Hotel management hospitality sector mein aane wala ek behtareen job option hai jo ki young generations ke liye kaafi opportunity lata hai. Aaj is article mein hum yahi baat karenge ke kaise aap bhi hotel management career mein agey badh sakte hain aur kaise kar sakte hain hotel management.
Is article mein hum aapko batayenge –
Hotel management kya hai aur job roles
Hotel management ki eligibility
Hotel management colleges aur courses
Hotel management job options aur salary
Hotel management kya hai aur job roles
Hotel management ek esi job hai jisme aapko hotel ya restaurants se jude job profiles pe kaam karna hoga jaise Hotel Manager, chef, front office manager, Restaurant and Food Service Manager, housekeeping etc. Aapke course aur level of course pe depend karega ke aapko kis tarah ki job milti hai ya aap kis tarah ke profile ke lye job aaply kar sakte hain.
Ayiye ab jante hain ke in profiles mein kaam kya hota hai –
Hotel Manager – Hotel managers ki responsibility hoti hai ke wo hotel ke standards aur services ka dhyaan rakhe. Hotel manager housekeeping ki supervision, food ka standard aur banquet department ka dhyaan rakhne ki responsibility puri karta hai.
Front office manager – Front office manager ka kaam hota hai ke wo receptionists, reservation clerks, information clerk as well as baki personnel jaise doorman aur bell boy ke kaam ka supervision kare. Also, is role mein apko ye bhi dhyaan rakhna hota hai ke guests ko requirement ke according saari chizen uplabdh karayi jaye aur unhe kisi chiz ki kami na ho.
Restaurant and Food Service Manager – Is role mein kaam karne wale professionals stock of cutlery, linens, paper, cleaning supplies, cooking utensils aur furniture aur fixtures ka dhyaan rakhein. Iske alawa equipments aur maintenance ka bhi inhe hi dhyaan rakhna hota hai.
Chef – Chefs ka hotel management mein kaafi important role hota hai. Inhe meals, kitche supplies, menu ke sath sath, food quality, health and safety regulations, kitchen budget jaise baton ka dhyaan rakhna hota hai.
Chef ek esa profession hai jinpe hotel ka fame kaafi hadd tak depend karta hai.
Click karke jaaniye Chef kaise bane
Banquet Manager – In profile pe kaam karne wale us hotel ya retaurant ke banquet mein hone wale har event ke liye reponsible hote hain. Event ke according saaman, khana aur decorations, in sabhi chizon ka inhe dhyaan rakhna hota hai. Iske sath sath inhe catering department ke sath milkar kaam karna hota hai.
Housekeeping – Housekeeping ka role hai ke wo hotel ke saare household kaam jaise, rooms ki cleaning, guests ki requirements, room services ka dhyaan rakhe. Inhe laundry se lekar safai har chiz ka dhyaan rakhna hota hai.
Hotel management ki eligibility
- Hotel management ke liye minimum qualification 10+2 hai jisme aapke 12th ke subjects mein english hona jaruri hai.
- Hotel management ke liye unreserved aur OBC categories ki upper age limit 22 years honi chaiye. SC/ST categories ke liye ye age limit 25 years hoti hai. Magar humara suggestion hai ke aap jab bhi kisi college ke liye apply karenge toh aapko us specific college ki eligibility pata kar lein.
- Hotel management mein career banane ke liye aapko kisi recognised college se degree leni hogi aur iske liye aapko us specific college ka entrance exam clear karna hoga.
- Entrance exam do bhagon mein divided hota hai. Pehla – Aptitude test jisme aapko English, Reasoning, General Science aur General Knowledge mein Multiple Choice Questions par test dena hoga. Dusra – Group Discussion (GD) aur Personal Interview (PI) jismein aapke speaking skills, confidence aur attitude ko dekha jata hai.
Hotel management colleges aur courses
Hotel management ke liye 12th pass students ko entrance exams mein appear hona hota hai, jiske bad wo un entrance ke through college mein admission le sakte hain. National Council of Hotel Management Joint Entrance Examination (NCHM JEE) ek esa entrance exam hai jo ki hotel management career ke liye sabse jyada demand mein hai. Ye entrance National Council of Hotel Management and Catering Technology dwara karwaya jata hai jo ki Ministry of Tourism, Govt. of India ke under aata hai.
Inke alawa aur bhi entrance exams hote hain jo ki National, State, University or Hotel specific hote hain. Niche di gayi list mein aap entrances aur unke dwara available courses ke bare mein bataya gaya hai –
| S.N. | Entrance Examination | Key Institutes | Course Offered | Course Duration |
| National-level Entrance Examinations | ||||
| 1 | National Council of Hotel Management Joint Entrance Examination (NCHM JEE) | 21 Central Government affiliated level, 16 State level and other 15 Private IHMs | B.Sc. in Hotel Management and Catering Technology | 3 years |
| 2 | International Institute of Hotel Management Electronic Common Hospitality Admission Test (e-CHAT) | IIHM Delhi, IIHM Kolkata, IIHM Bangalore, IIHM Pune, IIHM Jaipur, IIHM Ahmedabad, IIHM Hyderabad | B.Sc. Catering Science and Hotel Management | 3 years |
| 3 | All India Management Association (AIMA) conducts Under Graduate Aptitude Test (AIMA UGAT BHM) | Dr.YSR NITHM, Hyderabad
Vidya Jyoti Institutions, Raipur GCHCE, Tiswadi |
Various Courses | 3 Years |
| State-level Entrance Examinations | ||||
| 1 | Uttar Pradesh State Entrance Examination Bachelor of Hotel Management and Catering Technology (UPSEE BHMCT) | 13 participating institutes located in Uttar Pradesh | Bachelor of Hotel Management and Catering Technology | 3 years |
| 2 | Maharashtra Hotel Management Common Entrance Test (MAH HM CET) | Government institutes, government aided or unaided, and University Departments of institutes located in Maharashtra | Hotel Management & Catering Technology | 4 years |
| University-level Entrance Examinations | ||||
| 1 | Guru Gobind Singh Indraprastha University Common Entrance Test Bachelor of Hotel Management and Catering Technology | Guru Gobind Singh Indraprastha University | Bachelor of Hotel Management and Catering Technology | 3 years |
| 2 | Punjab University Tourism and Hospitality Aptitude Test | Punjab University | B.Sc. in Hospitality & Hotel Administration and B.Sc. in Tourism Management | 3 years |
| Hotel-specific Entrance Examinations | ||||
| 1 | Oberoi- STEP | Oberoi Group hospitality institute, affiliated to IGNOU | Hotel Operations Programme and Kitchen Operations Programme | 3 years |
| 2 | IHM Aurangabad Entrance Exam | Institute of Hotel Management, Aurangabad, affiliated to Taj Hotels and Resorts Limited | BA (Hons) Hotel Management
BA (Hons) Culinary Arts BA (Hons) Hotel Management |
4 years |
| 3 | Ecole Hoteliere Lavasa Entrance Test | Ecole Hoteliere Lavasa hospitality institute, certified by Ecole Hà ́telià ̈rue de Lausanne (EHL), Switzerland | Hospitality Management programme | 4 years |
Inke alawa all over India kayi aur bhi private institutes hain jahan se aap hotel management courses kar sakte hain. Iske liye aap apne choice ki university se pata kar sakte hain ke wahan hotel management ki courses hain ya nahi aur unka process kya hai.
Hotel Management Course Fee
Ab baat karte hain ke hotel management course karne mein lagbhag kitna kharcha aa sakta hai. Yahann hum bata dein ke admission fee har ek college ki alag alag hoti hai. College ke rank aur reputation aur course par depend karta hai ke aapki admission fee kya hogi.
Dekha jaye toh kisi naami private university se hotel management mein bachelor degree lene par pure course ki fees karib 5-6 lakh ya ussey jyada bhi ho sakti hai.
Yahi degree agar aap kisi government institute se karenge toh fees 3-4 lakh tak ho sakti hai. Ye humne ek approximate range bataya hai. College ki fees regulatory bodies dwara kam ya jyada hoti rehti hai.
Fees se judi puri jankari aapko usi college ke website par aasani se mil jayegi.
Hotel management job options aur salary
Hotel management mein kayi tarah ke courses hote hain jo humne uper list mein bataya hai. In courses ke according aap hotel management mein niche diye gaye profiles pe job kar sakte hain –
| Job Profiles | Salary/Annum (Approximately) |
| Duty Manager | Rs.575,060 |
| Food and Beverage Manager | Rs.565.800 |
| Front Office Manager | Rs.488,000 |
| General Manager | Rs.1,650,000 |
| Restaurant Manager | Rs.565,450 |
| Human Resources (HR) Manager | Rs.742,000 |
| Resident Manager | Rs.655,300 |
| Operations Manager | Rs.860,000 |
| Cafe Manager | Rs.542,800 |
| Boutique Manager | Rs.528,300 |
| Asst Manager-Service | Rs.442,000 |
| Housekeeping Assistant | Rs.272,000 |
| Executive Chef | Rs.680,600 |
| Executive Housekeeper | Rs.635,000 |
| Sous Chef | Rs.488,500 |
| Bartender/Service Staff | Rs.388,000 |
Hotel management industry mein ese kaye bade bade hotels aur restaurants ke naam hain jo ki in profiles pe candidates ko hire karte hain. In mein se kuch hotels aur restaurants hain –
| Hotels | Quick Service Restaurant (QSR) | Others |
| Leela Group, ITC Welcome Group, Taj Group of Hotels, JW Marriott Group, Hilton Oberoi Group of Hotels, Imperial Hotel, Hotel Nikko Metropolitan, Ramada,ITC Welcome Group, J.P. Hotels
Shangri-La, Park Hotels Asian Hotels [Hyatt Group], Bharat Hotels [The Lalit Group], Accor Group of Hotels, Le-Meridien Hotels, Orchid |
McDonald’s, Domino’s Pizza,
Pizza Hut, CCD, Starbucks Kentucky Fried Chicken (KFC), Nirula, Ruby Tuesday |
Indian Airlines,
IRCTC, Healthcare, Forest Lodges, Guest Houses, Resorts, Cruise Ship Hotel Management, Hotel and Tourism Associations (for eg: state tourism development corporations) |
Inke alawa aap khud ka hotel ya restaurant ka business bhi shuru kar sakte hain. Kyunki aapke pas hotel management se judi jankari hogi, aapke liye is field mein business karna bhi aasan ho jayega. Is field mein aapko kayi bar videsh mein jaker bhi kaam karne ka mauka mil sakta hai. Isliye hotel management career ko unchai tak pahunchne ke liye ek behtareen sidhi hai.
Apko is article se puri jankari mil gayi hogi ke kaise aap bhi hotel management career ki shuruwat kar sakte hain. Magar abhi bhi hotel management se judi koi jankari esi hai jo aap janna chahte hain toh humse comment mein jarur pucchein.
Iske alawa 12th ke bad aur bhi kayi career options hain jinme aap apna bhavishya bana sakte hain. Jyada jankari ke liye yahan click karein.
