12th commerce ke baad kya kare in hindi

12th class ke result ke baad students mein sabse badhi confusion hoti hai ki kaunsa course kare, kis field mein career banaye, etc… Ye confusion har stream ke student ke man mein hoti hai chahe vo science se ho, commerce se ho ya arts se aur sabko career guidance ki zarurat padhti hai. Commerce students ko bahut se career options mein choose karna hota hai aur unka sabse badha sawaal hota hai ki 12th commerce ke baad kya kare. Agar aapka bhi yahi sawaal hai to aaj hum iss article mein aapke isi sawaal ka jawaab denge.

12 commerce ke baad kya kare in Hindi

12th commerce ke baad best course mein bahut se options hai. Iss article mein humne unn options ke baare mein detail mein bataya hai.

B. Com

B.Com ka full form hota hai Bachelors of Commerce. Ye Commerce field ki graduation degree hoti hai jisme commerce aur finance se related subjects padhaye jaate hai.B. Com ko un students ke liye best course hai jinhe apna career commerce, accounting, finance, banking aur insurance field mein banana hai. Ye course three years ka hota hai aur isme 3 type ke course aate hai:

  • B. com (Hons.)
  • B. Com / B. Com (Pass)
  • B. Com LLB

B. Com ek bahut popular course hai jo har commerce college mein offer kiya jaata hai. Iske liye eligibility bhi commerce subjects (Accounts, Business Studies, Economics, Maths) ki hoti hai par 12th science ke students bhi apply isko kar sakte hai. Iske liye kuch colleges mein entrance exam hota hai aur kuch colleges mein Merit basis par admission hota hai.

2. BBA

BBA ka full form hai Bachelors of Business Administration. 12th ke baad BBA ek popular course hai. BBA three years ka undergraduate professional course hai. Ye course ko kisi bhi field ke students kar sakte hai. Iss course karke students Finance, Sales jaise sector mein jaa sakte hai. BBA mein 5 specialisation offer ki jaati hai:

  • Human Resource Management
  • Marketing
  • Sales
  • Finance
  • Information Technology

BBA mein admission lene ke liye kuch colleges mein entrance exam hota hai aur kuch colleges mein Merit basis par admission hota hai.

3. Chartered Accountancy (CA)

12th commerce ke baad course karne ke liye ek bahut acha option hai Chartered Accountancy ka course. Ye accounting ki field ka best course maana jaata hai. CA ki degree Institute of Chartered Accountants of India (ICAI) hi deta hai. Ye course sirf commerce nahi, balki science aur arts stream ke students bhi kar sakte hai. Ek certified CA ko accountancy, taxation, analytical skills, business practices, corporate laws jaise subjects mein expert hona chahiye. CA course ke liye sabse pehle foundation course karna hota hai jiske liye CPT exam clear karna hota hai.

4. Company Secretary (CS)

CS course ek aur acha option hai iss field mein. CS yani Company Secretary ek bahut important post hoti hai kisi bhi company mein. Ek certified CS ka kaam hota hai company ke legal issues ko handle karna. India mein CS ki degree sirf ek hi institute de sakta hai Institute of Company Secretaries of India (ICSI). CS fine arts ke studnets ke alava koi bhi kar sakta hai. CS mein 3 level ke programmes hote hai:

  • Foundation Programme
  • Executive Programme
  • Professional Programme

CS mein admission ke liye saal mein 2 baar foundation programme ka exam hota hai – June & December. Iss exam ke liye 6 months pehle registration karna hota hai.

5. Bachelor of Legislative Law (LLB)

LLB ka full form hai Bachelor of Legislative Law. India mein lawyer yani vakil banane ke liye LLB course karna hota hai. LLB karne ke liye 2 options hote hai:

  • 3 years LLB course
  • 5 Year Integrated course

LLB mein admission ke liye entrance exams hote hai aur sabse popular entrance exam hai CLAT exam.

6. Teaching Career

12th commerce ke baad kya kare ki confusion kam karne ke liye ek aur acha option hai Teaching career. Teacher banne ke liye course karne hote hai aur inn courses ke liye minimum 12th pass hona chahiye. 12th pass kisi bhi field se ho sakti hai. Teachers 3 type ke hote hai:

  • Nursery teacher
  • Primary teacher
  • High school teacher

7. Jouranlism

Commerce students Journalism course bhi kar skate hai agar unhe iss field mein interest hai. Journalism generally three years ka undergraduate degree hota hai. Journalism mein admission ke liye kuch colleges mein entrance exam hota hai aur kuch colleges mein Merit basis par hota hai.


Hume ummed hai ki 12th commerce ke baad kya kare ke baare mein aapko saari jaankari mil gayi hogi. Agar phir bhi aapko koi sawaal hai to neeche comment kare. Hum aapko jawaab dene ki puri koshish karenge.

LEAVE A REPLY

Please enter your comment!
Please enter your name here