Acchi job paana bahut logo ka sapna hota hai par acchi naukri paane ke liye interview me accha perform karna aur pass karna zaruri hota hai. Interview process bahut important aur final step hota hai jispar ye nirbhar karta hai ki aapko naukri milegi ya nahi. Bahut logo ko yeh jaankari hi nahi hoti hai ki interview ki taiyari kaise kare taaki interview clear hone ke chances zayda ho sake. Iss article mein aapko interview ki tyari ke baare me sab jaankari milegi.
Aap neeche diye gaye section par click karke apna topic easily padh sakte hai
Interview ki taiyari ke liye in steps ko follow kare:
- Company ke baare me research kare
- Job description (JD) ko acche se padhle
- Skills aur qualification ko job role se match kare
- Aksar pucche jaane wale questions ke answer prepare karle
- Interview ki practice/rehearsal kare
- Resume aur baaki documents tyar karle
- Kapadhe decide karle
- Location pehle hi dekhle
- Interviewer se puchne ke liye questions ready karle
1.Company ke baare me research kare
Kyun karni chahiye interview se pehle company ke baare me research?
Ye sabse pehla aur zaruri step hai interview ki taiyari karne ke liye. Aap jab bhi kisi company me interview dene ja rahe hai uss company ki important details ke baare mein aapko pata hona zaruri hai kyunki interview mein aksar yeh sawaal puccha jata hai “What do you know about this company?” ya “Aapko iss company ke baare mein kya pata hai?” Iss sawaal ka jawaab aapko pata hona chahiye aur isliye company research zaruri hoti hai. For example, About us, company kya karti hai, team members, current project/products, new announcements etc… Agar aapko company ki performance aur future plans ke baare pata ho toh yeh aap interviewer ko acche se samjha sakte hai ki aap kaise iss company mein aur value kaise add kar sakte hai.
Kaise Kare Company Research?
- Company ke baare me research karne ka sabse asan tarika hai ki company ki official website par jaaye aur website ko achhe se padhe. Company ki official website par latest news/announcements update hoti hai. Isliye interview mein jaane se pehle poori website acche se check kare
- Iske alava company ke social media handles jaise facebook, twitter, instagram par jaakar sab check. unka culture pata chale
- Agar aap uss company mein kisi ko jaante hai joh vaha current employee hai toh unse baat kare aur company ke baare me jaankari lele
- Employer/Recruiter ke baare me janane ke liye unke linkedin profiles check kare
Aapko jitni zayda jaankari hogi utna aapke liye accha hoga kyunki isse interviewer ko yeh bhi pata chalega ki aapne bahut zayda mehnat ki hai iss interview ke liye.
2. Job description (JD) ko acche se padhle
Aap jis bhi job role ke liye interview dene ja rahe ho uss job ke baare me sab kuch pata hona zaruri hai. Companies generally interview se pehle ji Job description (JD) bata deti hai.
‘Job description’ ek formal document hota hai jisme employee ko job mein kya kya kaam karna hoga ye describe kiya jaata hai. Isliye interview mein jaane se pehle JD ko acche se padhna zaruri hai kyunki interviewer aapse yeh pucch sakte hai ki “What do you understand about the job from the JD?” ya “Aapko iss job ke baare mein kya samjh aaya JD padhke?”
Iske alava aapko khud clarity honi chahiye ki jis job interview ke liye aap ja rahe hai uss job role mein joh responsibilities hai voh aapko karne mein interest hai ya nahi. Isliye job role ko acche se samjhana bahut zaruri step hai interview ki taiyari ka.
3. Skills aur qualification ko job role se match kare
Interview ki taiyari ka next step hai JD padhne ke baad ab aapko JD ko apne skill sets aur qualification se match kare. JD ke basis par ek list banale apni skills, experience, qualification, knowledge, abilities ke baare mein taaki aap interview mein inn sab baaton par focus karke answer kar sake jisase interviewer ko pata chale ki aap iss job ke liye fit hai.
4.Aksar pucche jaane wale questions ke answer prepare karle
Har interview mein kuch common questions hote hai joh humesha pucche jaate hai. Jaise ki:
Q.1) Apne baare me kuch bataye? (Tell me about yourself?)
Q.2) Aap kyun iss company mein kaam karna chahate hai? (Why do you want to join this company?)
Q.3) Aap apne aapko agle 5 saalo mein kaha dekhte hai? (Where do you see yourself in next 5 years?)
Isliye interview ki taiyari acchi se karne ke liye yeh better hoga ki aap pehle se hi commonly asked questions ke answers prepare karle taaki interview mein aap acche se answer kar paaye.. Answers prepare aur practice karne se aap interview mein zayda confidence ke saath answer kar payenge jisase aapke job milne ke chances badh sakte hai.
Interview ke Question & Answer Bank ke liye yaha click kare
5.Interview ki practice/rehearsal kare
Interview ke darr ki wajah se kaafi log interview mein ghabhra jaate hai. Iss nervousness ke chakkar mein log interview mein dhang se answer nahi kar paate jisase unka interview accha nahi jaata. Kaha jaata hai – “Practice makes a man/woman Perfect.” Isliye nervousness ko durr karne ke liye, interview mein jaane se pehle interview ki practice/rehearsal kare. Aap jitni practice karenge utni aapka darr kam hoga aur utna hi confidence level upar hoga.
English Improvement ke liye Click Karein
Interview ki taiyari ke liye aap kisi family member ya friend ki help le sakte hai ya toh mirror ke samne bhi aap ‘practice interview’ kar sakte hai. Interview ki practice yeh sochke kare ki aap sach mein interview process mein baithe hai. Practice interview ko real interview ke format mein hi practice kare. Jaise ki agar telephonic interview hai toh apne kisi friend ko bole ki aapko call kare interview ki practice karne ke liye. Saare questions joh aapko lagta hai ki interviewer aapse pucch sakte hai unko acche se practice karle aur confidently answer karne ki koshish kare.
6.Resume aur baaki documents taiyar karle
Aapka Resume/CV hi reason hota hai ki aapko interview ke liye call kiya jaata hai. Isliye resume bahut important role play karta hai aapki job hunt mein. Aapka resume pehle hi recruiter ke pass hota hai par yeh advisable hai ki aap apne resume ki kam se kam do extra copies acche quality ke paper par print karke ek file mein rakhkar interview mein lekar jaaye. Interview mein resume le jaana na bhule kyunki agar recruiter aapse aapka resume maangte hai toh vo aapke pass ready hona chahiye. Iske alava apne resume ko job ke hisab se banale aur interview mein jaane se pehle acche se padhkar jaayein ki aapne resume mein kya likha hai. Aapne resume mein job bhi likha hai uske baare mein aapko pata hona chahiye. Kabhi bhi resume mein jhooth na likhe.
Iske alava ek notepad/notebook aur pen bhi saath me lekar jaaye. Agar aapko recruiter ne koi documents laane ko bola hai toh un documents ko bhi pehle hi tyar karle.
Ek accha resume kaise banaya jaata hai iss baare me jananae ke liye yaha click kare
7. Kapadhe decide karle
Interview me interviewer par accha impression banana bahut zaruri hai aur sabse interviewer ek candidate me joh dekhte hai vo hai unki dressing. Isliye interview ke kapadhe ek raat pehle hi decide karle. Apne kapadhe bahut dhyan se choose kare kyunki aapki dressing aapki personality ko reflect karta hai aur kyunki interview ek professional affair hota hai toh isme candidate ki dressing bahut important role play karti hai.
Iske alava apne aapko groom ( cutting, shaving etc.. ) pehle hi karle.
“Interview mein professionally dreesup kaise ho?”- ke baare mein janane ke liye yaha click kare
8.Location pehle hi dekhle
Interview ki location pehle hi pata hona bahut important hai. Agar aapko location pehle hi pata hogi toh aap time se interview se pahuch sakte hai aur late pahuchne se bach sakte hai. Location ke liye Google Maps ka use kare ya company mein directly call karke location/landmark ke baare mein jaan sakte hai.
Interview location par pahuchne mein aapko kitna time lagta hai uss hisab se apne ghar se nikalane ke timings plan karle aur interview par time se pahuch jaaye.
9.Interviewer se puchne ke liye questions ready karle
Interview mein sirf interviewer hi nahi, aapko bhi questions puchne ka mauka milta hai. Interview ke aakhir mein interviewer aapse puch sakte hai ki ‘agar aapko koi question/doubt hai toh puche’ (‘Do you have any question’?). Kabhi bhi interviewer ko is sawaal ka jawaab ‘Nahi’ mein na de. Iss situation mein humesha aapke pass questions ready hone chahiye. Aapko agar koi point samjh nahi aaya company ya job role related, toh aap uske baare mein bhi puch sakte hai. Isliye kuch questions aap pehle se hi prepare karle taaki aap asani se questions pucch sake.
Par yaad rakhe kabhi salary, bonus ya holidays ke baare mein interview mein tab tak na pucche jab tak interviewer khud se nahi bolte.
Questions joh aap interviewer se puch sakte hai
Q.1) Hiring process ka next step kya hai?
Q.2)Company aur Job role se related kuch puch sate hai
Q.3) Company ke work culture ke baare me puch sakte hai
Q.4) Performance evaluation kaise hoti hai?
Upar batayi gayi interview ki taiyari karne ki baatein agar aap dhang se follow karte hai to yakinan aapka interview bahut accha jayega kyunki aap interviewer ko apna ek accha impression de sakenge. Agar aap interview pass kar lete hai to aapko job offer aajeyga. Job offer ke liye yaad rakhe ki company offer letter bhejti hai jisme aapki Date oj Joining, Designation, Salary, Holidays mention zarur hona chahiye. Jab tak aapko written mein offer letter nahi aata tab tak job final nahi hoti. Offer letter milne ke baad aapko company ko ek acceptance email zarur bhejna hota hai.
Email likhne ki tips Hindi mein jaane
Agar aapko job aur interview ke baare me aur jaankari chahiye jaise ki accha resume kaise banaya jaata hai, interview kya hai aur interview tips , interview me kya puccha jaata hai toh in articles ko padhe.
Personality development ki jaankari ke liye click kare
Koi bhi sawaal ho to comment zarur kare. Hum aapke sawaal ka jawaab dene ki koshish karenge.
Agar abhi bhi job interview se juda koi sawal ya koi jankari janna chahte hain toh niche comment karein, hum apki poori madad karenge.
Sir main ek graduate sales buisness development shopping online work me experienced person tha .kintu lambe samay se anek relavent companies aur as a fresher candidate hoke apply kiye jaa raha .lekin stable avam job joining interview good salary par mere near by location me bada typical hota ja raha hai.
Ek karan bhi samne aaya ki recruiter consultancy company bicholiye kisi bhi karan rupee paiso ki demand kar fraud mere sath kar chuke hai jisse mujhe job nahi mli paa raha.aapse request hai mere issues par job find kare yaa mujhe job naukri selection kara pane me helpful ho sake to main unemployee jisse gambhir chapet me nahi aa pau.sath yedi aap jobs company me mere resume cv ka massage ko aapke tark se refrence jaha main already de chuka hu unhi jobs prasidhh companies dijiye tab mujhe depression se bachane me aapka partial support kar payenge.meri skills communication languange command average se better hai .mere issues kitne important hai aap samajh sakenge.reply to early.
Coching wale bhi to ye tyari karate hai.
Isaki koi sabse achchhi book kaun si hai.