murgi_palan

NABRAD ki report ke according India top 5 eggs produce karne vaali country mein aata hai. Aaj kal log apni health ko lekar bahut conscious ho gaye jiski vajah se eggs aur meat ki production bahut bad gayi hai. Iss article mein hum aapko batyenge poultry farming business plan ki puri jankaari, jiski madad se aap khol sakte hai apna khud ka kukut palan yani murgi palan business.

Iss article mein hum aapko batayenge:

Murgi palan ki jankaari

Kaun khol sakta hai poultry farming business

Murgi palan kaise kare market research

Murgi palan ka tarika

Infrastructure aur laagat

Murgi palan se labh/munafa

Murgi farm loan

Poultry farming business plan mein Kanuni prakriya

Murgi palan kaise kare ki tips

Murgi palan ki jankaari

Murgi farm ya poultry farm mein farmer ko murgiyon ka dhyan rakhta hai taaki voh meat aur eggs bazaar mein bech kar paise kama sake. Humare desh mein poultry population 792.2 million tak hai. Toh aap dekh hi sakte hai ki murgi palan kitna munafe wala business hai.

India mein char tareeka ki murgiyon ki breed (nasal) payi jaati hai. Aap inn mein se kisi ko bhi rakh sakte hai.

Chicken Breeds in India

Murgi palan do reason ki vajah se kiya jata hai:

  • Breeding: Poultry ko meat ke liye rakha jaata hai.
  • Layering: Poultry ko egg ke liye rakha jaata hai.

Kaun khol sakta hai

Iss business ko shuru karne se pehla aapko murgi palan ki achi kasi jankaari honi chahiye. Aap poultry farm ki padhai 10 class ke baad bhi shuru kar sakte hai. Lekin kuch courses mein aapko 10+2 tak padhai, science stream ke sath karna important hai. Aap B.V.Sc, M.V.Sc, M.Sc aur diploma karke apna poultry farm business shuru kar sakte hai.

Murgi palan kaise kare market research

Murgi palan ka kaam shuru karne se pehla aapko jagah ka bahut achhe se dhyan rakhna hoga. Aapko inn cheezon ka dhyan rakhna hoga.

  1. Iss business ke liye aapko bahut saari jagah chahiye hogi tabhi aap achha kama payenge.
  2. Aap jis bhi jagah ko choose kare dhyan rakhe voh clean hai kyonki gandi jagah mein murgi bimaar padh sakti hai taaki aap apna samaan market tak pahucha sake.
  3. Vaha transportation ki koi problem na ho. Aapke paas achhi transportation facility ho.
  4. Voh jagah paani ke sources ke paas ho vaha paani ka supply aapke farm mein achhe se aaye.
  5. Ho sake toh voh jagah shahar se door ho taaki aapko koi bhi dikat na ho.
  6. Aap murgiyon ke liye isloted jagah dhoonde kyuki agar aap yeh buisness khule mein karega toh murgiyon ki groth par effect hoga.
  7. Aisi jagah dhoonde jo charo taraf se band ho kyuki tabhi murgiyan brooding kar payegi.

Agar aapke ghar mein jagah hai toh aap kukut palan apne ghar se bhi shuru kar sakte hai. Bas dhyan rakhein ki appka ghar zyada traffic vaale area mein nahi hai agar aisa hua toh murgiyan itni awaaz se pareshan ho sakti hai aur aapka business bhi kharab ho sakta hai.

Aapko murgiyon ko paalne ke liye achi khasi jagah ki jarurat hai. Agar aap 1000 murgiyan paal rahe hai toh aapko 1000-1500 ft tak ki jagah ki jarurat hogi.

Murgi palan ya kukut palan ka tarika

  • Iss business mein aapko hatchery se lekar murgi ka 18-20 week tak dhyan rakhna hoga tabhi voh ande dena laayak hogi.
  • Iske baad inn murgiyon ko ya toh bichavan mein pal sakte hai ya pinjare mein. par 600 rupee ki laagat lagegi.
  • Shuru ke 6 hafte tak murgiyon ko bade hone ke liye garmi ki jarurat hoti hai. Iske liye aap bulb jaala sakte hai aur bahut saare chujo ko rakh sakte hai .
  • Aapko 2-3 hafto tak chujo ko aise bulb ke neecha rakhna hoga. Aap uske baad inah phir kuch kam garmi vaali jagah par rakh sakte hai.
  • Iske baad chuja growing stage par aa jaate hai. Issme aapko unkah khaane ka dhyan rakhna hoga. Inah light khana ho khilaye varna yeh acche se grow nahi kar payegi.
  • Aapko dawaiyon bhi deni hoti hai.
  • Anda dena vaali murgiyon ko aapko 17% protein den ahoga aur 26-27% urja dena jaruri hai.

Infrastructure aur laagat

Aapko murgi palan shuru karne ke liye sabse pehla jagah leni hogi. Aapka infrastructure mein kam se kam Rs. 5-6 lakh ki laagat lagegi.

Iss business aapko inn samaan ki jarurat hogi:

Item

 

Quantity

Price (Rs. Approx)

Poultry Feeder

5-10

500-1,000

Egg Incubator

2-3

8,000-12,000

Chicken Drinker

5-10

350-700

Baby Chick Feeder

5-10

450-900

Poultry Vaccinator

10-20

3,500-7,000

Debeaker

1-2

3,000-6,000

Chicken Cage

10-20

1,000-2,000

Total (Approx)

 

 

17,000-34,000

Aap inn cheezon ko India Mart par khareed sakte hai.

Toh aapki laagat( Infrastructure+Samaan) ke sath aapki 6-7 lakh rupee lagega.

Iss business mein aapko hatchery se lekar murgi ka 18-20 week tak dhyan rakhna hoga issme aapki har murgi par 200 rupee ki laagat lagegi.Iske baad inn murgiyon ko ya toh bichavan mein pal sakte hai ya pinjare mein. Bichavan mein kam se kam har murgi par 400 rupee ki laagat lagegi vahi pinjare mein har murgi par 600 rupee ki laagat lagegi.

Murgi palan se labh/munafa

  1. Murgi farm  business ko farmers apne baaki business ke sath shuru kar sakte hai. Isse unka profit bad jayega.
  2. Aaj kal log apni health ko lekar bahut conscious ho gaye hai. Isliye iss business mein aapko bahut labh hoga.
  3. Iss business mein aapko winters mein summer se zyada munafa hoga.

Murgi farm loan

Humare desh mein kukut palan ko badhane ke liye government logo ko iss business ko shuru karne ke liye funds mein madad kar rahi hai. 

Kukut palan loan ke liye yeh schemes hai.

  1. NABARD: Murgi farm ke liye  aapko loan National Bank for Agriculture and Rural Development (NABARD) ke jariya milega. Agar aap Rs. 1,00,000 ke loan tak koi bhi margin nahi dena hoga agar loan 1,00,000 rupee se zyada hai to kam se kam 10% ka margin lagega , RBI ki guidelines ke anusaar. NABARD ke jariye loan lena ke liye yahan click kare.
  2. SBI Loan scheme: Aap poultry farm ke liye State Bank of India se bhi loan le sakte hai. SBI se naye aur purane dono farmers loan le sakte hai apna business shuru ya usse badhane ke liye. Zyada jankaari ke liye yahan click kare.

Poultry farming business plan mein kanuni jarurat

Aapko murgi farm kholne se pehla kuch jaruri legal documents chahiye hoge tabhi aap yeh business shuru kar sakte hai . Humne yaha saare important documents ke baare mein bataya hai:

  1. NOC (No Objection Certificate): Aap jis bhi ilake mein apna business shuru kar rahe hai waha ki local authority se yeh certificate lena bahut jaruri hai.Iske ilawa aapko pollution board se bhi NOC lena bhi jaruri hai.
  2. Food Safety and Standards Authority of India (FSSAI): Jaise ki aap jante hai ki humare desh mein har khane ki har cheez ko FSSAI certificate lena hota hai. Aapko apni shop mein juice FSSAI guidelines ke anusar hi hona chahiye. Yeh bahut important kaam hai kyonki “ Surakshit aahar, swasthya ka aadhaar” . Aap iss website par register karke ,  FSSAI ka license le sakte hain: FSSAI Ki Official Website
  3. Trade License: Jaisa ki aap jaante hai ki har business shuru karne se pehla trade license kitna important hota hai toh aapko iss business ke liye bhi trade license lena jaruri hai.
  4. Ground Water Department Permission: Kukut palan business mein paani ki bahut jarurat hoti hai. Paani ka connection lagvaane se pehla ground water department se permission jarur le.
  5. Electricity Board permission: Aapke business mein jitni bhi electricity use hogi aapko uski jaankari electricity board ko deni hogi aur permission leni hoga. Agar aap aisa nahi karte hai toh aapko fine lag sakta hai.

Murgi palan kaise kare ki tips

  • Jo murgiyan anda dena ke laayak nahi hai unah alag karde starting mein hi.
  • Dhyan rakhe ki bichavan par paani na pade kyuki paani padne ke baad ussme ammonia ban jayega. Ammonia logo aur murgiyon dono ke liye harmful hai.
  • Dhyan rakhein ki murgiyon mein protein, urja uar calcium ki maatra bilkul sahi hai kyuki tabhi voh ache se grow kar payegi.
  • Maveshiyon aur apne aap ko rog se bachane ke liye unah time to time injection lagvaaye.
  • Koshish kare ki aapke pultry farm mein summers mein kam egg production ho aur winters mein zyada.
  • Garmiyon mein aap ando ko processing ke liye bhi bhej sakte hai jisse aap iss samay bhi paisa kama payega.

Hum ummed karte hai ki iss article mein aapko murgi palan yani poultry farming business plan se related saari jankaari mil gayi hogi. Agar aapko iske ilawa aur bhi koi sawaal hai toh neecha comment box mein likhein.

2 COMMENTS

LEAVE A REPLY

Please enter your comment!
Please enter your name here