English Speaking Sikhe 3 Asan Steps Mein

english speaking 3 steps mein sikhe

Free English Speaking Course jo Angreji Bolne Ka Saral Tarika Sikhayega

Humare desh mein log bhoot pisach se zyada English Speaking se darte hai. Log English padh to lete hai, samajh lete hai par bolne ko bolo to jaise unka muh sil jata hai.

english speaking na aane ki wajah se muh pe lag jata hai tala
English na aane ki wajah se lag gaya muh pe tape? Picture credits Soumyadeep Paul on Flickr

To main aapko aaj main ek free English Speaking course ki vidhi batata hun.

Ismein 3 steps hai aur aap din mein 1 se 2 ghante laga ke ghar baithe baithe angreji bolna sikh sakte hai.

Is English Speaking Course ke fayde

  • Free mein English Speaking Sikhe. Aapko bas apna time dena hoga
  • English movies, TV series dekhte hue maze maze mein angreji bolna sikhe
  • Is course ki steps se aapki English speaking bhi improve hogi aur personality development bhi hoga
english speaking se personality bhi ho sakti hai amazing
English bhi sikhe aur personality bhi improve kare. Image credits Pixabay on Pexels.com

Par pehle ek Doctor ki kahani jinhone in steps ki madad se apni English speaking improve kari.

Yeh doctor sahib mere pitaji Dr Ashok Kumar hai. Unke pitaji (Mere dadaji) railways mein sadharan si naukri karte the. Mere pitaji ka bachpan ek chote sheher (Mathura) mein guzara. Kafi mushkilon ke bawjood mere papa ne kafi mehnat kari aur unhone Jaipur se MBBS complete kiya.

70 ke dashak mein mere papa Delhi aye. Woh doctor to ban gaye the par unko English speaking bilkul bhi nahi aati thi.

Bade shehar aake unko samajh aya ki unko English bolna sikhna hi hoga to unhone yeh tarkeeb nikali aur apni English improve kar li kuch hi mahino mein.

3 steps ka English Speaking course

In steps ko main ek udahrad ya example ke saath samjhata hun to samajhna asan hoga.

Yeh sochiye ki English bolna sikha ek yudh ki tarah hai jis mein aapko ladne jana hai

english speaking yudh ladne jaisa hai
English bhi sikhe aur personality bhi improve kare.
Image by Gellinger on Pixabay.com

Please yaad rakhna ki main aapko mara peeti karne ke liye nahi uksa raha hun. Main to jang ka udahrad leke in steps ko samjhana raha hun.

Step 1: Vocabulary improve karo – English Padho

Agar ek fauji yudh karne jata hai to sabse pehle usko chahiye weapons ya bandooken, gola aur barood.

Agar aapko English speaking sikhna hai to aapko is yudh ke liye English words sikhne honge jo ek tareeke se aap ke hathiyar hai. English bolte time aapne in hathiyaron ko chalana hai. To pehle yeh hathiyar ekkathe to karo matlab apni vocabulary improve karo.

Vocabulary woh hathiyaar hai jo aap English speaking ke yudh mein chalaoge. Image by Ghostbrigade on Flickr

English Speaking ke liye reading ka sahi tarika

Reading ka ek daily routine banao. Kam se kam 2 ghante reading ko do. Pehle asaan reading karo jaise newspaper aur asan English books.

Newspaper kaun se padhne hai aur kaise padhne hai aur asan books ki list maine iss article ke last mein dal di hai.

Aapko abhi dekhna hai to neeche diye links pe click karke aap wahan ja sakte hai.

Newspaper kaun se aur kaise padhe + Free newspaper kaise milega

Beginner level english speaking ke liye books

Agar koi English word nahi samajh ata to kya karein?

Shuruaat mein yeh bahut hoga ki aapko English ke kuch words samajh nahi aayenge. Aisa hona zaruri hai kyunki aap padh rahe ho vocabulary badhane ke liye.

Google pe word ka meaning search kare

To agar koi word ka matlab samajh nahi aata to uska meaning aap check kariye google pe. Aapko word ka meaning Hindi aur English dono mein milega aur usko kaise bola jata hai woh bhi pata chalega.

Jaise ki samajh lo ki vocabulary word ka meaning aapko nahi aata. To pehle apne phone mein home screen pe google mein uss word ko type kare

Step:1 Apne phone mein Google App mein word ko type kare

Aapko us word ka matlab mil jayega aur kaise bola jata hai woh bhi sikh sakte hai speaker wale icon pe click karke

Sep 2: Word ka matlab pata chalega + usko kaise bole sunne ke liye neele speaker wale icon pe click kare

Hindi mein word ka meaning janne ke liye Dictionary ke setting English & Hindi kar do

Step 3: Hindi mein meaning janne ke liye English & Hindi select kare

Word aur uska meaning note kare jisse yaad rahe

Ab aapko us word ke meaning to pata chal gaya par kab tak yaad rahega woh pata nahin. Isliye yeh zaruri hai ki aap us word ko yaad rakhne ke liye kahin note kar lijiye.

Flash cards banana ek acha tareeka hai English words ko yaad rakhne ka. Flash cards thode mote kagaz ke cards hote hai jismein aap naye words aur unke meaning ko likh sakte hai aur baad mein revise karke yaad kar sakte hai.

naye words ko yaad rakhne ke liye flash cards banaye
Naye words ko flash cards pe likh lo aur yaad karo. Image by Akshay Hallur from Flickr

English speaking vocabulary improve karne ke liye kya padhe?

Newspaper ya akhbaar reading (30 min prati din)

Mere anusar sabse accha aur asan reading hoti hai English newspapers ki.

Kuch newspapers aise hote hai jinki English thodi mushkil hoti hai aur kuch aisi jinki English asan hoti hai. Mere mutabiq Times of India aur Hindustan times aise do newspapers hai jo asaan bhi hai aur jinka edition free mein online bhi mil jata hai.

Mujhe online edition se accha asli newspaper lagta hai par agar aap newspaper subscribe nahin kar sakte hai to yahan online edition padh sakte hai

Yeh zaruri nahi hai ki aap pura newspaper padhe. Shuruaat mein newspaper ka bhaag aapko accha lagta hai usko padhe.

Jaise main Times of India ka Delhi edition aise padhta hun

  • Sabse pehle front page jahan sari badi khabrein hoti hai
  • Uske baad main padhta hun page 2 se 4 jahan Delhi ki local khabrein hoti hai jis mein mujhe dilchaspi hai
  • Finally main business page padhta hun

Yahan click karke akhbar padhne ki tips dekhein.

English Books (50 min prati din)

English bolne se dar lagta hai to English ki kitaab dekhke to jaan hi nikal jati hogi. Aisa nahi hona chahiye. Kaun kehta hai ki mushkil kitabein padho? Agar aap English seekh rahe hai to koi simple si kitaab jaise novels ke abridged editions padho.

Books padha karo English Speaking sikhne ke liye. Padh ke to dekho. Itna mushkil nahi hai. Image by silviarita from Pixabay

Maine is article ke last mein English Books jo aap ko parhana chahiye unki list banayi hai aur kuch website bhi bataye hai jahan aap free mein yeh books padh sakte ho.

Book list jisse English Speaking improve hoti hai

Ab hathiyaar to aapke paas aa gaye. Ab sikhna hoga inko chalana.

Matlab ab aapko naye naye words to aa gaye par unko kaise bolte hai aur kaise pronounce karte hai yeh janna zaroori hai.

Iske liye main is English speaking course ka step 2 bata deta hun

Step 2: English kaise boli jati hai seekho – English movies, news aur shows dekho (1 se 2 ghante daily)

To mitron hamare paas words ke hathiyaar to aa gaye par ab inko chalana sikhna matlab spoken English seekhna hogi.

Regular reading karne se aap dekhenge ki aapki vocabulary ya English shabdon ka gyan accha hota jayega. Aapko dil bhi karega ki aap in shabdon ka istimal kare aur English mein bole.

Jisko hathiyar chalane aate hai wahi aapko samjha sakte hai ki kaise karna hai. To isliye aap logon ko hathiyar chalate dekhna hoga matlab aapko logon ko English bolte hue dekhna hoga.

Angrezi kaise bolte hai angrezon ko bolte dekh aur sunke sikho. Image credits the US Army on Flickr.com

To 2nd step English Speaking sikhne ka hai ki aap English movies, shows ya news dekhein.

Sabse badi baadha English bolna sikhne mein hai ki aapko words ko pronounce karna nahin aata aur yeh dar lagta hai ki agar aap words ko galat bologe to log aap ka mazak udainge.

Isliye hum ko janna hai ki speaking mein words kaise use hote hai. English movies, news aur shows dekh ke aapko samajh mein ayega ki English words ko kaise bola jata hai matlab English Speaking kaise ki jati yeh yeh samajh mein ayage.

English movies aur shows aap free mein online dekh sakte hai. News TV pe aati hai aur online bhi suni ja sakti hai.

Maine ek list banayi hai websites aur apps ki jahan aap English Movies, shows aur news dekh sakte ho. Yeh list dekhne ke liye neeche diye gaye link pe click karo.

English movies, TV shows & news website list for english speaking learning

Jaise jaise aap English movies, news aur shows dekhoge aap ko lagne lagega ki aapko English samajh mein aati hai aur aap bol bhi sakte ho.

Par mujhe pata hai ki English speaking ki sabse badi badha hai ki aap bol nahin pate ho. Aap ko English Speaking se dar lagta hai.

Isliye main batata hun step 3 jo hai, bina dar ke bolo English, bina sharam ke bolo.

Step 3: English speaking practice ke liye English Bolo

Ab reading karke aur English mein movies, news aur TV show dekh ke aapko hathiyar (English words) bhi mil gaye aur kaise chalate hai woh bhi aap ne dekh ke seekh liya.

To ab samay aa gaya hai ki aap in hathiyaron ko chalain apne aap se. Matlab aapko English bolna shuru karna hoga bina sharmaye, bina ghabraye.

Hathiyar to chala ke hi samajh aayega waise hi English to bolke hi seekh paoge. Image credits army.mil

To isliye aaj se hi aap yeh kasam kha lo ki aap English mein bologe.

Mujhe pata hai ki aapko yeh karne mein kafi sharam ayegi. Log aap ka mazak bana sakte hai. Keh sakte hai ki aap angrez ban rahe ho aur show off kar rahe ho.

Movie English Vinglish mein agar Sridevi sharmati to kaise English bol pati? Image credits YouTube screenshot from channel Sridevi Classics in HD.

Par aap mat darna aur bolne rehna.

Ek accha idea hai ki aap ek friends ka group bana lo aur koshish karo ki aap har din limo ya phone pe baat karo. Bas yaad ye rakhna hai ki daily aapko ek topic select karke uspe kuch minute baat karna hai.

Topics aapki reading se jude ho sakte hai ya personal life se. Jaise ki.

  • Apna introduction ya apne bare mein 2 min ki baat
  • Aaj ki taza khabar English mein
  • Khabar pe discussion
  • English movie ki kahani

Pehle aap thoda sharmaoge aur galat English bologe par yaad rakhna hai ki aapko daily thodi der English bolni hai kuch bhi karke. Aur dekhte hi dekhte aapka confidence ya manobal badh jayega aur English Speaking sikh jayenge.

In 3 steps ko regularly karna hai

Ab aapne steps bhi seekh liye aur samajh bhi liye honge.

Ek zaruri baat hai ki aapko yeh steps regularly karne hoge. Matlab har din Reading, Listening aur Speaking.

1 se 2 hours English reading phir 1 se 2 hours English TV, movies aur news aur kam se kam 15 se 20 min tab English mein baat karna zaruri hai har din.

Aisa karte karte dekhna ki jald hi aapki English speaking skills acche ho jayenge aur English ke saath saath aapki personality bhi nikhar ke ayegi.

English Speaking sikhe in resources ki madad se

Maine reading aur watching ke liye kuch websites aur kuch books ki list banayi hai jahan se aap FREE reading aur watching kar sakte ho aur apni English improve kar sakte ho.

FREE English books list aur kahan se padhe

Maine bachpan mein asan English books padh ke reading shuru kari thi. Aap bhi pehle simple books jo bache padhte hai padho.

Children’s books mana ki baccho ke liye hoti hai par kafi bade log bhi unko padhke enjoy karte hai.

Bahaut sari books free mein online padhi ja sakti hai project Gutenberg pe.

Actually, 100 saal purani hone par kitabon ka licence expire ho jata hai aur unko koi bhi padh sakta hai free mein. Iske liye internet pe ek project shuru kiya kara hai jiska naam hai project Gutenberg. is website pe aap 59,000 books free mein padh sakte ho.

Yahan click karke aap Gutenberg ke children books ke page pe ja sakte ho

Yahan se aap books download bhi kar sakte ho par sabse sahi hota hai us site pe hi books padhna.

Maine batata hun kaise.

Jab aap us link pe click karoge aap aise ek page pe pahuncho ge

Aapne neeche scroll karna hai aur koi free book choose karni hai. Mujhe Wizard of Oz ki kahani bahut achi lagti hai to mai neeche gaya aur maine us kahani pe click kar diya.

Ab ek screen ayegi jahan aap book ko download bhi kar sakte ho aur wahi padh bhi sakte ho.

Download karna theek nahin hai kyunki usko padhne ke liye aapko alag app chahiye hoga to sabse sahi hai ki aap wahi usko padh lo.

To next screen pe read this book online wala option pe tap karo.

Phir agli screen pe aap book padh sakte ho online aur free mein

Agar aap chaho to show simplified view pe bhi click kar sakte ho jahan view accha hota hai.

Maine ek list banai hai books ki jo aap padh sakte ho. Seedha click karke aap book ke online reading page pe chale jaoge.

English news, movies aur TV shows kahan se dekhe

English News NDTV 24X7 pe

Sabse accha tarika news channel ko free mein dekhne ka hai ki aap online dekh lo. English channels mein NDTV ek accha channel hai jahan English mein aap news dekh sakte hai.

Click karein NDTV 24X7 live online dekhne ke liye

Free movies aur TV shows online

Aap English Movies aur TV shows free mein website Popcornflix pe dekh sakte hai

Click karke popcornflix ke site pe jaye

Hotstar bhi accha hai English movies aur shows dekhne ke liye. Hotstar premium paid service hai jo ek saal ke liye rupees 999 ke liye hai.

Main aasha karta hun ki aap ko yeh article accha laga hoga.

Aap ne article to padh liya par yaad rakhna hai ki in 3 steps ko apne follow bhi karna hai.

Aap in steps ko follow karo aur mujhe comment karke batao ki kaisa chal raha hai. Main prathna/dua/prayer karta hun ki aap acchi English bolna shuru kar do aur apni zindagi badal pao

Jai Hind!

जब आशुतोष छोटा बच्चा था उसने कहीं पढ़ लिया की दुनिया के सबसे दिलचस्प लोगों को नहीं पता होता है की वह बड़े होंगे क्या बनेंगे। आशुतोष अब बड़े होने के बावजूद उसी सोच में अटका है।

3 COMMENTS

LEAVE A REPLY

Please enter your comment!
Please enter your name here