Banna chahte hain ek behtareen content writer toh jarur padhein ye 11 Tips

0
1749
Accha content writer banne ke liye ye 11 tips jarur padhe
Ek successful content writer banne ke 11 tips

Content writing ek esi kala hai jo ki kaafi purane time se chali aarai hai. Kaise? Wo aise ke purane waqt mein jab kisi bhi insaan ko apni baat kahin aur pahunchani hoti thi, toh wo letter ke dwara pahunchai jati thi. Aur letter yani khat mein saari baaton ko shabdon mein likh ke bataya jata hai, jisey hum us letter ka content kehte hain. Aaj ke daur me jab internet ki pahunch dur dur tak hai waise mein content writing ek bhot hi important aspect hai apni baat logon tak pahunchane ka. Aur agar aap bhi content writing karna chahte hain toh apke andar bhi ek acche content writer ki qualities honi chaiye.

Toh ab baat karte hain ke content writer banne ke liye aap mein kya qualities honi chaiye. Ek acche content writer ko kisi bhi topic pe unique aur engaging content likhna aana chaiye. Content writing ek esa job hai jisme apko pata hona chaiye ke apke topic se related content kis limit mein hona chaiye, aur ye ek esa point hai jo apko bakiyon se behtar content writer bana sakta hai.  Toh aaj hum 11 ese tips ke bare me baat karenge jo apke content writing skills ko badhane ke liye kaafi important hai.

Aur agar aapko lagta hai ke aapme already wo qualities hain jo apko ek behtareen content writer banati hain, toh ayiye khele ye quizz aur janein score – Play Now

Iske alawa agar apke mann mein koi sawal hai ya apne career se judi koi sujhao chahte hain, toh niche click karein aur judiye humse kisi bhi guidance aur expert advice ke liye –

 

 

 

Ek successful content writer ke 11 skills – 

1. Apne reader ko pehchane

Communication humesha do logon ke beech hoti hai. Agar aap apni baat logon tak pahunchana chahte hain toh apko ye bhi dhyaan rakhna bahut jaruri hai ke apki audience aapse kya sunna chahti hai. Agar aap dhyaan nai rakhenge ke aap apni baat kin logon tak pahunchana chahte hain ya apki audience kon hai toh ye ek tarah se bina aim ke agey badhne jaisi baat ho jayegi. Isiliye, ye jaruri hai ke aap ek marketer ki tarah apne audience ke bare me research karein Apne audience ki needs ko samajhne ke bad hi aap apne content ko usi tarah align karein.

via GIPHY

Example ke liye kaha jaye toh agar aap vegetarian food prefer karne wale audience ko non-vegetarian khane ke baare me batayenge, toh ye ek bhot badi mistake hogi kyunki vegetarian khane wale non-vegetarian khane me kabhi interest nahi dikhayenge. Isliye ye janna jaruri hai ke apki audience kya hai taki apka content sirf padha hi na jaye balki agey share bhi ho.

2. Apne readers se personal touch rakhein

via GIPHY

Ye ek kaafi important factor hai kisi bhi acche writer ke liye aur is factor ko aap khud bhi test karke dekh sakte hain. Humesha kosish karein ke apne readers ke sath apka ek personal touch bana rahe. Agar aap koi article likh rahe hain jahan scope hai ke aap apne readers se direct ya personal touch ke sath baat kar sakein jahan aap “Main” ya “Hum” shabd ka use kar sakein toh apke article ki quality behtar ho jayegi. Issey apke readers apse jude rehna chahenge aur apke aur apke readers ke bich ek consistency bani rahegi.

3. Patiently research karein

via GIPHY

Content ke topic ko decide karna ek decision making point hai. Agar apke andar patience, excellent research skill aur analytical skill hai toh apka ek accha aur successful content writer banne ke chances badh jate hain. Content writing mein research ek kaafi important  element hai. Research se hi aap pata kar sakte hain ke readers ki demand kya hai, apki audience kya janna chahti hai ya esa kon sa theme hai jispe aapko agey baat karen ki jarurat hai.

4. Relevant aur Vibrant Subjects pe likhein

via GIPHY

Ek all-in-one content writer banne ke liye, apko har trend ke sath adapt karna jaruri hai, chahe wo news ho ya social media, aur apko us particular topic ya category pe likhna aana chaiye.

Readers web pe relevant aur interconnected stories dhundte hain. Isliye ek skilled content writer ko ese contents prepare karne chaiye jo ki readers ko engaged rakhein.

5. Attention grabbing ideas generate karein

via GIPHY

Aaj ke daur me naye aur interesting ideas generate karna biggest challenges hain. Ek accha content writer hone ke naate apko readers ko trigger aur attention grab karne wala content banana aana chaiye. Par apne ideas ko present karne me darein nahi.

Brainstorming karte rahein aur analyze karein ke kon se blogs ya articles hain jo ki readers ne sabse jyada pasand kiye hain aur kon se content sabse jyada viral hue hain. Aur later aap waise hi content or format ko use kar sakte hain taki agey aane wale blogs ya articles ko bhi utni hi value and reach mile.

6. Content mein originality rakhein

via GIPHY

Apne content mein unique hona hi apke content ko original banata hai. Unique hona ek mandatory quality hai, sirf isliye nahi kyunki ye ek reader ki demand hoti hai, but isliye bhi kyunki ye SEO ke liye necessary hai plus ye apke content ki quality badhata hai.

Duplicate content post karne pe Google apke content ko recognize kar leta hai aur plagiarism ki problem ajati hai, jiska result ho sakta hai ke apko penalty deni pad sakti hai. Sirf itna hi nahi, agar aapne kisi ke trademark and copyright se judi kisi content ko copy kia toh ussey aap legal problems mein bhi fans sakte ho.

7. Kadiyon ko jodein rakhein

via GIPHY

Ek professional content writer ko apne content ko connect karke rakhna aana chaiye. Har sub heading ke content ko uske pehle heading ke content ke sath jode rakhna, un dono sub content mein ek flow banaye rakhna bahut jaruri hai. Ye kaafi important hai taki readers apke content se interest loose na karein. Suppose is article mein agle point mein khana banane ke bare mein baat karein, toh aap definitely page se bahar chale jaoge.

But don’t worry, hum aisa kuch nai karenge 🙂

8. Sourcing Information aur Citations

via GIPHY

Readers apke content par tabhi believe karenge only when aap unko correct and accurate information provide karenge. Esa bhi hota hai ke kuch jagahon pe apko apke content mein dusre sources se lia gaya content ya koi data dala gaya ho. Toh ese mein dhyaan rakhein ke aap us source ko apne us specific content ke liye tag jarur karein. Isey ek good SEO habit mein consider kia jata hai.

9. Questions and answers se user ko engaged rakhein

via GIPHY

Content ko two way communication ki tarah provide karne pe aap apne user ke sath ek interaction bana rehta hai. Ese content ko padhne pe readers ko esa lagta hai jaise writer ussey direct conversation kar raha ho aur wahi reason hai ke user apke content ke sath jude rehna chahega.

Iske alawa, comment option ko humesha on rakhein aur ye apni aadat mein rakhein ke har comment ko aap padhein aur unka jawab dein. Kayi bar esa hoga ke apko comment mein tareef milegi aur kayi bar apko criticize bhi kia jayega. Ek acche content writer hone ke naate apka kaam hai ke har opinion ko accept karein aur unko analyze karein. Esa ho sakta hai ke wahi criticism apke writing skills ko aur improve kar de. Aur agar koi apki tareef kare toh unhe “thank you” jarur kahein.

10. SEO, HTML, CSS aur WordPress ki jankari rakhein

via GIPHY

Jankari yani ek basic level ki jankari, isliye pareshan na hon. WordPress ke themes mein alag alag level ke automatic functions hote hain jaise keywords optimize karna, apne article ka title decide karna, word limit or SEO check karna etc., jahan aap apne jarurat ke according apne content ko optimize kar sakte hain. Iske alawa thodi bhot html mein changes ya CSS ko bhi WordPress ke through manage kia ja sakta hai.

Iske alawa SEO ki updated knowledge hona jaruri hai. Search engine algorithms constantly change hote hain, aur as a writer apko search engine ke updates ki jankari honi chaiye. Apke content ki ranking ke liye bhi content ka SEO optimized hona jaruri hai.

11. Proofread jarur karein

via GIPHY

Proofreading ka matlab hota hai kisi bhi content ko likhne ya banane ke bad check karna ke kahin us article mein koi galati ya kami toh nahi reh gayi hai. Kisi bhi content writer ke liye ye ek bhot hi important step hota hai. Likhne ke flow mein esa ho sakta hai ke kabhi kuch words ya sentences sahi na likha gaya ho. Ho sakta hai unka wo matlab na aarha hao jo ki aap express karna chah rahe hon. Ese mein apke content ki quality gir jayegi aur apke article se readers ka bharosa bhi uth jayega.
Isilye humesha dhyaan rakhein ke ek article likhne ke bad usey upload karne se pehle proofread jarur karein. Proofread karne se ek toh apko apki galtiyon ka pata chal jayega aur dusra as a user aap padh payenge ke wo article apke users pe kaisa impression chhodegi.

In saari chizon ke bad bhi ek successful aur world wide acceptable content writer banne ke liye apka ultimate purpose hona chaiye ke apne article ko padhkar users ki knowledge enhance ho. Jaise is article ko likhne ke picche yahi motive hai ke aap kaise apne content writing qualities ko enhance kar sakte hain. Aur yahi reason hai ke as a reader aap is article ko abhi tak padh rahe hain.

Acche aur relevant content ke bina koi bhi website ya blog adhura hai. Aur ek acche content ko behtareen tarike se present karne pe apki website ya blog pe char chand lag jayegi. Kyunki current scenario mein har koi apni website ya blog ko search engines pe rank karwana chahta hai, aur ese mein agar aapme ek behtareen content likhne ki quality hai toh aap humesha demand mein rahenge.

via GIPHY

Agar abhi bhi aapko koi confusion hai ya content writing ke bare mein aur kuch janna chahte hain toh comment mein apna sawal jarur puchein. Hum apki help karne ki poori kosish karenge.

Play Here

LEAVE A REPLY

Please enter your comment!
Please enter your name here