Home Skill Develop Kare Spoken English

English Seekh Kar Job Paane ki Step-by-Step Guide

Is article mai hum aapko batayenge ki aap English learning se kis tarah apna professional career bana sakte hai aur English speaking jobs mai kis tarah apply kar sakte hai.

Aap toh jaante hi hai ki aaj kal har koi English seekhne ki koshish mai laga hua hai. Par kya aapne kabhi socha hai ki log English kyu seekhna chahte hai? English seekhne ke bohot saare reasons hosakte hai jaise students apni padhayi ke liye English seekhte hai, ya aap kisi se baat karne ke liye English seekhte hai, par 90% log angrezi sirf English speaking jobs mai apply karne aur apne professional career mai aage badhne ke liye seekhte hai.

Aapki English speaking skills improve hone se naa hi sirf aapki social life achi hoti hai balki aapko ache job opportunities bhi milte hai. Aapke job interviews se leke aapke kaam karne ki jagah tak aapki communication skills bohot bada role play karti hai aur English mai fluent hone ka matlab yeh hai ki aap dusro se ache se communicate kar sakte hai. 

Aaj kal har job mai English language hi use hoti hai. Job contracts bhi English mai likhe jaate hai. International business bhi English mai hota hai. Har business mai English hi prefer ki jaati hai kyuki yeh ek exact language hai aur har koi ise samajh sakta hai. 

Toh aaj mai aapko bataungi 

  • Angrezi seekhna aapke Professional Career mai kaise madad karta hai?
  • Angrezi seekhke aap kin jobs mai apply kar sakte hai?
  • English speaking jobs kaise dhunde?

English learning aapke Professional Career mai kaise madad karta hai?

English seekhna aapke interviews aur job applications mai ek bohot bada role play karte hai. Achi English speaking skills hone se aap apne job interviews aur job applications mai safal hojaate hai. 

Toh mai aapko batati hu ki Spoken English aapke interviews aur job application mai kaise madad karta hai.

  • Interviews mai aapka first impression ban jaata hai 

Job interviews aksar English mai hi hote hai. Interviewers first impression ko zyada importance dete hai. Hum sabhi ko interviews se dar lagta hai kyuki hame samajh nahi aata ki hum interviewer ke questions ke answers kaise de. Isi dar ki wajah se humara confidence low hojaata hai aur aap interview theek se nahi de paate. Nervousness aur hesitation ki wajah se aap jo bol sakte hai woh bhi nahi bol paate.

Agar aapki Angrezi achi ho toh aap confident feel karte hai. Aapko ache se communicate karne ki skill aati hai. Aapko ji bhi question pucha jaye aap use fluently answer kar paayenge. Jisse aapka confidence badh jaata hai aur aapke job milne ke chances badh jaate hai. Agar aapki English speaking skills weak hai toh aapke job mai select hone ke chances bhi khatam ho jaate hai. Agar aapki English speaking skills strong hai toh aap interviewers par acha impression bana paate hai aur aapke job milne ke chances badh jaate hai. 

  • Employer ko aapke dedication aur interest ka pata chalta hai

Jab aap interview dete hai toh aapke resume mai aapke skills aur talents mentioned hote hai. Agar aapke resume mai English speaking skills mai proficiency mentioned hai toh yeh aapke job application mai value add kardeta hai. Aapke employer’s ko aapke dedication aur interest ka pata chalta hai jisse woh aapse impress hojaate hai.

  • Aapke job opportunities badh jaate hai

Agar aap sirf apni native language mai baath kar sakte hai toh aapke job opportunities limited hote hai. Par agar aapki Spoken English bhi achi ho toh aap apni home country se bahar bhi jobs dekh sakte hai. Aap international companies mai bhi job ke liye apply kar sakte hai. Aap kayi job posts mai apna career bana sakte hai.

  • Aapko apni company mai promotion mil sakta hai

Aap jis company mai kaam kar rahe hai waha aapko achi position pe aapki Spoken English ke adhaar par promote kiya jaa sakta hai. Jaise agar aapki company mai employees ko English speaking country mai contracts aur meetings ke liye bhijaya jaata hai toh aapki achi Spoken English ki wajah se aapko yeh opportunity mil sakti hai. Aap travel kar paate hai aur aap zyada paise kama sakte hai.

  • Aap Government exams crack kar sakte hai

Aaj kal har koi government jobs paana chahta hai. Aap 10th ya 12th pass hi kyu na ho aapko government job mil sakti hai. Par iske liye aapko kuch competitive exams mai pass hona padhta hai jaise IBPS, Staff Selection Commission Exam, Railways Exams, UPSC Civil Services Examination, Banking Exams etc. Har job ya field ke liye alag alag exams likhne padhte hai. In exams ko crack karne ki subse badi requirement hai English speaking aur writing skills. In exams mai 80% syllabus English ka hota hai aur baaki 20% dusre subjects se hota hai. Agar aapki Angrezi achi hai toh aap asaani se in exams ko crack kar sakte hai.

  • English speaking se aapke social skills improve ho jaate hai

Achi job milne ke liye ek subse zaroori point hai ki aapko logo se socialize karna hoga tabhi log aapko jaanenge aapki skills ko pehchanenge aur aapko job opportunities ka pata chalega. Socially logo se communicate karne ke liye aapki Angrezi fluent hona bohot zaroori hai. Achi English hone se aap dusre countries ke logo se bhi communicate kar paayenge aur aapke job opportunities badh jaate hai. 

  • Aap confidently interviews de paate hai

Hum sabhi ko interviews se dar lagta hai kyuki hame samajh nahi aata ki hum interviewer ke questions ke answers kaise de. Isi dar ki wajah se humara confidence low hojaata hai aur aap interview theek se nahi de paate. Nervousness aur hesitation ki wajah se aap jo bol sakte hai woh bhi nahi bol paate. Agar aapki Spoken English achi ho toh aap confident feel karte hai kyuki aapko ache se communicate karne ki skill aati hai. Aapke saamne jo bhi question ho aap use fluently answer kar paayenge jisse aapka confidence badh jaata hai aur aapke job milne ke chances badh jaate hai.

Toh yeh the kuch important ways jisse aapka professional career sirf English sikhne se develop ho sakta hai. Ab toh aap samajh chuke honge ki kis tarah English learning aapke interviews aur jobs mai madad karta hai. 

English learning se aap kin jobs mai apply kar sakte hai?

Aaj ke daur mai hum sub jaante hai ki Angrezi hamare zindagi ka ek hissa ban chuki hai. Aapke paas kitne bhi degrees kyu na ho lekin agar aapki angrezi achi nahi hai toh woh saari degrees kisi kaam ki nahi. Agar koi insaan 10th aur 12th pass bhi nahi hai, lekin usko achi English aati hai toh woh apna career bana sakta hai aur lakhon kama sakta hai. 

Ab aap soch rahe honge ki yeh kaise mumkin hai. Toh mai aapko batati hu kuch aise job opportunities jo aap English seekhke prapt kar sakte hai. Toh jaante hai 10 aise mauke jaha aap angrezi ke bal par career bana sakte hai.

1. Teaching jobs

Agar aapki angrezi achi hai toh aap as a Spoken English teacher bhi apne career ki shuruat kar sakte hai. Aaj ke daur mai English seekhne ka craze bohot zyada hai, balki aap is yug ko English era bhi bol sakte hai. India mai yeh craze din pratidin badhta hi jaa raha hai aur aap iska faida utha sakte hai. Ya toh aap apna khud ka ek English speaking institute khol sakte hai ya fir kisi jaane maane institute ya school mai English speaking ke teacher bankar aap hazaaro kama sakte hai kyuki ismai kaafi achi earning bhi hai. 

2. Multi-National Company mai jobs

MNC’s yani Multi-National Companies. Jaise jaise India ka demand dusre countries mai badh raha hai waise waise dusre countries hamare desh mai paisa invest kar rahe hai aur badi badi companies Bharat mai khul rahi hai. Aise mai English speaking employees ki demand yaha par badh rahi hai. Agar aapki English speaking skills achi hai aur aap sirf 12th pass bhi kyu na ho, aap kisi MNC ke saath kaam kar sakte hai. MNC’s mai bohot saari aisi posts hoti hai jaha aap apply kar sakte hai. In companies ke job openings aapko internet, newspaper ya alag alag jagaho par dekhne ko mil jaayenge.

3. Government jobs

Bohot kum logo ko pata hai ki English speaking ke bal par sarkaari naukri bhi mil sakti hai. Bohot saare courts hai jaise Supreme court, High court ya fir kuch aur courts hai jaha har saal translator ki vacancies nikalti hai. Ismai apply karne ke liye ek entrance exam hota hai jismai 80% English questions hote hai kyuki yeh position English janne walo ke liye hai aur sirf 20% Maths ya dusre questions aate hai. Agar aap thodi si mehnat karlenge toh yeh exam zaroori crack kar paayenge. Aise hi dusre government jobs mai aap try karke apna future secure kar sakte hai.

4. Call center jobs

Agar aapki angrezi achi hai toh aap kisi bhi international call centre mai job ke liye apply kar sakte hai. Hosakta hai ki shuru mai aapki salary thodi kum ho par jaise jaise aap kaam karenge aapke communication skills aur English ke adhaar par aapko promote kardiya jayega. Aur ek samay aisa aayega ki aap usi badi company mai lakhon kama sakte hai.

5. Anchoring

Is job ke liye kisi bhi qualification ki zaroorat nahi hai. Aapke paas koi bhi degree ho ya na ho it doesn’t matter. Lekin agar aapki English speaking skills achi hai toh aap anchor ban sakte hai. Kisi bhi badi party mai, kisi seminar mai, ya fir bade bade functions mai aap anchoring kar sakte hai. Iske liye subse pehle aapko apne communciation skills sudharna hoga aur apki angrezi fluent karni hogi. Uske baad aap apna career anchoring mai bana sakte hai.

6. Blog writing jobs

Bohot saare aise log hote hai jo Hindi mai blogs likhte hai aur woh kaafi popular hote hai. Lekin un blogs ko English mai convert karne ka kaam English translator ko diya jaata hai. Aap blog writing mai bhi apna career bana sakte hai. Bohot saare aise kaam aapko ghar baithe mil jaayenge jaha par aapko blogs ko translate karna hoga English mai. Toh aaj hi se apni angrezi achi karlijiye.

7. Subtitle translator

Aapne apni zindagi mai kayi aisi films dekhi hongi jo chal toh hindi mai rahi hai lekin subtitle neeche English mai likha hua hai. Agar aap yeh job paana chahte hai toh subse pehle aapki angrezi achi honi chahiye. Aapke grammatical skills bhi ache ho toh aap koi bhi movies, videos ya advertisements mai subtitle translator ka job kar sakte hai. 

8. Book translator

Itni saari kitaabe India ke authors ne likhi hai ya fir dusre desho ke authors ne likhi hai jo abhi tak English mai translate nahi ho payi hai. Yeh kaam saalo saal chalta rehta hai. Toh agar aap banna chahte hai ek book translator, toh aapko kaam diya jaayega us bhasha ki kitaab ko English mai translate karne ka. English speaking aur writing skills ke adhaar par aap yeh job kar sakte hai.

9. Tourist Guide

Is field mai aap apna shaandar career bana sakte hai. Aap kisi bhi hotel se contact kar sakte hai jismai foreigners aakar thairte hai aur iske through aapko guiding ka kaam asaani se mil jaayega aur is profession mai log lakhon kama raha hai. Aap English speaking tourists se communicate kar sakte hai aur unhe India ke places dikhaa sakte hai. 

10. Hotel Management jobs

Aap soch rahe honge sirf Hotel management course karke hi manager bana jaa sakta hai lekin is passion ki shuruat English se bhi ki jaa sakti hai. Aapko hotel management mai ek mamuli sa diploma karna hai, uske baad aap kisi bhi hotel mai apni angrezi ke basis par interview ko crack kar sakte hai aur aapko hotel management ki job dedi jaayegi. 

Toh yeh the das career options English speaking se jude hue. Umeed hai ki aapko in options se madad hui hogi apna career plan choose karne mai.

English speaking jobs kaise dhunde?

Ab toh aap jaan chuke hai ki aap English seekhke aap kin jobs mai apply kar sakte hai. Par aap soch rahe honge ki in jobs ko aap kaise find kare aur inmai kaise apply kare? Toh mai aapko bataungi ek Step-by-Step guide jisse aap asaani se aapke liye suitable English speaking jobs find kar sakte hai aur inmai apply kar sakte hai.

Step 1- Job opportunities find kare

English speaking jobs dhunde ka subse pehla step hai aapki field mai job opportunities dhundna. Aap toh jaante hi hai ki sirf English learning se aap kayi jobs kar sakte hai jaise hotel manager, teacher, tourist guide etc. Aapko decide karna hoga ki aap konsa post choose karna chahte hai aur usi post ke basis pe aap jobs search kar paayenge. 

English speaking jobs search karne ke liye-

  1. Firstly, aap jo job karna chahte hai uske basis pe apne skills aur talents ko pehchaniye aur unhe improve kare. Jaise English speaking jobs ke liye aapko apni Angrezi sudhaarni hogi aur fluent banna hoga.
  1. Next, aap jo job karna chahte hai uske job profiles yani skills aur talent requirements janne ki koshish kare taaki aapko pata chal sake ki aap us job ke liye suitable hai ya nahi.
  1. Jis job mai aap apply karna chahte hai us job ki vacancies aur job openings ke baare mai pata karna bohot zaroori hai taki aap usmai apply kar sake. Job vacancies ka pata karne ke liye aap vacancy and recruitment websites, social media, professional aur industry journals, newspapers, company websites etc. ka use kar sakte hai. 

Kuch best online recruitment websites hai-

  1. Internshala

Internshala ek bohot popular aur reliable platform hai jobs search ke liye. Is website mai students aur freshers ke liye bohot saari internships aur job openings available hai. Internshala ke through aap online course training bhi le sakte hai jisse aap apne required skills develop kar sakte hai. Is website mai 40,000+ paid internships har field ke liye hai jaise MBA, law, arts, English etc. Students apni padhayi ke saath saath part-time jobs ya work from home jobs mai bhi apply kar sakte hai. Yeh ek genuine aur reliable website hai job search ke liye.

Internshala website visit karne ke liye yaha click kare.

  1. Indeed

Indeed ek US based website hai jo India mai best job portal ban chuka hai. Yeh website aapko sirf jobs vacancies hi nahi balki company reviews aur salary insights ke baare mai bhi information deti hai. Indeed ko subse trusthworthy job search website mana gaya hai. Indeed aapko quick search options deta hai aur aap sirf India mai hi nahi balki duniya ke dusre desho mai bhi jobs ke liye search aur apply kar sakte hai. 

Yaha click karke aap Indeed ki wesite visit kar sakte hai.

  1. Naukri.com

Naukri.com, India ki subse leading job site hai jo India ki job hunt sites mai 60% share rakhti hai. Aap asaani se registeration karke is site pe job search kar sakte hai. “FirstNaukri.com” ek aisi webiste hai jo especially freshers ke liye design ki gayi hai. Is site pe aap company-wise jobs search kar sakte hai aur apne preferences filter kar sakte hai. Aap apne location ke hisaab se bhi jobs search kar paayenge.

Naukri.com ki website visit karne ke liye yaha click kare.

  1. LinkedIn

LinkedIn ek aisi website hai jaha aap professionals se connect kar sakte hai aur social network bana sakte hai. Yeh ek subse best website hai jo aapke skills ke basis pe aapko jobs bataata hai. LinkedIn ek aisa platform hai jo aapko jobs mai apply karne mai madad karta hai aur aap dusro se connections bhi bana sakte hai. Is website ne apna platform expand kiya hai aur “LinkedIn Learning” ke duwara users ko unke skills grow aur develop karne mai madad karta hai.

LinkedIn ki website visit karne ke liye yaha click kare.

Step 2- Apna Resume banaye

Job opportunities find karne ke baad aapko apna resume banana hoga. Aapka resume aapke baare mai information bataata hai. Yeh logo ko aap kaun hai yeh janne mai madad karta hai. Apne resume mai aapko bataana hoga ki aap apne skills se dusre organization ki value kaise badhayenge. Aapka resume ya CV subse important document hota hai jiske adhaar par aapka selection process shuru ya khatam hota hai. Aapke resume mai in baato ka khaas khayal rakhna chahiye-

  • Aap jin jobs ke liye apply karna chahte hai un jobs ke hisaab se apna resume banaye jismai aapke skills aur talents pata chal sake.
  • Resume mai subse pehle apne skills aur talents ko summarise karte hue ek paragraph likhiye.
  • Aapke achievements aur successful results ko apne resume mai include karna na bhule.
  • Aapke personal details jaise Name, Age, Educational qualification sahi tarah mention kare.
  • Apna resume zyada bada na banaye kyuki employers sirf aapke relevant work experience mai interested hote hai.
  • Apne liye sahi referees ko choose kare jo aapke achievement aur working style ke baare mai jaanta ho.
  • Apne resume mai English speaking proficiency skills ko mention karna na bhule kyuki yeh skills aapke employers ko bohot attract karti hai aur isi ke basis pe aapko English speaking jobs mil sakte hai.

Apna resume banate samay aap in points ko dhyaan mai rakhe aur apne job application ke hisaab se ise customize kare.

Step 3- Social media platforms pe active bane

Aaj kal ke digital world mai aapka social media pe updated aur active rehna bohot zaroori hai. Facebook, LinkedIn, Instagram jaise social media platforms pe aap apne recruiters se connect kar sakte hai aur unhe apne skills aur talents ke baare mai bataa sakte hai. 

Apne puraane colleagues, friends, teachers ya trainers se connect karke aap unse job opprtunities ke baare mai jaan sakte hai. Aaj kal recruiters bhi selection aur screening ke samay applicants ke social media accounts check karte hai taaki unhe aapke baare mai aur jaankaari mil sake. Isliye aapka social media pe updated aur active rehna bohot zaroori hai.

Step 4- English speaking Jobs ke liye apply kare

Apne liye sahi jobs find karne ke baad aur apna resume banane ke baad aapko job ke liye apply karna hoga. Jab aap job ke liye apply karte hai toh aapke resume, application form aur cover letter mai saari important information honi chahiye. 

Aapke cover letter mai aapko bataana hoga ki aapke English speaking skills aur experience, job advertisment ke requirement ko kaise poora karte hai. Aapko apne employer ko bataana hoga ki aap kyu unki company mai kaam karna chahte hai.

Kuch jobs mai apply karne ke liye aapko online job application form bhi fill karna padhta hai. Is form mai aapke baare mai saari details puchi jaati hai. Aapko sahi tarah se is form ko fill karna chahiye aur saare questions ke sahi answers dene honge. 

Online websites jaise internshala, indeed, naukri.com etc pe aap asaani se jobs ke liye apply kar sakte hai. In websites pe jobs apply karne ke liye aapko register karna hoga aur apni ID banani hogi. Apne saare details aur preferences mention karne honge aur aapke preferred job vacancy mai apply karna hoga. Aapko apna resume, cover letter aur application form submit karna hoga.

Step 5- Apna application review kare aur Interview ke liye prepare kare

Ek baar English speaking job ke liye apply karne ke baad aapko time to time apna application review karna chahiye aur recruiters se connected rehna chahiye taaki koi bhi update ko aap miss na kare. 

Application complete karne ke baad aap interview ke liye prepare hona shuru kar sakte hai. Apni English speaking ko aur fluent banane ki koshish karte rahe. Interview mai puche jaane wale questions practice kare aur company ke baare mai saari information pata kare. Taaki aap se koi bhi question pucha jaaye aap uska javaab fluently de sake.

Toh yeh the 5 steps jisse aap English speaking jobs find kar sakte hai aur unmai apply kar sakte hai. Agar aap in steps ko follow karenge toh aapko jobs milne mai bohot asaani hogi aur aapke selection ke chances bhi badh jaayenge. Par in sub ko achieve karne ke liye aapko subse pehle apni Spoken English ko improve karna hoga.

Apni English speaking skills ko improve karne ke liye aap saare steps lein taaki aapko aage chalke pachtaana na padhe. Agar aap apni Spoken English improve karna chahte hai toh Josh Talks ka Spoken English Course join kare. Is online course mai aapko English grammar, fluency, pronunciation ke baare mai saari jaankaari aur daily practice bhi di jaayegi. Bohot saare log is course se apni angrezi sudhaar rahe hai aur apne professional career mai aage badh rahe hai. Toh abhi Josh Skills App download kare aur is course mai enroll ho jaye.

Toh aaj hi shuru kare apni learning journey Josh Skill ke courses ke sath.

NO COMMENTS

LEAVE A REPLY

Please enter your comment!
Please enter your name here

Josh Skills ke Sath Apni Learning Shuru Karo 👉

X