app development kaise seekhein
Jaisa ki aap jaante hi hai ki aaj ka jamana internet ka jamana hai toh saari jaankari internet par mil jaati hai. Saath hi ismein app bhi shaamil hai jis par aap aasani se jaankari paa sakte hai. Logo ki demand mainly yuwaon ki ab kuch jyada hi dekhne ko mil rahi hai ki wo khud app developer kaise bane aur dusron ki madad aur apne faydo ke liye kaise apps banaye.

Aap neeche diye gaye topic aasani se padh sakte hai

App development ki basic jaankari Kin tariko se seekh sakte hai App Developing Kin tariko se aap mobile App ya Software bana sakte hai? Aur agar inke alawa aapke mann mein koi aur sawal ya App development ke liye kuch guidance chahte hain toh humare group se judein aur apna sawal puchein. Hum apki poori sahayata karenge. Humse judne ke liye niche click karein –

App development ki basic jaankari

App development kya hai?

Ismein sabse pahle aapko yeh jaanna jaruri hota hai ki aakhir App development kya hai aur yeh kyon seekhna chahiye. Saath hi yeh bhi jaanna chahiye ki yeh kitne prakar ke hote hai. Toh jaanakri ke liye Hum aapko bata de ki app development wah hota hai jismen android, IOS jaise platform ke liye taiyyar kiye jaate hai. Yahi app hum google play store ya ITunes se download karte hai. Agar doosri paribhasha mein aapko batayein toh app Development woh prakriya hai jiske dwara mobile device ke liye app taiyaar kiye jaate hai. Yeh apps bahut type ke hote hai. Wahi aapko bata de ki software developing mein aupcharik education praapt karna bahut important hota hai. Iske liye aap computer science aur software engineering mein degree kar skte hai, kyonki yeh aapko data structure, designing aur programming ki important baato ko samajhane mein jaankari milti hai. Lekin aapne graduation poora kar liya hai aur abhi bhi nahin seekh paaye hai toh online course karke bhi seekh sakte hai. Kai web platform hai jo vishesh roop se app developing ke course provide karate hai.

Platform choose kar le

Phir baat aati hai ki Kis platform ke liye app banane chaahte hai kyonki kai saare platform hai jaise android, iOS, windows, simbian tatha blackbarry. Lekin ismein sabse jyada pasand kiya jaane wala aur popular toh android hi hai, toh hum android ke baare mein hi baat karne waale hai.

Kisliye banana chahiye App Developer

Yeh sawal kaafi alag hai ki aap App developer kyon banana chahte hai. Saath hi iska jawab humare paas nahin balki aap khud ke paas hai lekin kuch hum bhi jarur bata sakte hai ki aakhir log developer banana chahte hai. Toh iske do jawab ho sakte hai. Pahla karan toh hai career aur doosra hai logo ko ek hi jagah pooi information provide karwana chahte hai. Iske alava kuch log part time job ya passion ke liye app developer banate hai. Is prakar app developer banane ke yeh achhe faayde hai kyonki ismein aap apna career bana sakte hai. Kamai ki baat kare toh kisi company mein job karte hai aapko 40 hajar se 60-70 hajar tak monthly salary mil sakti hai. Halanki aapko isse jyada bhi paise kama sakte hai agar experience ho toh. Aaj is field mein jo bhi kaam kar raha hai wo achhi khaasi kamai kar raha hai.

Kitne type ki Apps hoti hai

Is sawal ka jawab dena thoda kathin hai ki App kitne type ki hoti hai kyonki aaj anginat type ke apps hote hai aur unki achhi khaasi demand bhi hoti hai. Lekin ismen kuch apps jo jyada use kiye jaate hai usme game, online shopping, online food delivary aur educational apps jaise bahut type ke apps hote hai. Iss prakar aap bhi app development seekh jaate hai toh aise hi apps bana sakte ho.

Game Apps

Game apps jinki aaj bahut demand rahti hai kyonki har koi game khelna pasand karte hai. Play store kahe ya iTunes waha bahut saare games upload kiye jaate hai. Yeh apps paid bhi hote hai arthat ismein ads ke alava alag se bhi paise kama sakte hai.

Online Shopping Apps

Online shopping apps ke baare mein aapko bhi achhi khaasi jaankari hogi aur iska use bhi kabhi kiya hoga. Agar aap developer ban jaate hai to kisi company vishesh ke liye aise apps bana sakte hai. Saath hi aapko bata de ki yeh apps iss kaaran banaye jaate hai taki customer saamaan online hi book kara sake.

Online Food Delivery Apps

Pichale kuch saalo se online food Delivery ke apps bhi kaafi use kiye ja rahe hai. Halanki kai chhoti aisi company ya hotels hoti hai jo apps banwani toh chahti hai but jyada cost hone ke kaaran nahin banwa paate hai lekin agar aap naye-naye hai toh yeh kaam kar skte hai unke liye jisse aapko aur unhe fayda ho jayega. Aaj bahut saare aise delivery ke apps hai jahan se aasani se khana order kiya jaata hai.

Educational Apps

Educational apps jo students ke liye kaafi useful hote hai aur wo iska use bhi karte hai. Saath hi aaj bahut saare naye developer aise apps banakar achhi kamai bhi kar rahe hai aur wo bhi ghar baithe yaa job ke saath part time se. Aise apps mein GK, book, Quizzes ets apps ho sakte hai.

Kis-Kis tarah se seekh sakte hai app development

Ab doosra prashan logo ke man mein yah rahta hai ki yahan tak toh thik hai ki app developer banane se achhe paise kama sakte hai aur achhi job bhi mil jaati hai lekin yeh bhi jaanana jaruri hai ki developing seekhi kaise jaati hai. Iske baare mein agar hum baat kare toh app developing online course dwara aur kisi institute se course seekh sakte hai. Online hai achha mauka Aajkal jyadatar log yahi chahte hai ki online se hi apps developing ka course karke seekh liya jaaye. Kafi had tak sahi bhi hai kyonki ismein kahin jaane ki jarurat nahin hoti hai aur kuch samay bhi bach jata hai. Duniyabhar mein online course seekhane mein kaafi saari websites hai aur kai youtuber bhi hai jo apne channels par free mein tutorials provide karwate hai. Ismein youtube jyada faayde milte hai kyonki yaha bilkul free mein seekhne ko milta hai aur website wale course ke paise lete hai.

Yahan se seekh sakte hai Online Developing

Yeh kuch bahut badi websites hai jahan asaan tariko se seekhaya gaya hai ki aap kaise android developer ban sakte hai. Halanki ismein aapko fees bharni hoti hai tab jaakar aapko seekhne ke video milte hai.

Offline (Institute se course karke)

App Developing seekhne ka doosra tarika hai offline I mean kisi institute mein jaakar course karna. Halanki aisa karne par aapko achhi khaasi fees bharni padti hai iss karan jin logon ko financial problem ka saamna karna padta hai unhe online hi seekhna chahiye taaki kam paison men kaam ho jaaye. Iss prakar aap online yaa offline tarike se app app developing ka course kar sakte hai. Iske baad aap kisi company mein job ke liye apply kar sakte hai ya khud ka chota kaam shuru kar sakte hai.

Kuch Institutes hai jahan iske course karwaye jaate hai

Yahan humne neeche kuch institutes ke naam diye hai jahan aap app development ka course kar sakte hai.

Internship ke liye apply kare

Online aur kisi institutes ke baad ek aur option hai internship. Ji haan, agar aapko achha khaasa app developing ka toh aap kisi company mein internship ke liye bhi apply kar sakte hai aur kuch paise bhi milte rahenge. Top aap yeh option bhi chun sakte hai.

Khud hi practice kare

Iss prakar jab aap online yaa offline course karte hai toh saath hi khud bhi practice karna shuru kar sakte hai. Ji haan, aap khud hi practice kare kyonki yah bahut jyada important hota hai agar aap developer banana chaahte hai toh kyonki jo-jo aap sekhte jaate hai uske basis par app banani shuru kar sakte hai taki aapka haushla badhe.

Course mein kya sikhaya jata hai?

App developing ke course mein aapko kaafi saare topics par jaankari di jaati hai jiske baad aap app banana shuru karte hai. Ab hum aapko batayenge ki aakhir ismein sikhaya kya-kya jaata hai, kaunsi language sikhai jaati hai, app kaise aur kahan banaya jaata hai inn sab ke baare mein sikhaya jata hai. Programming language Android developer banane ke liye sabse pahle programming ki language seekhni jaruri hoti hai kyonki jab tak aap programming ki language nahin seekhenge tab tak aap shayad hi koi app bana paayenge kyonki poori coding karni hoti hai app banane mein. Iss karan ek developer banane ke liye aapko programming ki language seekhna bahut jaruri hota hai, agar android studio mein app banani hai toh.

Toh aaiye jaante ismein kaun-kaunsi language seekhni padti hai?

  1. Java language: Jaankari ke liye aapko bata de ki java language jo ki android ki sabse important language hai kyonki poora android isi language ke upar aadharit hai iske bina kuch nahin ho sakta hai. Halanki aapka ek bhram door kar de ki java koi ek type ka nahin hoti balki bahut type ki hoti hai. Lekin android developer hi banana hai toh ismein core java seekh sakte hai aur agar advance java seekh jaate hai toh yeh bahut kaam aati hai.
  2. Html, php aur CSS: Java language ke baad doosri sabse badi language hai html, php aur CSS. Halanki inka jyadatar kaam website banane mein hota hai lekin app banane mein bhi iska kaam padta hai toh yeh language bhi seekhni chahiye taaki app achha aur sahi ban sake.
  3. Java script: Teesri sabse badi language java script hai. Halanki iska bhi jyadatar kaam toh website banane mein hota hai lekin agar seekh jaate hai toh app banane mein bhi iska kaam pad sakta hai.
  4. SQL: Agar hum iske poore naam ke baare mein batayen toh iska full form Structure query language hota hai. Bata de ki yeh language jo database mein kaam aati hai. Toh ismein baat saaf hai ki agar aap aisi app banane jaa rahe hai jismein yaa toh aaap user ke data ko collect karte hai yaa user aapka data lete hai. Toh aapko yeh language bhi seekhni padegi.
  5. Kotlin: Yeh language nai hi hai. Ise pehli baar saal 2011 mein kiya tha. Saath hi yeh kaha jata hai ki ismein aur java language mein jyada different nahin hai. Toh yah bhi seekhi jaa sakti hai. Iss prakar developing ke course mein aapko yeh language sikhai jaati hai jiske baaad app banate hai.
  6. Android studio: In language ke alava aapko ismein android studio bhi sikhaya jata hai jismein aap app banayenge. Jaisa ki aapko pata hoga ki android app banane mein “Android Studio” sabse bada software hai ya kahe toh wo maadhyam hai jahan application banai jaati hai. Halanki isko seekhne mein thodi mehnat karni padti hai kyonki ismein sabhi coding hoti hai aur coding ke aap upar di gayi language mein seekh sakte hai.

Language seekhne ke baad android app kis-kis type se bana sakte hai?

Yaha tak toh thik hai ki aapko bahut type ki language sikhai jaayegi lekin ab baat aati hai ki hum yeh language seekhne ke baad app kaise bana sakte hai. Ek baat humne aapko upar batayi hai ki aap language seekhne ke baad “Android Studio” ki madad se application bana sakte hai. Yeh software jo google ka hi hai iss karan vishvwashniy hai aur ismein lagbhag sabhi sabhi type ke app bana sakte hai.

Android Studio

Sabse pahle aapko bata de ki aaj duniya mein sabse achha achha app banane kaa platform “Android Studio” jismein aap kisi bhi type ke app bana sakte hai. Iske liye aapko sabse pahle Android Studio ka yeh software download karna hota hai jiske baad use apne laptop yaa desktop par install karna hota hai. Ismein bahut saari baaton ka bhi dhyan rakhna hota hai, jaise yah hum Windows, Mac, Linux Operating system mein install karte hai toh usse pahle aapko apne operating system ke hisab se Configuration Match hona jaruri hai toh sabse pahle apne laptop ya desktop ke Operating System ke hisab se Configuration check kar le aur uske baad hi download karke install kare taaki koi pareshani na ho. Aap yahan neeche di gayi link par jaakar video ki help se bhi seekh sakte hai. Yeh sabhi playlist hai jismen kai video diye gaye hai jismen badi aasani se android studio ko seekha jaa sakta hai.
  1. ProgrammingKnowledge
  2. Anand Singh Baghel
  3. Andro Java Tech4U
Khair yah toh clear ho gaya ki aap android studio se app bana sakte hai halanki yeh diye video ya kisi institute se programming ki language aur studio ko seekhna padega tab jaakar aap app ko develop kar paayenge. Ab baat karte hai ki android studio ke alava bhi aap kis tarah se app ko develop kar sakte hai.

Drag and Drop

Android studio ke baad ab baat aati hai drag and drop ki. Bata de ki aaj vartmaan samay mein iss tarah se kaafi jyada apps banai jaa rahi hai aur log khoob paise bhi kama rahe hai. Iss tarah ki app mein coding nahin hoti balki unhe sirf drag and drop hi karna hota hai jo ki jyada saral toh nahin but yeh aap online hi seekh sakte hai.

Ismein kaise bana payenge bina knowledge apps?

Halanki drag and drop ke liye koi aisa institute toh nahin hai jahan par yah sikhaya jaaye kintu youtube par iske baare mein poori jaankari di gayi hai ki kis tarah se seekhna hai. Android Studio ki bhanti ismein bhi lagbhag sab type ke app banaye jaa sakte hai aur wo bhi bina coding ke.

Yeh app bana sakte hai in websites par

Jaisa ki android app banane ke liye Google ne “Android Studio” ka software diya hai jiski madad se kai type ke app banaye jaa sakte hai. Lekin ab batate hai ki drag and drop mein application kahan par banaye jaa sakte hai. Toh jaankari ke liye aapko bata de ki drag and drop ke liye aaj kai websites hai jahan aasani se manpasand app taiyaar ki jaa sakti hai.

Kuch popular websites hai jahan aap app bana sakte hai

  1. Kodular
  2. AppyBuilder
  3. Thunkable
Inn upar diye gaye link par jaakar aap chaahe toh apne mobile se bhi app bana sakte hai lekin thodi kathinai ka saamna karna padega kyonki laptop ya desktop mein window poorri khulti hai lekin mobile mein bahut choti. Saath hi hum aapko yahan neeche kuch youtube ki link de rahe hai jahan aapko aasani se seekhne ke liye bahut saare video hai.

Yaha neeche kuch Youtube ki link di gayi hai jismein aapko bahut saari jaankari mil jaayegi

  1. My Smart Class
  2. TechGuru Vinod
  3. Shahrukh Abedin
  4. My Smart Class

Simple apps bhi bana sakte hai

Android studio aur drag and drop ke alava kai saari websites aur application hai jahan bahut simple tarike se apps banaye jaa sakte hai. Halanki inn tarikon se yeh app bahut simple hote hai aur jyada kaam ke bhi nahin hote lekin khud ke liye kaafi had tak thik hi hai. Darasal inme hota kya hai ki jyadatar mein toh aapki website yaa blog ki link maangi jaati hai jiska simple sa app bankar taiyaar hota hai. Toh kuch aisi bhi sites hai jahan kuch achhi design ki jaati hai aur usmein ads bhi lagane ka option hota hai. App neeche di gayi kuch links par jaakar aasani se apps bana sakte hai.
  1. Appsgeyser
  2. Swiftic
  3. Andromo
  4. APK Creator (Android App)
Iss prakar humne koshish yahi ki hai ki aapko jyada se jyada jaankari de ki kis-kis tarah se aap app developing seekh sakte hai. Agar kuch baatein samajh nahin aayi ho to aap hume comment mein pooch sakte hai aur hum poori koshish karenge ki uska javab de. Agar abhi bhi aap App development se juda koi sawal ya koi jankari janna chahte hain toh humare Facebook group par ayiye aur apna sawal pucchiye, hum apki poori madad karenge. Group se judne ke liye niche click karein –

Join Josh Skills Basic Computer Skills Course

Aaj kal computer ka zamana hai. Har voh kaam jisme pehle bahut time,effort aur money waste hota tha abh asani se computer pe kiya ja sakta hai. Computer ka istamaal aaj kal har taraf kiya jata hai. Basic computer skills ana aaj ke waqt mai bahat hi zaruri hai. Basic computer skills sikhna isliye zaruri hai take aap apne worklife ko easy aur efficient bana sako. Aur is computer technology ka wisely istamaal kar sako. Is course mai aap Computer ke Basics pe gaur denge jaise:
  • Basics of a Computer system and it’s operation.
  • Internet Technology
  • Email and Communication
  • Use of Microsoft word, Microsoft Powerpoint and Microsoft Excel
  • Introduction to Advanced Computer skills and tools
  • Jobs that require computer skills
Toh aaj hi shuru kare apni learning journey Josh Skill ke courses ke sath.
जन्म से ही क्रिकेट का दीवाना हूँ लेकिन क्रिकेटर बन नहीं सका और अब विकिपीडियन बनकर खिलाड़ियों पर लिखना शौक बना दिया है।

6 COMMENTS

  1. मैं OLA और Uber की तरह थोड़ा सा बदलाव करके एक खुद का APP बनाना चाहता हूं लेकिन मुझे इसकी जानकारी नही । कृप्या मेरी मदद करें।

  2. बहुत बहुत धन्यवाद आपका इतनी अच्छी जानकारी देने के लिए…!!

LEAVE A REPLY

Please enter your comment!
Please enter your name here