Home Business Plan

Dairy Farming in Hindi Ki Puri Jaankari

dairy farming in hindi

Bharat ek aisa desh hai jisme dairy products ka market bohot hi bada hai aur inn products ka sewan bhi iss desh ke har ghar mein rozaana hota hai. Doodh , paneer , dahi , khoya etc aise dairy products hain jinka sewan humari sehat ke liye bahut acha hota hai aur kyunki aaj ki generation bahut zyada health aur quality conscious hai isliye inn products ka sewan dheere dheere badhte jaa raha hai. Iss business ki khaas baat yeh hai ki iss business ko karne ke liye aapko kisi khaas qualification ki bhi zarurat nahi hai. Yani bina kisi qualification ke aap aram se mota munafa kama sakte hain. Toh agar aap ye business karna chahte hain toh yeh article aapko dairy farming in hindi se jude saare sawaalo ke jawab dega. 

Iss article mein hum janenge ki 

Dairy Farming in hindi

Dairy Farming ka tarika

Cow palan ke liye kaise kare market research

Infrastructure aur laagat

Dairy Farming Business se labh ya munafa

Dairy Farming Products

Dairy farming ke liye loan

Dairy farming business plan mein Kanuni prakriya

Dairy Farming in hindi – business tips

Dairy Farming in Hindi

Dairy Farming ek bohot hi bada aur profitable business hai jisse agar aap mehnat ke saath kare toh aap ismein kaafi munafa kama sakte hain. India mein dairy farm kholna ek bohot accha business option hai kyunki –  

  • Dairy farming business ek traditional business hai. Isliye aapko apne product ki marketing karne ki chinta karne ki zaroorat nahi hai. Aap apna product India mein kisi bhi jagah pe bech sakte hain aur toh aur dairy product market saal bhar active rehta hai.
  • Dairy farming eco-friendly hota hai aur yeh environment ko pollute bhi nahi karta hai.
  • Dairy farming business mein highly skilled labor ki zarurat nahi hoti hai. Aap apne family labor ke saath bhi ek small scale dairy farm khol sakte hain.

Dairy Farming ka tarika

Step 1: Market ki jaankari (Market Research) – Dairy Farming Business shuru karne se pehle aapko poori market research karni hogi. Ismein aapko bohot saari cheezon ka dhyaan rakhna padega jaise ki aapki initial investment kitni hogi, aap kaunse products bechenge, aapko kitni land ki zaroorat hogi aur saath hi saath aap yeh farm akele maintain karenge ya workers ko kaam pe rakhenge.

Step 2: Gaayon ka chayan (Selecting Cows) – Yeh bhi ek bohot hi important step hai iss poore process ka kyunki ismein aap apne farm mein jo cows rakhenge unko select karenge , jaise ki kaunsi breed, kya unki physical condition theek hai , kitna doodh deti hai etc.

Step 3: Medical Supervision – Iss sabke baad aapko apne cows ya gaayon ke liye medical supervision ka bhi intezaam karna padega jisse ki unki dekhbaal acche se hoti rahe aur woh doodh dene ke liye swasth rahein.

Step 4: Gaayon ko bhojan karaana (Feeding the cows) – Cows ke khaane ke liye hay ya bhoosa ka intezzam bhi karna hoga , aur iske liye aapko aisi machines bhi khareedni padengi jo ki ghaas ko bhoosa banane mein aapki madad karegi.

Step 5: Doodh nikaalana (Lactation) – Iske baad sabse important step aata hai , aapko ab apne cows se doodh nikaalna hai jo ki aap apne haathon se puraani taknik se bhi kar sakte hain ya fir thoda aur kharcha karke aap ek special machine khareed sakte hain jo ki aapki mehnat aur samay donon bachayegi.

Step 6: Waste Management – Yeh bhi iss prakriya ka ek important step hai kyunki cows ka jo waste hota hai , jisse humein cow dung ya “gobar” kehte hain, inka bhi apne mein kayi istemaal hain jaise ki isko aap fertilisers ya khaad ki tarah use kar sakte hain apne dairy farm mein.

Step 7: Utpaad bechana (Selling the product) – Inn sabke baad aata hai aakhri step jismein ki aap apne alag alag dairy products ko bechna shuru karenge aur inn sab products ke liye ek aisa price decide karenge jo ki aapke saare kharche ko bhi cover karle aur saath hi saath market mein jo price hai uske aaspaas hi ho.

Cow palan ke liye kaise kare market research

Cow palan ka kaam shuru karne se pehle aapko jagah ka bahut achhe se dhyan rakhna hoga. Aapko inn cheezon ka dhyan rakhna hoga.

  1. Iss business ke liye aapko bohot saari jagah chahiye hogi tabhi aap achha munafa kama payenge.
  2. Aap jis bhi jagah ko choose karein dhyan rakhein woh clean hai kyonki gandi jagah mein cows bimaar padh sakte hain. 
  3. Waha transportation ki koi problem na ho. Aapke paas achhi transportation facility ho taaki aap apna samaan market tak pahucha sake.
  4. Woh jagah paani ke sources ke paas ho vaha paani ka supply aapke farm mein achhe se aaye.
  5. Ho sake toh voh jagah shahar se door ho taaki aapko koi bhi dikat na ho.
  6. Aap cows ke liye isloted jagah dhoonde kyuki agar aap yeh buisness khule mein karenge toh cows ki growth par effect hoga.
  7. Aisi jagah dhoonde jo charo taraf se band ho jisse ki aapki cows aapke farm se bahar na niklein. 

Gaaye ki nasl (Breeds )

India mein bohot se desi aur videshi breeds available hain cows ki jismein se aap koi bhi choose kar sakte hain. Aap ek hi shed mein gaay aur bhains donon ke saath mein bhi rakh sakte hain. 

Profitable commercial dairy production ke liye

Murrah, Surti, Mehasani, Jaffrabadi, Badhawari etc. kuch common aur popular buffalo breeds hain. Gir, Sahiwal, Red Sindhi, Tharparkar kuch popular cow breeds hain. Aap productive foreign breeds ke saath bhi jaa sakte hain jaise ki Holstein Friesian, Brown Swiss, Jersey etc. Yeh saare breeds indian weather mein grow karne ke liye suitable hain. .

Infrastructure aur laagat

Generally ek cow ke shed ke liye aapko 40 square feet shed ke andar chaiye aur 80 square feet ki khuli jagah chaiye. Small scale production ke liye jismein 20 animals ho aapko 3000 square feet land area ki availability ko ensure karna padega.

Iske alawa aapko apne dairy farm mein aur bhi bohot saari cheezon ki zaroorat padegi jaise ki –

Product

Quantity

Price (Rs)

Milking Equipment 4 Cluster Can

1

50,000 – 75,000

1 Green Fodder Chaff Cutter with Motor (10HP)

1

75,000 – 1,00,000

Feed Grinder with Motor (optional)

1

20,000 – 25,000

Mist Cooling System

1

12,000 – 15,000

Semen Container with Accessories

1

10,000 – 15,000

Milk Cans 40 Ltr

10

4,500 per unit

Generator 7.5 KVA

1

2,00,000 – 2,20,000

Borewell With Motor

1

15,000 – 20,000

Ropes, chains, tagging equipments, water pipes etc.

 

4,000 – 5,000

Dairy Farming Business se labh ya munafa

Raw milk ke alawa bhi ek bohot bada market hai milk products jaise ki powdered milk, ghee, cheese etc ka. Yahan tak ki dairy farming ka waste tak bohot valuable hai aur iska good market demand bhi hai. ‘Gobar’ ya cow dung organic compost ya vermicompost ka raw material hai. Agar aap ‘desi cow’ ya Indian cow breed ko use kar rahe hain apne cow farm mein tab toh cow urine bhi ek valuable resource hai ‘panchagavya’ banane ke liye jo ki organic farming mein natural insecticide hai.

Iss Business mein kamsekam 40% ka profit margin hai jo ki aapki mehnat ke saath badhta rehta hai.

Dairy Farming Products

Dairy Farming Business mein jo products bante hain unn sabka price different hota hai aur yeh bohot hi munaafedar hota hai kyunki iski demand market mein bohot hi zyaada hai aur kuch products ke approximate daam humne yahan bataye hue hain.

Product

Price (Rs)

Fluid Milk

30 – 40 per litre

Ghee

400-500 per litre

Butter

40-50 per litre

Ice Cream

40-50

Khoa

200-300

Milk Powders

250-500

Paneer

70-100 per packet

Inn products ko aap kayi madhyam se market mein bech sakte hain jaise ki directly logon tak pohonchana unke need ke hisaab se. Aap chahein toh apne dairy products ko kuch general stores ya retail shops ke zariye bhi bech sakte hein unke saath collaborate karke aur aajkal sabse popular tareeka hai online bechne ka, haalaki ismein thoda kharcha aur thodi mehnat donon involved hain par saath hi saath iske returns bhi bohot acche hain.

Dairy farming ke liye loan

Dairy Farming Business ke liye loans procure karne ke tareeke yahan neeche diye hue hain, jaise ki

  1. NABARD: Dairy farm ke liye  aapko loan National Bank for Agriculture and Rural Development (NABARD) ke jariya milega. Agar aap Rs. 1,00,000 ke loan tak koi bhi margin nahi dena hoga agar loan 1,00,000 rupee se zyada hai to kam se kam 10% ka margin lagega , RBI ki guidelines ke anusaar. NABARD ke jariye loan lena ke liye yahan click kare.
  2. SBI Loan scheme: Aap dairy farm ke liye State Bank of India se bhi loan le sakte hai. SBI se naye aur purane dono farmers loan le sakte hai apna business shuru ya usse badhane ke liye. Zyada jankaari ke liye yahan click kare.

Business ke liye loan ki jaankari ke liye click kare

Government of India production of quality milk, procurement, processing aur marketing of milk and milk products ke infrastructure ko following Dairy Development Schemes ke through mazboot bana raha hai:

  • National Programme for Dairy Development(NPDD)
  • National Dairy Plan (Phase-I)
  • Dairy Entrepreneurship Development Scheme(DEDS)
  • Support to Dairy Cooperatives
  • Dairy Processing and Infrastructure Development Fund (DIDF)

Dairy farming business mein Kanuni prakriya

  1. NOC (No Objection Certificate): Aap jis bhi ilake mein apna business shuru kar rahe hai waha ki local authority se yeh certificate lena bahut jaruri hai. Iske ilawa aapko pollution board se bhi NOC lena bhi jaruri hai.
  2. Food Safety and Standards Authority of India (FSSAI): Jaise ki aap jante hai ki humare desh mein har khane ki har cheez ko FSSAI certificate lena hota hai. Yeh license bahut important hota hai kyonki “Surakshit aahar, swasthya ka aadhaar” .Aap iss website par register karke , FSSAI ka license le sakte hain: FSSAI Ki Official Website par jaane ke liye yaha click kare
  3. Trade License: Jaisa ki aap jaante hai ki har business shuru karne se pehla trade license kitna important hota hai toh aapko iss business ke liye bhi trade license lena jaruri hai.
  4. Ground Water Department Permission: Dairy farming business mein paani ki bahut jarurat hoti hai. Paani ka connection lagvaane se pehla ground water department se permission jarur le.
  5. Electricity Board permission: Aapke business mein jitni bhi electricity use hogi aapko uski jaankari electricity board ko deni hogi aur permission leni hoga. Agar aap aisa nahi karte hai toh aapko fine lag sakta hai.

Dairy Farming in hindi – business tips

  1. Proper Land – Dairy Farm kholne ke liye aapko ensure karna padega ki aapke paas itna land ho ki aap cattle ko aaram se accomodate kar paayein aur iss baat ka bhi khayal rakhein ki unke paas ghoomne ke liye khula area ho. 
  2. Sanitation – Kyunki yeh ek food related business hai isliye aapko iss baat ka khayal rakhna hoga ki health aur sanitation mein koi compromise na ho. Jo cows aur buffaloes ko aap apne farm mein rakhenge unke aaspaas ki jagah saaf suthri honi chaiye.
  3. Waste Management – Dairy Farm Business ka waste production bhi itna zyaada hai ki uska bhi ek alag business kiya jaa sakta hai . Har dairy farm mein ek proper waste management plan hona chaiye jisse ki jo gobar hota hai woh ya toh market mein sell kiya jaaye ya fir usko use kiya jaaye khaad ya fertilizer ki tarah. 
  4. Ensuring proper hay and water – Aapko yeh bhi ensure karna padega ki aapke paas apne cows ko feed karne ke liye hay aur peene ke liye enough paani available ho jisse ki unki growth acche se ho paaye bina kisi pareshaani ke. 
  5. Vaccination – yeh ek aisa business hai jismein cows aur buffaloes ki health ka bahut dhyan rakhna padta hai, kyunki jab woh healthy hongi tabhi unka product bhi healthy hoga, isiliye apne animals ki vaccination karvana bahut zaruri hai. Unhein vo har vaccination de jisse woh healthy reh sake. 

Humein umeed hai ke iss information se aapko kaafi had tak samajh aagaya hoga ki India mein dairy farming business  kaise shuru kar sakte hain. Humne puri kosish ki hai ke shuruwat se ant tak aapko dairy farming in hindi se jude har sawal ka jawab mil jaye. Agar abhi bhi aapko kisi jankari ki jarurat ho toh comment mein jarur puchein. Hum aapki puri madad karenge.

Kheti ke aur business plans ke liye click kare

I'm a political enthusiast who loves to watch TV shows in order to imbibe something from the characters in it and i believe that the first step to success is ambition as you can't achieve something until you dream about it. I'm a part of the Commerce Society and Enactus Hansraj where I'm serving as the Event Management and Promotions Head and Project Director for Project Armaan,respectively.

9 COMMENTS

LEAVE A REPLY

Please enter your comment!
Please enter your name here

Sikhe Nayi Skills aur Paye Apni Dream Job. Download Josh Skills App

X