mobile_repairing business kaise khole ki jaankari ke liye padhe

Mobiles aur Smartphones ki sankhya day by day badti hi jaa rahi hai aur India jaise badi jansankhya wale desh mein mobile phones ki demand kabhi kam nahin ho sakti .Hum aapko iss article mein mobile repairing business kaise suru karein aur usme kya kya chezon ki jarurat hogi sab bataenge aur wo bhi kaafi detail mein.

Mobile Repairing Business kaise karein ki jaankari jaise:

Mobile repairing business ke awasar

Kya qualification honi chahiye

Market ki jaankari

Punji aur Infrastructure

Mobile repairing business profit

Kanuni prakriya

Business ki marketing kaise karein

Repairing business mein additional services

Mobile repairing business se judi sawaal jawaab


Mobile repairing business ke awasar

  • Smartphones aaj ke time mein sabse basic need hain chahe wo ameer ho ya garib yeh sabki jarurat hain fark sirf itna hain ki kuch log kaafi expensive smartphone lete hain aur kuch log kam daam ke smartphones lete hai.
  • Ek company hai CISCO jisne India mein kitne smartphone users hai uspe survey kiya tha jiske anusaar humein ye pata chala ki 2019 mein 35 crore smartphones hain aur 2022 tak yeh number 80 crore pahuch sakta hain.
  • Smartphones ke saare features ko achhe se samjhne ke baad hi hum koi smartphone kharidte hai. Aajkal sabhi log ghanto phone use akret hai aur ye ek machine hi hai toh ye aasani se kharab bhi ho sakta hai jiski wajah se log isse repair karana  jyada sahi samajhte hain bajaay new smartphone lene ke.Mobile repairing business aaj ki date mein kaafi sahi business maana jaata hain, ek toh iski demand kaafi jyada hain aur dusri baat iske liye humein koi degree ki jarurat nahin hai.

Kya qualification honi chahiye

Mobile repairing business mein aise koi pre required course ki jarurat nahin hain par short duration ke courses hote hain jisse sikh ke aap iss field mein aasakte hai. Sabse pehle toh aapko smartphones aur uske parts mein interest hona chaiye. Repairing se related saari cheezein easy hoti h aur aap ye kaafi jaldi bhi seekh sakte hai. Saare parts ke baare mein jaankari hona aur iske softwares ko bhi janna kaafi jaruri hain toh inn sab cheezon ki wajah se ek mobile repairing course karlena sabse aacha option hai.

Mobile Repairing Course

Aap kis level ka aur kitne duration ka course karna chahte hain ye aap pe depend karta hai. Iss business ki badti demand ki wajah se online bahut saare courses ki information miljaegi. Aap kahan jaake ye course karna chahte hain ye bhi aap choose kar sakte hain kyonki yeh courses aapko almost har badi jagah pe miljayega sikhne ko.Har institute alag alag services aur knowledge deta hain par kuch basic knowledge jo aap prapt krenge inn courses ke through wo ye sab hai:-

  • Power on faults
  • Liquid damage treatment
  • Network problems
  • Software faults
  • Speaker / Microphone Faults
  • Charging Problems
  • LCD replacements / adjustments
  • Dropped / physically damaged phones
  • Housing / chassis replacements
  • SP unlocking / SIM restriction removal
  • Flip or slide problems
  • Software up-gradation
  • All other simple as well as complicate problems
5 important factors jisko dhyan mein raakhein koi bhi institute choose karne se pehle:-
  1. Institutes ke Reviews ko compare karein
  2. Course ke Duration pe dhyan de
  3. Course ke fees ko compare jarur karein
  4. Institute ke Location pe jarur dhyan de
  5. Other perks jaise ki free toolkit,pre placement offers aur certificate.

Agar aap mobile repairing business start karna chahte hain toh experience iss field mein bahut important hai.

Experience gain karein

  • Experience gain karne ke liye aap koi bhi aache se repairing shop ya service centre join karsakte hain aur practical knowledge, tips aur tricks bhi sikh sakte hai.
  • Isse aapko business ke ups aur downs pata chal skta hain.Work experience se aapka confidence bhi badega.
  • Agar aap apna business shuru karne ka sochte ho baad mein toh iske through aap contacts bana sakte ho aur spare parts ke market ke baare mein bhi aap jaan sakte ho.

Market ki jaankari

Mobile repairing Business kholne se pehle market area ko lekar kayi saare factors hain jinko aap dhyan mein rakhna mein hoga. Inn factors pe hi decide hoga ki aapki shop kaisi honi chahiye aur kon se area mein acchi chalegi.

Area ko aache se analyze karne ke baad aapko pata chalega ki aisi kon kon si services hain jo ki uss areas ke shops provide nahin kar paa rahe aur aap provide karsakte, waha ke price range kya hai, kya offers aur discounts aap de sakte ho customers ko attract karne ke liye.

  • Aapke area mein kitne log hain yaani ki area crowded hai ki nahin kyonki busy market mein humesha demand jyada rehti hain jaise ki Hudson lane ya Gaffar Market ( Delhi me)  bahut busy market hain aur kaafi log aate jaate rehte hai.
  • Area mein pehle se aur kitne repairing ke shops hain usspe dhyan de kyonki jitne jyada competitors honge utna hi muskil hoga business ko badhana yeh namumkin nahin hai par muskil hoskta hain kaafi.
  • Jis area mein pehle se smartphones ke shops hain uss area mein repairing shop kholna fayedemand sabhit hoskta hain aur ispe dhyan dena kaafi jaruri hain.
  • Aas pas ke business aapko ye andaza de sakte hain ke wo area business shuru karne ke liye fayedemand hoga ya nahin. Jaise ki agar koi bada brand apke chune hue area mein apna business chala raha hai, iska matlab hain ke us brand ne bhi kaafi research kia hoga aur uske baad hi apna business shuru kia hoga. Matlab wo area apke liye bhi fayedemand ho sakta hai.
  • Apne business ko badhane ke liye aap apne agal bagal ke mobile shops se contract karsakte hain jisse udhar se bhi aapko publicity mijae jisse ki aapka customer base jaldi badh skta hain.

Punji Aur Infrastructure

Punji (Investment)

Mobile Repairing business shuru karne se pehle aapko decide karna hoga ke aap kis level pe business kholna chah rahe hai. Yani, kon se area mein kholna chah rahe hain, kitne number of helpers aur technicians hire kar rahe hain, kon kon si services de rahe hain, kitna equipment laga rahe hain aur kitna stock pehle se rakh rahe hai. Ye saari chizen aapke budget ko decide karengi ke kitna investment aapko business ke liye chahiye hoga.

Limited basic equipment tools ke saath bhi aap shuruwat kar sakte hain aur uske baad jaise jaise demand badte jayen waise waise aap stock badha sakte hai. Mobile repairing business ke liye aapko bahut badhe jagah ki jarurat nahin padegi aap ye kaam chote jagah se bhi start kr sakte hain aur aapko jagah chunne ke samay ye jarur dhyan dena hoga ki wo jagah proper ventilated ho kyonki repairing ke kaam mein bahut smoke nikalte hain joki sareer ke liye haanikarak ho sakte hai.

Mobile Repairing business mein jarurat ki cheezein (Infrastructure)

Mobile Repairing Tools

www.123rf.com
ItemPrice (Rs.)
SMD (Semi or Manual)1,500-2,500
Wire handle for SMD200-300
25 watts Soldering Iron100-200
Soldering station300-500
Digital multimeter200-300
Pcb cleaner aur holder200-300
jumper wire set50-100
Blade cutter set50-100
Screw driver set600-800
Tweezer aur Brush200-300
Multimeter100-200
Dc power supply1,000-3,000
Battery booster500-1,000
Ultrasonic cleaner2,000-2,500
BGA reballing tool1,000-1,500
Magnifying lamp1,000-1,500
Tapes300-500
SMD multimeter test tweezer1,500-2,000
Screen separating machine2,000-3,000
Total12,800-20,600

Baaki kharcha

ItemPrice (Rs.)
Electricity Charges1,000-2,000
Rent3,000-6,000
Technician8,000-12,000
Tools or Equipment Repairing Charges1,000-2,000
Furniture6,000-8,000
Total 19,000-30,000

Pure business mein kam se kam aapko Rs 30,000-50,000 tak ka kharch aayega.

Agar aap ek technician business ke start se hi rakhna chahte ho toh aapko Rs 8,000-12,000 tak ka salary dena pad sakta hai toh andaz Rs 30000-50000 mein aap ye business shuru kr sakte hain phir jaise jaise aapka business badte jayen aap equipments aur stock badha sakte hai. Yaha par start mein aap jarurat ke according hi stock rakhenge jaise business badte jayein waise aap stock badha sakte hain aur technician aur helpers ka number bhi.

Loan ki jaankari

Agar aapke paas investment ke liye pure paise nahin hain par aap ye jaante hain ki aap iss business ko aache se chala sakte hain toh aap bank se bhi loan le sakte hai.Bank har chote ya medium size business ko loan deti hai.Bank se loan sanction karwane ke liye aapko kuch chizon ki requirements hongi jaise –

  • Aapki age limit 21-65 years ki honi chahiye
  • Aapko ek profit margin dikhani hogi jo bank ko trust provide karega. Profit kam se kam 1,50,000 INR ki honi chaiye
  • Ek proper business plan dikhana hoga jisse ki loan provider ko pura aacha se ideahojae ki aapka business kya hain aur aap usse kaise chalayenge.

Loan se Judi jyada jaankari ke liye aap hamare business ke liye blog ko bhi padh sakte hai.

Mobile repairing business profit

Yeh ek aisa business hai jisme repairing parts ki costing aur jo customers ko charge kiya jata hai usmein kaafi antar hota hain jis wajah se iss business mein margin kaafi hota hai.Phir bhi , agar saare factors ko dhyan mein rakhte hue, maan lijiye, aap mahine mein 2 lakh ka business karte hain toh aapko 50%-60% ka profit mil sakta hai. Yani agar ek mahine mein aap 1 lakh ka business karte hain, toh Rs. 45,000-60,000 ka munafa kama sakte hain.

Mobile Repairing business mein ki mobile ki badhti demand ke hisab se dekha jaye toh kabhi kami nahin aane wali balki ye badhne hi wala hai. Isliye iss business mein profit kamana aur business ko acche se grow karna bahut jyada mushkil nahin hai.Iss business mein profit ke liye humein bahut saare alag alag factors pe dhyan dena hoga jaise ki:

  • Shop ka name interesting hona chahiye.
  • Aapki shop ki Location sahi honi chahiye.
  • Aapko Quality Service provide karni hain taki aap customers base bana ske.
  • Multiple Services Provide karein jisse ki jyada customers aaein.
  • Market ke rates se comparatively aapka rate kam hona chahiye.

Shuruwat mein business badahne aur profitable banane mein time lagega par agar har ek customer ko aap quality service de aur jaldi service provide karein toh aap apna market mein naam bana sakte hai.Naye business mein aapko saare services ke liye market se comparatively kam charge karna hoga phir dheere dheere jaise aap apna customer base aur naam banale tab aap charges badha bhi sakte hain par quality of service tab bhi same hi hona chaiye.

Jab aapka business aacha hojae aur uski demand badh jayein toh aap ek expert technician bhi rakh sakte apne badhte demands ko pure karne ke liye.

Kanuni prakriya

India mein kisi bhi business yani koi shop kholne ke liye aapko kayi sari registration processes se gujarna padta hai. Agar mobile repairing  business ki baat kia jaye toh aapko pehle toh apne business ka registration karwana hoga aur ek TAX registration bhi karwana hoga.

1. Shop ki Registration

Agar aap apne state mein koi dukan ya business shuru karte hain toh aapko state government ke labour department mein Shop & Establishment Act ke under Shop ka registration karana hoga. Ye registrations online bhi kia ja sakta hain aur registration ke liye aapko us state ke respective labour department ki website pe jakar Shop registration karana hoga.

Registration ke liye kuch information ki jarurat hoti hain jaise –

  1. Shop ka naam
  2. Shop ka address
  3. Manager ka naam
  4. Kis tarah ki shop hai, jaise, electronic, beauty parlour etc.
  5. Kitne employees kaam karenge

Registration ke liye ye documents lagenge

  1. PAN / Aadhar Card / Driving License/ Voter Id
  2. Photo of Owner
  3. Rent Agreement, if Rented
  4. Electricity Bill

2. TAX Registration

Mobile Repairing business mein tax registration ka matlab hain GST registration. Jab bhi India mein koi product ya kisi saaman ya kisi service ko business ke through diya jata hain toh uska GST registration karana hota hai. GST registration central govt. Ke under aata hai.

GST registration aap govt. dwara provided official website se bhi kar sakte hain ya fir kisi private organization se bhi help le sakte hain. Govt. dwara provided website hain – https://www.gst.gov.in/. Iske alawa private organization jaise IndiaFilings pe jaker bhi aap GST registration karwa sakte hain. Niche diye gaye image se aap dekh sakte hain ke GST registration ke liye kya important documents jaruri hote hain.

  1. Aapka PAN Card.
  2. Business Registration ka proof.
  3. ID & Address proof(photograph ke saath).
  4. Aapke business ka address proof.
  5. Bank Account Statement.
  6. Digital Signature.

GST se judi jyada jaankari ke liye aap hamare GST Registration kaise kare blog ko bhi padh sakte hai.

Business ki Marketing kaise karein

Kisi bhi business chahe wo chhoti ho ya badi, use agey badhane ke liye uss business ki acchi marketing karna bahut jyada jaruri hai. Iske liye dhyan rakhein ki aapke business ke according aisa kon sa marketing ka tarike hain jisse aap jyada se jyada logon tak apne business ko pahuncha sakte hain.

Ab baat ye hain ke aap apne baaki competitors ke comparision mein aisa kya kar rahe hain jo ki aapke busniess ko bakiyon se alag bana raha hain aur apke customers ki list badha raha hai. Apne business ko agey badhane ke liye aapko in 2 baton ka dhyan rakhna hoga – Shop ki Advertisement yani Prachar, Apka apne customers se behaviour yani customers se bartaw . Toh ayiye baat karte hain in do tarikon ke bare mein aur kaise aap apne business ko jyada se jyada logon tak pahuncha sakte hain.

Advertisement kaise karein (Prachar)

Aap apne dukaan ka prachar kayi madhyam se kar sakte hain. Kuch tarike online kiye jayenge aur kuch offline. Baat karte hain in saare tarikon ke bare mein –

  1. Online
  • Google My Business – Google My Business Google ke taraf se ek free tool hain jissey aap apne business ko Google ki listing mein daal sakte hain. Iska fayeda ye hain ke jab bhi koi Google pe search karega ke aas pas beauty parlour kahan hain ya fir sidha aapke naam se apki dukan dhundna chahega toh usey bahut aasani se apki shop ka sara detail Google par mil jayega.

    Google My Business apke shop ka naam, shop tak pahunchne ka direction, Phone number, Reviews, Ratings, images aur details sab kuch ek hi jagah par apke customer tak pahuncha dega. Iske alawa agar koi kisi area mein apne aas pas ladies beauty parlour dhund raha hain aur apka parlour us area ke range mein aarai hain toh aapke shop ka naam aur detail bhi Google ki list mein ajayega. Issey aasani se apki parlour ko koi bhi online dhund sakta hai.Google My Business ki jyada jankari ke liye yahan click karein.

Google My Business mein account banana kaafi aasan hai. Niche diye gaye image ke steps ko follow karke aap aasani se apna account bana sakte hain.

Janiye kaise banate hain Google My business pe account
  • Just Dial – Just Dial ek esa platform hain jo ki kisi bhi area ke local businesses ki information provide karta hain jo ki aapko ya toh internet ke madhyan se aapko milegi ya fir call ke through pata chalegi.Just Dial mein bhi Google My Business ki tarah aapko apna busniess register karna hoga. Antar bas itna hain ke Just Dial mein aap do tarah ki listing kara sakte hain – Free listing ya fir Paid Listing.

    Registration ka process kaafi simple hota hain aur ye aap online unki website se kara sakte hain ya fir aap 8888888888 pe call karke bhi registration kara sakte hain. Just Dial mein free listing karane ke liye yahan click karein – Just Dial Free Listing aur paid listing karane ke liye yahan click karein – Just Dial Paid Listing.

2. Offline

  • Pamphlets de – Apne shop ki advertisement aap pamphlets ke through bhi kar sakte hain. Isey ya toh aap khud aane jane wale logon ko dein ya fir apne area ke local newspaper wale ko kuch paise dekar bhi ghar ghar tak pahuncha sakte hain.
  • Customers se bartaw acha rakhein: Aapko customer se humesha aache se baat karna hoga aap agar unse acche se baat karenge toh aap dono ko hi khushi hogi isse na sirf wo aapke paas dobara aayenge balki aapka naam bhi hoga market mein aur wo dusre logon ko bhi aapke paas laasakte hai. Technical cheezon ke alawa bhi bahut si cheezein jaruri hoti hain jaise ki aap unpe gussa ya jorr se bilkul baat nahin kar sakte hain kyonki isse aap ek customer toh kho sakte hai saath hi saath aapka market mein bhi naam kharab ho jayega.
  • Offers de: Agar aap unhe kuch bhi discounts ya offers desakte hai toh jarur de kyonki isse koi bhi customer kaafi khush hota hain aur sahi bartaw bhi mile toh bahut hi aacha hota hai.

Repairing Business mein additional services

Agar aap apne business mein aur bhi cheezein add karna chahte hai toh wo bhi ek bahut sahi option hai kyonki uske through bhi aap apne business ko aage bada sakte hai aur kamai bhi kaafi badh sakti hai.

1. Mobile accessories rakh sakte hain

Logon ko accessories ki jarurat padti hain kyonki innse looks,security aur functionality behtar hojati hain mobiles ki.Apne shop mein aap different brand ke accessories sell karsakte hain jaise ki batteries,charges, earphones,back covers, cases, power banks, USB cables etc.

2. Mobile recharges aur SIM Cards offer kar sakte hain

Number of Mobile Phone users aur services badti jaa rhi hain day by day. Mobile recharge services aur Sim Cards se aap apna customer base bada sakte hai.

3. Mobile phones bech sakte hain

Mobiles phones sell karke bhi aap apna customer base badha sakte hain. Jo bhi customers aapke shop se mobile purchase krenge agar koi bhi  problem hogi toh wo sabse pehle aapke paas hi ayenge.

4. Second hand/refurbished phones bhi bech sakte hain

Bahut log aise bhi hain jo ki new smartphones afford nahin kar sakte kyonki wo kaafi costly hote hain ishiliye kaafi log second hand phones purchase karte hai. Iski wajah se bhi aap apna customer base badha sakte hai.

5. Downloading facilities de sakte hain

Bahut log aise bhi hai jinhe new technologies ke baare mein pata nahin hai. Agar aap apne shop mein downloading apps,games,movies,musics ki suvidha provide krte hain wo bhi kaafi shi hoskta hain aapki business ko expand karne me.

Mobile Repairing business se judi kuch zaruri sawaal jawaab

Q1.Kya hum ghar se mobile repairing business shuru kar sakte hai?

Ans. Hum ghar se bhi ye business shuru kr sakte hain par humari profit isme kam hogi aur rhi baat lagat ki toh wo toh jarur se hi kam hojayega par iske through aap apne trusted customers bana sakte hain unko aachi service provide karke.

Q2.Kya humein business mein technician appoint karna jaruri hai?

Ans.Ye depend karta hain ki aap kis level ki shop kholna chahte hain agar business kafi chote level pe kholte h shuruat mein tab technician nahin bhi rakhe par aap trained toh koi dikat ki baat nahin hain par agar aap shop aache level pe kholna chahte hain tab technicians aur helpers jarur se appoint kare.

Q3.Kya hum laptop repairing aur mobile repairing shop ek saath khol sakte hai?

Ans. Ek saath dono ki shop kholna start mein muskil hoskti h kyonki aapko dono ke repairing course karne honge, dono ke equipments rakhne honge jo ki ek muskil kaam hoskta hain lekin agar aap bade level pe shop kholte hain tab aap technicians dono field se appoint karsakte hain aur business ki marketing shi se ki jaye toh kaafi faydemand hoskta hain ye business.

Q4.Kya business ke liye ek website banana faydemand hoskta hai?

Ans. Website se humari business boost jarur hojati hain par website banana jyada faydemand tab hota hain jab aap ek baar thodhe experienced hojae aur aapka customer base ban jae.

Q5.Kya humein saare parts aur equipments ek saath rakhna jaruri hain iss business mein?

Ans. Iss business ke start mein humein saare parts rakhna jaruri nahin hain order ke according stock manga sakte hain kyonki usse humara laagat kaafi jyada hoskta hain toh jaise jaise aapka business badte jayen waise waise aap parts aur equipments badha sakte hai.

Q6.Shop kholne se pehle kitne time ka experience enough hona chaiye?

Ans. Experience hona bahut hi jaruri hain course karne ke baad toh agar 6 months se 1 year tak aap experience gain karle toh wo aapke business mein kaafi faydemand hoskta hai.

Humein umeed hai iss business plan se aapko samajh agaya hoga ki kaise aap ek mobile repairing business shuru kar sakte hain. Agar aapke mann mein iske alawa aur bhi koi sawal hai toh comment karke humse jarur puchein.

4 COMMENTS

  1. मैं दिल्ली से स्टॉक माल उठा के लोकल गांव रमीन ग्रामीण एरिया में जाके माल सप्लाई करूंगा तो क्या बिजनेस सक्सेस होगा

    • Hanji aap zarur try kar sakte hai par appko dekhma hoga ki jis area mein supply karna chahte hai vaha par in sab chizo ki demand hai yani kharidar ho us jagah par.

LEAVE A REPLY

Please enter your comment!
Please enter your name here