Coder Kaise Bane?

coder_kaise_bane

Aajke zamane mein jab sab kuch digital ho chuka hai aur India ka har ek aadmi kisi na kisi tareeke se internet aur digital technology se sampark kar raha hai,chahe woh koi internet website ho ya fir mobile application, aur yeh saara kaam ek coder hi karta hai.
Ek coder woh hota hai jo coding karke aapke webistes aur applications ko zyaada akarshak aur useful banata hai. Coding hi woh “andar ki baat” hai har website,application ya fir aapke favourite game ki. Aaj iss article mein hum yahi jaanenge ki coder kaise bane aur usse judi puri jankari.

Iss article mein hum janenge ki

Coding hota kya hai

Coding languages

CS aur IT colleges

Kahan se karein online courses

Competitions

Job Opportunities


Coding hota kya hai

Coding ka craze market mein bohot zyaada hai aur sab log coding seekhna chahte hain. Lekin coder kaise bane janane se pehle yeh janana zaruri hai ki coding hota kya hai. Coding woh tareeka hai jisse aapke computer pe saare websites,phone pe applications aur yahan tak ki aapki favourite games bhi chalti hain. Coding kuch aise kaam karta hi ki aap computer mein code type karte hain aur fir uss code ko computer read ya solve karta hai jiske baad woh aapke instructions ke hisaab se aapko results dikhaata hai.

Aajkal sabkuch digital ho chuka hai aur log ek doosre se zyaada apne mobile aur laptop se baatein karte hain,isliye market mein coders ki demand itni tezi se badh rahi hai ki jo bhi iss field mein aayega usko tarakki ke bohot opportunities milenge. Coders ko aage jaake bhi ek bohot hi achhi salary milti hai,isliye hi yeh abhi craze mein hai.

Coding Languages

Coder kaise bane se judi aapke mann mein bahut saare sawal honge toh islie aaiye ab jaante hain coding languages ke baare mein. Coding karte time coders different languages use karte hain jisse ki unko apne manpasand results mil paaye. Kuch coding languages yeh hain-

Java- Java sabse popular aur widely used programming language mein se hai.Java fast, reliable aur secure hai. Desktop se web applications, scientific supercomputers se gaming consoles, cell phones se Internet, Java har jagah use hota hai.

C++ – C++ ek general purpose programming language hai jo ki aajkal competitive programming ke liye bohot use hota hai.C++ bahut saare platforms pe run karta hai jaise ki Windows, Linux, Unix, Mac etc.

HTML- HTML ka full form Hyper Text Markup Language hai. Yeh markup language ke zariye webpages design karne ke liye use hota hai. Hypertext web pages ke beech mein link define karne mein help karta hai.

SQL- Structured Query Language ya fir SQL ek standard Database language hai jo ki relational database ko create, maintain aur retrieve karne mein use hota hai

Python- Python ek widely used general-purpose, high level programming language hai. Yeh mainly develop hua tha jisse ki code readability pe zyada emphasis daal sakein, aur iska syntax coders ko kuch hi lines mein apne code ko express karne ka option deta hai.

PHP- Hypertext PreProcessor ya PHP ek server-side scripting language hai jo ki specifically web development ke liye design kiya gaya hai. PHP HTML files mein bahut easily embed kiya jaa sakta hai aur HTML codes ek PHP file mein bhi aasani se likhe jaa sakte hain. PHP codes server pe execute kiye jaate hain aur HTML codes directly browser pe render kare jaate hain.

Coding languages ke examples aur sample codes ke liye yahan click karein.


CS aur IT colleges

Coder kaise bane ka ek bahut important part hai ki kaunsa course karein aur kahan se karein. Coding ke liye waise toh koi specific degree nahi chaiye,aur aap coding kuch online courses poore karke bhi kar sakte hain,par jo companies aapko recruit karna chahengi unki basic requirement bachelors degree hoti hai aur unke top preferred subjects Computer Science ya Information Technology hote hain.

Aap inn fields mein engineering karke placements ke liye baith sakte hain ya fir walk-in interviews bhi kar sakte hain. India mein bahut se aise colleges ya universities hain jisme aap yeh degree kar sakte hain,jaise ki-

Government Colleges

India mein bahut se government colleges aur universities hain jo CS aur IT mein B.Tech ki degree offer karte hain-

  • Indian Institute of Technology(Various campuses) – Yeh India ke sabse acche engineering universities mein se ek hai. IITs ke different campus different states mein hain,jaise ki-
    IIT Madras.
    IIT Bombay.
    IIT KGP.
    IIT Delhi.
    IIT Kanpur.
    BITS Pilani
    IIT Roorkee
    IIT Hyderabad

Inmein admission ke liye aapko JEE Mains aur JEE Advanced Exams ko clear karna padta hai. IITs ke Computer Science Engineering aur Information Technology Engineering courses bahut hi reputed courses hain aur inki demand bhi market mein bohot zyaada hai.

  • Delhi Technological University, Delhi
  • National Institute of Technology
  • College of Engineering, Pune
  • Motilal Nehru National Institute of Technology Allahabad
  • Guru Gobind Singh Indraprastha University, Delhi

Private Colleges-

India mein government colleges ke saath bahut se private colleges bhi hain jo yeh donon courses offer karte hain, jaise ki-

  • Vellore Institute of Technology, Vellore
  • SRM Institute of Science and Technology, Chennai
  • Birla Institute of Technology and Science, Pilani
  • Manipal Institute of Technology, Manipal
  • Birla Institute of Technology, Mesra
  • Lovely Professional University, Phagwara

Kahan se karein online courses

Coding ek aisi cheez hai jo ki agar aap chahein toh online courses ke through bhi learn kar sakte hain aur agar aapka iss field mein interest hai toh aise bahut saare websites hain jo yeh course kawate hain,jaise ki

  1. CodeAcademy
  2. Coursera
  3. edX
  4. Udemy
  5. GitHub

Aap inmein se kisi bhi website pe apna course kar sakte hain, aur sabse achhi baat yeh hai ki inn courses ki fees bohot kam hoti hai,aur kuch websites toh yeh courses free mein bhi offer karti hain.

Aap coding seekhne ke liye kisi mentor ke saath kaam bhi kar sakte hain aur uske saath kaam karte hue coding seekh bhi sakte hain.

Competitions

Yeh janane ke baad ki coder kaise bane aur kaunsa course karein,ab hum janenge ek bahut hi anokhi baat,coding ke liye competitions.
Coding ek aisa field hai jismein aap bohot saare competitions mein participate karke bhi paise aur naam donon kama sakte hain. Coding ke kuch aise competitions bhi hain jo ki national aur international level pe hote hain aur ismein participate karne se aapko jeetne ka mauka toh milta hi hai,par usse zyaada aapko seekhne ka mauka milta hai aur itne bade platform pe apna talent present karna apne aap mein hi ek bohot badi baat hai.

  • TopCoder- TopCoder duniya ki sabse badi competitive software development community hai jo ki 200 countries aur 272,348 members mein faila hua hai. Yeh site online programming contests host karta hai Java, C++, aur C# languages mein.
  • CodeChef- Codechef ek noncommercial programming community hai jo India mein start hui hai but iska scope global hai 25,000 members ke saath. Yeh programming community contests, trainings aur events host karta hai apne saare members ke liye.
  • Calling All Innovators- Nokia ka yeh worldwide contest eco-friendly applications, entertainment, productivity, aur life improvement ko cover karta hai. Aapko Nokia ke liye apps design karne padenge jo ki inn categories ko address karein. 
  • Apps For Development- World Bank social innovation ko badhawa deta hai apni developer community se aise software applications develop karwake jo ki aajkal ke kisi bhi important topics se related ho. Aap kisi bhi type ke software application ko submit kar sakte hain jaise ki web apps, mobile device, console, SMS, or any common software platform.
  • Facebook Engineering Puzzles- Engineering puzzles Facebook ke Career Page pe display hota hai isliye yeh Facebook mein job ke liye ek entry ticket ho sakta hai, par iske liye aapko inn puzzles ko pehle solve karna padega kyunki Facebook mein entry ke liye competition bohot intense hai. 

Job Opportunities

Aapne yeh toh jaan liya hoga ki coding kaise kare, toh ab hum janenge ki ismein future options kya hain.
Coding ek aisa field hai jismein bohot saari job opportunities hain aaj ke zamane mein kyunki yeh job ek bohot acchi salary ke saath aata hai aur isiliye yeh abhi kaafi demand mein hai.

  • Software Application Developer– Software developers cell phones, tablets aur baaki mobile devices ke liye applications banate hain ya fir unhein improve karte hain. Yeh career unn logon ke liye sabse accha hai jo ki hamesha ek “bigger picture” mentality ko lekar chalte hain aur doosron ke saath milke apne ideas ko real life mein implement karna chahte hain.
  • Web Developer– Koi bhi webiste kaisi dikhni chaiye aur kaise kaam karni chaiye,yeh ek web developer ka kaam hota hai.Baaki saare coding/programming jobs mein patience ki bohot zarurat hoti hai par yahi ek aisa career hai jismein aapko instant results dikhte hain. Web developers apne clients ki baaton ko dhyaan se sunte hain aur unhein unke hisaab se ek accha website banake dete hain aur agar usmein koi issue aaye toh usse solve bhi wahi karte hain. 
  • Computer Systems Engineer– Computer systems engineers complex application problems ko identify karte hain jaise ki systems administration issues ya network concerns. Woh clients ke saath kaam karte hain unki aur system ki needs ko samajhne ke liye aur web developers ke saath kaam karte hain unn problems ko solve karne ke liye.
  • Database Administrator– Database administrators ka kaam hota hai bohot important aur bade data ko secure karna, organize karna aur storage ko retrieve karna. 
  • Computer System Analyst– Computer systems analysts strategists hote hain jo company ke business aur information technology (IT) initiatives ko merge karne ke liye responsible hote hain. Yeh log computer network systems ko evaluate karte hain aur business needs ko meet karne ke liye program mein updates suggest karte hain. 
  • Computer Programmer– Computer programmers programs ko baar baar likhte hain jab tak woh poori tarah error free na ho. Yeh log workflow chart aur coding formulas use karte hain jab tak ki woh apne desired information ko produce na kardein. Attention to detail aur patience iss course mein bahut zaruri hai.

Coding Languages (Examples)

Java

Example-Sum of two numbers

public class AddTwoNumbers {
public static void main(String[] args) {
int num1 = 5, num2 = 15, sum;
sum = num1 + num2;
System.out.println(“Sum of these numbers: “+sum);

Output:
Sum of these numbers: 20

C++
Example- #include <iostream>

  1. using namespace std;
  2. int main()
  3. {
  4.    cout << “Hello, World!”;
  5.    return 0;
  6. }

         Output

Hello, World!

HTML

Example
<ol>
<li>First thing</li>
<li>Second thing</li>
<li>Third thing</li>
</ol>

Result:

  • First thing
  • Second thing
  • Third thing

SQL

Example-
string strSQL = “SELECT ename FROM emp WHERE sal>50000”;
SQLServerCommand DBCmd = new SQLServerCommand(strSQL, Conn);
SQLServerDataReader myDataReader;
myDataReader = DBCmd.ExecuteReader();
while (myDataReader.Read())
{
Console.WriteLine(“High salaries: ” + myDataReader[“ename”].ToString());
}
myDataReader.Close();

Python

Example-
# Python program to display all the prime numbers within an interval
# change the values of lower and upper for a different result
lower = 900
upper = 1000
# uncomment the following lines to take input from the user
#lower = int(input(“Enter lower range: “))
#upper = int(input(“Enter upper range: “))
print(“Prime numbers between”,lower,”and”,upper,”are:”)
for num in range(lower,upper + 1):
# prime numbers are greater than 1
if num > 1:
for i in range(2,num):
if (num % i) == 0:
break
else:
print(num)
Prime numbers between 900 and 1000 are:
907
911
919
929
937
941
947
953
967
971
977
983
991
997

PHP

Example-
How to reverse a string
<!DOCTYPE html>
<html>
<body>
<?php
echo strrev(“Hello world!”);
?>
</body>
</html>


Output
!dlrow olleH

 Humein umeed hai ki aapko yeh article padhne ke baad pata chal gaya hoga ki coder kaise bane aur iss topic se jude humne aapke saare sawalon ka jawab de diya hoga, aap apne baaki sawal comments mein pooch sakte hain.

LEAVE A REPLY

Please enter your comment!
Please enter your name here