CTET jiska matlab Central Teacher Eligibility Test hota hai yeh ek national level ka exam hota hai jise Central Board of Secondary Education (CBSE) saal mein 2 baar karwati hai. Ismein 2 papers hote hai 1 Paper-1 jo class I-V aur Paper-2 VI-VIII ke liye hota hai. Matlab Paper-1 mein pass hone class I-V ke teacher bante hai aur Paper-2 waale VI-VIII ke. Chaliye ab vistar mein jaante hai CTET exam 2020 ke baare mein.

Iss article mein aap jaanenge…

CTET Exam 2020

CTET Exam Date 2020

CTET Eligibility

CTET 2020 Online Application

CTET Syllabus

CTET Question Paper

CTET Admit Card

CTET Result 2020

Teacher kis tarah se ban sakte hai uski puri detail ke liye niche button par click kare.

Teacher Kaise Bane

CTET Exam 2020

Jaisa ki humne upar bhi bataya hai ki CTET ek national level ka exam hai teachers post ke liye. Ismein yogya matlab pass hone waale teacher bante hai.

CBSE dwara conduct kiye jaane waale CTET exam mein har saal bahut log test dete hai jinka sapna Teacher banne ka hota hai. Ismein 2 paper hote hai jisse paper-1 waale 1-5 tak aur paper-2 mein pass hone waale 6-8th ke teacher bante hai.

CTET Official Website

CTET Exam Date 2020

Ab agar hum CTET exam date 2020 ki baat karein toh iski date nikal chuki hai aur aap apply kar sakte hai. Adhik jaankari ke liye niche table dekhe.

EventsDates
Application start date24 January 2020
Apply ki last date2 March 2020 (Extended)
Exam ki date5 July 2020
Apply linkClick here

CTET 2020 July ki notification aa chuki hai aur apply karne ki last date 2 March 2020 hai aur iska exam 5 July 2020 ko hoga.

Download Notification


CTET Eligibility

Jaisa ki aapko bata de ki CTET mein 2 paper hote hai toh eligibility criteria bhi alag-alag hoga. Chaliye dono papers ki yogyata jaante hai.

Age limit

CTET exam ko dene ke liye candidates ki minimum age 18 saal honi chahiye.

Class I-V teachers ke liye eligibility

1) Jo candidates CTET exam dekar I-V ke teacher banna chahte hai unke senior secondary ya kisi course mein minimum 50% hone chahiye aur prarambhik pariksha mein 2 saal ke diploma ke last year mein ho ya pass kiya hua hona chahiye.

2) Ya ummidvar ke senior secondary mein minimum 45% marks ke saath NCTE, regulation 2002 ke anusar Elementary Education mein 2 saal ke diploma ke last year mein ho ya pass kar diya ho.

3) Ya candidates ke senior secondary mein minimum 50% marks ho aur saath mein 4 saal ke B.EL.Ed graduation ke last year mein ho ya pass hona chahiye.

4) Ya ummidvar ke senior secondary mein minimum 50% marks ho aur saath mein 2 saal ka diploma (special education) kiya hua ya last year mein hona chahiye.

5) Ya candidates graduate hona chahiye ya kisi prarambhik shiksha mein 2 saal ka diploma hona chahiye. Jo last year mein hai wo bhi form bhar sakte hai.

Class VI-VIII teachers ke liye eligibility

Ab hum baat karenge Class VI-VIII ke teacher ki eligibility criteria, chaliye niche poore point dekhein.

1) Jo candidates CTET exam dekar VI-VIII ke teacher banna chahte hai, toh ve graduation pass hone chahiye aur prarambhik pariksha mein 2 saal ke diploma course kiya hua hona chahiye. Saath hi final year waale bhi form bhar sakte hai.

2) Ya ummidvar ke graduation mein minimum 50% hone chahiye aur saath mein ek saal ka BEd kiya hua hona chahiye. Jo last year mein hai wo bhi form bhar sakte hai.

3) Ya candidates ke graduation mein kam se kam 45% marks ho aur saath mein NCTE regulation ke anusar 1 saal ka (BEd) course hona chahiye. Jo last year mein hai wo bhi form bhar sakte hai.

4) Ya ummidvar ke Senior secondary mein kam se kam kam se kam 50% hone chahiye aur saath mein 4 saal ka graduation B.El.Ed kiya hua hona chahiye. Jo last year mein hai wo bhi form bhar sakte hai.

5) Ya ummidvar ke Senior secondary mein kam se kam kam se kam 50% hone chahiye aur saath mein 4 saal ka BEd/BSC.Ed ya BA.Ed/BSC.Ed mein graduation kiya hua hona chahiye. Jo last year mein hai wo bhi form bhar sakte hai.

6) Ya ummidvar ke graduation mein minimum 50% marks ho aur saath mein 1 saal ka BEd (special education) kiya hua ya last year mein hona chahiye.

CTET exam mein reservation

Wahi agar hum reservastion ki baat karein toh jo candidate reserved category se aate hai jaise SC/ST aur OBC ke liye 5% ka relaxation diya jaayega. 

Note: Ek candidate CTET ke dono paper de sakta.


CTET 2020 Online Application

Sabse bada point yeh hai ki CTET ke liye hum apply kaise kar sakte hai. Toh step by step hum baat karenge ki aap online kaise apply kar sakte hai.

CTET Online Apply aise kare

Step 1: Sabse pahle CTET ki official website par jaaye jo yeh hai htts://ctet.nic.in

Step 2: Link khulne ke baad aapko left side mein Current Events naam se section dikhega aur niche register karne Application Form se line dikhegi. Toh aapko line par click karna hoga.

Step 3: Iske baad aapke saamne ek page khulega jismein Apply aur Login ka option dikhega, agar aapne pahle se apply kar diya hai toh aap Login par click kare. Top apply ke liye aapko APPLY par click karna hai. 

Step 4: APPLY par click karte hi aapke saamne Instruction ka ek page khulega jise padhkar aapko sabse niche CLICK HERE TO PROCEED par click karna hai.

Step 5: Iske baad aapke saamne registration ka page khul jaayega jo humne niche photo mein dikhaya hai.

Step 6: Iss tarah ab aapko jo jo detail maangi jaayegi wo sab bharni hogi. Aapko yeh sab form mein bharna hoga – Personal detail mein Candidate’s Name, Father’s Name, Mother’s Name, Date of Birth, Identity Type, Gender aur Identification Number daalne honge.

Contact Details mein aapko Address, Locality (Optional), City/Town/Village, State, District, Pin Code, Email Address, Mobile Number, Land Line No. STD code ke saath ya koi other Contact No. (Optional) daalne honge.

Choose Password mein aapko Password, Confirm Password, Security Question aur Security Answer bharna hoga.

Security Pin mein aapko Security pin daalna hoga. Matlab khali box ke niche ek code dikhega woh box mein likhna hoga aur iske baad SUBMIT par click kar dena hai.

Step: 7) Iske baad ek naya page khul jaayega jise aap niche photo mein dekh sakte hai. Ismein sabse niche kuch option ko Right tick karte hue I AGREE par right tick karke FINAL SUBMIT par click karna hai. Iss tarah aapka pahle step complete ho jaayega.

Step 8) Ab aapko Application form, Upload Image aur Fee Payment ke step paar karne honge. Photo dekh sakte hai.

CTET ki Exam ki Fees

CategoryFee paper I ya II kiFee paper I ya II ki
General/OBCRs. 700/-Rs. 1200/-
SC/ST/Differently Abled person Rs. 350/-Rs. 600/-

CTET Syllabus

Agar hum CTET ka syllabus ki baat kare toh dono papers ka syllabus alag-alag hota hai. Toh pahle hum Paper-I ka syllabus dekhte hai.

Pattern – I ka pattern

TopicQuestionMarks
Baal vikas aur adhyayan3030
Language I3030
Language II3030
Maths3030
Paryavaran Adhyayan3030
Total150 MCQ150 Marks

Paper – II ka pattern

TopicQuestionMarks
Baal vikas aur adhyayan3030
Language I3030
Language II3030
Maths Ya
Social Studies/ Social Science
6060
Total150 MCQ150 Marks

Syllabus

Toh syllabus aap niche di gayi link par click karke download kar sakte hai. Syllabus sab topic bataye gaye jismein questions pooche jaayenge.

Syllabus Download Kare


CTET Question Paper

Aur ab agar hum CTET question paper ki baat kare toh wo bhi aap yahan aasani se dekh sakte hai. Jaisa ki humne upar syllabus bataya hai sawal bhi usi mein se pooche jaayenge aur dono papers ke marks 150-150 honge.

Agar aap example ke liye CTET ke purane paper dekhna chahte hai toh niche button par click karke dekh sakte hai.

Paper I Download

Paper II Download


CTET Result 2020

Jab exam hota hai toh kuch samay baad CTET result ki ghoshna CBSE ke result page par kar di jaati hai. Agar aap apna result dekhna chahte hai toh aapko niche diye gaye link par click kare.

Check Result Now


CTET Admit Card

Ab baat karte hai CTET ka admit card kaise download kare. Ji haan, exam dene jaayenge toh sabse pahle admit card hi dekha jaayega aur phir entry kar paayenge. Toh admit card download karne ke liye niche button par click karein.

CTET Admit Card

Teacher kis tarah se ban sakte hai uski puri detail ke liye niche button par click kare.

Teacher Kaise Bane

Ummid karte hai ki aapko CTET Exam 2020 ke baare mein achhe se samajh aa gaya hoga. Lekin agar phir bhi aapke man mein koi sawal hai toh humein abhi niche comment kare jiska jawab hum jarur denge.

जन्म से ही क्रिकेट का दीवाना हूँ लेकिन क्रिकेटर बन नहीं सका और अब विकिपीडियन बनकर खिलाड़ियों पर लिखना शौक बना दिया है।

LEAVE A REPLY

Please enter your comment!
Please enter your name here