SSC ka poora naam Staff Selection Commision hota hai jismein bahut saari post nikalti hai. Har saal laakho log ismein apni kismat aajmate hai aur exam dete hai. Ismein se ek post hoti hai SSC CPO ki, toh chaliye aaj hum Josh Kosh par vistar se SSC CPO exam ke baare mein jaanenge.

Aap iss article mein inn topics ke baare mein jaanenge…

SSC CPO Kya hai

SSC CPO 2019 Exam

SSC CPO Eligibility

SSC CPO Qualification

SSC CPO Salary

SSC CPO Apply Online

SSC CPO Pattern

SSC CPO Syllabus

SSC CPO Selection Process

SSC CPO Admit Card

SSC CPO Result


SSC CPO kya hai?

SSC CPO jiska full form Staff Selection Commision Central Police Organisation hai. Ismein exam dekar candidates central police mein jaate hai matlab SI & ASI bante hai jaise BSF, CISF, CRPF, RPF, SSB, Delhi Police aur RAF ityadi. Ismein candidates ko exam clear karna hota hai jiski baaki jaankari aap niche dekh sakte hai.


SSC CPO 2019 Exam

SSC CPO Exam Date (SSC SI & ASI) ki post ke liye abhi tak nahin aayi hai lekin 2018 mein jo notification aayi thi uske exam ka process chal raha hai abhi admit card nikla hua hai jise aap download kar sakte hai. Jaise hi nayi notification aayegi yahan update kar diya jaayega.

SSC CPO Exam ki detail

Events Dates
Notification Nikli 3rd March 2018
Apply ki last date 13th April 2018
Tier-I Admit Card February 2019
SSC CPO Paper-I Exam Date 12.03.2019 to 16.03.2019
SSC CPO Paper-1 Result Date 25th May 2019
SSC CPO Paper-II Exam Date 27-09-2019

Note: Yeh recruitment sirf Delhi Police , CAPF aur CISF mein Assistant Sub Inspector ke liye thi.

SSC CPO 2018 Notification


SSC CPO Eligibility

Ab hum baat karenge SSC CPO ki eligibility ke baare mein ki kaun ismein apply kar sakte hai, kya age honi chahiye etc jaante hai.

Nationality 

Ek candidate jo:-

(1). Bhartiya nagrik ho ya

(2). Nepal ka ya

(3). Bhutan ka ya

(4). Ek Tibbati sharnarthi jo 1 January 1962 se pahle Bharat mein sthayi roopse rahne ke irade se aaye the ya

(5). Bhartiya mool ka vyakti jo Pakistan, Barma, Srilanka, Kenya, Yuganada, Tanzaniya Sanyukt Ganrajya (Pahle Tanganyika aur Zanzibar), Zambiya, Ethiopia, Zaire, East African aur Kenya, Uganda, Malawi, and Myanmar se visthapit hokar India mein basane ke uddeshya se aaya ho, us pratibhagi ko upar likhi shreniyo mein (ii), (iii), (iv) & (v) mein aane ke liye Bharat Sarkar dwara jaari kiya gaya certificate hona chahiye.

Category anusar age limit

Category Minimum age limit Maximum age limit
General Candidates 20 saal 25 saal
OBC Candidates 20 saal 28 saal
SC/ST Candidates 20 saal 30 saal
General candidates (jo Jammu & Kashmir mein 1 January 1980 se 31 December 1989 ke dauran domiciled (rahne aaya) hua.) 20 saal 30 saal
OBC (jo Jammu & Kashmir mein 1 January 1980 se 31 December 1989 ke dauran domiciled (rahne aaya) hua.) 20 saal 33 saal
SC/ST (jo Jammu & Kashmir mein 1 January 1980 se 31 December 1989 ke dauran domiciled (rahne aaya) hua.) 20 saal 35 saal
Group ‘B’ aur ‘C’ posts ke liye:(i) General Candidates (Ex-Servicemen) 20 saal 28 saal
(ii) OBC Candidates (Ex-Servicemen) 20 saal 31 saal
(iii) SC/ST Candidates (Ex-Servicemen) 20 saal 33 saal
Sirf Group ‘C’ posts ke liye:(i) General Candidates (Vidhwa/Talakshuda mahila/mahilao ko nyayik roop se alag kar diya aur phir unhone phir se shaadi nahin ki. 20 saal 35 saal
(ii) OBC Candidates (Vidhwa/Talakshuda mahila/mahilao ko nyayik roop se alag kar diya aur phir unhone phir se shaadi nahin ki. 20 saal 38 saal
(iii) SC/ST Candidates (Vidhwa/Talakshuda mahila/mahilao ko nyayik roop se alag kar diya aur phir unhone phir se shaadi nahin ki. 20 saal 40 saal

 

Note: ST/SC waalo ko 5 saal aur OBC waale candidates ko 3 saal ka relaxation diya jaata hai.

SSC CPO ke liye Physical Standard

Category Height

(in Cm)

Chest (in Cm)
Unexpanded Expanded
(i) General ke sirf male candidates ke liye. 170 80 85
Woh candidates jo pahadi areas jaise Garhwal, Kumaon, Himachal Pradesh, Gorkhas, Dogras, Marathas, Kashmir Valley, Leh & Ladakh regions of J&K, North-Eastern States aur Sikkim se hai. 165 80 85
Scheduled Tribes ke sabhi candidates. 162.5 77 82
(ii) General ke sirf female candidates ke liye. 157
For candidates belonging to Hill areas of Garhwal, Kumaon, Himachal Pradesh, Gorkhas, Dogras, Marathas, Kashmir Valley, Leh & Ladakh regions of J&K, North-Eastern States and Sikkim 155
Scheduled Tribes ke sabhi candidates. 154

SSC CPO Qualification

Central Police Organisation (SSC CPO) mein agar hum educational qualification ki baat karein toh ismein aap se bachelor ki degree maangi jaati hai. Matlab aapko kisi recognized university se bachelor mein graduation karna hoga iske baad apply kar sakte hai.

Agar kisi ne distance education se bachelor ki degree haasil ki hai toh wo IGNOU se ki hui honi chahiye.

Apply karne waale candidates ka result declared ho jaana chahiye uske baad hi apply karein, jinka final year ka result nahin hai wo eligible nahin honge.


SSC CPO Salary

SSC CPO ki post mein salary alag-alag center ke hisab se milti hai. Matlab CISF waalo ko alag aur CRPF ityadi waalo ki salary alag-alag hoti hai.

Ji haan, SSC CPO mein 29200-112400 in hand salary milti hai aur sabhi post ki salary itne mein se hogi jabki saath mein grade pay bhi hota hai. Grade pay 2800/- se 4200/- tak hota hai.


SSC CPO Apply Online

Aapko bata dein ki SSC CPO SI & ASI ki jab notification nikalti hai toh uske liye registration online hi hota hai aur uska process aap niche dekh sakte hai.

Step 1: Sabse pahle aapko official website par click karna hoga jo yahan di jaayegi.

Step 2: Iske baad jab page khulega toh register karne ka option dikhega aur uspar click karna hoga.

Step 3: Jab naya page khulega toh aapko New Registration par click karna hoga.

Step 4: Iske baad khali box dikhenge jismein candidates ko apni jaankari bharni hoti hai. Ismein basic details bharni hoti hai jaise name, parents’ name, date of birth, email id, mobile number etc.

Step 5: Phir jab sab bhar diya jaata hai toh Submit button par click karna hai. Submit karne se pahle aapko apni details ek baar dekh leni hai ki kahin kuch galat toh nahin bhar diya. Sabhi candidates ko Registration ID di jaayegi jinhone SSC CPO 2019 exam ke liye form bhara hai.

Candidates di gayi registration ID, date of birth aur password se SSC CPO 2019 ke liye site par login kar paayenge.

Step 6: Agle step mein, candidates ko apna photograph aur signature upload karna hoga jo official notification mein bataya hoga.

Photograph – Photograph ki white colour or light colour ki background honi aur uski size 4 kb se 12 kb honi chahiye. Jabki resolution 100×120 pixels in width and height mein honi chahiye.

Signature – Signature black yaa blue ink mein white sheet par hona chahiye. Aur signature ki scanned copy jpg format mein aur 1 kb se 12 kb ke andar honi chahiye. Resolution 40×60 pixels honi chahiye.

Step 7: Registered ID aur password ke saath login karne ke baad SSC CPO 20019 ka Part-II bharna hota hai.

Step 8: Application form bharne ke baad, candidates ko ek baar dekh leni chahiye.

Step 9: Iss tarah SSC CPO application form ko sahi se dekhne ke baad Final Submit button par click karna hai. Yahan application form ko print karne ka bhi option hota hai. 

Aakhir mein candidates ko application fee bharni hoti hai SSC CPO 2019 ke liye. Fee online mode yaa offline mode mein bhar sakte hai aur iski fee Rs. 100/- hai.


SSC CPO Pattern

Pattern ki baat karein toh SSC CPO mein kuch iss tarah ka pattern rahta hai jo niche diya gaya hai. 

SSC CPO Paper I Exam Pattern 2019 (Preliminary Exam)

Subject No. of Questions Marks Time Limit
General Intelligence and Reasoning 50 50 2 ghante
General Knowledge and General Awareness 50 50
Quantitative Aptitude 50 50
English Comprehension 50 50
Total 200 200

 

Note: Negative marking hogi jismein  0.25 marks cut kiye jaayenge har galat jawab ke.

SSC CPO Paper II Exam Pattern 2019 (Mains Exam)

Subject No. of Questions Marks Time Limit
English Language and Comprehension 200 200 2 ghante

 

Note: Negative marking hogi jismein  0.25 marks cut kiye jaayenge har galat jawab ke.


SSC CPO Syllabus

Ab baat aati hai ek aur sabse bade topic ki aur wah hai ki  SSC CPO ka syllabus kaisa rahega, kis type ke question pooche jaayenge etc. Toh niche humne subjects wise syllabus bataya hai jo aapke liye helpful rahega.

Syllabus mein honge yeh subjects

  1. General Intelligence and Reasoning
  2. General Knowledge and General Awareness
  3. Quantitative Aptitude
  4. English Comprehension
SSC CPO General Intelligence and Reasoning Syllabus

CPO SI & ASI  mein Candidates se verbal aur non-verbal reasoning dono se question pooche jaayenge. Ismein yeh-yeh topics honge:

1. Analogies 2. Similarities and differences 3. Space visualization
4. Spatial orientation 5. Problem-solving 6. Analysis
7. Judgment 8. Decision making 9. Visual memory
10. Discrimination 11. Observation 12. Relationship concepts
13. Arithmetical reasoning and figural classification 14. Arithmetic number series 15. Non-verbal series
16. Coding and decoding 17. Statement conclusion 18. Syllogistic reasoning

 

SSC CPO General Knowledge and General Awareness Syllabus

General knowledge aur general awareness topic SSC CPO ke liye bahut bada topic hai. Ismein GK aur GA ka gyaan rakhne waalo ke liye bahut achha hai. 

Ismein subject mein yeh topics aayenge:

1. General awareness of the environment around and its application to society 2. Current Affairs
3. History (Ancient, Medieval, Modern) 4. Geography (Physical, World)
5. Economic Scene (Indian Economy) 6. General Polity (Indian Polity)
7. Indian Constitution 8. Scientific Research (Chemistry, Biology, Physics)
9. Static GK (Important Books, Days, Awards and Arts & Culture)
SSC CPO Quantitative Aptitude Syllabus

SSC CPO mein Quantitative Aptitude Syllabus subjects mein inn topics mein se sawal pooche jaayenge:

1. Whole numbers 2. Decimals 3. Fractions and relationships between numbers
4. Percentage 5. Ratio and Proportion 6. Square roots
7. Averages 8. Interest 9. Profit & Loss
10. Discount 11. Partnership Business 12. Mixture and Alligation
13. Time and distance 14. Time & work 15. Basic algebraic identities of School Algebra and Elementary surds
16. Graphs of Linear Equations 17. Triangle and its various kinds of centers 18. Congruence and similarity of triangles
19. Bar diagram & Pie chart 20. Triangle 21. Quadrilaterals
22. Regular Polygons 23. Circle 24. Right Prism
25. Right Circular Cone 26. Right Circular Cylinder 27. Sphere
28. Hemispheres 29. Rectangular Parallelepiped 30. Regular Right Pyramid with triangular or square base
31. Trigonometric ratio 32. Degree and Radian Measures 33. Standard Identities
34. Complementary angles 35. Heights and Distances 36. Histogram
37. Frequency polygon 38. Circle and its chords, tangents, angles subtended by chords of a circle, common tangents to two or more circles
SSC CPO English Comprehension Syllabus

Inn sab ke alava ek aur subject hai english ka. Ji haan, english comprehension jismein kuch iss type ke question pooche jaayenge.

1. Spot the Error 2. Fill in the Blanks
3. Synonyms/Homonyms, Antonyms, Spellings/Detecting Mis-spelt words 4. Idioms & Phrases
5. One word substitution 6. Improvement of Sentences
7. Active/Passive Voice of Verbs 8. Conversion into Direct/Indirect narration
9. Shuffling of Sentence parts 10. Shuffling of Sentences in a passage
11. Cloze Passage 12. Comprehension Passage

SSC CPO Selection Process

SSC CPO SI & ASI ke agar hum selection process ki baat karein toh bahut important hai. Toh aaiye ab baat karte hai SSC SI & ASI ke selection process ke baare mein.

SSC CPO exam ka selection Written examination, Physical Efficiency Test, Personality test aur Medical Examination ke aadhar par hota hai.

Toh vistar se process aap niche padh sakte hai…

Written exam

Sabse pahle ismein written exam hota hai jismein 2 paper hote hai aur dono ke 200-200 marks hote hai. Pahle paper mein General Intelligence and Reasoning, General Knowledge and General Awareness, Quantitative Aptitude, English Comprehension inn subject ke question pooche jaayenge jinke 200 marks honge jiske liye 2 ghanto ka samay hoga aur agar kisi ka jawab galat dete hai toh uske 0.25 marks cut kar diye jaayenge. 

Jabki paper II mein English Language and Comprehension ke 200 sawal pooche jaayenge jiske liye 2 ghante milenge jawab dene ko.

Physical Standard Test and Physical Efficiency Test

Written test clear karne waalo ka baad mein Physical Standard Test aur Physical Efficiency Test hota hai. Ismein paper I clear karne waalo ko hi mauka diya jata hai.

Iss test mein aapki aapka physical standard dekha jata hai aur iske baare mein humne upar bataya hai. Aap yahan click karke phir se padh sakte hai.

Jabki Efficiency test mein kuch yeh test clear karne hote hai:

Male candidates ke liye:
  • 100 meters race 16 seconds mein.
  • 1.6 Kms race 6.5 minutes mein.
  • Long Jump: 3.65 meters 3 chances mein.
  • High Jump: 1.2 meters 3 chances mein.
  • Shot put (16 Lbs): 4.5 meters 3 chance mein.
Female candidates ke liye:
  • 100 meters race 18 seconds mein.
  • 800 meters race 4 minutes mein.
  • Long Jump: 2.7 meters 3 chances mein.
  • High Jump: 0.9 meters 3 chances mein.

Medical Examination

Jab physical standard aur efficiency test ko clear kar dete hai toh iske baad sabse last mein medical examination conduct kiya jata hai. Iss test mein aapka medical hota hai matlab aap fit ho yaa nahin yeh dekha jata hai. Ismein jo fit hote hai unka personal interview hota hai 100 marks ka.

Medical test mein candidates ko inn stages se gujarna padta hai.

i) Jumping over the Vertical Board; 

ii) Holding the rope on jumping from the Board. 

iii) Tarzan Swing; 

iv) Jumping on the Horizontal Board; 

v) Parallel Rope; 

vi) Monkey Crawl; 

vii) Vertical Rope.


SSC CPO Admit Card

SSC CPO Admit Card ke baare mein jaanne ke liye niche diye gaye button par click karein.

Admit Card Download Now


SSC CPO Result

Staff selection commission mein CPO ki post mein SI & ASI ka results online hi declare kiya jata hai. Results jab ghoshit honge tab aap yahan dekh paayenge.

Check SSC CPO Result Now


SSC mein other Naukri ke Option

– SSC Stenographer Exam

– SSC MTS Recruitment

जन्म से ही क्रिकेट का दीवाना हूँ लेकिन क्रिकेटर बन नहीं सका और अब विकिपीडियन बनकर खिलाड़ियों पर लिखना शौक बना दिया है।

LEAVE A REPLY

Please enter your comment!
Please enter your name here