Jharkhand Army Rally Bharti Open Bharti 2019

4
296

Jharkhand ki sari districts mein hogi bharti April 1 se April 15 Tak

Online registration abhi khula hai jiski last date 16 March 2019 hai.

Yeh rally bharti Dumka (Jharkhand) ke New Football Stadium Kamar Dudhani mein hone wali hai April 1 se April 15 tak jismen sabhi 24 districts ke eligible candidates bhag le sakte hai.

Jharkhand Rally Bharti ka notification download karne ke liye neeche click karein⇓

Jharkhand rally bharti 2019 notification download kare

Click Karke Join Army Rally Bharti 2019 – 2020 Facebook Group

Jharkhand Army rally se jude sawal jo aapke mann mein honge

Q. Kaun kaun se post ke liye bharti ho rahi hai?

Is bharti mein yeh wali posts nikli hai

  • Soldier general duty
  • Soldier technical
  • Soldier tech nursing assistant
  • Soldier clerk/storekeeper
  • Soldier tradesman

Aap posts ki eligibility yahan check kar sakte hai. Is photo mein alag alag post ke liye kitni lambai, wajan aur kya padhai kari honi chahiye bataya hai.

 

Note: Adivasi candidate ke liye height 162Cm, weight 48 Kg aur chest 77 Cm (+5 expansion) hona chahiye

Click Karke Join Army Rally Bharti 2019 – 2020 Facebook Group

Q: Eligibility kaise check karein aur form kaise bharein?

Is rally bharti ki Eligibility aap joinindianarmy website pe check kar sakte hai. Wahin se form bhara jayega.

Step 1: joinindianarmy.nic.in website pe jayiye aur JCO/OE enrolment pe click kariye

 Step2: Eligibility pe click kariye

Steo Step 3: Form mein apna state, district, Tehsil, Date of birth height aur qualification dalo. Are you remustering candidate ko No karo aur neeche diye check eligibility button ko click karo

Step4: Aapko pata chal jayega ki aap kaun se post ke liye apply kar sakte ho aup wahi se app online apply kar sakte ho.

 

Q. Pehle rally bharti hoti hai ya entrance test?

Pehle rally bharti hoti hai aur jo log physical aur medical clear kar pate hai unko CEE (Combined entrance exam) ka admit card milta hai. Rally mein hi exam ki dates batayi jati hai.

Q. Kya main anya rajya se army rally bharti ke liye apply kar sakta hun?

Aapka domicile jis rajya se hai wahi ki rally bharti mein aap apply kar sakte hai. Domicile ka praman hota hai domicile certificate jo district magistrate ya tehsildar banake dete hai.

Aapka domicile us prant mein hota hai jahan aap 15 saal se zyada reh chuke hai.

Click Karke Join Army Rally Bharti 2019 – 2020 Facebook Group

Q. Army rally bharti mein kaun kaun se documents ya dastavez zaruri hai?

Dastavez ki kafi zarurat hoti hai rally bharti ke liye apply karne ke liye.

Form bharne ke liye bhi yahi documents chahiye hote hai to accha hoga ki yeh sab aap pehle se hi ikattha kar lein.

Jis time pe rally ke liye aane ko bola hai usi time pe report karna hoga aapko jahan rally ho rahi hai wahan.

Yaad rakhna hai ki aapko sare documents to neeche diye hai leke jani hai rally bharti ke time kyunki agar ek bhi document miss ho gaya to aapko reject kar diya ja sakta hai.

Yaad rakhna hai ki in sab certificates ke original aur 2 photocopy jo gazetted officer nein attest kari hai leke ani hai.

 

  • Admit card ka print out jo saaf dikhta ho. Yeh admit card aapko online form bharne ke baad milta hai.
  • 20 photographs latest jo unattested honi chahiye. Photos white background mein honi chahiye.
  • Sare school aur college ke marksheets aur certificates
  • 10th Matriculation ka certificate. Registration card, admit card.
  • 10th aur 12th ki marksheet
  • School leaving certificate ya college leaving certificate. Open school walon ko school leaving certificate chhaiye.
  • Domicile certificate ya Nativity certificate – Photo ke saath hona chahiye jo Anchal/Prakhand office nein issue kiya hona chahiye aur Tehsildar/SDO/SDM/District magistrate ne sign kiya hona chahiye. Computer generated hona chahiye.
  • Religion certificate state government, tehsil dar ya SDM se hona chahiye
  • Caste certificate photo ke saath jo tehsildar ne issue kiy aho. Adivasi certificate jo district magistrate ne issue kiya ho
  • School character certificate
  • Character certificate – Sarpanch, municipality ya police ka issue kara hua (Certificate 6 mahine se purana nahin hona chahiye)
  • Unmarried certificate – Certificate jo kehta hai ki aap ki shaadi nahin hui hai jo sarpanch ya district administration ne banaya hai
  • Single bank account ka number, PAN card aur Aadhar card
  • Agar aap ki umr 18 saal se kam hai to ek certificate lana hoga jo aapke parents ko sign karna hota hai aur sarpanch se attest karna hota hai (Format neeche diya gaya hai)
  • Agar aap adivasi ho to to aapko caste certificate ki zarurat hogi jismein District Magistrate ke sign hona chahiye
  • Affidavit – RS 10 ke stamp paper pe banaya jayega. Iska format yahan diya hai

Affidavit ka template download karne ke liye yahan click karein

 

18 saal se kam umr ke certificate ka format 

I am sending my son Name…… Date of birth….. for recruitment in Army on my own interest and
there is no objection on him joining the Army. I shall not ask for any compensation due to any
injury / illness sustained by my son during screening

Agar aap special category se hai to yeh certificate bhi chahiye

Son of serving soldier ya war widow and ex serviceman

Relationship certificate

NCC A/B ya certificate. Agar gantantra diwas parade mein (26 jan parade) mein bhag liya ho to uska bhi certificate chahiye.

Sports person

Agar aapke paas yeh certificate hai to sports category mein rahat milegi numbers ki. Aapke paas international level, national level, district level ka certificate hona chahiye.

Koi bhi sawal hai to is Facebook group ko join karein.

Click Karke Join Army Rally Bharti 2019 – 2020 Facebook Group

Agar aap bharti mein bhaag lena chahte hai to form bhar dijiye inline jake aur humko bhi batayein Faceboook group pe.

 

4 COMMENTS

LEAVE A REPLY

Please enter your comment!
Please enter your name here