Army Rally Bharti 2019 ki Puri Jankari

17
2856
army rally bharti ki puri jaankari

2019 Indian Army Rally Bharti Kab aur Kahan Hogi + Rally Bharti se Jude Sare Sawalon Ke Jawab

Updated 11 Jan 2019

Jai Hind Jai Bharat

“Hum woh bande hai jo desh ki raksha karna apni fitrat mante hai, phir chahe apni jaan bhi deni pade” 

Jawano Saawdhaan!

Latest Army Rally Bharti Khabar [11 Jan 2019]

Ludhiana army rally bharti 10 March se 20 March 2019

Online registration abhi khula hai. Last date 24 February 2019

Ludhiana, Roopnagar aur SAS Nagar (Mohali) district domicile wale bhaag le sakte hai

2019 – 2020 MEIN BAKI JAGAH KI BHARTI KE NOTIFICATION ABHI NAHIN AYA HAI.

AGAR AAP JANNA CHAHTE HAI KI RALLY BHARTI AAPKE STATE MEIN KAB AUR KAHAN HOGI NEECHE DIYE LINK PE CLICK KARKE HUMARE FACEBOOK GROUP SE JUDIYE.

Click Karke Join Army Rally Bharti 2019 – 2020 Facebook Group

Jaise hi date ayege hum aapko suchit kar denge.

Pichle kuch mahino se kafi logon ne humse rally bharti se sambandhit kafi sawal puche hai.

Rally bharti ke bare mein puri jankari nahin hone ki wajah se kafi yuva jo desh ki sewa karna chahte hai mauka chuk dete hai.

Isliye is article ko zarur padhiye jisse aapko sari suchna milegi

Army rally se jude sawal jo aapke mann mein honge

Q. 2019 – 2020 main army rally bharti kab aur kahan hogi?

Yeh ek sawal hai jo sabke man mein hai. Har saal army ek tentative notification nikalta hai jismein state aur district ke hisab se rally ki jagah aur tareekh batayi jati hai.

Abhi pure saal ka notification nahin aya hai. Pichle saal yeh notification April mein aya tha to umeed hai ki April mein naye dates aayenge.

Jaldi se yahan click karke rally bharti 2019 – 2020 Facebook group se judein. Jaise hi notification ata hai hum aapko message karke suchit kar denge.

Abhi sirif Ludhiana Rally Bharti ka registration khula hua hai.

Click Karein March 2019 mein hone wale rallies ke bare mein janne ke liye

Q. Main 10th/12th pass hoon, kya main rally bharti ke liye apply kar sakta hun?

Rally bharti mein kafi sari post hoti hai jismein alag alag eligibility hoti hai. 8th, 10th, 12th pass aur ITI wale bhi apply kar sakte hai.

Army rally ki yogita ya eligibility qualifications ko janne ke liye yaha click kare

Q. Pehle rally bharti hoti hai ya entrance test?

Pehle rally bharti hoti hai aur jo log pass ho jate hai unko CEE (Combined entrance exam) ka admit card milta hai. Rally mein hi exam ki dates batayi jati hai.

Q. Kya main anya rajya se army rally bharti ke liye apply kar sakta hun?

Aapka domicile jis rajya se hai wahi ki rally bharti mein aap apply kar sakte hai. Domicile ka praman hota hai domicile certificate jo district magistrate ya tehsildar banake dete hai.

Aapka domicile us prant mein hota hai jahan aap 15 saal se zyada reh chuke hai.

Q. Army rally bharti mein kaun kaun si post nikalti hai?

Sabse zyada post general duty soldier aur soldier technical ki hoti. Aur bhi bahaut post hotu hai jiske liye army mein bharti hoti hai.

Click kariye janne ke liye ki Army rally bharti mein kaun kaun si post hoti hai.

Q. Army rally bharti mein kaun kaun se documents ya dastavez lejane hote hai?

Dastavez ki kafi zarurat hoti hai rally bharti ke liye apply karne ke liye.

Click kariye documents ke bare mein jaane ke liye.

Q. Kya rally bharti mein koi jugaad lag sakta hai?

Ji nahin! Agar aap kisi ke behkawe mein hai ki paise deke bharti ho jayegi to yeh bilkul galat hai aur zarur hi woh aapke paise leke gayab ho jayega kyunki jugaad se bharti nahin hoti hai.

Army rally bharti se judi aur socchna

(Aap neeche diye gaye links pe click karke alag alag sections pe ja sakte hai)

Army rally bharti ke liye kaise apply kare?

Bharti ke din kya leke aana hota hai?

Rally bharti ke din kya hota hai?

2019 ki latest army rally bharti kab aur kahan hogi?

Abhi tak bas Ludhiana ka notification aya hai

  • Punjab – Ludhiana (10 March se 20 March 2019) [Online registration last date 24 February 2019]

Punjab, Ludhiana army rally bharti 2019

State Districts Rally ki dates Online registration dates
Punjab (Ludhiana) Ludhiana, Moga, Roopnagar aur SAS Nagar (Mohali) 10 March 2019 se 20 March 2019 10 January se 24 February 2019

Punjab, Ludhiana, Dholewal army bharti rally notification download kariye

Army rally bharti ke liye eligibility

Open bharti ke liye kaafi sari shartein hoti hai. Aapne kahan tak padhai kari hai, aapki lambai kitni hai aur chest size bhi. Physical jaise height aur chest size aap kahan se hai ispe bhi depend karta hai.

Kaise pata chale ki aap army bharti ke liye eligible ho ya nahin?

Sabse accha tarika eligibility pata karne ka hai joinindianarmy ke website mein jis mein aap apni details daal sakte hai aur pata kar sakte hai ki kya app eligible hai ya nahi.

Is video ko dekhiye pata karne ke liye ki eligibility ko kaise check karein.

Army rally mein kaun si post ke liye bharti hoti hai?

Kafi jobs hoti hai army mein jinki bharti rally se hoti hai. General duty soldier ke liye umar 17.5 se 21 saal hoti hai.

army rally bharti ke liye laun laun si post hoti hai

Dekhiye kaun kaun si post hoti hai aur kya qualifications chahiye

Post Qualification Umar
General duty soldier 10th pass (45% marks aur sab subject mein 33%) ya 10+2 (sab subject mein pass, 33%) 17.5 se 21 saal
Soldier technical 10+2 pass science mein (Physics, chemistry, Maths aur English jismein 50% se zyada number aur har subject mein 40%) 17.5 se 23 saal
Soldier technical (Aviation aur ammunition examiner) 10+2 pass science mein (Physics, chemistry, Maths aur English jismein 50% se zyada number aur har subject mein 40%) ya 3 saal ka polytechnic engineering diploma 17.5 se 23 saal
Soldier clerk/storekeeper 10+2 pass (60% marks aur har subject mein 50%)
10th ya 10+2 mein English, maths/accounts subject hona chahiye
17.5 se 23 saal
Soldier nursing assistant 10+2 pass (Physics, Chemistry, Biology & English 50% se zyada aggregate marks aur 40% har subject mein) ya B.Sc Degree (Simple pass Botany, Zoology, Bio science aur English)   17.5 se 23 saal  
Sepoy (Pharma, Army Medical Corps) 10+2 ya D Pharma jismein 55% marks ya B Pharma mein 40% marks 19 se 25 saal
Soldier Tradesmen (All arms) 10th / ITI 17.5 se 23 saal
Soldier Tradesmen (Syce, Mess Keeper and House Keeper) 8th pass 17.5 se 23 saal
Survey Automated Cartographer (Engineers) BA/BSc Maths ke saath. 12th class(10+2) mein Maths aur Science subject hona chahiye. 20 se 25 saal
JCO (Pujari, Maulvi, Padri) Graduate kisi bhi prakar ka aur mazhabi padha bhi kari honi chahiye 27 se 34 saal
JCO (Catering) 10+2 ya Diploma / Certificate Course ek saal se zyada wala kisi hotel management, cookery ya catering technology mein. 21 se 27 saal
Havildar Education (Army Education Corps) MA / MSc / MCA or BA / BSc / BCA / BSc (IT) with B Ed Group Y – BSc/BA/BCA/B Sc (IT) (w/o B Ed.) 20 se 25 saal

Army bharti rally ke liye form kaise bhare

Form online bhara jata hai aur form bharne se pehle aapko neeche diye certificates aur information ki zarurat hai kyunki aapko inki zarurat hogi form bharne ke liye.

Matric 10th ka certificate

Matric 10th certificate ki zarurat hogi jisse aap yeh details bhareinge. Dhyaan rakhna hai ki yeh information aapko 10th class certificate jaisi bharni hogi

  • Aapka naam
  • Pitaji ka naam
  • Mataji ka naam
  • Janam tithi
  • Matric certificate ka number

Aapko pata hona chahiye ki aapka domicile kis state ka hai aur district ya tehsil kya hai. Yeh jankari aapko isliye chahiye kyunki bharti rally district ke mutabik hoti hai. Jin districts mein bharti ka notification nikalta hai usi jagan rehne wale us rally mein apply kar sakte hai.

Marksheets

10th ki marksheet ya 12th ki kyon ki aapko apne number form mein bharne hongein

Photos

Form mein aapko apni aur apne hastakshar ki photo lagani hogi.

Apni passport size photo scan karwayen aur jahan se scanning hogi usko bolein ki photo ka size 10 se 20 Kb tak hona chahiye.

Apne hastakshar kariye aur scan karwayen aur bolein ki size 5 se 10 Kb ke beech hona chahiye

Bharti ke liye form online joinindianarmy ke website pe bhara jata hai.

Rally bharti ke din kya kya leke ana hai?

Jis time pe rally ke liye aane ko bola hai usi time pe report karna hoga aapko jahan rally ho rahi hai wahan.

Yaad rakhna hai ki aapko sare documents to neeche diye hai leke jani hai rally bharti ke time kyunki agar ek bhi document miss ho gaya to aapko reject kar diya ja sakta hai.

Yaad rakhna hai ki in sab certificates ke original aur 2 photocopy jo gazetted officer nein attest kari hai leke ani hai.

  • Admit card ka print out jo saaf dikhta ho
  • 20 photographs latest jo unattested honi chahiye
  • 10th Matriculation ka certificate
  • 10th aur 12th ki marksheet
  • Residence certificate photo ke saath. Yeh certificate state government, tehsil dar ya SDM se hona chahiye
  • Religion certificate state government, tehsil dar ya SDM se hona chahiye
  • Character certificate school se
  • Character certificate sarpanch, municipality ya police ka issue kara hua (Certificate 6 mahine se purana nahin hona chahiye)
  • Certificate jo kehta hai ki aap ki shaadi nahin hui hai jo sarpanch ya district administration ne banaya hai
  • Caste ka certificate photograph ke saath jo sarpanch ne sign kiya ho
  • Single bank account ka number, PAN card aur Aadhar card
  • Agar aap ki umr 18 saal se kam hai to ek certificate lana hoga jo aapke parents ko sign karna hota hai aur sarpanch se attest karna hota hai (Format neeche diya gaya hai)

18 saal se kam umr ke certificate ka format 

I am sending my son Name…… Date of birth….. for recruitment in Army on my own interest and
there is no objection on him joining the Army. I shall not ask for any compensation due to any
injury / illness sustained by my son during screening

Agar aap special category se hai to yeh certificate bhi chahiye

Son of serving soldier ya war widow and ex serviceman

Relationship certificate

NCC ke members

NCC A/B ya certificate. Agar gantantra diwas parade mein (26 jan parade) mein bhag liya ho to uska bhi certificate chahiye.

Sports person

Agar aapke paas yeh certificate hai to sports category mein rahat milegi numbers ki. Aapke paas international level, national level, district level ka certificate hona chahiye.

Army rally bharti ke din kya kya hota hai?

Rally bharti ke din aapko apne admit card ke saath aur certificates ke saath hazir hona hota hai sahi time pe.

Pehle aapko height bar se nikalna hoga jise check hoga ki aapki height ki eligibility hai ya nahi. Aapko pehle hi check kar lena chahiye ki aap ki height jitni chahiye usse zyada hai ya nahi kyunki agar height kafi nahi hai to aapko rally bharti mein hissa nahi lene deinge.

Is video mein aap army rally bharti ke sare steps sankshep mein dekh sakte hai. Yeh Video District Employment Exchange Board ke Youtube Page se hai.

Documents ki checking

Apne admit cars aur sare documents ke saath aapko time pe hazir hona hoga chahiye. Pehle admit card check hota hai aur sahi hone pe hi bharti mein entry ho pati hai.

Army rally physical fitness test

Army rally bharti running

Physical test mein pehle aapko 1.6 Km running karni hoti hai. Is mein do groups qualify karte hai, jo running 5 min 30 sec ke beech kar lete hai group 1 mein aate hai aur unko 60 marke milte hai. Jo log 5 min 31 sec se 5 min 45 second mein daud complete kar dete hai unko group 2 mein dala jata hai jismein 48 marks milte hai.

Hilly areas mein extra time milta hai. 5000 se 9000 feet mein 30 second extra aur 9000 se 12000 feet tak 120 second extra.

Is video mein aap army bharti running dekh sakte hai

Pull ups

Bar pe pull ups lagane hote hai.

Kam se kam 6 pull ups to karne hi hote hai qualify karne ke liye. 10 pull up karne wale ko 40 number, 9 wale ko 33, 8 wale ko 27, 7 ko 21 aur 6 pull up karne wale ko 16 number diye jayenge.

Long jump & bar

Long jump (9 ft) aur bar pe chalna hota hai. Yeh aapko karne ho hote hai kyunki agar aap complete nahin kar paye inko to aapko aage nahin jane diya jata hai.

Physical measurement test

Ismein aap ki lambai, weight aur chest size ko measure kiya jata hai.

Medical examination

Medical test mein army ke doctor aapka medical check karte hai yeh dekhne ke liye ke aapko koi rog nahin ho aur aapki sehat acchi honi chahiye

Medical mein kya kya check kiy ajata hai

  • Aap Ki sehat achi honi chahiye
  • Seena tana hona chahiye aur 5 cm tab phoolna chahiye
  • Sunne ki shakti puri hone chahiye
  • Dekhne ki shamta puri hini chahiye aur rang bhi dikne chahiye
  • Dant theek hone chahiye

Jo log rally ke sare rounds mein qualify ho jate hai unko site pe hi CEE ya imtihan ka admit card mil jata hai.

Bharti ke din kya kya hota hai yeh video dekhiye janne ke liye

Written test

Written test ke baad physical aur test ke number calculate kare jate hai aur final merit list banayi jati hai jiske baad selected candidate ka call aata hai.

 

Army rally bharti ke liye kuch zaruri baatein

  • Rally ke din aap ek hi post ke liye apply kar sakte hai
  • Shaving: Sikh candidate ko chod ke sabko shave karke ana hai
  • Shadi shuda log general rally mein nahin bhag le sakte hai
  • Khana aur paani swayam leke aana hai
  • Tattoo sirif bazu ke andar pe ya kalai ke upar hi allowed hoga. Koi bhi aur tatto hai to reject
  • Rally site pe 3 ya 4 din tak rukna pad sakta hai. Aapko apna rehne khane ka intizam karke ana chahiye

Agar abhi bhi aap army rally bharti se juda koi sawal ya koi jankari janna chahte hain toh humare Facebook group par ayiye aur apna sawal pucchiye, hum apki poori madad karenge. Group se judne ke liye niche click karein.

 

 

 

जब आशुतोष छोटा बच्चा था उसने कहीं पढ़ लिया की दुनिया के सबसे दिलचस्प लोगों को नहीं पता होता है की वह बड़े होंगे क्या बनेंगे। आशुतोष अब बड़े होने के बावजूद उसी सोच में अटका है।

17 COMMENTS

    • Bhai Abhishekh Jai Hind!

      Hum job nahin provide karte hai bhai. Army join karne ki sari details aap joinindianarmy website se le sakte hai.

    • Abhi Sikkim ka notification nahi aya hai Anupam bhai.

      2019 mein Feb tak ki rally ka announcement ho gaya hai. Lagta hai Jan mein pure saal ka notification aa jayega.

    • Bhai Jitendra Jai Hind!

      Pehle physical test aur medical test hota hai aur phir qualified candidates ko exam ko admit card milta hai. Admit card mein CEE entrance ka date, location aur time bataya hoga.

  1. Comment:hello sir mera name suman hai aur ham bihar se hai me sawal hai 10th and12th me kitna % mark ki jrurt hotg hai army me jane ke liye and bina iti kiye army me ja skte hai na

    • Bhai Suman Jai Hind!

      General duty soldier ke liye – Total marks 45% aur sab subject mein pass (33%) aur 10+2 mein sab subject pass

      Soldier technical ke liye – 10+2 pass with Physics, Chemistry, Maths aur English total marks 50% aur har subject mein 40%
      Soldier clerk ke liye – 10+2 pass Accounts, Maths aur English ke saath Total marks 60% har subject mein 50%

      ITI karna Soldier tradesman ke liye chahiye. General aur technical ke liye nahin

    • Bhai Lokesh Jai Hind

      Abhi 2019 ka notification nahin aya hai.

      Jaise hi army notification nikalegi hum yahan blog mein update kar deinge.

      -Ashutosh

  2. बच्चा भरती के लिए जानकारी प्राप्त हो सकती है

    • Bhai aapne bahaut accha sawal pucha hai. Yeh aise hota hai

      5 min 30 second se kam time mein 1.6 km ki daud puri karne wale ko 60 marks milte hai
      5 min 31 second se 5 min 45 second mein daud khatam karne wale ko 48 marks milte hai

      5 min 45 seconds se zyada time lagane wale ko nikal diya jata hai.

      Selection pakka nahin hota kyunki baki physical test mein bhi number milte hai, yeh number aur CEE ke number jud ke merit list nikalti hai.

LEAVE A REPLY

Please enter your comment!
Please enter your name here