Janiye digital marketing ke interview question aur answers hindi me – Basic Level

0
100
Digital marketing interview questions and answers

Aaj ke daur me har koi ek acchi naukri pana chahta hai aur ek acchi naukri pane ke liye har us important profiles ki jankari rakhna jaruri hai jisme kaafi jyada openings hain. Currently, jo profile sabse jyada demand me hai wo hai digital marketing. In dino is profile me behtareen jobs available hain aur companies mein iski demand bhi badhti hi ja rai hai. Is article me humne digital marketing se judi har basic level k topics ko cover kia hai, jaise –

  1. Digital marketing kya hai?
  2. Digital marketing ka scope kya hai?
  3. Kaise bane ek behtareen digital marketing professional?
  4. Basic level ke sawal aur unke jawab.
  5. Digital marketing me use kiye jane wale abbreviations

Toh ayiye, jane kya hota hai digital marketing aur interview ke dauran kaise kaise sawalon ka saamna karna hota hai –

Digital marketing kya hai?

Digital marketing, marketing ka ek tarika hai jo ki digital technologies ko use karke kia jata hai. Isme alag alag madhyam se aap apne product ki marketing kar sakte hain jaise ki search ads, display ads, mobile phone etc.
Digital marketing, koi bhi kar sakta hai jisey marketing aur online marketing ki knowledge ho. Isme alag alag tarah ke profiles hote hain jaise digital marketer, online marketer, social media marketer, content marketer, copywriter etc. aur aap inme se koi bhi profile par naukri pa sakte hain.

Digital marketing ka scope kya hai?

Digital marketing aaj ke time me ek bhot hi important or growing field hai aur aane wale dino mein iski jarurat badhti hi chali jayegi.

Digital Marketing industry India se lekar pure world me boom pe hai. Picchle kuch saalon me India me digitalization kaafi grow kar chuka hai aur isilye digital fields se judi jobs ki bhi kaafi demand hai. Ek survey ke anusar digital marketing ki jobs India me picchle saal ke comparison me is saal 4 times badh gayi hai. Agey aane wale samaye me digital India ke sath digital marketing ka scope aur bhi badhega. Aur mostly companies aur businesses apne product ki marketing ke liye digital marketing ki help lenge.

Kaise bane ek behtareen digital marketing professional?

Ab sawal ye hai ke kya aap bhi ek behtareen digital marketer banna chahte hain? Agar haan, toh hum apki puri madad karenge. Digital marketer banne ke liye sabse pehle toh aapko ek accha resume/CV banana hoga, chahe aap fresher ho ya expereinced. Yahan aap jaan sakte hain ek accha resume/CV kaise banaye.

Agar apka resume tyyar ho gaya hai toh ab agla step hai digital marketing ke interview ki tyyari. Generally, ek digital marketer ki profile ke liye basic level se lekar advanced level tak ke sawal pucche jate hain. Is blog mein humne vishwashniya resources ki madad se basic level ke sawalon se lekar advanced level k sawalon aur unke jawab ko cover kiya hai. Toh ayiye jante hain, digital marketing interview mein kya puccha jata hai aur karte hain digital marketing ki interview ki taiyari.

Digital marketing ke interview ki taiyari

Basic level ke sawal aur unke jawab

Q.1) Google search kya hai?

A.1) Google search ke 3 basic steps hote hain –

Crawling aur indexing
Crawling ek process hai jisme crawlers Google ke search index kisi bhi webpage ya publicly available content ke information ko analyze karta hai.

Search algorithms
Search algorithm me Google ranking systems saikadon webpages se useful aur relevant results kuch hi minutes mein dhund kar nikal lata hai.

Useful responses
Aaj ki duniya mein, jahan internet aur content me wide variety maujud hai, Google search krke best and precise information, jisey aap dhund rahe hain, apke search result me show karta hai.

Q.2) Search engine kya hota hai?

A.2) Search engine ek system software hai jisey kisi bhi specific information ko World Wide Web ke through dhundne k liye use kia jata hai. Sabse jyada use kiye jane wale search engines hain –
Google
Duck-Duck Go
Bing/Yahoo

Q.3) SEO ka digital marketing me kya role hai?

A.3) SEO ka full form hai Search Engine Optimization, jo ki search engines pe kisi bhi blog, content, site ya pages ki visibility badhata hai. Kam shabdon me kaha jaye toh, SEO apke page ki ranking ko search engine ke pehle page par lane ki sabse acchi strategy hai.
For example: :Aap kisi certification program ke bare me janna chahte hain. Apne Google pe type kia keywords jaise certification in digital marketing, digital marketing course, digital marketing courses aur India me training programs. In keywords ko type karte hi, Google apko pehle page pe kayi sare results show karega jinme inhi keywords se related content hoga. Aur jin content me ye keywords nahi honge wo Google apko pehle page par nahi dikhayega.

Q.4) Website me kahan kahan keywords ka hona jaruri hai taki website ranking optimize ki ja sake?

A.4) Ek acchi Google ranking ke liye ye kuch areas hain website ke jahan keywords hona jaruri hai –
Keywords in h1, h2
Keyword in page URL
Keyword in meta tag
Keyword in website title
Keywords in web page content
Keyword in image alt tags

Q.5) Google AdWords kya hai?

A.5) Adwords ek advertising service unke liye jo kisi product ko Google pe advertise karna chahte hain. Ye PPC yani Pay Per Click advertising system pe kaam karta hai.

Q.6) Digital marketing term ko define karein?

A.6) Digital marketing ek wo tarika hai jissey online channels ke use se brand marketing ki jati hai. Isme kayi sare methods aur techniques hote hain jaise SEO, SEM, Link building, Email marketing, PPC etc.

Q.7) Online marketing ke kya fayede hain? Online marketing prefer kyun kia jata hai?

A.7) Online marketing prefer karne ke ye kuch fayede hain –
Online marketing prefer islye kia jata hai kyunki kisi bhi information ko aap online easily kaafi logon tak pahuncha sakte hain.
Aap easily apne customers tak apne product ki jankari pahuncha sakte hain aur feedback pa sakte hain.
Iske alawa jab bhi aap koi marketing campaign karna chahe, usme immediate changes kar sakte hain.
Online marketing kafi kam paise me ki ja sakti hai.
Iske alawa, aap kaafi precisely apne audience ko target kar sakte hain.

Q.8) Google Adwords kaise kaam karta hai?

A.8) Google Adwords basically auction system ki tarah kaam karta hai. Aap Adwords ki madad se apne product ki ad chala sakte hain aur jaise hi koi apke product se related keyword ko search krega, Google Apke ad ko search result pe sabse top par dikhayega. Iske alawa Adwords PPC (Pay per click) pe kaam karta hai, yani jaise hi koi us ad par click karega, aapko Google ko kuch paise pay karne padenge jo ki apke Google account se deduct ho jayega.

Q.9) Web traffic kya hota hai?

A.9)Website traffic ke dwara un users ke bare me bat kia jati hai jo kisi website pe aate hain. Web traffic ko number of visits se measure kia jata hai, jisey hum “sessions” bhi kehte hain aur ye ek common tarika hota hai kisi bhi online business ki effectiveness ko jaane ke liye.

Q.10) Kisi website pe traffic improve karne ka kya effective way hai?

A.10) Effectively traffic improve karne k liye hume referring links aur SEO pe focus karna chaiye. Issey hume visitants aur brand recognition gain karne mein madad milti hai. Iske alawa user retention (Users ko apne sath jode rakhna) bhi ek kaafi important factor hai.

Q.11) Google AdWords Re-marketing kya hai?

A.11) Google AdWords Remarketing ek targeted marketing strategy hai. Is tool ke dwara marketers un logon tak dobara pahunch sakte hain jinhone ek bar humara website visit kar lia hai. Re-marketing se hum unhe dobara apne visitors tak pahunch sakte hain aur unhe apne product ya business ki aur jankari de sakte hain. Remarketing ka main purpose lead conversion hota hai, jiska matlab hai koi visitor agar humare product ya business ki jankari lene website pe aye toh hum usey adhik jankari aur ads k madhaym se apna product bech sakein.

Q.12) Aap latest Digital Marketing trends ko kaise pata karte hain?

A.12) Generally, blogs ya fir videos k madhyam se aap Digital marketing ke regular updates pa sakte hain ya fir kisi mentor ki madad bhi le sakte hain.

Quick Tip – Digital Marketing ek dynamic aur evolving field hai. Isliye ye bhot jaruri hai ke as a digital marketer aap blogs, books, ya webinars ke madad se har aane wale naye terms aur trends se updated rahe.
Yahan hum kuch referrals mention kar rahe hain jinse jude rehkar aap apne apko digital marketing field me updated rakh sakte hain aur yahi referals aap answer me bhi bata sakte hain –

Q.13) Digital marketing karne ke kya kya tarike hain?

A.13) Digital marketing karne ke ye kuch tarike hain –

Search Engine Optimization (SEO)
Search Engine Marketing (SEM)
Content Marketing
eCommerce Marketing
Social Media Marketing and
Email Marketing

Q.14) Digital marketing me “keywords” kya hota hai? SEO me iski kya importance hai?

Keywords in SEO
Image source – Pixabay

A.14) Jab bhi hume koi relevant information dhundni hoti hai, wo us information se related keyword hi hota hai jisey hum search engine me daalte hain. Keywords SEO aur better page ranking ke liye kaafi important hota hai. Keywords ki placement page ranking me kaafi important role play karti hai.

 

Q.15) Google Adwords kya hai?

A.15) Google Adwords sabse jyada famous PPC advertising model hai. Google AdWords dwara hum ads (Search or Display) create karte hain jo ki that Google search engine aur Google ki baki properties me dikhayi deta h.

Q.16) PPC kya hai?

A.16) PPC matlab hota hai Pay Per Click. Ye ek advertising technique hai jissey hum websites pe direct(paid) traffic. Isey Cost Per Click bhi kaha jata hai. Advertisers apne website k ad pe click hote hi Google adwords ko pay karta hai.

Q.17) Kuch PPC tools ke naam batayein?

A.17) Niche diye gaye kuch tools hain jo PPC(Pay Per Click) ke liye use kiye jate hain –

Q.18) SEO aur SEM me kya difference hai?

A.18) SEO (Search Engine Optimisation) – SEO apki website/blog ki ranking aur search engine result pages (SERPs) par apki appearance ko behtar karta hai.

SEM (Search Engine Marketing) – Jab hum kisi bhi search engine pe apne product ya business ki ad chalate hain, usey hum search engine marketing kehte hain.

Q.20) What are the two pillars of SEO?

A.20) Keywords aur Links building SEO ke do bhot important pillars hain. Keywords ki help se SEO ko improve kia ja sakta hai aur Link building apke page traffic and ranking me help karta hai.

Digital marketing me use kiye jane wale abbreviations

Digital marketing me ese kayi terms use kiye jate hain jo ki abbreviations hain aur unka matlab samajhna kaafi jaruri hai. Niche humne kuch important abbreviations aur unki definition mention kiye hain jo ki aksar interviews me puccha jata hai.

Q.21) In abbreviation ke full-form aur definition kya hai?

A.21) A/B Testing – A/B testing ko split testing bhi kaha jata hai, aur is process se hum ek hi objective ke liye do alag alag variants pe campaigns chala sakte hain aur determine kar skate hain ki kon sa campaign better performskar raha hai.

B2B (Business-to-Business) – Jab ek business dusre business ko apna product sell karta hai, usey hum B2B company kehte hain. For examples, Salesforce aur HubSpot primarily B2B companies hain.

B2C (Business-to-Consumer) – Ye term un companies k liye use kia jata hai jo apne products ko direct customers ko sale karte hain. For example, Amazon and Starbucks B2C companies hain.

Call-to-Action (CTA) – Call-to-action ek text link, button, image or web link hota hai jo ki ek visitor ko landing page tak lekar jata hai. For example, “subscribe now” ya “request a quote today” call-to-action hain.

CPC(Cost Per Click) – CPC search engine marketing (SEM) se juda ek term hai, jisey paid search advertising bhi kehte hain. Kisi bhi online paid ads ke liye click aate hi jo paise hum pay karte hain usey CPC kaha jata hai. CPC tabhi count kia jata hai jab kisi ad per click ayi ho na ki sirf view aya ho.

CPM (Cost Per Thousand) – CPM buying ya selling ka standard unit mana jata hai. CPM mein “M” miles ko kehte hain jisey actually per thousand impression ya views ke according count kia jata hai. For example, agar ek publisher apke ad ke liye $2.00 CPM charge karta hai matlab aap us advertiser ko us ad ke liye $2.00 pay karenge for every 1,000 impressions.

CTR (Click-Through-Rate) – CTR ek precentage of audience hai jo batata hai ke kitne percent users apke website se hote hue apke marketing campaign ke next part tak gaye hain. Ye apke advertising campaign aur email campaigns ke success ka idea batata hai.

KPI (Key Performance Indicator) – KPI ek performance measurement ka tarika hai jo ki batata hai ke kisi product ki performance kaisi chal rai hai aur business objectives ko achieve kia ja raha hai ya nahi. Marketers KPI ko apne marketing campaigns ke success ko janne ka ek important factor mante hain.

ROI (Return on Investment) – ROI ko percentage me express kia jata hai, aur isey kisi investment ki efficiency aur profitability ko evaluate karne ke liye use kia jata hai.
ROI ko calculate karne ka formula hai: (Gain from Investment – the Cost of Investment) divided by (Cost of Investment).
Agar ROI negative hai, toh ye kaha sakta hai ke company investment ko profit me convert nai kar pa rai.

UX (User Experience) – User experience ye batata hai ke apki website apke user ke liye kitni friendly hai. User ka interaction, purchase, use of a service or product, ye saare factors UX ke liye matter karte hain. Ek accha expereince apne users ko provide karne ke liye, as a marketer apko apne aapko ek user ki tarah sochna chaiye.

 

Toh ye the kuch basic level ke digital marketing ke interview questions aur unke answers. Humari poori kosish rahi hai ke hum best aur mostly puche jane wale saare interview questions aap tak pahunchaye, aur agey bhi hum is article ko update karte rahenge taki aap kisi bhi interview ko asani se crack kar lein.

Agle article me aap padh sakte hain digital marketing ke interview se judi advanced level ke questions aur unke answers. Meanwhile, agar aap chahe toh humare BPO ke interview se judi poori jankari ko padh sakte hain aur BPO ke job ki taiyari kaise karen jan sakte hain.

Tab tak agar apke mann me koi bhi digital marketing se jude sawal hain ya koi comment hai toh hume jarur bataye. Hum aapki poori help karenge.

LEAVE A REPLY

Please enter your comment!
Please enter your name here