya hai

Merchant navy kon join kar sakta hai

Merchant navy course details, colleges aur entrance exams

Merchant navy mein jobs

Merchant navy mein salary


Merchant navy kya hai

Merchant navy bhale hi sunane mein Indian Navy jaisa lagta ho par yeh Indian Navy se alag hota hai. Merchant navy ya naval engineering ek commercial fleet hoti hai jiska kaam passenger ship, cargo ships, oil aur container ke dwara passenger aur saman ko ek jagah se dusare jagah tak pahunchana hota hai. Merchant navy government aur private dono ho sakte hai.

90% se jyada international import aur export merchant navy par depend karta hai isliye iss field mein technical person se crew member tak ki jarurat hoti hai.

Waise merchant navy ki work profile kafi sari hoti hai par hum usse 3 bhag mein divide kar sakte hai:

Deck Department: Wo department jo ship ki cleanliness ya saaf safai ka dhyan rakhta hai sath hi deck ke chote bade kaam ko karta hai.

Engine Department: Wo department jo ship ki engine ko sahi rakhne aur ship ko kaam karne layak yani technically ship ko sahi rakhne ke liye jimedar hota hai.

Catering Department: Wo department jo deck mein jitne bhi log present hote hai unke khane peene ka dhyan rakhte hai. 

To iss tarah se aap inmein se kisi bhi deparment mein apne interest ke according decide kar ke merchant navy mein kaise jaye ka jawab pa sakte hai.

Merchant navy kon join kar sakte hai(eligibility)

Aap merchant navy 10th, 12th, ya B.Tech/ BSc ke baad bhi naval course kar ke join kar sakte hai. Merchant navy male aur female dono join kar sakte hai. Merchant navy join karne ke liye aapki age 17 se 25 years ke beech hone chahiye sath hi aap ‘unmarried’ hone chahiye. Iske sath hi alag alag courses ke liye kuch aur yogayta hoti hai jo ki hum aapko courses ke sath baatyenge.

Girls merchant navy mein kaise jaye (Merchant navy for girls):

Girls bhi 10th, 12th ya B.Tech/BSc ke baad naval course karke merchant navy join kar sakti hai. Girls kisi bhi post par merchant navy join kar sakte hai iske liye koi bhi restriction nahi hai. Mostly girls as officer merchant navy join karna prefer karti hai. Jo eligibilty boys ke liye hoti hai wahi girls ke liye bhi hoti hai.

Kayi institute to girls ko 50% tak ki scholarship dete hai sath hi kayi companies 9 month ki jagah 6 month ki duration ka girls ke sath contract karte hai.

Captain Radhika Menon (Merchant Navy Mein Kaise Jaye)

Aap Captain Radhika Menon jaise mahila se inspiration le sakte hai. Captain Menon pehli woman captain hai Indian Merchant Navy mein sath hi pheli woman jinhone sea par Exceptional Bravery ke liye the IMO Award receive kiya.

Merchant navy course details, colleges aur entrance exams

Jaisa ki aap ko pata chal gya hoga ki aap merchant navy 10th, 12th ya B.Tech/ BSc ke baad bhi join kar sakte hai par iske liye aap ko different course karne padte hai. Chaliye different yogayta wale different courses ke bare mein jante hai:

Direct entry in merchant navy after 10th :

10 th ke baad merchant navy ke course karne ke liye aapko 10th  standard mathematic, science aur english subject ke sath pass hona chahiye sath hi aapki age 17 se 25 years ke beech honi chahiye.

Aap mentally aur physically merchant shipping rules ke anusaar fit hone chahiye. Aapki eyesight 6/6 hona chahiye aur aap colourblind nahi hone chahiye. Chaliye kuch course ke bare mein jaante hai jise karke aap 10th ke baad direct merchant navy join kar sakte:

Course

Duration

G.P.(General Purpose) Rating Course

 6 month

Diploma in Nautical Science (DNS)

3 month se 12 month

Commercial Diving

2 month 

NCV (Near coastal voyage) course

6 months (academic) + 24 months (Sea training)

Upar bataye gaye courses karne ke baad as deck ya engine crew aap merchant navy join kar sakte hai. Inn courses ki fees Rs.120,000 se 300,000 tak hoti hai jise aap government ya private institute se kar sakte hai.

Direct entry in merchant navy after 12th:

12th standard ke baad merchant navy join karne ke liye agar aap technical programs mein apply karna chahte hai to aap ko entrance exam dena padta hai.

Aap 12th ke baad inn inn courses ke liye apply kar sakte hai :

  • B.Sc. Nautical Science
  • B.E. Marine Engineering
  • B.E. Naval Architecture and Offshore Engineering
  • B.E. Petroleum Engineering
  • B.E. Mechanical Engineering
  • B.E. Harbour & Ocean Engineering
  • B.E. Civil Engineering
  • B.E. Electrical & Electronics Engineering
  • B.Sc. Marine Catering
  • Electro Technical Officer Course
  • B.Tech (Marine Engineering)
  • B.Tech (Naval Architecture & Ocean Engineering)
  • B.Sc (Maritime Science)
  • B.Sc   (Ship Building & Repair)
  • BBA (Logistics, Retailing & E-Commerce)
  • 1-Year Diploma in Nautical Science leading to b.sc. (Applied Nautical Science)

Yeh courses 3 saal se 4 saal tak ke hote hai. Jinki fees (approx) Rs.200,000 se 600,000 lakhs tak hoti hai jo ki different colleges aur locations par depend karti hai.

Direct entry in merchant navy after B.Tech/ BSc:

Aap graduation karne ke baad bhi merchant navy join kar sakte hai. Engineering students B.tech karne ke baad inn dono course mein se koi ek course karke merchnat navy join kar sakte hai:

  • PGDME (GME) : 1 year
  • ETO (Electrical Technical Officer) : 1 year

Inn courses ki fees Rs.150,000 se 300,000 tak hoti hai. Jo ki different colleges aur locations par depend karti hai.

Ye dono hi course 1 saal ke hote hai jo aap ko B.Tech ke baad merchant navy join karne ke liye karne padte hai. Aap kisi bhi stream se BSc karke merchant navy join kar sakte hai. Bsc ke baad aap ko direct admission milta B.tech ke 2nd year mein. Aap inn B.Tech courses mein se ek course kar sakte hai jinki duration 4 saal hoti hai:

  • B.Tech ( Marine Engineering)
  • B.Tech ( Naval Architecture & Ocean Engineering)

Inn courses ki fees Rs.200,000 se 500,000 tak hoti hai. Jo ki different colleges aur locations par depend karti hai.

Note: Aagr apne BA mein graduation ki hai par apne 12th standard science stream se ki hai to aap merchant navy after BA join kar sakte hai. Aap 10th aur 12th ke baad wale course karke merchant navy join kar sakte hai.

Merchant Navy Entrance Exams:

Mainly 4 entrance exams hote hai different courses ke liye jismein aap apply kar sakte hai aur entrance exam qualify karke unn courses ko karne ke baad merchant navy join kar sakte hai:

IMU CET:  Indian Maritime University Common Entrance Test (IMU CET) ek national level entrance exam hai jo ki undergraduate aur postgraduate courses mein admission ke liye conduct karya jata hai. IMU CET ka exam may-june mein hota hai. Iss exam ke through aap niche bataye gaye courses mein admission le sakte hai:

  • B.Tech Marine Engineering
  • B.Tech in Naval Architecture and Ocean Engineering
  • B.Sc Nautical Science
  • B.Sc Ship Building and Repair
  • Diploma in Nautical Science
  • M.Tech in Marine Technology and Management
  • MBA

IMU CET entrance exam dene ke liye aap ko inn criteria ko pura karna padta hai:

  • Candidate married nahi hone chahiye.
  • Candidate ki age 17 se 25 years ke beech honi chahiye.
  • Candidate jo engineering / B.Sc / Diploma courses ke liye apply kar rahe wo 12th Physics, Chemistry, Mathmatics subjects ke sath 60% aggregate mein pass hone chahiye sath hi English subject mein minimum 50% score hona chahiye.
  • Candidate ko doctor ke dwara banaya hua medical certificate submit karna padta hai jo ki Director General of Shipping ke dwara approv hona chahye. 
  • IMU CET ke through admission lene se phele candidate passport ke liye apply kar dena chahiye agar passport unke pass passport na ho.

Exam pattern: IMU CET ek 3 ghante ka online mode mein hone wala ek national level entrance exam hai jo ki 200 marks ka hota hai aur ismein MCQ type ke questions puche jate hai. Jismein negative markting nahi hoti hai.

B.Tech aur M.Tech course ke exam mein Physics, Chemistry, Mathematics, GK aur Aptitude ke question puche jate hai. MBA ke entrance exam mein Quantitative, verbal, Data interpretation, and logical reasoning abilities ke question puchein jate hai.

Jyada jaankari ke liye yahan click karein.

AIMNET: All India Merchant Navy Entrance Test (AIMNET) ko Offshore Shipping Academy,  Approved by Ministry of Corporate Affairs Govt. of INDIA conduct karta hai. Jiske through aap india ke 600 board school mein admission le sakte hai. Iss exam ke through aap niche bataye gaye courses mein admission le sakte hai:

  • B.Sc Nautical Science
  • B.Tech Naval Architecture
  • G.P. Ratings
  • Diploma of Applied Science (deck watch keeper) by AMSA
  • B.Tech Marine
  • MBA (Shipping and logistics Management)

Yeh ek online test hai jis mein MCQ type ke question aate hai jo ki Physics, Mathematics, Chemistry,English, General aptitude aur general knowledge se related question hote hai.

Jyada jaankari ke liye yahan click karein.

TMISAT: Tolani Maritime Institute Science Aptitude Test( TMISAT) bhi ek national level entrance exam hai jis mein undergraduate courses mein admission lene ke liye apply kar sakte hai. Yeh exam saal mein 2 baar conduct hota hai April aur june mein lekin candidate kewal ek bar hi exam de sakta hai. Inn undergraduate course ke liye TIMSAT ke through aap apply kar sakte hai:

  • B.Tech Marine Engineering
  • B.Sc Nautical Science

TMISAT online mode mein hone wala 90 minutes ka test hota hai jiske iske sath hi 30 minutes ka behavioral assessment bhi hota hai. Online test ek MCQ type ka paper hota hai jis mein Physics, Mathematics, Chemistry, Analytical aur logical reasoning se related question hote hai.

Iss exam ko dene ke liye aap ko inn criteria ko satisfy karna hota hai:

  • Candidate married nahi hona chahiye.
  • Candidate ki age 17 se 25 years ke beech honi chahiye.
  • Candidate ko 12th Physics, Chemistry, Mathmatics subjects ke sath 60% aggregate mein pass hone chahiye sath hi English subject mein minimum 50% score hona chahiye.

Jyada jaankari ke liye yahan click karein.

MERI Entrance Exam: Marine Engineering and Research Institute (MERI) engineering undergraduate courses ke liye hone wala entrance exam hai jo ki state level par offline mode mein hota hai. Jiski duration 3 ghante ki hoti hai. Aap MERI Entrance exam ke through inn courses ke liye apply kar sakte hai:

  • 3-year course leading to B.Sc. (Nautical Sciences) Degree
  • 4-year Marine Engineering Degree
  • 3-year Polyvalent B.Sc. (Maritime Sciences) Degree

Yeh courses aap T.S. Chanakya. Navi Mumbai, Marine Engineering & Research Institute (MERI) Kolkata aur Marine Engineering & Research Institute (MERI),Mumbai jaise institute se entrance exam qualify karne ke baad kar sakte hai.

MERI entrance exam dene ke liye aap ko inn criteria ko pura karna padta hai:

  • Candidate 12th pass hona chahiye.
  • Candidate Physics, chemistry aur mathematics ke sath 10th aur 12th pass hone chahiye.
  • Candidate ke 12th mein 60% marks hone chahiye, SC&ST category ke candidate 55% marks ke sath pass hona chahiye.

MERI entrance exam hindi aur English dono mode mein hota hai. Yeh exam 3 ghante ka MCQ type ka question paper hota hai jismein physics, chemistry, reasoning, analytical aur test comprehension se related question hote hai. Jo ki june end mein hota hai.

Jyada jaankari ke liye yahan click karein.

Entrance exams

Level

Course offered

Mode

Official website

IMU CET

National

·B.Tech Marine Engineering

·B.Tech in Naval Architecture and Ocean Engineering

·B.Sc Nautical Science

·B.Sc Ship Building and Repair

·Diploma in Nautical Science

·M.Tech in Marine Technology and Management

·MBA

Online

https://www.imu.edu.in//.

AIMNET

National

·B.Sc Nautical Science

·B.Tech Naval Architecture

·G.P. Ratings

·Diploma of Applied Science (deck watch keeper) by AMSA

·B.Tech Marine

·MBA (Shipping and logistics Management)

Online

https://www.aimnet.net.in/aimnet/index.php

TIMSAT

National

·B.Tech Marine Engineering

·B.Sc Nautical Science

Online

http://www.tmi.tolani.edu/

MERI

State

·3-year course leading to B.Sc. (Nautical Sciences) Degree

·4-year Marine Engineering Degree

·3-year Polyvalent B.Sc. (Maritime Sciences) Degree

Offline

http://www.merical.ac.in/

Kuch famous merchant navy colleges in India:

  • Tolani Maritime Institute , Pune
  • Samundra Institute of Maritime Studies, Lonavla
  • Great Eastern Instituteof Maritime Studies, Lonavla
  • Anglo Eastern Maritime Academy , Karjat
  • Training Ship Rahman, Mumbai

Merchant navy mein jobs

Aap merchant navy mein kaise jaye ya job 10th, 12th aur B.Tech/BSc karne ke baad kuch basic marine course karke merchant navy join kar sakte hai. Officer rank par merchant navy join karne ke liye aapko minimum 12th pass hona chahiye. Merchant navy par lagbhag 90% import export depend karta hai jisse ismein technical crew se Captain tak ki jarurt hoti hai.

Chaliye kuch important job profiles ke bare mein jante hai:

  • Radio officer: Radio officer wo hota hai jo deck par kaam karne wale staff par control rakhta hai.
  • Electrical officer: Electrical officer engine room ke electrical samano ko maintain karta hai.
  • Nautical Surveyor: Ye staff samundar ke maps par kaam karte hai.
  • Pilot of ship:  Ship ki speed, direction aur raste ko decide karna pilot ka kaam hota hai.
  • Vice captain: Vice captain ship ke captain ko assit karta hai sath hi deck mein kaam karne wale logo par control bhi rakhta hai.
  • Captain: Captain ship ke saree cheezo par control rakhta hai. Captain pure ship ki dekh rekh karta hai.

Merchant navy recruitment :

Merchant navy sector mein kuch top recruiting companies ki list. Jinki sites par ja kar aap recruitment check kar ke apply kar sakte hai:

Merchant navy mein salary

Merchant navy sabse jyada salary dene wale professions mein se ek hai. Merchant navy mein salary Rs. 20,000 se start ho kar Rs.8 lakh per month tak jati hai. Salary aapki job profile, import-export, seniority aur company par depend karta hai.

Ship ka Junior engineer Rs.70,000-1,00,000 per month tak kama sakte hai jis mein agar wo ship par hai to ship ki boarding aur lodging free hoti hai. Iske baad second engineer ki rank aate hai aur phir Chief engineer. Chief engineer ki salary Rs.2,50,000-5,00,000 per month tak ya usse jyada bhi ho sakte hai jo ki company par depend karta hai.

Ek Junior Engineer ko Chief Engineer ki rank tak promote hone mein 6-7 saal lag jate hai jo ki aap ki capability aur available  job opportunity par depend karta hai.

Third officer ki salary Rs.2,00,000-4,00,000 per month tak hoti jis mein ship par hone par boarding aur lodging free hoti hai. Third officer promote ho kar second officer banta hai phir chief officer aur phir Captain ki rank hoti hai. Captain ki salary Rs.5,00,000-8,00,000 per month tak ho sakti hai.

Ek Junior engineer ko Chief Engineer ki rank tak promote hone mein 6-7 saal lag jate hai aur Third officer ko lagbhag 8 saal Captain ki rank tak promote hone mein jo ki aap ki capability aur available  job opportunity par depend karta hai

Iske sath hi merchant navy ki salary par koi tax imposed nahi hota hai. Merchant navy mein kaam karne wale log ek saal mein 4 mahine ki chutti ke haqdar hote hai. Iske alwa imported liquor, cigarettes, canned foods, cosmetics board par duty free available hote hai.

12th Science ke baad kya kare

Humein umeed hai iss article se aapko samajh agaya hoga ke aap merchant navy mein kaise jaye. Agar aap ke mann mein iske alawa aur bhi koi sawal hai merchant navy mein kaise jaye se juda hua hai toh comment karke humse jarur pucchein.

144 COMMENTS

    • Bahut achi baat hai. Humne article mein puri jaankari de rakhi hai jise padhkar aapko pata chal jayega ki kaise merchnat navy mein jaaye.

  1. Mera 12th me
    Physics 65 marks
    Mathematics 57 marks
    Chemistry 47 marks
    English 68 marks
    Total 61.60 percentage hai .
    Can eligible for this?
    Please tell me

  2. Good Day
    Mam/ Sir I interested merchant Navy and cruise ship I working in passenger ship in Iran I’m stay one year in Iran have one year experience cruise ship can you possible you provide cruise ship
    Thank you

  3. Hiii
    I am in 10th and i want to join Merchant Navy which is my dream. Please tell me when r the exams or any registration to do. I am Ready for it.

LEAVE A REPLY

Please enter your comment!
Please enter your name here