Agar aapko aacha aur svaadisht khanna banana aata ho aur saath hi saath khud ka business karne ki ek ichchha ho toh fast food ka restaurant ya fast food ki shop ka business aapke liye bahut hi laabhadaayak sabit ho sakta hai. Humare desh mein fast food ki industry mein peechle kuch saalon mein kaafi raftaar se vikaas hua hai. Iska kaaran hai ki log svaadisht khanna toh pasand karte hi hain saath hi saath fast service bhi pasand karte hain aaj kal ke tej vaataavaran mein.
Saal 2015 mein iss industry ka business kareeban Rs. 17,500 arab tha aur saal 2020 tak business Rs. 22,050 arab tak pahunch jaayega. Iss information ko dekh ke ek anadaza lagaya jaa sakta hai ki fast food restaurant ya shop ka business kitna zyada munafe wala business hai. Shop aur restaurant ke saath fast food stall ka business bhi ek munafe wala business hai. Toh aaiye iss article ke maadhyam se seekein fast food business plan in hindi.
Iss article mein hum jaanenge
Fast food ka business kon khol sakte hain
Fast food business ke udaaharan
Fast food restaurant/shop kahan khole
Fast food business ke liye license
Fast food business ka saaman aur nivesh
Fast food restaurant/shop ki marketing
Fast food business badha kaise sakte hain
Fast food business ke liye tips
Fast food ka business kon khol sakte hain
Fast food restaurant, fast food shop ya fast food stall ka business ek aisa business hai jisske liye aapko apne school ki qualification ki koi bhi jarurat nahi hai, iske alawa koi college degree ki bhi koi bhi jaurat nahi hai. Iss business ke liye sabse important chhez hai aapki skills khanna banane ki. Agar aap svaadisht khanna bana sakte hain toh aap iss business ke liye qualified mane jaate hain.
Haan yeh jarur hai ki agar aapko koi specialised tareeka ka khanna bechna hai ya aap chahate hain ki aapke paas ek degree ho jisse dekh kar graahak aakarshit hon, toh aapko apni chef ki degree leni padegi. Chef ke degree ke liye adhik
Fast food business ke udaaharan
Fast food ka matlab hota hai ki svaadisht khanna jo bahut hi tejee se serve kiya gaya ho. Fast food ke bahut udaaharan hote hain, zyada tarr yeh woh food hote hain jinke banane mein zyada waqt naa lage. Jaise ki:
- Momos
- Burger
- Noodles
- Sandwich
- Pizza
- Biryani
- Punjabi khaana
- South Indian khaana
Yeh kuch jaane maane fast food ke udaaharan hain jo humare desh mein bahut hi lokapriy hain. Kaafi bari bari companies ne iss praakar ke fast foods ko bech kar arabon rupay kamaye hain. Jaise ki McDonalds, Dominos, Subway, etc.
Fast food restaurant/shop kahan khole
Kisi bhi businessman/businesswoman ko apna business start karne se pehle market research kar leni chahiye. Isse ek andaza lag jata hai uss area ka jahan aap apna business start karna chahate hain.
Issliye aapke fast food restaurant/shop ke business plan mein loacation yani jagah ko kaafi mahattv dena chahiye, kyunki location hi hai jo aapke business ke success mein sabse bada hissa rakhti hai.
Important cheezein jo aapke dimaag mein honi chahiye apne business ke location choose karne se pehle:
1) Zyada graahak: Agar aapki fast food ki dukan, fast food ka restaurant ya fast food ka stall aisi location par hai jahan pehle se hi graahakon ki sankhya zyada hai toh isse aapke business ke munafe mein bahut mada milti hai. Aisi jagahon ke kuch udaaharan:
- Schools/Colleges
- Offices/Factory
- Cinema/Theatre
- Bus stand/Train station
2) Competition: Apna fast food ka business kholne se pehle yeh dekhna bahut jaruri hota hai ki uss market mein pehle se aapka koi competition hai ki nahi. Competition se humara matlab hai ki fast food ki shps/restaurants jo pehle se hi uss location mein ho. Aisi locations par apna fast food ka business shuru karna jahan pehle se high competition ho bahut hi jokhim bhara pehsala ho sakta hai.
3) Infrastructure ki upalabdhata: Basic infrastructure ki upalabdhata jahan aap apna fast food ka business kholna chahate hain bahut jaruri hota hai. Basic infrastructure jaise ki bijalee, paani, sadak, etc hote hain. Inn sabh cheezon se aapke business mein problems aane ki kam chances hoti hain.
Fast food business ke liye license
Jo licenses ki jarurat padti hai Bharat mein fast food ka restaurant ya fast food ki shop kholne ke liye, woh hain:
- FSSAI
- Health/Trade license
- Eating house license
- Shop & establishment act
- GST registration
- Fire department
- Music license
- Certificate of enviromental clearence
- Signage license
1) FSSAI Food Safety and Standards Authority License: FSSAI ya Food ka license sabse mahattvapoon license hota hai ek fast food ka restaurant ya fast food ki shop kholene ke liye. Yeh license Food Safety and Standards Authority of India se milta hai. Iss license se ek graahak bina kisi tanaav ke ek restaurant ya shop pe baith ke khanna kha sakta hai, kyunki iss license ka matlab hota hai uss restaurant ya shop ka khanna saftey standards ko match karta hai.
Yeh license ek 14 digit unique number hota hai jo restaurants ko display karna hota hai graahakon ko.
Documents required
- Id proof & address proof
- Valid email id
- Phone number
- Affidavit
- Declaration Of Food Safety Management Plan
- Kitchen Layout Plan
- List Of Food Category
- Water Testing Report from ISI approved Facility
- No Objection Certificate (NOC) from the owner or the partner
- Medical Certificates of Employees
FSSAI license kaise paye
Aap FSSAI license ke liye unki website pe aaply kar sakte hain FSSAI website, license ki laagat kareeban Rs. 2,000 hain ek saal ki. Application se juri baki jaankari aapko FSSAI ki site par mil jaayegi. FSSAI ke license se judi jaankari pane ke liye padhein humara blog FSSAI LICENSE.
2) Health/Trade license: Municipal Corporation Act (1957) ke 11th module mein Health/Trade license ke bare mein jaankari di hui hai. Yeh license tabh zyada important jab public ki health ke bare chinta hui. Yeh license local civil authorities generate karte hain, jaisse ki State Municipal Corporation ya phir Health Department.
Documents required
- Sanction and Completion (Includes Ownership proof, Rent Agreement or NOC from landlord)
- Three copies of the site plan and layout
- Indemnity bond for Rs.100
- Structural Stability Certificate signed by Structural Engineer
- Power and Water paid Bill
- Sewer Connection Proof
- Letter from Delhi police is also required for swimming pools, cinema halls, and hotels
- Water Testing Reports
- Plan of the Premises
- Medical Certificates of Employees
- Proof of Property Tax
- Lal Dora Certificate, if applicable
- Medical Fitness Certificate of Workers
Health/Trade license kaise paye
Application process Health/Trade licenses ke liye kaafi aasan hota hai, iski laagat lagbhag Rs.500- Rs.50,000 hoti hai. Ek businessman ya businesswoman iss license ke liye ya toh CSB pe apply kar sakte hain ya phir online.
Bare shaharon mein license ke liye link:
3) Eating house license: Yeh license uss shahar ke licensing police commissioner ke duwara milta hai, iski laagat lagbhag Rs.300 hoti hai teen saal ke liye.
Documents required
- Documents to prove the legal occupancy of the place of Eating House and in the case of tenancy, NOC from the landlord
- Site Plan containing details of the size of Eating House
- Photographs of the place showing its usage as an Eating House
- Photocopy of Valid NDMC/MCD/DCB/Airport Authority of India trade license and free receipt.
- Residence proof of the applicant
- An affidavit on the stamp paper of Rs 10 duly attested by Notary Public
- Fire NOC, if the seating capacity of the eating house is 50 or more
- Undertaken with regard to amusement activities
- Undertaking regarding the installations of CCTV Cameras with 30 days recording facility
Eating house license kaise paye
Eating house license pramukh shaharon mein paane ke links:
4) Shop and Establishment Act: Agar aap Bharat mein kisi bhi food ka business chalana chahate ho toh aapko Shop and Establishment Act ke andar apne restaurant ya shop ko register karwana bahut mahattvapoon hota hai. Iss license ki laagat lagbhag Rs.200- Rs.4,000 tak hoti hai ek saal ki, yeh laagat aapke karamchaareeon ki sankhaya aur restaurant ki location pe depend karte hain.
Documents required
- Pan Card
- Identity Proof
- Address proof of the proprietor, partner or the company
- Details of the employees
Shop and Establishment Act License kaise paye
Pramukh shaharon ka Shop and Establishment Act License pane ka procedure:
4) GST Registration: GST ki registration sabse mahattvapoon cheez hoti hai jo ek business man ya businesswoman ko karni chahiye, agar woh chahate hain ki unka fast food ka business bina kissi dikat ke chale.
Documents required
Ownership proof:
- Allotment and possession letter from Authority / Transfer Memorandum.
- Copy of Registered lease deed.
Ya phir,
Rent Agreement aur Electricity Bill owner ke:
- Copy of Pan Card of Proprietor/Partnership Firm.
- Copy of the Partnership Deed
- Copy of Aadhar Card of Proprietor/all partners
- One passport size-photo of proprietor/all partner.
- Mail ID and Mobile No. to receive OTP & Verification links of all partners
- Latest Bank Statement containing Name, Address and IFSC Code of Branch of Bank.
- List of Item to be traded ( if you want to sell stuff over the counter also)
- List of Item to be traded/manufactured
- Digital Signatures of authorized partners
- Authority Letter in favor of dealing partner
GST Registration kaise paye
GST REgistration ka process ek bahut hi aasan process hai jissmein ek businessan ya businesswoman ko important documents ko file karna hota hia online www.gst.gov.in. GST se judi aur zyada jaankari pane ke liye padhein humara blog GST Registration
5) Fire Department: Ek restaurant ka owner kabhi nahi chahega ki uske graahakon kuch ho. Tabhi ek NOC (No Objection Certificate) Fire Department se lena bahut hi jaruri hota hai ek fast food ka restaurant ya fast ki shop chalane ke liye.
NOC kaise paye Fire Department se
Isske liye ek restaurant ko NOC ke liye register karna hoga State Fire Department ke paas restaurant ya shop ki building banne se pehle. Application online mil sakta hai State Goverment ki website par. NOC ke liye koi bhi fee nahi lagti hai. Pramukh shaharon mein Fire Department paane ke links:
6) Music License: Agar aap pehsala lete hain ki aapke restaurant ya shop mein gaana bajega tabh aapko apne restaurant ya shop ke liye Music License chahiye hoga. Agar ek restaurant bina kissi license ke gaane chalate hain toh phir unko legal charges face karne padenge. Aur jaankari ke liye click on this website.
7) Certificate of Environmental Clearence: Kissi bhi restaurant apne graahako ke saath saath apne aas paas ke environment ka bhi dhyan rakhna hota hai, issliye restaurants ko Certificate of Environmental Clearence ke liye apply karna hota hai.
Certificate of Environmental Clearence kaise paye
Certificate of Environemental Clearence ke liye apply karne ke liye aur paane ke liye click on this website.
8) Signage License: Apne fast food business ki jabhi aap marketing karenge jaisse ki hoardings, symbols, pictures, pamphlets, etc. ke duwara tabh aapko uss ke liye legal permit ki jarurat padegi. Woh legal permit Signage License hota hai. Sighnage License ke liye local civil authority jaisse ki Municipal Corporation ke paas apply kar sakte hain.
Fast food business ka saaman aur nivesh
Yeh woh cheezein hain jo aapke fast food ke business ko bina kissi problem ke chalne mein madad karti hain.
Infrastructue
| Saaman | Quantity | Price (approx.) |
| Aluminium kadhai | 3-4 | Rs.2,200 |
| Pan lid ke saath | 2-3 | Rs.1,500 |
| Frying pan | 2-3 | Rs.1,350 |
| Aluminium karchi | 4-5 | Rs.300 |
| Chaakoo | 4-5 | Rs.750 |
| Cutting board | 2 | Rs.1,200 |
| Alluminium cooker | 2-3 | Rs.600 |
| Food strainer (channi) | 2 | Rs.800 |
| Gas stove (4 burner) | 1-2 | Rs.4,000 |
| Plates | 25-30 | Rs.3,000 |
| Kattori | 25-30 | Rs. 1,500 |
| Spoon (chamach0 | 25-30 | Rs.600 |
| Fork (katta) | 25-30 | Rs.900 |
| Paper napkins | 5 lagbhag (Aapko dekhna padega ki kitnon ki jarurat hai) | Rs.250 (full box) |
| Containers | 9-10 | Rs.2,000 |
| Glass | 25-30 | Rs. 1,500 |
| Steel tong | 2-3 | Rs.600 |
| Fridge | 1 | Rs. 6,000 |
| Total laagat | Rs. 30,000- Rs.35,000 |
Iss saaman ke alawa jo basic saaman kissi bhi khaane ke restaurant ya stall mein jo hona chahiye jaise ki namak, mirch, haldi, masale, oil, vinegar, etc. uski laagat harr mahine ki lagbhag Rs.10,000 se Rs.12,000 tak hogi. Yeh laagat bahut hadd takk aapki cuisine pe bhi depend karti hai.
Rent
| Restaurant | Shop | Stall |
| Rs.70,000- Rs.1,00,000 | Rs.20,000- Rs.40,000 | Rs.5,000- Rs.10,000 |
Aapke business ka rent kaafi cheezon pe nirbhar karta hai, upar di hui information bas ek mota mota andaza hai. Kisi bhi restaurant/shop ka rent uski location par bahut hadd tak nirbhar karti hai. Iske saath agar aapke electricity aur paani ki laagat agar rent ka hissa hai toh thikh hai warna aapki rent ki laagat aur badh jaayegi.
Agar aapki pehle se hi khud ki dukan, shop ya stall hai toh phir aapko rent ki laagat nahi deni padegi.
Furniture
| Naam | Quantity (approx.) | Price (approx.) |
| Table plastic | 4-5 | Rs 800 (approx.) |
| Chair plastic | 16-20 | Rs 100 (approx.) |
| Dustbin plastic | 2-3 | Rs 150 (approx.) |
| Total laagat | Rs 6450 |
Agar toh aap apna fast food ka stall kholne ka phesala karte ho toh aapko furniture ki laagat ki jarurat nahi padegi, sirf ek dustbin khareedna padega.
Iske saath fast food business mein karamchaareeon ki salary bhi business ke liye ek laagat hoti hai. Karamchaareeon ki salary Rs.10,000- Rs.15,000 tak hoti hai ek mahine ki. Karamchaareeon ki sankhya kisi bhi business ki aavashyakata pe nirbhar karti hai.
Total Nivesh (final investment)
Infrastructure, Furniture aur Rent ko mila ke jo puri laagat banegi woh aapka total nivesh hoga apna fast food ka business kholne ke liye.
| Restaurant | Shop | Stall |
| Rs.1,20,000- Rs.1,50,000 | Rs.60,000- Rs.90,000 | Rs.30,000- Rs.50,000 |
Aap iss nivesh ke liye apna khud ka paise laga sakte hain ya phir bank se loan leke apne business ke liye paison ka intazam kara sakt6e hain. Bank Loan se judi aur zyada jaankari pane ke liye padhein humara blog Bank Loan.
Fast food business se munafa
Aapke fast food ke small restaurant business plan mein sabse jaruri cheez hai munafa, munafa aapki mehnat par depend karta hai, matlab ki aap kitna svaadisht khanna bana sakte hain aur zyada se zyada kitne graahakon ko serve kar sakte hain.
Fast food ke business ka koi season nahi hota hai yani ki aapka munafa sardi aur garmi mein zyada tarr same hi rahega. Fast food aaj ke waqt mein bachon ke saath saath badon mein bhi kaafi lokapriy hai. Iska matlab ki abh fast food ke business ke graahakon ki sankhya kaafi zyada badh gayi hai.
Ek fast food ke small restaurant, fast food ke shop aur fast food ke stall ke munafe mein bahut antar hota hai. Restaurant ki laagat zyada toh hoti hai magar uski kamaee bhi zyada hoti hai, waise hi shop aur stall ki laagat kam toh hoti hai magar uski kamaee restaurant ke mukabale kaafi kam hoti hai.
Fast food business ke profit margin 40% – 50% ke hote hain. Kisi bhi fast food business ki pramukh laagat uski food ki laagat, karamchaareeon ki salary, rent ki laagat, license ki laagat, etc. hoti hai. Inn sabh ko jab kamaee mein se nikal diya jata hai tabh munafa nikalta hai.
Fast food restaurant/shop ki marketing
Kisi bhi business ki marketing ya prachar, chahe woh chota ya bara ho, uske saphalta mein bahut jaruri hissa play karta hai. Marketing ka matlab hota hai ki logon tak apne business ke bare mein jaankari pahunchana, jisse woh log aapke graahak bane.
Marketing se aap apne competitors se business mein behtar hojate hain, marketing ki madad se aap zyada se zyada graahakon ko apne business ki taraf aakarshi kar sakte hain. Tabhi ek fast food restaurant/shop business plan mein marketing ko kaafi mahattv diya jata hai.
Fast food business ki marketing ke tarike ya ideas:
- Apne business ki shuruwati dinnon mein aap apne restaurant, shop ya stall pe fast food apne competitors ke mukabale kam daamon pe bech sakte hain. Isse aapka business aapke competitors se behatar karega, kyunki zyada graahak aapke yahan aayenge saste fast food ke liye.
- Aap apne restaurant, shop ya stall ki advertising pamphlets ke duwara bhi kar sakte ho. Jo aap alag alag jagah mein baath sakte hain jisse zyada se zyada logon ko aapki dukan ki jaankari millegi.
- Aap apne business ki marketing social media pe bhi kar sakte hain jaisse ki Facebook aur Instragram par. Inn social medias pe aap apne business ke pages bana sakte hain jahan log aasakte hain aur aapki shop, restaurant ya stall ke bare mein jaankari paa sakte hain.
- Kisi bhi local food blogger ko contact karke aap apne restaurant, shop ya stall pe invite kar sakte hain. Ek food blogger jab aapke business ke bare mein cover karenge toh unke followers ko aapke business ke bare mein jaankari millegi, isse aapke graahakon ki sankhya badhegi.
- Aap apne fast food business ko google ke My Business Google tool, jo ki muft hota hai, par daal kar apne business ka free online prachhar kar sakte hain. Isska fayeda yeh hai ki jabhi koi Google pe search karega fast food ke restaurant, shop ya stalls ke liye aapke aas paas ke area mein toh usse bare hi aaram se aapke business ki jaankari mil jaayegi. Yeh tool aapki shop ka naam, shop tak pahunchne ke liye directions, aapki shop ka phone number, aapki shop ke timmings, aapki shop ke upar doosre logon ke vichar, shop ke ratings, shop ki tasveerein, aur baki jaankariyan ek hi jagah pe aasani se bata deta hai.
Google my business pe account bana ek bahut hi saral prakriya hai, jiske bare mein jaane ke liye click karein.
- Apne fast food restaurant ya shop ka offline praachar aap hoardings ke duwara bhi kar sakte ho. Hoardings se logon ko aapke fast food ke business ke bare mein jaankari bare hi aasani se mil jati hai.
- Sabse mahattvapoon tarika marketing ka customer satisfaction hota hai, iska matlab aap apne graahakon ko aisa khanna aur services provide karo ki woh satisfy ho kar aapke business ka praachar doosre logon mein
Fast food business badha kaise sakte hain
Jab aapka business kaafi hadd tak safal hojata hai aur aapke paas aur vikaas ke liye aur koi tarike naa bache hoon, tabh aapko apne business ko badhane ka sochna chahiye. Jaise ki:
- Shop/Restaurant ka size badhana: Jab aap apni shop ya restaurant ka size badhayenge tabh aapke paas zyada graahakon ko serve karne ki jagah hogi saath hi saath zyada khanna banane ki jagah bhi.
- Contracts: Aap doosre busiensses jaisse ki gaming ki shop, cinema, etc. ke saath contract kar sakte ho jisse woh apne graahakon ka khanna aapki dukan se hi order karein.
- Canteen: Aap schools aur colleges ke saath baat karke unke canteens mein khanna serve karne ka contract le sakte hain.
- Naye shop/restaurant: Aap apne fast food ke business ke naye branches khol sakte hain alag alag locations pe, isse aap alag alag jagahon ke graahak capture kar sakte ho.
- Fast food trucks: aap apna business badhane ke liye apni fast food ka truck bhi khol sakte hain. Food truck se judi aur jaankari paane ke liye click karein.
Fast food business ke liye tips
Yeh humari taraf se kuch tips hain jinko isstamal karke aap apne fast food ke business ko aur majboot aur safal bana sakte hain.
- Aapke fast food restaurant, shop ya stall ka naam aisa hona chahiye jisse zyada se zyada graahak aakarshit hon.
- Jo saaman aapke fast food banane ke liye isstamal hota hai unke daam kaafi hadd tak seasonal hote hain, issliye inn daamon ka andaza aapke paas hona chahiye jisse aap apne munafa maintain kar sakte hain.
- Aapka restaurant, shop ya stall har waqt saaf sudhara hone chahiye isse graahakon ko aapke fast food ke business par khanne mein koi bhi dikat nahi hogi.
- Jo plates, spoons, forks, kattori, etc. aapki shop pe isstamal hote hain woh bhi har waqt saaf sudhare hone chahiye.
- Graahakon ke saath ek businessman/businesswoman ko humesha ache se vyavahaar karna chahiye, kyunki graahak hi munafa dilwate hain.
- Aapke karamchaareeon ko aapke fast food business wali uniform pehanna chahiye service ke time.
- Aapke restaurant ya sho ki diwaarein saafi sudhri honi chahiye, papdi aur selan diwaaron par nahi ho sakti hai.
- Aap LED lights ka isstamal kar sakte hain apni fast food restaurant, fast food shop ya fast food stall ko sundar banane ke liye, jisse aur zyada graahak aakarshit hon.
Iss article ke zariye se humari taraf se ek koshish thi ki aapko har woh baat batane ki koshish karein jo aapko ek acha aur safal fast food ka business chalane mein madat kare.
Agar aapko aur koi baat jaanani ho ya aur koi sawal ho jo aapke fast food ke business se jura ho toh aap nieche diye hue comments section mein likh ke humse pouch sakte hain, hume bahut khushi hogi aapke jawabon ka uttar dene mein, aur hum aasha karte hai ki aapka fast food khelane ka business bahut taraki kare aur aap acha khasa munafa kaamane lagein. Humme apna kimti waqt dene ke liye bahut bahut shukriya.
